Можеби ви звучи по малку необично , чудно или несоодветно, но наскоро тоа ќе биде новиот шик популарен тренд. Ако досега шарените чорапи ги носевте само по дома или во патики, време е да ги извадите на виделина и да ги покажете.

Може да бидат слатки, забавни, откачени. Зачекорете први во новиот тренд.

Ги има во различни дезени и модели, па може различно да ги комбинирате. За чевлите кои се поотворени се препорачуваат чорапи кои се со повеќе линии и различни форми, така што му даваат сосем нов лик на стапалото, а чевлите само ги надополнуваат за да изгледаат како целина.

За на кратките чизми се препорачуваат високи дизајнирани чорапи над колена.

Додека за во патики најдобри се чорапите со неонски бои кои ќе ѕиркаат околу глуждот.

За оние кои не се толку екстремни во комбинирањето, добро би било на некој начин и да ги согласат барем боите.

Така, со црвени потпетици може да комбинирате бели чорапи со црвени точки или срциња кои ќе ви дадат романтичен изглед.

За оние кои го следат трендот на „анимал принт“ одлична комбинација е ако најдете и чорапи и чевли со ист дезен.

Ако сакате да изгледате помладо и слатко тогаш балетанки во комбинација со високи шарени чорапи и кратко здолниште ќе ве врати во средношколските денови.

Постојат најразлични модели и комбинации, а единствено што ви треба е малку имагинација и повеќе храброст.

Проѕирни, ребрасти или волнени – оваа сезона се комбинираат чорапи со сите видови чевли и сандали. Дизајнерите како Бурбери, Кристијан Диор и...

...Живанши го започнаа овој тренд оваа пролет, а се чини и дека ќе се одржи и оваа есен.

Prada, Jean Paul Gaultier и Marni своите есенски и зимски колекции ги комбинираат со чорапи во чевли потпетици и платформа.

Овој тренд се очекува да биде прифатен љубителките на штикли кои ќе им овозможи да ги носат најдрагите модели подолго од летото.

Ако не знаете со што да ги комбинирате, дизајнерите препорачуваат: кратки сукњички, фустанчиња и жешки панталончиња. За секси изглед комбинирајте со чорапи над колена

Овој тренд е практичен и ќе ве грее, особено ако одберете волнени чорапи. Можете да ги носите и преку чевлите.