На двесте километри од Скопје, во општината Ново Село, Струмичко, скриено во длабока шума, бегајќи од погледот на човекот, започнува приказната за Смоларскиот водопад.

По искачени илјада чекори, триста скалила и 650 метри надморска височина пристигнувате до едно совршено место кое со зборови не се опишува.

До таму ќе стигнете по соодветно изградена патека, со дрвени скалила и дрвена ограда која започнува од селото Смоларе и води сè до самиот водопад.

По патеката ќе имате можност да уживате во една малку поинаква глетка - нереална убавина и нема тишина. Ќе можете да го слушате движењето на водата постојано додека се искачувате.

Смоларскиот водопад се смета за најголемиот и единствен постојан водопад во Македонија, кој постојано има пад на водата од дури 39,5 метри височина.

Се верува дека планината Беласица крие и уште неколку недопрени водопади до кои речиси е невозможно да се стигне, но звукот од нивното жуборење ќе го чуете како одекнува од страните на планината.

Ова е само едно од многуте места кои треба да ги посетите во оваа околина.

Ако сè уште размислувате каде за викенд, ви го претставуваме Галичник како совршена македонска дестинација во која без сомневање ќе уживање деноноќно.

Ова е место ве пленува и во зима, и во лето, поради чудесната хармонија меѓу Мавровско езеро и околните планини.

На патот кон селото, се наоѓа ергела која ја води храбро, способно момче кое решило да го замени врелиот скопски асфалт со недопрената природа на Галичник. По татко Галичанец, тој започнал да го крои локалниот туризам со една несекојдневна понуда – да се помине Бистра на коњ!

Ако сте расположени за прошетки, одминете го малиот извор на ледена вода што извира под селото Галичник и на неколку километри поминати по шумски врвици, ќе наидете на црквичката света Петка.

Прекрасниот ден нека ве води низ планината Бистра со нејзините пространи пасишта. Откријте го понорот Тони Вода, карсно поле, каде водата на лето пресушува. Во негова близина се наоѓаат традиционалните бачила со најквалитетно сирење и кашкавал и студена планинска вода. На патот кон бачилата сигурно ќе запознаете некој овчар кој ќе ве понуди и нагости со домашно лепче, кисело млеко и домашно сиренце.

Бидејќи сите убавини на Галичник нема да можете да ги разгледате за само два дена, желбата за повторно враќање не ја потиснувајте. Кога и да имате шанса уживајте во недопрените убавини на ова селце кое денес има само неколку постојани жители, кои со задоволство ќе ви ја раскажат галичката историја и традиција.

За викендот што следува ви препорачувам да посетите нешто поразлично од секојдневните викенди во Охрид, Маврово, Струга или Дојран. Ви го препорачувам селото Беловиште.

Извор:www.facebook.com

Селото Беловиште се наоѓа во близина на градот Тетово, поточно припаѓа во Општината Јегуновце. Името на селото Беловиште потекнува од беложолтеникавата боја на глината која се наоѓа на една падина над селото. Над селото се наоѓа и месноста Градиште со остатоци од ѕидини за кои се смета дека се од римско време.

Извор:www.facebook.com

Селото Беловиште е сместено на надморска височина од околу 900 метри и поради тоа има идеална клима. Ова село има прекрасна живописна природа која вреди да ја посетите барем на еден ден. Тука ќе може да ја посетите црквичката “Св. Петка” во која тече лековита вода. Велат дека водата ги лечи сите болести на очите.

Извор:www.facebook.com

Покрај тоа, тука има и манастир каде што ќе можете да ги одморите нозете, и да уживате во прекрасната природа, во чистиот воздух и жуборењето на реката. Доколку некогаш сте посакале да правите пикник, а сте немале идеја каде, не се секирајте, бидејќи тука се наоѓа најубавото излетничко место “Петочко Водиче”, каде што ќе можете на веќе поставени места за скара сами да си направите и да уживате во убавините.

Извор:www.facebook.com

Во Петочко Водиче, има и неколку ресторани, како што е ресторанот  http://www.getlokal.mk/mk/tetovo/belojski-biser" rel="nofollow - Белојшки Бисер , во кои има прекрасна храна и услуга, доколку не сакате сами да спремате. Тука се наоѓа и Беловишка Река, која извира од под врвот Пирибег на Шара. Доволно е чиста, така што жителите на Беловиште ја пијат без прочистување. Иако не пресушува во текот на целата година, најголема е во текот на месеците април и мај, кога се топат снеговите.

Извор:www.facebook.com

Се надевам дека ќе го посетите ова прекрасно село и ќе уживате на чист воздух барем еден ден.

Доколку сте авантуристи и сакате да запознавате нови места, јас ви препорачувам да го посетите најголемиот духовен манастирски комплекс во Тетовско “Св. Атанасиј”, кој е смeстен во природен амбиент во селото Лешок.

Извор:www.facebook.com

Селото Лешок целосно е обвиткано со зеленило и изобилува со чист планински воздух, на надморска височина од 610 метри. Тука ќе можете да ги посетите црквите црквите „Св. Атанасиј“ и „Св. Богородица“, а исто така и гробот и спомен собата на Кирил Пејчиновиќ кој е еден од најпознатите македонски преродбеници од XIX век. Во манастирските конаци има параклис посветен на светите Кирил и Методиј, а надвор од манастирскиот комплекс има стара црква посветена на Атанасиј Александриски, која ја викаат Стар Манастир.

Извор:www.facebook.com

Манастирот за прв пат е основан во 1321 година од страна на Епископот Полошки Антониј. Комплетното заживување кое е видливо и денес се должи на доаѓањето на Пејчиновиќ од Света Гора, во 1818 година, кога се обновени манастирските конаци и кога е основана манастирската библиотека. Во тоа време Лешок прераснал во книжевен и просветен центар. Денес, манастирските конаци се реновирани, така што тие располагаат со сместувачки капацитети, а особено се погодни за летен манастирски туризам.
Манастирот досега е два пати уриван. Прв пат во 1690 година Турците го разурнале целиот комплекс со се црквите, а вториот пат за време на конфликтот во 2001 година.

Извор:www.facebook.com

Штом ќе разгледате се и ќе се изнадишете чист воздух, ќе можете да седнете на ручек во http://www.getlokal.mk/mk/tetovo/monastery-restaurant-leshok" rel="nofollow - ресторанот Лешок . Ресторанот Лешок се наоѓа во склоп на Манастирскиот комплекс Св. Атанасиј во селото Лешок и располага со капацитет од 450 места. Немојте никако да ја пропуштите одличната скара, а поготово специјалитетот “Тава Лешочки Манастир”. 
Во склоп на Манастирот се наоѓа и конак кој располага со 45 легла, кој на домашните и странските посетители им нуди престој за само 1000 денари полн пансион за еден ден.

Барате место да избегате од горештините во градот? Веќе сте ги посетиле Охрид, Преспа, Маврово, Шапка и барате нешто ново и интересно?

Мојот предлог за да се одморите и да ги наполните батериите е селото Нежилово. Нежилово е лоцирано во подножјето на планинскиот масив Јакупица на надморска височина од 700 метри. Се наоѓа во близина на највисокиот врв на Јакупица, Солунска Глава (2540 м.). Селото е сместено во долината на преубавата река Бабуна и тоа во близина на самите извори на Бабуна. Оддалечено е 55км од Велес , отприлика еден саат возење, а до селото е изграден асфалтиран пат. Од Скопје е оддалечено 110 километри. Ако сакате да патувате со воз, ќе се симнете на станицата кај селото Богомила, а од таму локалните таксисти за 200 денари ќе ве однесат до Нежилово.

Во продолжение дознајте ги причините за кои навистина вреди да се посети овој крај.

Извор:Photo by Ivana Spiroska

Нежилово се одликува со чист планински воздух и прекрасни пејсажи кои се едни од најубавите во Македонија. Веднаш ќе ги приметите големите карпести отсеци на околните планини северно од селото. Високи се стотина метри и делуваат навистина импресивно. Целиот крај е прекриен со густа дабова, букова и мешана шума која прави сенка и ладовина за одмор. Низ селото поминува бистрата планинска река Бабуна. Нејзиниот пријатен шум од малите водопади се слуша насекаде во селото. По течението на реката направени се неколку рибници кои ја користат чистата планинска река за одгледување на калифорниска пастрмска и златна риба.

Извор:Photo by Ivana Spiroska

Извор:www.facebook.com

Најпознат од овие рибници е рибникот „Нежилово“, наречен по самото село. Во склоп на овој рибник се наоѓаат и ресторан, мотел и базен. Интересно за ресторанот е што е сместен над самата река Бабуна и нуди прекрасна глетка и уживање. Главен специјалитет во ресторанот е секако свежата риба од самиот рибник, но се нудат и други нормални понуди, а цените се навистина ефтини. За сите што сакаат да бидат on-line, ресторанот има бесплатна Wi-fi конекција. Мотелот нуди сместување за сите оние кои сакаат да го посетат овој крај. Располага со капацитет од 16 соби, 65 кревети, 2 апартмани и сала за семинари за 100 посетители. Неодамна е изграден и базен кои ви нуди можност да се разладите во топлите денови. Влезот на базенот чини скромни 50 денари.

Извор:Photo by Ivana Spiroska

Извор:Photo by Ivana Spiroska

Ако сте раположени за прошетка низ планините тогаш сигурно ќе сакате да го посетите планинарскиот дом Чеплес. До Чеплес се стига со два часа пешачење по патеката која се наоѓа веднаш над рибникот, а од Чеплес се продолжува понатаму за да се стигне до Солунска Глава.

Извор:Photo by Ivana Spiroska

Нежилово е дел од општината Чашка. Во селото денес живеат околу 50-тина жители, за разлика од минатото кога оваа бројка била многу поголема. Селото има интересна рурална архитектура која се одликува главно со куќи изградени од камен. Ако носите мобилен телефон треба да знаете дека во селото е достапна само мрежата на T-mobile, останатите оператори не се достапни. Селото нема продавница, затоа купете ги основните намирници пред вашиот престој во Нежилово.

Извор:www.facebook.com

Планината Баба, со врвот Пелистер се наоѓа на јужниот дел од Република Македонија и е со алпски карактеристики. Пелистер е поставен меѓу долините на Пелагонија и Преспа. Стар е околу 465 милиони години. Пелистер е највисокиот врв на Баба Планина, а со своите 2601 метри надморска височина, претставува трет највисок планински врв во Македонија. Името на врвот Пелистер, се користи и како име за самата Баба Планина, но и како синоним за градот Битола.

Постојат две легенди прврзани со името Пелистер. Едни велат дека името потекнува од грчкиот збор „peristeri” што значи гулаб, заради белосивиот камењар, кој кога го гледате од далечина заликува на гулаб. Други пак веруваат дека тоа е од петоигличниот бор – петлистер, па од таму – „Пелистер“.

http://magazine.danaucime.mk/wp-content/uploads/2013/11/pelister22.jpg" rel="nofollow">

Пелистер стана Национален парк на 30-ти ноември 1948 година, кога е прогласен за прво заштитено природно богатство во Р.Македонија. Овој Национален парк го опфаќа врвот Пелистер и се протега на падините на Баба Планина, а од градот Битола е оддалечен 15km. Неговата површина изнесува 12.500 хектари, со надморска височина од 700 до 2.600 метри.

http://magazine.danaucime.mk/wp-content/uploads/2013/11/2_3.jpg" rel="nofollow">

Националниот парк Пелистер се карактеризира со поголем број врвови и повеќе возвишенија повисоки од 2000 метри, кои меѓу себе се раздвоени со длабоки долини. Од релјефните облици највпечатливи се т.н. „камени реки“.Тоа се всушност наклони на релјефот исполнети со дробински материјал, составен од блокови на гранити, долерити, габрови и кварцни шкрилци, натрупани едни врз други, без ориентација. Тие се создадени во времето кога во највисоките делови на планината имало снежна клима, со лизгање на блоковскиот материјал по подлогата, поради нејзиното наизменично замрзнување и одмрзнување. Камените реки се најизразени на северната страна на возвишението Црвена Стена и над месноста „Копанки“. На одделни места на Пелистер, камените реки сочинуваат низа долга и до 3км. Исто така, непомалку интересна појава на Пелистер се и т.н. „камени мориња“. Овие маркантни периглацијални релјефни форми настануваат со мразно раздробување на карпестата подлога, која што обично е со благ наклон, така што разорениот карпест материјал останува на самото место на создавањето. Класична појава на едно вакво море од камења може да се види на североисточната страна од врвот Пелистер, во правец на врвот Стив.

Национален парк Пелистер изобилува со уникатни природни богатства и претставува дом на ретки животински и растителни видови. За флората и фауната и за моликата, како синоним за Пелистер, прочитајте ја  http://magazine.danaucime.mk/ubavinite-na-pelister-molika/" rel="nofollow - статијата .

http://magazine.danaucime.mk/wp-content/uploads/2013/11/4597872947_e1ed337b97_z1.jpg" rel="nofollow">

Исто така, пелистерскиот масив е испресечен со поголем број на живописни планински реки низ кои течат бистри и ладни води. Сите тие ја сочинуваат нивната исконска дивина во декорот на планинскиот пејсаж. Тие се украс на планината и го облагородуваат пејсажот низ кого протечуваат.

Пелистер има развиена хидрографска мрежа која што изобилува со бистри изворски води, водопади и планински езера. На Пелистер посебна природна привлечност имаат двете глацијални езера т.н. „Пелистерски Очи“ или познати и како „Горски Очи“.

http://magazine.danaucime.mk/wp-content/uploads/2013/11/67_103_1.jpeg" rel="nofollow">

„Пелистерски Очи“ -Големото и Малото Езеро се леднички езера. Големото Езеро се наоѓа на надморска височина од 2.218 метри, долго е 233 метри, широко 162 метри, а длабоко 14.5 метри. Се протег во правец север-југ. Малото Езеро се наоѓа на надморска височина од 2.180 метри, долго е 79 метри, широко 162 метри, а длабоко 2.6 метри. Оддалечено е околу 2км од Големото Езеро, во северозападен правец. Се наоѓа во изворишната челенка на Црвена Река. Веднаш покрај Големото Езеро има и планинарски дом „Копанки“ со капацитет од 50-100 легла и прекрасни и пространи терени погодни за планинарење, алпинизам, планински велосипедизам и спортување. До езерата може да се стигне од две страни, по две одлично обележани планинарски патеки. Едната патека води од село Нижеполе од месноста Лак Поток (бараки) или ски-лифтот преку пределот Дебел Рид, а другата по која може да се движат и џипови и теренски возила започнува од хотелот „Молика“ и преку месноста Јоргов Камен, минувајќи го Малото Езеро завршува кај планинарскиот дом „Копанки“, до самото Големо Езеро. Во Големото Езеро живее малуброен ендемски вид на риби. Во летниот период во студените води на двете езера често се капат многу посетители и планинари.

http://magazine.danaucime.mk/wp-content/uploads/2013/11/kab_stevo_2.jpeg" rel="nofollow">

За љубителите на планинарење тука е „патеката по камењарот“, која започнува од хотелот „Молика“, a завршува кај Големото Езеро, така што, целата должина на стазата изнесува околу 14 км. „Патеката по камењарот“ е едукативно показна стаза, која што посетителите на Националниот парк Пелистер ги води низ еден мошне атрактивен простор исполнет со разновидни природни убавини. Оваа патека како маркантна релјефна форма се состои од огромен број на камени блокови со различен облик и големина хаотично растурени и испревртени по целата должина на овој доминантен планински гребен на Пелистер( тоа се т.н. „камени мориња“кои претходно ги спомнавме).

http://magazine.danaucime.mk/wp-content/uploads/2013/11/ic-6.jpg" rel="nofollow">

Првата делница од „патеката на камењарот“, којашто води према планинарскиот дом „Копанки“ е стрмна и потешка за совладување, за потоа да продолжи низ рамен терен се до изворниот дел на Магарешка Река. Оттука, патеката повторно води низ стрмни предели се до месноста Горна Ливада, којашто претставува мала зарамнета тревеста површина опкружена со шума од молика. Од овде патеката постепено се искачува према врвот Пелистер (2601 м) минувајќи низ каменестите предели на возвишенијата Стив и Илинден. Од врвот Пелистер, патеката се протега низ тревни површини коишто претставуваат високопланински пасишта, при што, минувајќи покрај Малото Езеро завршува кај Големото Езеро на Пелистер, на надморска височина 2225 м, што е крајна точка на патеката. „Патеката по камењарот“ е означена е со патокази, има поставено информативни табли, а изграден е и еден видиковец и една настрешница. По неа ќе ве води водичката служба на Националниот Парк Пелистер.

http://magazine.danaucime.mk/wp-content/uploads/2013/11/sasa_8251538_n.jpeg" rel="nofollow">

Со цел да се заштити Националниот Парк Пелистер како природна реткост во Македонија и за да можат овие, но и идните генерации на посетители да уживаат во неговите убавини овде постојат неколку правила и прописи. Еве неколку од нив:
- Забрането е палење на оган
-Забрането фрлање на смет
-Забрането употреба на скара
-Забрането водење на миленичина
-Забранет лов и риболов
-Забрането кампување и ноќевање на отворено и под шатори.

Секоја повреда на овие павила, согласно член 183-а од „Закон за заштита на природата“ , се санкционира со прекршочни санкции, односно со глоби во износ од 50—70 евра во денарска противвредност.

Националниот парк Пелистер е отворен 24 часа, седум дена неделно,освен при непогодни временски услови. Паркот има свој Инфо Ценатар, кој работи секој ден од 9:00 – 15:00 часот, а има постојана изложбена поставка, сала за семинари и работилници, библиотека и сувенирница.

http://magazine.danaucime.mk/wp-content/uploads/2013/11/20092012425_1_13490333211.jpeg" rel="nofollow">

Повеќе за Националниот парк Пелистер и за неговите убавини можете да прочитате  http://park-pelister.com/" rel="nofollow - овде .

Затоа, за да ги видите и доживеете сите убавини на планината Баба и Пелистер, дојдете во Национален парк Пелистер! Велат, кој еднаш бил на Пелистер, сигурно ке дојде пак!

Тиквешкото Езеро се наоѓа на неколку километри од Кавадарци. Најголемо вештачко езеро во Македонија со 28.5km, а просечната широчина е 500m.

Температурата на Тиквешкото езеро е 24 степени Целзиусови што го прави погодно во летниот период за различни видови на спортови,и за капење.

Но, тоа не е единственото нешто кое може да го правите во овој крај. Тиквешкото езеро изобилува со флора и фауна, со најразлични видови на слатководни риби и птици. Најзастапени риби се: крап, сом, клен, костреш па затоа е честа дестинација на љубителите на риболовот.

За европската јавност примамливи се и крупните грабливи птици кои вооедно спаѓаат во светски и европски реткости.

На крабрежјето на Тиквешкото езеро се наоѓаат повеќе од 1.500 викенд куќи, а специфичнии и посебно атрактивни се оние до кои се патува со чамче.

Па ако се размислувате да поминете викенд на Тиквешкото езеро, наполнете ги торбите со храна и воопшто не се двоумите, затоа што има многу што да се види и прави.

До Колешино се стигнува преку Струмица. Ова село се наоѓа на падините, односно подножјето на живописната планина Беласица, на надморска височина од 630 м. Има околу 400 домаќинства со 1.300 жители, познати како вредни земјоделци и производители на бостан и кикиритки.

Она што е посебно атрактивно се водопадите над селото. Реката Баба токму на овој дел прави неколку интересни слапови кои се вистинска атракција за сите посетители. Водата од водопадот паѓа од висина од 19 метри.

Зеленило и преубава природа ќе ве пречекаат на патот кон водопадите. Околината е средена, постои можност и за излет, правење скара, има дрвени клупи и маси – вистинска можност за еднодневен излет.

Ако сакате да преспиете може да се одлучите за некој од попатните мотелчиња.