„Враќање во живот“: Мамо пред да се родам умрев како пилот!

Рајан ги разгледува фотографиите од златната ера на Холивуд и на нив препознава пријатели како Рита Хејворт и Мерлин Монро. Се сеќава на мали детали од црно- белите филмови и раскажува за трачевите кои што биле актуелни зад сцената. Сепак, Рајан има само пет години.

Тој како и многу други деца низ светот има необјасниви сеќавања кои сугерираат на тоа дека станува збор за меморија од некој претходен живот. И додека многу луѓе веруваат дека реинкарнацијата е чиста бесмислица, тој и сличните на него, со своето уникатно искуство го докажуваат токму спротивното.

Доктор Џим.Б. Такер со години ги истражува децата со сеќавања од претходниот живот и во својата книга Return To Life: Extraordinary Cases Of Children Who Remember Past Lives раскажува за необичните приказни со кои што се соочил во текот на својата работа. Можеби еден од најинтересните податоци е тоа што најголемиот дел од децата ги имаат флеш бековите од претходниот живот на возраст од 3 до 4 години, а потоа едноставно ги забораваат. Такер досега работел со деца чии родители и самите не веруваат во тоа што го зборува нивното дете, но по долго набљудување се докажало токму спротивното.

Џејмс–загинат пилот

Родителите на малиот Џејмс сериозно се вознемириле кога нивното дете започнало да ги крши авион играчките и да вреска дека леталото е во оган. Потоа следеле низа кошмари и неповрзани сеќавања кои резултирале со изјава дека е воен пилот кој починал откако неговиот авион бил соборен од непријателските сили.

-Мамо, пред да се родам, бев пилот, мојот авион беше погоден во моторот и падна во вода, така умрев.

Детето им раскажало на родителите дека во претходниот живот било пилот кој се борел за време на Втората светска војна во битката кај Иво Џима, па дури и им го покажало на слика местото каде што паднал авионот. Неговиот татко стапил во контакт со ветераните од битката и притоа дознал дека единствениот човек загинат во авионска несреќа е извесен Џејмс Хјустон кој загинал на истото место кое што му го опишало детето. Но, коинциденциите не престанале тука. Семејството стапило во контакт со сестрата на Хјустон која се уште била жива и таа ги потврдила сите нешта за кои што зборувал малиот Џејмс.

Хантер–реинкарнација на голферот Боби Џонс

Замислете како изгледа кога еден навидум обичен ден, детето доаѓа и ви вели дека е реинкарнација на починат голфер и бара од вас повеќе да не му се обраќате со неговото име, туку со името на починатиот.

Родителите на Хантер (3) останале вчудоневидени откако нивното дете започнало да инсистира дека е Боби Џонс, па неговиот татко решил да земе неколку фотографии од голфери и да му ги покаже на својот син

-Да, тоа сум јас!, рекол Хантер додека од предложените слики ја извлекол токму онаа на Џонс. За кратко детето покажало невообичаен интерес за голф, па дури им објаснило на родителите кои голф терени му се омилени. Денес, Хантер има 7 години и има освоено 41 од 50 јуниор турнири, но повеќе нема сеќавања од претходниот живот.

Како патува свеста низ времето и просторот?

Доктор Такер ја објаснува реинкарнацијата преку теоријата за квантната механика. Тој верува во можноста свеста на човекот да постои посебно од мозокот и од телото, со што тие служат само како нејзино изразување, но не и како нејзин извор. Неговата теорија ја споредува со работата на телевизиската трансмисија. Телевизорите го декодираат сигналот, но во суштина не го создаваат. Човечкиот мозок ја манифестира свеста, но не значи дека истиот е нејзин извор.

Па така, по смртта она што народски се нарекува душа, патува низ времето и просторот и повторно се реинкарнира во телесна форма. Сепак, се уште останува непознато зошто сите луѓе немаат сеќавања од претходниот живот и зошто оние што веќе ги имаат започнуваат да ги забораваат по определен временски период.

Некои од случаите  кои што што биле предмет на истражување, се лажни, односно родителите ги навеле своите деца да зборуваат дека се реинкарнирани, но постојат и такви кои се целосно автентични и кои го оставаат прашањето за реинкарнацијата  отворено и недообјаснето.

http://www.crnobelo.com/zabava/interesno/30871-proverete-dali-ste-stara-dusa-4-dokazi-deka-ste-doziveale-reinkarnacija" rel="nofollow -

Реинкарнацијата е спиритуално верување дека душата го напушта физичкото тело и по кратко време влегува во сосема ново, штотуку родено тело.

Можно е да сте живееле и порано, а да не сте свесни за тоа. Сега ве заинтересира како може да откриете?

Овие 4 знаци се цврсти докази дека сте стара душа која и претходно живеела, само во поинаков облик.

1. Добро ги читате луѓето

Самото набљудување на луѓето ви дава јасна слика за нивните карактеристики и начинот за живот кој го водат? Имате чувство како да поседувате вградена програма која ги детектира намерите на другите? Тоа е затоа што и порано сте имале блиски сретнувања и сте комуницирале со илјадници луѓе, па сте имале можност добро да ги проучите сите типови на однесување.

Тоа не значи дека осудувате, туку само дека добро проценувате.

Способноста да ги читате луѓето исто така ви помага да откриете кога некој ве лаже. Вие едноставно ги забележувате лагите во нивните очи, чувствувате промена во енергијата и во начинот на кој ги изговараат зборовите. Веројатно затоа што тоа сте го искусиле и порано, така што не сте друштвено наивни.

2. Уживате во изолацијата

Сакате да поминувате време сами со себе, но не затоа што сте осамени, туку затоа што уживате во своето друштво. Задоволни сте сами со себе и тоа ви е најважно. Попрво би седеле сами под ѕвездите, отколку да се туркате во некој клуб.

Ако се пронајдовте, тоа не значи дека сте недружељубиви, туку дека не ви требаат луѓе кои ќе ви дадат поголема вредност, пофалба или одобрување.

Она што ве издвојува од сите останати е внатрешниот мир.

3. Не се вклопувате

Едноставно не одговарате во повеќето друштва, уште се навикнувате на околината и не знаете како „правилно“ треба да се однесувате во одредена ситуација? Имате чувство дека сте лав кој постојано живее живот како овца?

Вие всушност не сакате да се вклопите. Можеби понекогаш пробувате, но сепак не сакате целосно да ви успее и тоа е во ред.

Не разбирате зошто некои луѓе се среќни само затоа што се вклопуваат во шаблонот, затоа што природно ви е да бидете екстравагантни и неконвенционални. Едноставно, не сакате да бидете „нормални“ и обични.

4. Имате богата душа

Луѓето со задоволство ви се обраќаат за совет, дури и ако сте помлади од нив. Тие ги ценат советите, затоа што поседувате многу мудрост за годините кои ги имате.

Можеби не ви паднало на памет, но веројатно веќе сте живееле неколку пати, па сте имале повеќе од доволно време да ја извежбате трпеливоста и искреноста.

Плус, ако брзо учите нови животни лекции и секогаш внимателно слушате што ви зборуваат секојдневните ситуации, тогаш сигурно сте богата душа која не е стара колку и вашето тело.

Во колку знаци се пронајдовте?

-------------
Јакиот човек има само една слаба страна-жената што ја сака!