Сам свој мајстор
Испечатено од: IDIVIDI forum
Категорија: Стил на живот
Име на форумот: Направи сам
Опис на форумот: Се што ви треба на едно место. Направете сами и поттикнете ја вашата креативност.
URL: http://forum.idividi.com.mk/forum_posts.asp?TID=26823
Датум на принтање: 23.Април.2024 во 11:07
Верзија на софтверот: Web Wiz Forums 10.03 - http://www.webwizforums.com
Тема: Сам свој мајстор
Постирано од: Valerija
Наслов: Сам свој мајстор
Датум на внесување: 28.Декември.2013 во 11:44
|
Оваа тема се однесува на отстранување на разни дефекти или санирање на одредени проблеми во домот  Кога запнува фиоката  Доколку влагата е причина за запнување на фиоките, тогаш извадете ја фиоката и држете ја ден-два на суво место за да се исуши дрвото и да се намали неговата зафатнина. Земете обична свеќа и со неа истријте ги рабовите на фиоката како и внатрешните места по кои се движи фиоката. Тоа ќе биде решение за одредено време, а кога ќе забележите дека фиоката повторно запнува, повторете ја постапката.  Извадете ја фиоката (на тој начин што кога ќе ја извлечете до крај, а потоа малку навалете ја за да го извлечете тркалцето) и исчистете ја сета евентуална нечистотија и мрснотии. Повторете ја постапката и во механизмот во внатрешноста на кујнскиот елемент. Потоа исшприцајте ги тркалцата и водилките со средство за подмачкување (WD40, на пример). Проверете како се вртат тркалцата и вратете ја фиоката на место.  http://www.facebook.com/sezadomot" rel="nofollow - |
Коментари:
Постирано од: Valerija
Датум на внесување: 28.Декември.2013 во 11:45
|
Како безбедно да заковате клинец  Честопати при ковање на клинец, и покрај тоа што внимаваме, се случува да настрадаат прстите со кои се придржува клинецот. Еве начин како да се избегне ова: Земете подебел картон и исечете помало правоаголно парче. Со ножици направете рез до центарот на парчето картон, каде што ќе го поставите клинецот. Парчето картон ќе ја одигра улогата на држач додека го ковате клинецот. Откога ќе го заковате, извадете го картонот преку резот. Доколку станува збор за помал клинец, може да послужи и чешелот како придржувач.  Претходните начини може да помогнат и кога станува збор за ковање на клинец во тешко достапни места.------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:46
|
Лепење на керамички плочки Доколку лепите плочки во бањата, ви препорачуваме прво да почнете со крајниот ѕид, доколку не го поплочувате и таванот, во кој случај треба да почнете од таму.
Нанесување на адезивот Користете адезив кој е водоотпорен, така што добро ќе се однесува во услови на влага. Ова е особено важно. Доколку ги лепите плочките на места кои не се изложени на вода, може да користите адезив кој не е водоотпорен. Епоксидните адезиви можат истотака да се користат, но времето на сушење потешко се утврдува.
Нанесете го адезивот на ѕидот користејќи ја рамната страна на мистријата. Кога ќе го нанесете на површината, свртете ја на нерамната и движете ја под агол од 45° за да направите жлебови во адезивот. Забелешка: дебелината на врвот на адезивниот слој треба да биде приближнa колку што е дебелината на самата плочка. Местење на плочките За ѕидовите: планирајте ги плочките кои од двете страни се сечени за дното од ѕидот. Целите плочки ставете ги погоре поради естетскиот ефект. Долните плочки може да се покријат со лајсна.За местото на ѕидот позади мијалникот: плочките што се сечени од двете страни ставете ги веднаш над мијалникот за да не се во фокусот на гледање.
1. Со либела одредете ја најниската точка на ѕидот. Ставете една плочка на ова место и означете го ѕидот над неа. Од ова место со помош на либелата нацртајте хоризонтална линија по целата површина.
2. Најдете го центарот на хоризонталната линија и повлечете вертикална линија под агол од 90° со хоризонталната линија.
3. Наместете еден ред од центарот на линијата кон било која страна на ѕидот. Ако останува празен простор помалку од ½ од плочката, поместете ја вертикалната линија на лево или на десно за да избегнете лепење на мали парчиња.
Сечење на плочките: Секогаш носете заштитни очила кога ги сечете плочките! Пред да ги исечете плочките, местото каде ќе се сече плочката треба да биде обележено со молив.
За сите рамни линии користете машинка за сечење плочки. Прво се нажлебува, а потоа се сече плочката.
За сечење на мали делови од плочката се користат клешти за плочки.
За посложени кривини или ивици се користи бонсек, кој може да сече поглатко и попрецизно.
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:47
|
Дефекти на фрижидерот и нивно отстранување Во тек на употребата на фрижидерот може да се појават пречки и дефекти во работата. Наведуваме некои од нив, кои во повеќето случаи се последица на неправилна употреба, па може сами да ги отстраните.
Фрижидерот не работи после приклучувањето на електричната мрежа • Проверете дали во штекерот има напон и дали фрижидерот е вклучен (регулаторот на термостатот треба да е во позиција за работа).
Разладниот систем веќе подолго време непрекинато работи • Пречесто отворање на вратата, т.е. предолго отворена врата. • Неправилно затворена врата (можно е присуство на страно тело, вратата да е навалена, оштетена да е гумата на вратата,...) • Преголема количина на намирници. • Поради недоволното ладење на компресорот и кондензаторот проверете го кружењето на воздухот позади апаратот и исчистете го кондензаторот.
Собирање на лед на задниот ѕид во внатрешноста на фрижидерот Се додека водата тече во жлебот низ отворот во садот на компресорот, овозможено е нормално автоматско топење на фрижидерот. Во случај да на задниот ѕид во внатрешноста на фрижидерот се собере прекумерен слој на лед, стопете го рачно. Регулаторот на термостатот ставете го во положба СТОП (0) и оставете ја вратата отворена. Не го топете ледот со електрични направи (фенови за коса и сл.) и не го симнувајте со тврди предмети. Откако ќе завршите со топењето, свртете го прекинувачот во саканата положба и затворете ја вратата на фрижидерот. Прекумерното собирање на ледот е последица на: • слабо заптивање на гумата на вратата (ако гумата е оштетена или нечиста, очистете ја или заменете ја), • пречесто отворање, односно оставање на вратата отворена, • ставање на топла храна во фрижидерот, • храната или садовите што се полни, сместени се во задната страна на внатрешноста на фрижидерот.
Од фрижидерот тече вода Водата тече од фрижидерот, ако е затнат отворот за истекување на водата, или ако стопената вода капе надвор од жлебот за собирање на водата. • Затнатиот отвор исчистете го на пример со пластична сламка. • Предебелиот слој на лед стопете го рачно.
Бучење на фрижидерот Ладењето во апаратите за ладење и замрзнување го овозможува разладниот систем со компресорот кој прави и одредена бучава. Јачината на оваа бучава зависи од поставувањето, исправната употреба и староста на фрижидерот. • За време на работата на компресорот можете да го слушнете шумењето на течноста, а за време на мирувањето протокот на разладната течност. Тоа е нормално и не влијае на векот на фрижидерот. • По вклучувањето фрижидерот работата на компресорот и протокот на разладната течност можат да бидат погласни. Тоа не е знак за дефект и не влијае на трајноста на фрижидерот. По некое време на работа на фрижидерот, гласноста на тие шумови ќе се намали. • Повремено за време на работата на фрижидерот се слушаат и необични и појаки шумови, невообичаени за фрижидерот и во повеќето случаи се последица на неправилно поставување: - Фрижидерот мора да стои рамно и стабилно на тврда подлога. - Не смее да биде во допир со ѕидот или со соседните елементи. - Проверете дали внатрешната опрема е на свое место, т.е. дали звецкаат лименките, шишињата или други садови, кои меѓусебно се допираат. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:47
|
Дефекти на машината за перење алишта и нивно отстранување
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:48
|
Спојување на гипс плочи За пример за монтажа на плочите ќе ги земеме гипс плочите од Knauf. Обработката на споевите и завршната обработка се решавачки фактори кои го одредуваат квалитетот на завршните работи при сувата монтажа. Меѓусебно перфектно усогласените Knauf системи за обработка на споевите едноставно се изведуваат и овозможуваат висока сигурност и цврстина на споевите на плочите. Со правилна постапка и израмнување настануваат рамни и глатки површини на гипсените конструкции кои се идеална подлога за разни завршни обработки како што се глетување, лепење тапети или керамички плочки.
Knauf Unilott се сипа во вода и се меша до постигнување на кремаста густина. Knauf Unilott темелно се натиснува во спојот на плочите.
Откако ќе се стврдне (за околу 40 минути), вишокот на материјал се симнува со лопатката.
Втората фаза на глетување се изведува со широка мистрија. За изработка на идеално глатки површини најдобар материјал е Knauf Readyfix.
Евентуалните нерамнини треба да се израмнат со лесно брусење со фина брусна хартија или со брусна решетка. Внимание: плочите не смее да се оштетат!
Надворешните агли треба да се заштитат со аголни алуминиумски или челични профили или со Alux лента за заштита.
Споевите од ѕидовите и таванот треба да се изведат со самолеплива лента со видливо растојание, со акрилен кит или со глетување со Knauf Renoband.
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:49
|
Одзатнување на одводот кај мијалникот 
Решение: 1. Може да се употреби средство за одзатнување. Средството за одзатнување не треба да се употребува во случај кога цевките се целосно затнати. Следете го упатството на производот. (Некои средства може да ги оштетат поцинкувате цевки). 2. По правило, ставете ја течноста низ инка директно во отворот, со цел да нема можност евентуално да го оштети порцеланот. Доколу се истури на рацете или на облеката, ведаш измијте ги со ладна вода. .
3. За да повторно се воспостави проток кој е блокиран од мали наслаги, употребете вакуум гума за одзатнување.Кога ја користиме гумата, во мијалникот треба да има вода.Ставете ја гумата врз одводот од мијалникот и движете ја рачката горе-долу. Гумата цело време треба да биде во средината на одводот и да биде статична. 4. Ставете влажна крпа преку одводот за заштита од претекување на мијалникот (ако постои) за да го острани воздухот.
5. Ако не успеете со сето ова, мора да го исчистите сифонот. Одвртете го со соодветен клуч. 6. Земете некој сад за да ја собере водата која ќе се истури. 7. Кога ќе го заменувате сифонот, проверете дали гумичките се затегнати и цврти, бидејќи ако се меки и разлабавени нема да држат.
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:50
|
Совети за лепење тапети 
Лепење околу врати и прозори При лепењето на тапетите околу вратите и прозорите, немојте пред лепењето да ги мерите и кроите за да бидат точни, бидејќи всушност тоа може да го направите на самиот ѕид. • Измерете и исечете тапета со должина поголема за 15 см од растојанието меѓу таванот и подот. Поставете ја тапетата и направете вишокот да виси над рамката. • Поставете ја тапетата така да налегнува врз другата тапета, следејќи ја шарата од првата. • Направете дијагонален рез кој ќе поаѓа од ивицата на рамката, а ќе завршува во аголот од рамката каде што се допира со ѕидот • Истото направете го и на долната ивица од рамката. Потоа земете нож за да ја притиснете тапетата над вертикалниот дел од рамката до ѕидот и да оформите раб, водејќи сметка тапетата да е правилно позиционирана во однос на соседната. • Истото направете го и на горниот и долниот дел од рамката. Со помош на скалпел и нож, сечете по рабовите кои претходно ги оформивте.
Лепење тапети околу аглите на собата Доколку ставите цела тапета во аголот на собата, постои можност таа да не биде добро прилепена до ѕидот, или тапетата да биде криво залепена доколку аглите во собата не се правилни. Најдобро е спојот на тапетите да е во самиот агол. • Измерете го растојанието од крајот на последната тапета до аголот на ѕидот и тоа во врвот на собата, во средината и во најдолниот дел. Земете ја најдолгата од овие 3 мерки и додадете 1,5cm (за преклопување). Со оваа мерка исечете ја тапетата, користејќи некоја рамна ивица за да го води скалпелот или ножиците додека сечете. • Остатокот сочувајте го, а исечената тапета залепете ја на ѕидот, правејки преклоп со претходната тапета и притискајќи ја другата ивица во аголот. • Потоа измерете го остатокот, нанесете ја таа мерка со молив во горниот дел од ѕидот каде што тапетата треба да се лепи, и од мерката повлечете вертикална линија. Потоа лепете го остатокот од вертикалната линија кон аголот на собата.------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:51
|
Поправка на казанче кај WC шоља 
Можен дефект кај казанчето во тоалетот е перманентно течење по малку вода во шољата. Постојат два главни склопа во казанчето. Првиот е вентил за полнење на казанчето со вода, монтиран на левата или десната страна на казанчето. Вториот склоп е направа (вентил) за испирање на шољата. Најнапред треба да се открие кои од овие два склопа е во дефект.Ова е обично многу лесно. Се одстранува капакот од казанчето и ако водата прелива низ отворите на преливната цевкатоа значи дека грешката е во склопот за полнење. Повлечете ја полугата на пловакот нагоре, па ако водата престане да прелива, потребно е само подесување на нивото на водата, без ништо да се замени. Испуштете ја водата во шољата, потоа со левата рака, блиску до вентилот, подигнете ја полугата од пловакот, со другата рака свиткајте ја полугата малку надолу (кај разни типови ова се постигнува со разни решенија, но сите се едноставни), ослободете ја полугата и почекајте да се наполни казанчето. Ако сте ја свиткале доволно, водата ќе застане пред да го достигне нивото на преливање, во спротивно свиткајте ја уште малку. Во случај водата да тече и откако ќе се подигне полугата со рака, треба да се поправи или замени самиот вентил. Најнапред треба да се исклучи доводот на вода до казанчето (се затвора вентилчето пред флексибилното црево) и се демонтира вентилскиот склоп во кои припаѓа и пловакот заедно со полугата. Постојат разни типови на вентили за полнење на казанчето со вода и скоро сите работат на ист принцип. Најчест дефект овде е дотраено заптивно прстенче или некој дел е скршено во склопот на клипчето. Доколку најдете соодветни делови во најблиските продавници за водоводни инсталации едноставно вршите замена. Во спротивно купете цел вентилски склоп кој е релативно евтин. Следен можен дефект е казанчето да не се полни до горе, водата непрекинато да истекува во шољата, а се случува и казанчето во интервал од неколку минути само да ја испушта водата. Ова значи дека е во дефект вентилот односно направата за испирање на шољата.Поправката најчесто се состои во тоа што треба да се замени дотрајаната гумена заптивка. За да се уверите дали навистина е дотраена, пипнете ја со два прста и ако на прстите останува црнило таа е сигурно дотраена. Друг показател е ако на долната страна се гледа нерамен жлеб во облик на круг кој оневозможува правилно заптивање. За да дојдете до гумата треба да го направите следното. Се одстранува полугата за активирање која најчесто е вовлечена во прорезите на преливната цевка. Се одстранува капакот од садот во кој е сместен клипот-пловак и кој истовремено служи и како водилка на преливната цевка на чиј крај има диск со жлеб на кој се наоѓа заптивната гума. Капакот е прицврстен или со еластични испусти па треба само да се повлече појако, или треба да се заврти малку обратно од насоката на стрелката на часовникот, па да се повлече. Монтажата се одвива по обратниот редослед.
. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 11:55
|
Одледување на замрзнувачот 
Во тек на работата на замрзнувачот на ѕидовите се создава мраз кој е топлински изолатор за ладењето на воздухот во замрзнувачот и негативно влијае на неговата работа. Создавањето на мразот во замрзнувачот зависи од подесеноста на термостатот. Ако температурата на ладење е пониска, мразот побрзо се создава. Наслагите на мраз создаваат губитоци во ладењето, односно зголемување на трошоците за енергија. Мразот од страничните ѕидови на замрзнувачот се одстранува со пластична лопатка, притоа внимавајќи да не се изгребе изолацијата. Предходно треба да се извадат сите продукти од замрзнувачот и да се исклучи барем 1 час за да се топи мразот. процесот може да се забрза доколку во замрзнувачот ставите пластичен сад со вруќа вода. Кога ќе се одстрани мразот, внатрешноста на замрзнувачот треба да се измие со сунгер натопен со неутрално средство за чистење. При враќање на продуктите во замрзнувачот, ѕидовите избришете ги со памучна крпа. Продуктите кои предходно биле на дното, ставете ги најгоре за да поподесенпотрошат. Термостатот на замрзнувачот нека биде поставен на -25оC, Доколку количеството на продукти во замрзнувачот е помал, термостатот треба да се постави на повисока температура. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 12:02
|
Поправање на гребнатини на мебел  Политурата се нанесува со мека ткаенина на дрвото и се втрлува во него со кружни движења. По ова, со мека крпа се истрлува и полира. Овој вид на политури постојат и во вид на спреј, со што е овозможено нивно подобро и порамномерно нанесување. Поголемите гребнатини кои навлегуваат подлабоко во дрвото не можат да се израмнат со ваква површинска “козметика”, туку треба да се применат други методи: Ако се работи за мебел од природно дрво (нелакирано), гребнатините може да се отстранат на следниот начин: накапете неколку капки врела вода само на оштетеното место, со што дрвото на тоа место ќе набабри по што гребнатината ќе исчезне. Зa мат површина на дрво постојат готови смеси кит на база на восок во соодветни бои. Помало количество на кит со загреан нож треба да се втисне во вдлабнувањето, а кога китот ќе се олади, отстранете го вишокот на кит со триење со мека четка или крпа.  Китот силно се загрева додека не стане стане течен, со што ќе може да се внесе во гребнатините. Овој вид на кит побрзо се лади и се стврднува. Има рапава површина, па затоа брусењето треба да се изведува внимателно. На крај, поправеното место треба повторно да се излакира со сјаен лак. Овој тип на поправки можат да бидат и прилично сложени, па затоа совет е барем кога се работи за полиран, високосјаен мебел да се ангажира стручно лице. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 13:17
|
Совети за избор на вистинската боја за ѕидовите 
Како последица на греењето на водата во водоводните инсталации и во системот за греење на водата настанува каменец. Тогаш системот непотрбно троши дополнителни количества на струја за да загрее водата и каменецот. Со тек на време, бојлерот или апаратот за кафе ќе почне побавно да ја грее водата. Клокотењето и шуштењето на грејачот е сигурен знак дека во апаратот се собрал каменецот. Постојаната тврдост на водата потекнува од присуството на сулфати, хлориди или нитрати на калциум и магнезиум. Овие соли се штетни бидејќи се таложат како каменец на загреаните површини на котловите и цевките. Создадениот каменец го стеснува пречникот на цевките со што се намалува протокот на вода или предизвикува потполна блокада на цевката. Наслагите на каменец добро се растворуваат со киселини, како што е лимунов сок или оцет, но не е пожелно предолго да бидат оставени за да не ги оштетат емајлираните и порцелански делови. По чистењето потребно е добро да се испеарат со вода. На пазарот постојат многу готови производи за оваа намена, Еве една постапка за бесплатно чистење: Постапката на чистење е релативно едноставна. Пред се треба да се исклучат сите извори за напојување на струја и вода. Потоа испразнете ја водата од апаратот, ставете оцет и оставете да делува од 24-36 часа. Потоа испазнете го и со вода добро измијте го резевоарот на апаратот. Проверете дали парчињата на каменец не ги зачепиле одводите.------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 13:18
|
Одвртување на пукната сијалица Сијалицата е прегорена и пукната во коренот?
Еве начин како да се реши проблемот:  Неквалитетните сијалици честопати се случува да прегорат и пукнат во коренот, a потоа е тешко да се извади остатокот од грлото. Еве начин како едноставно да се реши проблемот:  На пламен омекнете го грлото на пластично шише и оформете круна како на сликата.  Сега таквата круна ставете ја во навојот на сијалицата и одвртете го.  ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 13:23
|
Нитро или маслени бои?  Доколку
сакаме некој метален или дрвен предмет да го обоиме и се појави дилема
дали да се употреби боја на нитро или на маслена основа, еве неколку
информации:
Боите на нитро основа се поотпорни и постабилни на температурни промени од маслените. Доколку се одлучиме површината да ја обоиме со нитро боја, на неа претходно мора да ставиме нитро основна боја. Кај нитро боите предност е фактот дека многу брзо се сушат, но затоа пак поради ова не се погодни за боење во летните горештини (освен ако не станува збор за професионалец со професионален алат). Затоа, во вакви услови подобро е да се земе маслена боја, со која се употребува и маслен разредувач. Постои основно правило: никогаш на маслена боја да не се нанесува нитро боја, бидејќи маслената боја која е под нитро бојата се збрчкува, пука и се лупи. Затоа, ако површината е премачкана со боја за која не сме сигурни на која основа е произведена, совет е да се иструга малку од премазот и да се потопи во нитро разредувач. Доколку бојата не го смени изгледот, станува збор за нитро премаз. Доколку бојата се згрутчи и се собере станува збор за маслен премаз. Постојат и специјални Хамерит бои на маслена основа. Кај овие бои не е потребно претходно да се нанесе основна боја, туку тие со железниот оксид (FeO2) создаваат подлога која штити од понатамошно ‘рѓосување. Овие бои се двојно поскапи од нитро и маслените бои, но нивната трајност е двојно поголема. Исто така, постојат и двокомпонентни бои, кои се прилично скапи, но нивното траење е десетина и повеќе години без дополнителна интервенција. Овие бои се користат за боење на ТВ предаватели и останати антенски системи кои се изложени на временски непогоди, а поради цената не се погодни за широка употреба. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 13:23
|
Бојадисување на дрвени површини  Доколку сакате да ги освежите дрвените површини со нова боја, еве неколку совети за процесот на бојадисување.Најпрвин, поставете најлони или стари весници за да спречите валкање на просторијата во која ќе работите. При бојадисувањето користете заштитни ракавици и маска. На почетокот, најдобро е целосно да се отстрани старата боја или лак за да новите премази едноставно не “паднат”. Доколку станува збор за дрвена површина која претходно не била бојадисана, овој чекор се прескокнува. Постојат специјални средства за вадење на боја кои може да ги набавите во продавниците за бои и лакови. Со четка или валјак се нанесуваат на површината од која треба да се отстрани бојата, а потоа истата може лесно да се отстрани со шпакла. Откако ќе се отстрани бојата, исчистете ја површината со шмиргла. Прво употребете погруба (60-80 зрна по m2, а потоа пофина, односно 150-200 зрна по m2). При брусењето треба да се следи структурата и обликот на дрвото. Обработувајте го дрвото во насока на линиите на структурата на дрвото, а не накосо. Пред да започнете со нанесување на подлогата, целата површина избришете ја со влажна (но не мокра) крпа за да се отстрани прашината и останатата нечистотија. Подлогата не е задолжително да се нанесува, но особено е препорачливо кога дрвото треба дополнително да се заштити од гави, мувла и инсекти. Подлогата обично се нанесува во два слоја (следете го упатството на производителот). Првиот слој треба да биде многу тенок, а вториот подебел. Треба да биде нанесена рамномерно за да се овозможи и рамномерно впивање на бојата. Секој слој треба целосно да се исуши, за што е потребно околу 30 минути. Кога подлогата е целосно сува, може да се прејде со бојадисување во саканата боја. Претходно, поминете ги сите површини со фина шмиргла (околу 200) за да се отстранат и најмалите нерамнини. Бојата обично се нанесува во два или три слоја, почнувајќи со најтенкиот. Доколку боите во три слоја, првиот слој се нанесува во линија на структурата на дрвото, а кога бојата ќе стегне (за околу 15-20 минути), почнете со втората рака. Таа се нанесува накосо, додека третата , како и првата, се нанесува во правец на линиите на структурата на дрвото. На крај, оставете да се исуши бојадисаната побршина преку ноќта. ------------- Јакиот човек има само една слаба страна-жената што ја сака! |
Постирано од: Valerija
Датум на внесување: 28.Декември.2013 во 13:24
|
Поправка на дупки и пукнатини на ѕидот  Пред да почнете да варосувате или да лепите тапети овие оштетувања треба да се поправат. Најпрво со правосмукалка исчистете ја прашината која настанала со пукање на малтерот или која потекнува од дупките од типлите, и задолжително отстранете ги сите климави делови од ѕидот. Поправка со глет-маса За тенките пукнатини и дупки употребувајте смеса за внатрешно глетување (глет-маса). Прашокот за глет-маса се меша во соодветен однос со вода, според упатството на пакувањето. Смесата добро се промешува за да стане хомогена, а потоа се остава петнаесетина минути за да проработат адитивите во неа. После тоа повторно се промешува и се почнува со глетување. Постојат дури и готови смеси во туби, кои се особено корисни за помали зафати на ѕидовите и таванот. Ваквата смеса се нанесува директно на сува и чиста површина и се развлекува со шпакла. Употребувајте само толку смеса за глетување колку што е потребно за едно глетување. Испрскајте ги пукнатините и дупките со вода со прскалка за растенија или алишта или пак со четкичка бидејќи влажните места подобро ја врзуваат смесата за глетување. Добро втиснете ја глет-масата во дупките во три-четири наврати за да добро се затвори оштетеното место. Пред секое ново нанесување оставете ја смесата малку да се исуши. После нанесувањето на сите слоеви развлечете ја површината. Внимавајте на преминот помеѓу ѕидот и оштетеното место. Вишокот на маса отстранете го со шпаклата. После сушењето, израмнетите места може да ги варосувате или тапацирате со тапети. Поправка со брзосушечки цемент Доколку дупките се пошироки се препорачува погуста смеса за полнење, односно брзосушечки цемент. Помешајте ја смесата со вода според упатствата кои постојат на пакувањето. Пред да почнете со нанесување на глет-масата, навлажнете ги оштетените места. При работата со цементот носете заштитни ракавици. Цементот се стврднува во рок од пет минути, па затоа работете без застој. Оштетените места веќе после 30 минути може да ги обработувате. Крајната цврстина цементот ја добива после 24 часа. Пукнатините полнете ги од горе кон долу. Подот заштитете го со заштитна фолија која ќе се простира се до ѕидот. Садот и алатите измијте ги со вода веднаш по употребата. Кога целосно ќе се стврдне смесата со која сте ги пополните дупките и пукнатините, површината треба да се израмни со шмиргла со гранулација 120. Нерамнините на обработеното место може да се уочат со нивните сенки доколку поставите извор на светлина од страна. По брусњето отстранете ја прашината и на оштетените места нанесете т.н. “основна боја”, која ќе овозможи рамномерно впивање на бојата при варосување и лепакот при лепењето на тапети. ------------- Јакиот човек има само една слаба страна-жената што ја сака! |
Постирано од: evangeline
Датум на внесување: 28.Декември.2013 во 14:55
|
Поставување на ламинатни подови  Кога ќе одлучите да поставувате ламинатен под, треба да се исполнат некои предуслови за перфектна изведба. Еден од најбитните услови за совршена вградба е подлогата. Подлогите кои се погодни за ламинат се: стари дрвени подови, керамика, итисони, теписони, линолеум и бетон. Подлоги кои не се препорачуваат се: стари дрвени подови, теписи... Уште еден од битните фактори за поставување е температурата на просторијата, која не смее да биде помала од 18°C, како и температурата на просторијата која не смее да биде помала од 15°C. Истотака, температурата на подот не смее да биде поголема од 26°C. Ламинатот треба да се постави по должина во однос на изворите на светлост. Со такво поставување на ламинатот споевите на даските се практично невидливи.
Прв чекор при местењето на ламинатните подови е поставување на полиестерската фолија со дебелина 2mm. Нејзина улога е да ги израмни ситните нерамнини од 2mm и со тоа да обезбеди идеална рамна површина за поставување на ламинатот.
Почнуваме со поставување на првиот ред. Ги ставаме првите две даски од првиот ред. Тие се фиксираат до ѕидот со помош на дрвени вметоци со дебелина од околу 1см.
Понатаму продолжуваме со вториот ред и тоа со даската која претходно сме ја пресекле на половина. Прво се вклопува бочниот спој на даската (оној по должина) така што даската се поставува на бочниот спој под агол од 20° и се спушта кон подлогата. Големината на одсечената даска не смее да биде помала од 40cm.
На ист начин ја поставуваме и втората даска од вториот ред. Кога тоа ќе го направиме, се е спремно за спојување.
Ја спојуваме и втората даска од првиот ред. Даската се спојува со удирање со чекан пред кого се става парче од цврсто дрво со правоаголен облик за да не се оштети даската. Процедурата се повторува и со даската од вториот ред.
Со доаѓање до крајот на просторијата, даските треба задолжително да се сечат. За да прецизно ја измериме должината која е потребна, даската ја свртуваме спротивно од саканата насока на склопување и ја оцртуваме потребната должина.
Склопувањето на последната даска на првиот ред се изведува со метален профил со форма на буквата “S“. Без него склопувањето е практично невозможно. Процедурата се повторува и за вториот ред.
За поставување на последниот ред на даските во повеќето случаи е потребно сечење на даските по должина.
Мерење на даските од последиот ред се врши на тој начин што даската се врти спротивно од саканата насока на склопување и се оцртува саканата ширина.
Со поставувањето на последиот ред ја завршивме работата за инсталација на ламинатниот под.
Ѕидните дрвени лајсни не смеат да се прицврстуваат за ламинатниот под, лајсните се прицврстуваат за ѕидот. Тоа може да се изврши со зашрафување, вклопување или со лепење во зависност од видот на ѕидот.
------------- Внимавај кому му веруваш. И ѓаволот еднаш беше ангел. https://www.youtube.com/watch?v=1DUYlHZsZfc" rel="nofollow - Being RICH is not about how much you have, BUT about how much you GIVE |
Постирано од: Valerija
Датум на внесување: 08.Февруари.2014 во 21:45
ФОТО: Направи сам – куќа за 9 илјади долари
 Иако Стив Ерин не е архитект по професија, сепак тој по долгата кариера како клучар се зафаќа да изгради свој дом. Со помош на двајца помошници тој го прави проектот „Dome Home“ за помалку од шест недели. Куќата е сместена среде фармата за манго на неговиот зет во Тајланд. За изградбата биле употребени само локални материјали, со што Ерин заштедува многу пари. Тој наведува дека сите трошоци околу куќата, вклучувајќи го и мебелот, го чинеле околу 9 илјади долари. Куќата има сферична форма. Тој прави вентилација низ отворите на покривот, а неговата внатрешност е во склад со бујната тропска вегетација надвор. http://faktor.mk/wp-content/uploads/2013/04/119.jpg" rel="nofollow"> ------------- Јакиот човек има само една слаба страна-жената што ја сака! |
http://faktor.mk/wp-content/uploads/2013/04/216.jpg" rel="nofollow">
http://faktor.mk/wp-content/uploads/2013/04/314.jpg" rel="nofollow">
http://faktor.mk/wp-content/uploads/2013/04/415.jpg" rel="nofollow">
http://faktor.mk/wp-content/uploads/2013/04/514.jpg" rel="nofollow">
http://faktor.mk/wp-content/uploads/2013/04/69.jpg" rel="nofollow">
http://faktor.mk/wp-content/uploads/2013/04/85.jpg" rel="nofollow">
Постирано од: zagor
Датум на внесување: 06.Април.2014 во 22:35
|
Kako da instaliram elektricna instalacija vo nov stan(kuka)?. Finansiite mi se pri kraj,a zivotot tece..struja treba a majstorite se skUpdzii///.  ------------- ...zagor e ziv,se drugo e laga. |
Постирано од: Valerija
Датум на внесување: 08.Април.2014 во 16:27
ФОТО: Како да си направите чамец дома http://apostolka.com/wp-content/uploads/2012/06/apostolka.com-27.jpg" rel="nofollow">
------------- Јакиот човек има само една слаба страна-жената што ја сака! |
Постирано од: pajser
Датум на внесување: 08.Април.2014 во 21:35
LELELELELEEEEEEE,,,,,vale i evangjelina ,,,vodoinstalaterki,,, ,,,,
------------- nesluchajno ne veruvam vo sluchajnosti<>sekoja sluchajnost e kontrolirana |
Постирано од: vivi1
Датум на внесување: 08.Април.2014 во 23:39
aj sega ..i camci li po doma ke pravime ------------- vivi |
Постирано од: Valerija
Датум на внесување: 16.Април.2014 во 19:57
Направете сами совршно место за вашите чевли!Ова се интересни идеји за како сами да го разубавите домот, за многу малку пари и за многу кратко време. Ќе ви требаат дрвени табли, шајки, чекан, шмиргла, боја, пила ( во случај да не е прилагодена димензијата на секоја од таблите). Ова е за сите оние кои сакаат да го разубават домот и да бидат во тек со светските трендови. Дрвото е тоа што се цени меѓутоа треба да внимаваме да е рециклиран материјал и да не ги оштетиме малкуте зелени површини и шуми што останаа.
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 29.Јули.2014 во 11:35
http://www.crnobelo.com/zabava/interesno/19956-napravete-sami-kreativni-zakacalki-vo-vasiot-garderober" rel="nofollow - Направете сами: Креативни закачалки во вашиот гардероберМногумина имаат премногу облека што ја носат, па и таква што не ја носат, но сепак сакаат да ја чуваат во случај да им притреба.
Особено девојките кои покрај основната облека имаат уште цела фиока со марами, ремени, модни додатоци, чорапи на кои никогаш не можете да им го најдете парот и уште мал милион ситници кои ви се расфрлани низ целата соба или за кои ви е претесен гардероберот. Ви нудиме неколку интересни идеи кои можете и сами да ги направите и да воведете ред во вашиот уметнички расфрлан хаос низ собата. Некои од нив можат да изгледаат и многу креативно, покрај тоа што се практични и корисни. Искористете го она што го имате дома, како жици, отворачи на лименки, штипки, картонската ролна од тоалетната хартија, дрвената шипка од завесата или нешто што вам ви е неупотребливо, а може да ви помогне за да ги изведете овие идеи и да му дадете нов лик на гардероберот.
------------- Јакиот човек има само една слаба страна-жената што ја сака! |
Постирано од: Valerija
Датум на внесување: 22.Февруари.2016 во 22:36
Овој „направи сам“ мини бар како да излегол директно од филм со Џемс БондНа прв поглед оваа декоративна витрина не изгледа ништо особено. Стариот стил и украсите се елегантни, но инаку изгледа како сосема обичен мебел. Но ако се загледате повнимателно, ќе забележите некои сосема чудни детали. Како на пример, ги забележувате ли жлебовите околу дрвената кутија? И зошто книгите се поткренати? Тоа е така бидејќи со притиснување копче, т.е. со повлекување на книга која служи како рачка, оваа витрина се претвора во нешто како од филм за тајни агенти, и од горниот дел се појавува фиока со алкохол. За да се постигне ова било потребно само идеја, креативен ум и вештина и витрина од 60 долари. На прв поглед изгледа како обична украсна витрина, но со притиснување на тајно копче се претвора во нешто прекрасно.
Витрината служи за чување алкохол и има скриена автоматизирана фиока за лесен достап.
Еве како изгледала витрината пред да се преуреди.
Потоа направил отвор на горниот дел за моторизираната фиока.
Потоа ја бојадисал витрината.
Задниот дел на мини барот е направен од стари буриња за бурбон.
Инсталирал старовремски прекинувач за внатрешното осветлување.
Прекинувачот ги активира светилките кои се со моќност од 20 вати, за да не создаваат прекумерна топлина.
Мини барот се придвижува со помош на моторизиран ТВ лифт на задниот дел.
Со повлекување на една од книгите, лифтот се активира.
Еве како изгледа внатрешноста на витрината.
------------- Јакиот човек има само една слаба страна-жената што ја сака! |
