Карираниот дезен е убедливо најпопуларниот тренд оваа сезона, кој го практикуваат буквално сите трендсетерки во светот: почнувајќи од модните новинарки и уреднички, преку најчитаните блогерки, па сѐ до кралиците во шоу бизнисот, кои верно ги следат трендовите од модните писти.

Ако на моменталните попусти се почестивте со некое парче облека со кариран дезен, а уште немате идеја како да го вклопите во секојдневниот стил, како пример може да ви послужат холивудските трендсетерки. Оние похрабрите убавици носат карирано од глава до петици, но повеќето од славните дами овој хит дезен воглавно го носат на само едно парче од облеката, на пример, капутот, кошулата, фустнот или чантата.



Кариран капут за оваа сезона избраа Ники Хилтон и Зое Салдана, Гвен Стефани одбрала карирана јакна и чанта, Кејт Босворт и Џесика Алба преферираат карирани кошули, а Дајан Кругер и Ешли Мадекве своите омилени карирани парчиња ги прошетаа и на црвениот тепих.