REED FLUTE – ПЕШТЕРА ВО КИНА

ПРЕКРАСНИ ПЕШТЕРИ НА БАХАМИТЕ... ЗА ХРАБРИТЕ, КОИ СЕ ЗАДОВОЛУВААТ СО НАЈУБАВОТО ОД ПРИРОДАТА

СОЛЕНАТА ПЕШТЕРА GALOS

ЕДНА ОД НАЈУБАВИТЕ ПЕШТЕРИ - БАЛА, ЛИБАН

Неверојатните пештери низ светот

  Пештерите кријат некоја неверојатна мистичност, која не тера да прошетаме длабоко во неа и да откриеме што се крие. Уште поубави се кога сончевите зраци продираат до длабочината и ја осветлуваат. Токму поради нивната беспрекорна убавина, ви ги прикажуваме најубавите пештери во светот, во кои ќе посакате да прошетате, да јадете или можеби да пливате.

Ресторан „Summer cave“, Италија

Длабока сина замрзната пештера, Исланд

Природно богатство во внатрешноста на пештера, Гватемала

Сина мермерна пештера, Чиле

Замок во пештера, Словенија

Длабока подземна пештера, Русија

Црна длабока пештера, Австралија

Неверојатно осветлена пештера, Јапонија

Најголемата пештера во светот, Виетнам

Замок во внатрешноста на пештерата, Тајланд

ПЕШТЕРА ВО КОЈА Е СКРИЕН ЦЕЛ ЕДЕН СВЕТ

Во Мамутската Пештера човечка прв пат стапнала човечка нога пред 4000 години. Тоа биле километри црна темнина и неистражени премини, целата прошарана со сталактити и сталагмити.

Мамутската Пештера

Мамутската Пештера своето име го добила според нејзината големина, бидејќи не постои поголем пештерски систем во светот. Истражени се над 650 километри од овој пештерски систем.

Бескрајна пештера

Никој не знае која е точната големина на оваа пештера, бидејќи сѐ уште се истражува. Секој ден се откриваат нови делови. Поголемиот дел од пештерата е формиран од варовник, вид камен кој го има насекаде низ американската држава Кентаки.

Првите посетители

Американските Индијанци коишто први ја посетиле оваа пештера оставиле сведоштво за нивната посета. Стари факели, школки, црпки и делови од облека датирани во периодот пред 4000-2000 години сѐ уште се зачувани во Мамутската Пештера.

Раните водичи

Пештерата останала невознемирувана со векови, сѐ додека европските доселеници не дознале за оваа огромна подземна мрежа. Еден од првите кои се обиделе да ја мапираат бил Стивен Бишоп, роб и еден од првите пештерски водичи. Тој самиот мапирал извесни делови од оваа пештера, осветлувајќи си го патот со газиена лампа. Неговиот гроб се наоѓа на Гробиштата на Стариот Водич, во близина на влезот на пештерата. Овој цртеж на пештерата бил објавен во 1881 година.

Тури низ Мамутската Пештера

Околу 16 километри од пештерата се отворени за туристички тури. Теренот не секогаш е лесен. Природните стрмнини го отежнуваат патешествието. Овој цртеж прикажува тура со чамец во 1850 година. Турите со чамци биле забранети во деведесеттите.

Под земјата

Бил вложен голем напор да се одржи пештерата во нејзината природна состојба и покрај тоа што секоја година неа ја посетуваат 390.000 посетители. Нежните светла ги осветлуваат патеките, но тие не светат цело време. Во еден дел од турата, водичот ги собира сите посетители заедно и потоа светлата се гасат. Тоа е најцрната темнина која би можеле да ја доживеете. Се наоѓате на 91 метар под површината на земјата и нема никакво осветлување околу вас. Потоа водичот ќе запали чкорче за да ве потсети дека не сте сами. Но за неколку мигови ќе се почувствувате како тие први истражувачи кои не можеле да се потпрат на ништо друго освен на треперливите несигурни факели со кои си го осветлувале патот.

Одењето внатре

Пештерата е отворена во текот на целата година бидејќи температурата внатре е секогаш иста. Просечната температура на Мамутската Пештера изнесува помеѓу 12 и 18 степени Целзиусови и во зима и во лето.

Легендарна историја

Поради тоа што Мамутската Пештера е огромна, темна и целосно сѐ уште неистражена, за ова место кружат многу легенди. Некогаш таа била користена како живеалиште, како погребно место, па дури и како рудник во кој се ископувала шалитра. За време на прохибицијата, шверцерите на алкохол ги користеле овие пештери за да ги чуваат шишињата на ладовина додека да се испорачаат.

Опседнатост со духови

Во 1839 година, пештерата била претворена во еден вид болница за болните од туберкулоза. Чудно е тоа што и покрај ова, туристичките тури во тоа време не биле запрени. Некои посетители налетувале на мртви тела за време на нивните истражувања. Луѓето раскажувале за паранормални активности во и околу пештерата. Слушале фантомски гласови, чудни светла, слушале чекори и доживувале други ужаси.

Ужас

Дури и Х.П. Ловкрафт бил инспириран од овие мистериозни пештери, по што ја напишал „Ѕверот во пештерата“. Но, не сите се плашеле од пештерата. На сликата се гледа венчавањето на брачен пар во 1908 година на Невестинскиот Олтар, некогаш многу популарно место за венчавки низ деветнаесеттиот век. Традицијата била запрена во 1941 година.

Пештерски војни

Мамутската Пештера е позната и по Пештерските војни во Кентаки. Со години делови од оваа пештера биле во приватна сопственост. Сопствениците воделе независни тури низ нивниот дел од пештерата и ова создало голема конК*ренција. Еден од нив се обидел да отвори премин со кој ќе се стекнал со предност пред неговиот соперник. Но, завршил така што се заглавил и по неуспешните обиди да го ослободат, тој умрел внатре. Неговото тело не било извадено со години и долго време било изложено за посетителите. Кога Мамутската Пештера била претворена во национален парк во 1941 година, на пештерските војни им дошол крај.

За да се спуштите во огромна природна пештера стара милиони години, потребно е да имате вистински авантуристички дух. Додека ја истражувате нивната внатрешност, очекувате да најдете бледи, слепи суштества, огромни сталактити и сталагмити и темнина. Но овие неверојатни пештери имаат да понудат нешто уште поспецијално на секој кој ќе се осмели да ги истражи нивните длабочини.

1. Пештерата на кристалите (Мексико) 

Откриена во 2000 година, Пештерата на кристалите е блескав спектакл со кристали стари околу 600 000 години.

2. Пештерата на светулките, Ваитомо, Нов Зеланд

Формирана пред повеќе од 30 милиони години, оваа пештера е осветлена од биосветлината на илјадници светулки кои висат на ѕидовите на пештерата.

3. Грото Азура, Италија

Ако патот некогаш ве донесе во Капри, Италија, морате да ја посетите оваа пештера. Некогаш се верувало дека ја населуваат сирени и ѓаволи. Пештерата е позната по својата блескаво сина вода која, штом ќе изгрее сонцето, ја филтрира црвената светлина оставајќи ја само сината што резултира со неверојатен феномен за кој не ви е потребен фотошоп за да се истакне таа убавина.

4. Пештерата на глечерот Ватнајекидл

Бидејќи се целосно формирани од лед, најдобро време за посета на глечерните пештери се есента и зимата, кога има помала веројатност да ви се урнат врз главата, а и кога глечерите не се движат толку брзо.

5. Пештерата Фраја Након, Тајланд

Во националниот парк Као Сам Рои Јот е неверојатната пештера Фраја Након со многу интересна историја. Сончевата светлина се пробива низ срушениот таван на структурата, осветлувајќи го павилјонот Куха Карухас, изграден во 1890 за кралот Чулалонгорн. По изградбата била посетувана и од други кралеви кои се потпишувале на нејзините ѕидови.

6. Мермерните пештери, Чиле

Ако го посетите езерото Карера во Патагонија, ве очекува прекрасна глетка. Кристално чистата вода обоена во сино од смрзната тиња го акцентира интригантниот природен дизајн на најневеројатната мрежа од пештери во светот.

7. Пештерата кај вулканот Мутновски, Русија

ОБликувана од топлите извори и осветлена од таванот, во оваа пештера се прелеваат зелени, виолетови и сини нијанси, правејќи да се чувствувате како да сте влегле во некоја стара руска бајка.

8. Пештерата Донгжонг, Кина

Стара илјадници години, оваа инаку вообичаена пештера, служи како училница за 186 ученици и осум учители. Природната структура ја има оваа функција од 1984 и веројатно е едно од најинтересните места во кое секое дете би сакало да ги минува училишните часови.

9. Фингаловата пештера, Шкотска

Иако оваа пештера на островот Стафа изгледа како да е внимателно изделката од некој опседнат со шестоаголници, оваа неверојатна геометриска структура е целосно дело на природата.

10. Пештерата на трските, Кина 

Иако осветлувањето во оваа пештера е вештачко, сепак оваа пештера е популарна туристичка дестинација уште од 792 година, за што сведочат безбројните потписи по нејзините ѕидови.Своето име го добила по трските кои растат пред нејзиниот влез.

11. Елисоновата пештера, САД

Се наоѓа во североисточна Џорџија и е на длабочина од 180 метри. Се вели дека ако пуштите камен од нејзиниот влез, потребни му се осум секунди за да стигне до дното.

12. Кјаут Сае, Мјанмар

Според легендите, оваа пештера се користела како засолниште на локалните жители кога бегале од нападите на Монголите во 13. век. Сега пештерата служи како место за медитација на будистите од храмот кој е изграден веднаш до неа.

13. Пештерата Сон Дунг, Виетнам

Најголемата пештера во светот се наоѓа во провинцијата Кванг Бин. За првпат откриена во 1991, пештерата е широка 213 метри, висока 150 метри и е долга речиси 10 километри.

14. Ледената пештера Ајсризенвелт, Австрија

Најголемите ледени пештери во светот биле откриени во доцниот 19 век. Целиот лавиринт се протега 40 километри, и како и секоја ледена пештера, целата внатрешност и надворешност постојано се менува поради топењето на ледот и повторното заледување.

15. Ординскаја, Русија

Ординскаја се наоѓа во Уралскиот регион. Се состои од подводни простории кои се протегаат преку 4 километри.

16. Пештерите Карисбад, САД

Лоцирани во Ново Мексико,овие пештери биле формирани во периодот пред 4-6 милиони години.

17. Пештерата Бартон Крик, Белизе

На прв поглед оваа пештера не изгледа како којзнае што особено. Сѐ додека не ги здогледате черепите. Пештерата била употребувана од Маите како место за погреби и верски обреди.

18. Јеита Грото, Либан

На влезот на пештерата ќе ве заглуши силниот звук на водата, кој одекнува во пештерата, по што пештерата го добила и своето име. Како што навлегувате, бучавата е заменета од длабока тишина и неверојатна убавина.

19. Пештерите Канго, Јужна Африка

Ова е серија од пештери со драматични фигури од варовник. Артефактите покажуваат дека во Каменото доба пештерите служеле како дом за луѓето кои тогаш го населувале овој регион.

20. Авен Арманд, Франција

Ако се осмелувате да навлезете 100 метри под земја, стравот ќе ви се исплати, бидејќи во пештерата се наоѓаат 400 уникатни видови на сталагмити, вклучувајќи го и најголемиот сталагмит во светот, висок 30 метри.

Водопадот Батара Џорџ е еден од најубавите во светот.

Пештерата со три моста, вистинско чудо на природата е волшебно место, а кога ќе настапи топењето на снегот, се појавува магичен водопад, кој од оваа пештера прави нешто несекојдневно.

Кога Планината Либан ќе започне со топење, мразот се претвара во вода и тече по овие карпи, резбајќи го варовникот и го формира овој водопадот. Овој варовник е стар повеќе од 160 милиони години, што значи постоел кога земјата била дом на диносаурусите.

Овој водопад е висок 250 метри и е лоциран блиску селото Бала, а најдобар период за да се види водопадот е помеѓу Март и Април.

Голозите велат дека горниот мост има најстара формација, а долните два моста се формирани со текот на времето, веројатно од паѓањето на камењата и рушењето на варовникот.

Иако луѓето знаеле дека постои долго време, јавно е обелоденето дека постои во 1952 година кога биологистот Henri Coiffaitго открил и станал многу заинтересиран за оваа природна убавина.