Според мене,најубавиот град
Што мислите Вие?

По мислењето на многумина, Париз е најубавиот и најромантичен град во светот. Тоа е градот на љубовниците, уметниците, врвната мода, највкусното вино...

Избравме само седум од многуте карактеристики на Париз кои сигурно ве асоцираат на него.

1. La Tour Eiffel

Неспоредливата Ајфелова кула. Гордо го зазема првото место кога станува збор за најубавите светски градби. Конструирана е од страна на Густав Ајфел, во далечната 1889 година, по повод Светската изложба. Чекањето за искачувањето на врвот навистина вреди. Погледот кон прекрасниот Париз може да го засладите со вкусно пенливо вино, кафе или пак вкусните француски специјалитети.

2. Гламур

Уште од 17 век Париз се смета за центар на модата, стилот, културата, книжевноста и уметноста воопшто. Денес, Париз асоцира на звучни модни креатори кои ги осмислуваат актуелните трендови.

3. Le Louvre

Величествена градба и најпознат музеј во кој можете да бидете сведоци на уметноста која датира пред многу години. Ако сте љубител на уметноста, Лувр е правото место за вас. Конечно ќе ја погледнете Мона Лиза во вистинска големина, сликата на Леонардо исто како и многу споменици на древните цивилизации. Тука се наоѓа и накитот и огледалото на Жозефина, која е првата љубов на Наполеон и негова прва законска сопруга.

4. George Pompidou

Зграда на музеј која веднаш ќе ве привлече со својата конструкција. Направена е по барање на тогашниот претседател Жорж Помпиду, кој имал една единствена желба – Париз да го направи оригинален музеј посветен на современата уметност.

5. Les fromages et les vins

Француските вина ги воодушевуваат сите љубители на овој пијалок ширум светот. Доколку сте љубител и на вкусните сирења и кашкавали, тие сте одличен спој. Сирењата по традиција се служат после главното јадење, пред десертот, додека вината се нешто задолжително кога станува збор за вкусен ручек или вечера.

6. Монмартр

Во подножјето на Монматр ќе здогледате интересен споменик кој е посветен на љубовта. Станува збор за ѕидот наречен Le mur des je t’aime, на кој на над 300 јазици пишува „Те сакам“.

7. La Defense

Бизнис област која изгледа како град на иднината. Тука ќе ги сретнете зградите на најзначајните светски компании, изградени во модерен стил. Во оваа област нема многу туристи или случајни минувачи, исклучиво овде се движат групи на соработници облечени во скапи одела кои пијат вкусно кафе додека прават пауза од работата.

http://www.crnobelo.com/zivot/patuvanje/16311-na-magicna-prosetka-niz-pariz" rel="nofollow - На магична прошетка низ Париз

http://www.crnobelo.com/zivot/patuvanje/13730-elegantno-uzivanje-vo-pariz" rel="nofollow -

Франција е позната по многу нешта, вклучувајќи ја храната, виното, модата, уметноста и архитектурата. И покрај тоа што градот Париз е број 1 на листата за посета кај голем број луѓе, сепак постојат толку многу други нешта кои вредат да се видат во Франција. Всушност бројот на тие нешта е толку голем што дури само една посета не би ви била доволна. Погледнете ги наредниве 7 работи кои морате да ги видите и направите доколку некогаш одите во Франција.

1. Париз

Точно, Париз е очигледен избор. И покрај тоа што е скап град и понекогаш нечист, сепак нема да се покаете доколку го посетите. Љубителите на уметноста дефинитивно не би сакале да го пропуштат Лувр, домот на познатата слика Мона Лиза. Исто така добра идеја е да го посетите музејот Орсеј каде што има уметнички дела од голем број талентирани сликари како Сезан, Моне, Мане, Гоген, Реноар и Ван Гог. Доколку преферирате модерна уметност, можете да го посетите центарот Помпиду.

Нешто што навистина не треба да го пропуштите е Богородичната црква (Нотр Дам). Архитектурата ќе ве остави без зборови, а доколку имате енергија, искачете се на врвот на кулата од каде што ќе имате прекрасен поглед кон Париз.

Наредна точка на вашата листа би требало да биде Версајскиот дворец. Тој се наоѓа на огромна површина, каде што покрај главната палата можете да ги посетите и големите градини, имотот на Марија Антоанета и големиот Тријанон – мала палата која ја користел Луи XIV. Версајскиот дворец е под заштита на УНЕСКО и е едно од најубавите места во Париз.

Меѓу другото, можете да поминете едно попладне пловејќи по реката Сена, да се качите на Ајфеловата кула или на кулата кај Монпарнас. Можете да ги посетите Елисејските полиња, Триумфалната капија и операта Гарние.

2. Пон ду Гар (Мостот над реката Гар)

Станува збор за римски аквадукт, кој се наоѓа на 25 километри од Авињон и е преку 2.000 години стар. И покрај тоа што оваа област е многу популарна кај велосипедистите и планинарите поради својата природна убавина, главната атракција е самиот аквадукт кој е во неверојатно добра форма за толку стара структура. Доколку погледнете подобро, ќе можете на камењата да ги видите натписите од оригиналните масони.

2. Карнак

Карнак е област која била создадена околу еден век пред Стоунхенџ. Таму можете да видите над 3.000 монолити кои се околу 4.000 години стари. Тие се значајни остатоци на една огромна мистерија, и покрај тоа што голем дел од луѓето веруваат дека се употребувале за религиозни и културни активности.

3. Катедрали

За сите оние кои сакаат уметност, архитектура и скулптури, катедралите во Франција се рајско место. Исто како во Италија и Шпанија, католиците граделе екстравагантни катедрали кои се монументи на визијата поврзана со вербата. Една од најпознатите катедрали е  http://www.kafepauza.mk/art-i-dizajn/mont-saint-michel%E2%80%93grad-srede-more/" rel="nofollow - Мон Сен Мишел  која се наоѓа во Нормандија. Станува збор за градба на остров која била посветена на Свети Михаил, а селото кое се развило околу нејзината основа, вклучувајќи ја и целата околина, се под заштита на УНЕСКО.

5. Замоци

Франција има многу повеќе замоци отколку што би можеле да замислите и дел од нив навистина вреди да се видат. Идејата да се живее во замок е често мечтаење на голем број луѓе и токму поради тоа замоците во Франција се отворени за туристите кои слободно можат да останат преку ноќ. За најдобро искуство, ви препорачуваме да прошетате низ долината Луара.

6. Винарски визби

Различни околини произведуваат различни видови грозје, а француските вина го добиваат своето име според тоа во кој регион биле создадени. И покрај тоа што големите винарски визби се и најпознати, сепак можете да најдете добри вина и во помалите и помалку познатите. Сигурни сме дека овие вина толку многу ќе ви се допаднат, што ќе си земете неколку со вас за дома.

7. Храна

Француската кујна е позната со причина. За појадок можете да пробате чоколадно млеко со свежо подготвени кроасани. Исто така одвојте време и за полуксузните ресторани и кафетерии. Нема да бидете разочарани.

Можете да си направите и мал пикник. Французите велат дека најдобрата храна се наоѓа во Лион, но и маркетите во Прованс не се лоши. Во комбинација со добро вино и Ајфеловата кула во позадина, ова ќе биде  http://www.kafepauza.mk/zanimlivosti/na-piknik-vo-pariz/" rel="nofollow -  во вашиот живот.

Ви претставуваме неколку најимпресивни и најскапи хотели во Градот на светлината.

„Four Seasons George V“

Исклучително убав и скап, хотелот „Four Seasons George V“ претставува симбол на париската елеганција и префинетост. Од неговите балкони и прозорци има прекрасен поглед на Сена, Елисејските полиња, Триумфалната капија и на Ајфеловата кула. Се наоѓа на самиот крај на авенијата Елисејски полиња, на еден час со автомобил од аеродромот „Шарл де Гол“ и на 40 минути од аеродромот „Орли“.

http://www.bravacasa.rs/najskuplji-hoteli-u-parizu/pogled-sa-balkona/" rel="nofollow">

„Hôtel Plaza Athénée“

„Hôtel Plaza Athénée“ е уште еден прекрасен париски хотел, претставува раскошен споменик во Париз и е еден од најубавите и најпознатите хотели во овој град. Од овој хотел, кој целиот блеска со елеганција, има прекрасен поглед кон Ајфеловата кула.

Можете да се опуштите во својата елегантна соба уживајќи во погледот, во дворот или пак да ги посетите блиските продавници. За совршен крај на денот посетете го хотелскиот ресторан и уживајте во специјалитетите на познатата француска кујна.

„Le Meurice“

„Le Meurice“, познат по својот луксуз уште од 1835 година, импресионира со исклучителната архитектура од 18-от век и со преубавата комбинација на старо и ново. Хотелот се наоѓа во центарот на првиот арондисман. Меѓу плоштадот „Конкорд“ и музејот „Лувр“.

Класичниот стил на овој хотел ја изразува богатата колекција антиквитети и уметнички дела. Благодарение на архитектот Филип Старк, денес овој хотел претставува многу убав спој на модерната и на традиционалната архитектура. Содржи вкупно 160 соби и синџир ексклузивни ресторани „Le Meurice“.

„Park Hyatt Paris-Vendôme“

Хотелот „Park Hyatt Paris-Vendôme“ може да се опише како исклучителен спој на раскош, елеганција и убавина. Љубезниот персонал ги исполнува вашите очекувања и тука се е внимателно осмислено за да ви даде извонредно искуство.

Хотелот има 168 соби, секоја уредена во класичен европки стил, со модерни линии и драматични детали. Уживајте во пријатната атмосфера, посетете ја околината или опуштете се во дворот на хотелот.

Хотел „Le Bristol“

Сместен е на неколку чекори од Елисејските полиња. Овој преубав хотел нуди врвна услуга и мешавина од француска елеганција и англиски шарм. Многу е романтичен и совршен е за двојки што сакаат да го поминат медениот месец во Париз.

Ентериерот на хотелот се одликува со палета од нежни бои, префинета дрвенарија и исклучителни материјали. Сите овие детали ја истакнуваат романтичната атмосфера и придонесуваат за пријатноста на амбиентот. Собите се опремени со мебел од 18-ти век, а некои имаат тераси со поглед кон Градот на светлината.

ШТО СЕ ТРЕБА ДА СЕ ВИДИ ВО ПАРИЗ

Доколку не сте дел од оние посетители кои можат со часови да чекаат пред железната убавица на Париз, тогаш веројатно сте дел од љубителите на добрата храна и вино.

Блогерите на  http://www.tiffintales.com/" rel="nofollow - Tiffin tales  ги истражиле париските слаткарници и пекари и препорачуваат неколку задолжителни вкусови кои вашите сетила мора да ги искусат. 

Макарунс

Слатко во само еден залак. Тоа е класичниот изглед и замисла за десертите и токму затоа, макарунсите се првиот и основен концепт за слатка во Париз.  http://www.pierreherme.com/" rel="nofollow - Pierreherme  е епицентарот на најдобрите макарунси и од тука не можете да заминете се додека не ги пробате класиците. Прв е вкусот и мирисот на карамела. По него доаѓаат летните вкусови Ispahan (роза, малина и личи овошје) и сите видови на летни макарунси полнети со сладолед.

Топла чоколада

Не станува збор за блага Нестле инстант чоколада, туку изобилие на богат и силен вкус на вистинска чоколада. Секако, доколку овој вкус е премногу силен, секогаш можете да додадете малку свежо млеко и да ја ублажите аромата на париската топена чоколада. Местото кое се препорачува е http://www.angelina-paris.fr/fr/" rel="nofollow - Angelina .

Багети

Парижаните се страстен народ и не би чекале ништо друго освен, нивниот топло приготвен леб. Секако, не без причина. Парискиот леб е вистински деликатес и „клише“. Без оглед на тоа, дали станува збор за богат бизнисмен или сиромашен просјак, ќе ја забележите типичната слика на парижанец со багет во раката. Блогерите ја препорачуваат единствената „буланжерија“ на Монмартр http://www.gontrancherrierboulanger.com/" rel="nofollow - Gontran Cherrier .

Сирење

Несомнено дека токму овој тип на солен деликатес ќе се најде во оваа листа. Цела Франција е добро позната по своите многубројни и различни типови и вкусови на сирење, а центарот е токму во Париз. Тука ќе ги најдете вкусовите на цела Франција. Што се однесува до нивната дегустација, тоа останува на вас. Добро познати продавници на сирења се  http://parisbymouth.com/fromagerie-quatrehomme/" rel="nofollow - Fromagerie Quatrehomme  и  http://parisbymouth.com/fromagerie-quatrehomme/" rel="nofollow - La Fermette .

Путер

Кога ќе го слушнете зборот путер, ви се враќа сликата на девојчето во дрвени кломпи и холандска етно носија од цртаните, нели? И можеби е така. Општо сите западноевропски земји (без оглед дали е тоа, Холандија, Германија..) приготвуваат свој путер, но кога ќе дојдете во Париз, ќе ја имате можноста и во еден обичен супер маркет да пробате 10 различни вкусови. Уживајте здраво и разумно во овој француски деликатес ( http://www.lebeurrebordier.com/" rel="nofollow - Bordier ).

Кроасани

Французите навистина сериозно го сфаќаат приготвувањето на кроасаните и поседуваат цел сет на правила и чекори за подготвување на добар кроасан. Кроасанот не е добар ако не можете да го вкусите педантно. Основниот концепт е навртена златно жолта полу месечина со мека полу еластична и внатрешност полна со путер. Додека купувате макарунси, не заборавајте да купите и еден кроасан од  http://www.pierreherme.com/" rel="nofollow - Pierre Hermé .

Палачинки

Нема што многу да се зборува. Никој не може да одолее на свежо подготвената палачинка исполнета со нутела, банани и бисквит. Или пак, за оние кои претпочитаат солени вкусови: сланина, топено сирење и павлака.

Чоколада

http://jacquesgenin.fr/" rel="nofollow - Jacques Genin  преточување на соништата на сите љубители на чоколада, во реалност. Блогерите велат: сите вкусови, оние кои сте ги замислиле и оние за кои не сте ни сонувале, ќе ги најдете на едно место - Париз.

Фалафел

Традиционално, фалафелот е арапски рецепт. Поимот потекнува од арапскиот збор falāfil, што буквално означува, пиперка. Станува збор за топка пржен зеленчук која да, можете да ја сретнете и на улиците на Париз. Место каде можете да го пробате овој арапски деликатес со париски „шмек“ е https://plus.google.com/115347975969490413823/about?gl=US&hl=en" rel="nofollow - L’As du Fallafel .

Маделини

Кога ќе го слушнам овој поим, секогаш се присетувам на готвачот на Hell’s kitchen, кој на 24 часа приготвува маделини со своите деца. Рецептот се чини лесен за приготвување, но вкусот не е ни одблизу како оној на париските улици. Место кое се препорачува за топло и секако, полни путер и јајца, слатки маделини, е  http://parisbymouth.com/ble-sucre/" rel="nofollow - Blé Sucré .

20 причини кои ќе ви откријат зошто Париз е центар на светот

Градот на светлината минува низ турбулентен период во последно време. Но, ни терористите, ниту пак стравот нема да може да ја убијат убавината и духот на Париз. Градот на Сена е вечен и неуништлив, а ние ви прикажуваме 20 причини зошто е тоа така:

• Затоа што Сена е река покрај која се ужива во мир и тишина.
  
  
• Бидејќи париските палачинки се најдобри од сите останати.
  
  
• Не постои ништо поубаво од кроасан.

• Погледот на Sacre-Coeur ќе ве остави без здив.
  
  
• Бидејќи овој град ќе ве воведе во мистериозниот свет на Moulin Rouge.
  
  
• Затоа што француското вино е едно од најсовршените на светот.
  
  
• Бидејќи Louvre ја поседува најдобрата уметничка збирка во светот.

• Париз е заслужен за модата во денешно време.
  
  
• Денот во Луксембуршкиот парк никогаш не е залудно потрошен.
  
  
• Бидејќи Champs Elysees е неверојатен во секој поглед.
  
  
• А на крај на претходно споменатите знаменитости ве чека Триумфалната порта.

• Ова е градот на Серж Генсбурж.
  
  
• И на Едит Пиаф.
  
  
• За свој дом, градот го сметаа Пикасо, Хемингвеј, Џозефин Бекер...
  
  
• Нема град со толку многу различни видови на леб.

• Бидејќи погледот кон Ајфеловата кула ќе ве натера повторно да се заљубите/
  
  
• Затоа што овде вечерите ги поминувате со пријателите и фамилијата.
  
  
• Затоа што Notre Dame е магичен исто како и во соништата.
  
  
• Овде се бакнувате каде и да стигнете...
  
  
• ... едноставно, ова е градот на љубовта!