http://www.youtube.com/watch?v=LPiRAbUfhjg" rel="nofollow - http://www.youtube.com/watch?v=LPiRAbUfhjg

Пријателе, има некои недоследности ова видео, кои мора да се нагласат. 

Прво, дури и да исчезнал малигниот тумор, можноста од рецидив секогаш е можна, независно дали туморот ќе биде третиран со хемотерапија, радиотерапија или нешто друго. Тоа говори дека нештата презентирани во ова видео не се баш јасно презентирани.

Второ, за да се биде сигурен во постоењето или непостоењето на туморот и неговата распространетост, се врши ендоскопско испитување, односно истото се испитува со цистоскоп, а не со ултра звук.

Трето, не можеме да говориме за никакво академско објаснување, затоа што за да се говори за академско објаснување, пред се, испитувањето мора да биде изведено онака како што пропишува медицината, од стручни лица, а истото да се најде како факт во учебниот материјал, презентирано од страна на стручни и квалификувани лица, а тоа се сеуште професорите на медицинските факултети. 

Сепак, поаѓајќи од примери кои со свои очи сум ги следел, знам дека постојат чуда, сум ти говорел и тебе, знаеш точно за кој случај говорам, но, сепак, потврдата на таквите чуда следува тогаш кога на соодветен начин лекарот ќе потврди дека болеста исчезнала.

Мислам дека ти е познато оти и јас едно време работев со група луѓе користејќи и фотографирајќи ја човековата енергија (биоенергија) во практична употреба. Тоа го имам објавено на идивиди.

За мене прикажаното во видеото не е чудо, туку нормален природен ефект кој ние го нарекуваме чудо бидејќи самите не го доживуваме секојдневно. 

Поентата со објавувањето на видеото не ми е да влезам во полемика дали туморот рецидирал или не, дали случајот бил изведен според прописите на традиционалната медицина... јасно е дека сето тоа не е традиционално, не е важно дали имало или немало рецидив и јасно е дека во болницата работеле и лекари со традиционална медицинаска наобразба.

Оноа што е важно е постигнатиот ефект кој се должи на човековиот пристап кон животот, кон осознавањето дека мислата, чувството и интенцијата се зародишот на актуелизираната материјална манифестација, дека тие се предуслов и претходница на креацијата.  

Мислите, чувствата и интенцијата се енергија која ја организира, структуира и придвижува енергијата во Креацијава. Дали тоа ќе биде негативно или позитивно манифестирање, од наш аспект на гледање на работите,  зависи токму од нивниот квалитет и фокусираност, без никаква доза или остаток на сомнеж кој го дефитира крајниот резултат.

П.С. Патем сето ова е потолно познато и објаснето од квантната механика.

       Тоа е универзален закон на Креацијата.

 

Oчигледно не разбра што сакав да кажам. Не ми е цел да полемизирам со тебе, туку едноставно да појаснам дека тука можеби нема никакво исцелување, затоа што не може непобитно да се докаже дека се случило такво нешто.

За да можеме да говориме дека туморот исчезнал, тоа треба да го провериме. Не може да прифатиме дека навистина се случило исцелување, а да бараме да ни се принесат докази дека тоа не се случило. Прво треба да докажеме дека такво нешто се случило. А како тоа ќе го провериме и ќе утврдиме дека е така преку секое сомнение? Секако, со цистоскопија. Да Дали во конкретниот случај тоа се направило со цистоскопија? Категорично не. А да не говорам дека секогаш кога ќе се утврди тумор, веднаш се прави и биопсија во текот на постапката за цистоскопија за да се утврдат низа значајни нешта.

Тоа доволно говори за тоа дали навистина може личноста на видеото воопшто да говори за потврдено исцелување, а потоа и за се друго.

Тоа што таму биле присутни лекари со традиционална медицинска наобразба ене значи ништо. Тие лекари, секако, доколку знаеле што прават, задолжително ќе извршеле цистоскопија, а немало тоа да го проверуваат само со ултразвук. 

Цело време тоа се обидувам да го кажам. За да го говориме сето она што ти го кажуваш за влијанието на мислата во конкретниот случај, ние, преку секое сомнение треба прво да се увериме дека се случило лекување или исцелување. Без таквото исцелување, сето ова што ти го говориш, едноставно не е применливо во пракса.

Верувањето во нешто, не постоењето на доза или остаток од сомнежот, не го дефинира секогаш крајниот резултат. Многу луѓе на тој начин пристапиле кон болестите, верувајќи дека нешто ќе им помогне и отфрлале дури и да помислат на болеста која ја имале. Крајот на огромен дел од нив бил фатален. Тоа што некој мисли дека нешто е така, не значи дека е навистина така.

Првин велиш можеби немало исцелувања, потоа велиш дека не може непобитно да се докажи, за на крајот да тврдиш категорички дека тоа не се случило. 

И јас најголемиот предизвик во експандирањето на свеста кај луѓето го гледам токму во тешкотијата да се премавнат стекнатите навики, теркови и  догми кај човекот.

На крајот би завршил повторно со нешто одамна познато... оноа што човек ќе се убеди дека е невозможно останува за него невозможно без обзир дали е тоа навистина така... поради тие причини кохуните од полинезија секогаш одбирале сосем мали деца за свои ученици и наследници, толку мали што немало време родителите и комуната да ги научат оти има невозможни работи. Кохуните децата ги учеле дека с'е е возможно... и тие, после потребната обука, правеле чуда исто како и нивните учители.

И никој не бара научни елаборати за тоа бидејќи, како што ти е познато од верата и религијата, науката не се занимава со чуда. Едноставно тие за неа не постојат.

Те оставам со едно видео кое особено ќе те интересира:

Месенџер, мислам дека ми ги превртуваш зборовите, или пак не разбираш за што говорам.

Целата поента на она што го кажувам е дека со ваквиот начин на презентирање на нештата не може непобитно да се докаже дека се случило такво исцелување, токму затоа и велам дека можеби нема никакво исцелување. А категорично не се направила цистоскопија, затоа што, доколку беше така, немаше со ултразвук да прават тестови, како што кажува и личноста од видеото, а како што можеме и да видиме од самото испитување. Тоа на сликата, не е цистоскоп, затоа што доколку беше цистоскп, ендоскопски ќе се вршеше испитувањето, немаше лекарката надворешно да врши испитување, туку цистоскопот ќе го вметнеше внатре во бешиката, ние немаше да можеме да го видиме. А сигурен сум и дека тоа ќе го спомнеше и личноста на сликата, за дополнително уверување.

Тоа што некој говори за нешто, не значи дека тоа е токму така. Можам да ти понудам илјадници нешта кога некој тврди дека се исцелил од нешто на било каков начин, а да не говорам дека многумина пишувале и книги, но, прашањето е, дали ние непобитно можеме да го потврдиме тоа? Секако, не мислам на нас овде, туку на оние кои тоа треба да го сторат.ж

Каде виде дека јас верувам во самоочистувањето на иконите, самозапалувањето на свеќи или нешто слично? Патем, ако алудираш на она што се случи во Црквата св. Димитриј, сеуште никој официјално не потврдил дека е чудо и дека така треба да се однесуваме сите. Јас бев таму, видов некои нешта, но, јас не сум меродавен да говорам само на база на она што сум го видел, затоа што виденото, може да е многу, многу нешта.

Ако лекувањето на неизлечивите болести, по пат на некакви методи е дел од багажот, догмите, навиките и традициите, мислам дека повеќе нема за што да говориме. 

Јас сеуште верувам дека е можно да се победат многу болести кои медицината не може да ги победи на конвенционален начин, но тоа е само верување, кое јас никако не можам да го докажам преку секое сомнение, независно што располагам со доказен материјал. Сеуште кога на докторите ќе им го споменам случајот, за кој ти имам говорено, категорично бараат доказ, а бидејќи јас сеуште не можам да докажам, иако имам докази, во сите документи сеуште стои она што тие сметаат дека треба да стои, а не она што навистина стои во снимките, кое за нив е или грешка. Само еден, единствен лекар, оној кој го вршеше хирушкиот зафат, се согласи дека станува збор за нешто необјасниво, но, сите други категорично отфрлија и сметаат дека во случај нештата да се такви какви што ги објаснувам, лицето сеуште не би било живо.

За останатите нешта не коментирам, затоа што тоа што пред очи го гледам, воопшто не соодветствува со она за што говориш, барем засега. А на очите сеуште им верувам, затоа што сеуште добро ме служат.

Во секој случај, ќе ги погледнам видеата и ќе ја следам темата со интерес, а особено ќе го погледнам и слушнам она што го кажува лекарката.

Јас можеби имам докази за нешто, ама ако со нив не можам да го докажам она што треба да се докаже, сосема логично е дека тоа нешто никако не можам да го докажам преку секое сомнение.

Интересни видеа, во кои доста се говори за човековата моќ, во која длабоко верувам и на која сум бил сведок,  но сепак, не смееме да заборавиме дека говорителот зборува за случаи кај лица кои се свесни, лица кои размислувале, а не кај лица, кои, поради болеста, не можат воопшто да размислуваат, ниту да се насочат кон лекување на болеста, а ниту пак знаат или можат да знаат дека се болни. 

Само би споменал дека, согласно она што го кажува медицината, ракот не е последица само на загадување, туку на многу други нешта ( храна, лоши животни навики, стрес, конзерванси и сл.), а можеби има и причини за кои ништо не знаеме. Токму затоа медицината кажува дали определено нешто е карциногено, но не одговара на прашањето која е причината за рак. Ако точно би се знаела причината, лекот лесно би бил најден.

Fakt deka e taka ,kakvi misli takov zivot ...

...Pozitivniot covek e opkruzen so pozitivna energija ...negativecot obratno....ednostavno energiite se lepat sami za sebe.....Sekoj mnogu dobro znae deka raspean covek lesno moze da ja raspolzi okolinata i okolinata potoa mu vozvraka so ute edna i uste edna pesna itn ...i obratno kavgata nosi pogolema kavga i negativna energija....

Vo The Secrect mnogu dobro go opisuvaat i objasnuvaat istovo....kegopostiram linkot (dokolku nekoj pred mene veke ne go storil toa) kade koj saka moze da procita poveke za Tajnata i zakonot na privlecnosta ....sekako , zadna misla mi e kako do pozitvina misla ,kako do pozitivna nesta ...ne zloupotrebuvajki go ona koe nekoi od nas bi mozele da go naucat pa i praktikuvaat...