Во рачно изработените сапуни нема алкохол, адитиви и конзерванси.

Во светот на козметиката, сапуните од полиците во продавниците ги избуткаа речиси сите купки и гелови за бањање. Сепак, квалитетот на домашните, рачно изработени сапуни, секогаш доаѓа до израз, бидејќи во нив нема алкохол, адитиви, конзерванси, па шансите да предизвикаат алергии или лупење на кожата се минимални…Покрај тоа, имаат “шарм”, мирисаат убаво и од нив се чувствувате добро.

Направете го својот сапун со лимон, а тоа воедно може да биде и одличен подарок за вашите пријатели.

Како база потребни ви се само сапун од козјо млеко, етерично масло од лимон, како и изрендана кора од четири лимони.

Исечете ги на коцки сапунот од козјо млеко, загрејте во микробранова на 30 секунди или во метален сад на шпорет, додека сапунот не се растопи, односно да премине во течна форма. Потоа, додадете етерично масло и кора од лимон и добро помешајте.

Смесата ставете ја во саканите калапи и оставете да се зацврсти (најмалку 60 минути).

Чоколадото многумина го нарекуваат  “сладкиот грев”. Желбата за црното”задовоство” понекогаш ги надминува сите граници…

Доколку Вие спаѓате во групата кои го обожаваат вкусот, мирисот на црното чоколадо можат на многу едноставен начин освен што ќе ги задоволат сетилата за вкус, мирис да го задоволат и сетилото за допир.

Чоколаден сапун е идеалната можност да ја наградите вашата кожа во овие ладни зимски денови, верувајте ќе ви биде бескрајно благодарна а Вие ќе го достигнете врвот на задоволството кои го нуди чоколадниот рај.

За подготовка на чоколаден сапун потребни ќе ви бидат неколку едноставни состојки кои ќе може да ги набавите во најблискиот супер маркет и 20 минути слободно време.

120 милилитри слабо – ароматичен течен сапун

20 капки етерично масло од чоколадо

2 -3 лажички какао во прав

Подготовка на чоколадниот сапун

Течниот сапун ставете го во мал сад на рингла и варете го на тивок оган. По 10 минути варење од садот извадете 2 големи супени лажици од зовриениот течен сапун и во друг сад настрана со помош на мало лажиче измешајте ги со какаото. Мешајте додека не добиете густа маса. Во добро измешаната маса во која нема грутки од какаото додадете ги 20 те капки од етеричното масло од чоколадо. Измешаните состојки ставете ги во претходно зовриениот течен сапун.

Течниот сапун од чоколадо ставете го калап по ваша желба и за половина до 1 час Вие веќе го имате чоколадното задоволство во вашата бања.

Уживајте во неверојатно задоволството!!!

Многу луѓе денес повеќе веруваат во рачно изработените сапуни, отколку во индустриските. Вистина е дека индустриските пријатно мирисаат и убаво се спакувани, но се поставува едно клучно прашање: Како тие влијаат на вашата кожа? Често може да се сретнат личности на кои од овие сапуни им се појавуваат различни алергиски реакции или пак, им се суши кожата.

Но, освен што е потреба, правењето домашни сапуни е бизнис-хоби со кое се занимаваат многу луѓе, нудејќи ја својата рачна изработка, а притоа од истата заработуваат. Најубав дел во целата оваа приказна е тоа што вие самите можете да си изберете состојки и мириси кои ги сакате, а нивната изработка е многу лесна и истата можете да ја видите во продолжение.

Домашен сапун од комбинација на масла

Потребни состојки

• 350 милилитри палмово масло
• 350 милилитри маслиново масло
• 89,5 грама сода бикарбона
• 230 милилитри вода
• 10 милилитри етерично масло (по желба)

Начин на подготовка

1. Мешајте ги водата и сода бикарбоната додека не се стопат.

2. Соединете ги сите масла во еден сад и загрејте ги за да се измешаат.

3. Многу е важно стопената сода бикрбона и измешаните масла да бидат на иста температура, па дури потоа можете да ги соедините.

4. Потоа, смесата мешајте ја со блендер додека не стане густа и изедначена. После оваа постапка, веќе ја имате добиено основата за сапун.

5. Во основата за сапун можете да додадете етерично масло по желба (од лаванда, еукалиптус и слично), а исто така слободно можете да додавате и каква боја сакате. Што се однесува до мирисот, можете да го постигнете така што ќе користите екстракти, како на пример од ванила.

6. По додавањето на сите сакани состојки, потребно е да ја разделите смесата во различни калапи и да чекате еден ден. По 24 часа, сапунот ќе може да се извади од калапите, но потребно е да го оставите да „созрее“, што би се случило после 4 до 6 недели по правењето.

Домашен сапун од глицерин

Потребни состојки:

• 500 грама глицерин (цврст или течен)
• Етерични масла (по желба)

Начин на подготовка:

1. Доколку имате купено цврст глицерин, тогаш исечете го на коцки, ставете го во сад и во микробранова за да се стопи. Со течниот глицерин процесот е ист. Ставете го во 2 чаши од 2 децилитри во сад и потоа во микробрановата.

2. Глицеринот се топи на 40 секунди на највисока температура. По 40 секунди, извадете го садот, измешајте го глицеринот и вратете го повторно уште 10 секунди.

3. Кога ќе се стопи и изедначи, во него можете да додадете етерично масло, делови од растенија или што друго и да посакате (на пример можете да додадете и одредена боја).

4. Откако ќе ги измешате сите состојки, потребно е да ги оставите да отстојат, за да се подигнат меурчињата собрани во сапунот.

5. Кога ќе се направи тоа, смесата испрскајте ја со алкохол кој ќе ги уништи меурчињата.

6. Готовата смеса ставете ја во калапи и оставете ја добро да се олади. Најдобро е да ја ставите во фрижидер, бидејќи на овој начин полесно ќе можете да го извадите сапунот.