Тие што повикуваат да се зголеми границата на 25 години за стапување во брак се во апсолутна грешка“, рекол Абдул Азиз Ал Шеик, големиот муфтија прашан во врска со склучувањето на бракови со малолетни девојчиња без нивна согласност, пренесува „The world Observer“. 

Тој исто така инсистирал на тоа дека девојчињата се подготвени за стапување во брак на возраст од 10 до 12 години. 

„Нашите мајки и баби стапувале во брак кога едвај имале по 12 години. Доброто воспитување придонесува за девојчињата да можат да ги извршат сите обврски на таа возраст“, дополнил свештеникот. 

Омид Сафи, професор по религиозни студии на Универзитетот Северна Каролина, за „Хафингтон пост“ изјавил дека коментарите на Ал Шеик покажуваат дека тој воопшто не е во тек со современиот Ислам. 

„Наводите на муфтијата се катастрофални на повеќе полиња, пред се поради тоа што тој го отстранува елементот на согласност за бракот, 10 - годишно девојче не може да се очекува да даде согласност за брак со возрасен, коментира Сафи. 

Тоа, според Сафи, е уште еден показател дека саудиските религиозните претставници не се во допир со својата популација и со новите исламските норми во светот. 

Според весникот „Arabian Bussines“Саудиска Арабија се соочува со меѓународен притисок за да воведе минимална возраст на која може да се склучи брак, по случаите поврзани со принудување на девојчиња да стапат во брак со постар маж. /www.kanal5.com.mk