Поларните мечки се фасцинантни животни. Не само што се најголемите предатори во светот, туку и се едни од најенигматичните. Истражувачите веруваат дека поларните мечки може да се исто толку интелигентни колку и мајмуните, со оглед на тоа што се способни да учат и да го приспособуваат однесувањето во согласност со предизвиците на животната средина.

Нивниот животен век во просек изнесува до 25 години. Луѓето се единствениот предатор на овие животни. Загадувањето создадено од човекот е причина за смрт на многу поларни мечки, а глобалното затоплување е сериозна закана за истребување на овој извонреден животински вид.

Возрасните мажјаци достигнуваат висина до 3 метри и тежат над 600 килограми. Возрасните женки најчесто тежат околу 250 килограми, нивната висина изнесува околу 2 метри, а почнуваат да се размножуваат од нивната 4-та година. Поларните мечиња тежат околу 400 грама кога ќе се родат.

Тие се одлични пливачи. Всушност, толку многу време поминуваат во вода што некои научници ги нарекуваат водни цицачи. Заради анатомијата на нивните шепи, тие успешно веслаат во вода и можат да испиваат и до 160 километри наеднаш, а нивната просечна брзина на пливање изнесува 9,6 километри на час.

Нивната основна исхрана се фоките. Поларните мечки исто така се хранат и со риби и понекогаш со птици, но напорот кој треба да го направат за тоа ловење им троши премногу калории за да се заморуваат, па затоа тие се одлучуваат на таков подвиг само кога храната е дефицитарна.

Овие мечки се познати по нивните фрустрации заради неуспех да заробат плен. Тие нервозно удираат по мразот и по купови снег откако ќе го изгубат пленот кој се обидувале да го фатат.

Малите поларни мечиња учат да се замрзнуваат и да останат така мирни без да мрдаат додека нивната мајка е во лов. Доколку се помрднат, мајка им ги казнува со „шлаканица“.

Женките преферираат да прават засолниште во стар снег кој стои од претходните години, отколку во свежо паднат снег. Тие прават живеалишта со по неколку соби, а обезбедуваат дури и вентилација преку кровот.

Тие имаат опсесија да бидат чисти, заради што после секој оброк трошат 15 до 20 минути за да бидат сигурни дека нивното крзно е перфектно чисто.

Кога чувствуваат ризик од кршење на мразот, тие лазат на стомак и полека се движат кон посигурно тло.

За разлика од обичните мечки, поларните не хибернираат. Во случај на невреме тие се засолнуваат со малечките мечиња, но генерално поларните мечки продолжуваат да ловат и да јадат преку целата зима. Додека обичните мечки хибернираат, нивната телесна температура се паѓа на 0°С, а кога поларните мечки спијат во зима, нивната температура никогаш не се симнува под 31°С.

Уникатно пријателство меѓу човек и поларна мечка

Секој би се преплашил ако дојде во контакт со поларна мечка. Големите заби и канџи на масивното бело животно не се спокојна глетка за најголем дел од луѓето. Но, Марк Дума е меѓу ретките луѓе на светот кои без страв би се доближиле до поларна мечка, или барем до поларната мечка која му е како домашно милениче.

Марк и мечката Еги имаат оформено уникатно пријателство, што е изградено на огромна доверба. Тие заедно спијат, се бакнуваат, си играат и пливаат во базенот на неговиот дом.

60-годишниот тренер на животни има толку голема доверба во Еги што не се плаши да го стави неговиот врат во нејзината голема уста, иако поларните мечки се најголемите месојадци кои се движат по копно.

„Ако некој друг го направи истото, ќе заврши како вечера за Еги. Единствените луѓе што ги сака сме јас и жена ми Дон“ – изјавил Марк за британскиот The Sun.

Неповторливото пријателство започнало во 1995г., кога Марк и неговата сопруга го посвоиле шестмесечното мече од зоолошка градина во Шведска.

Марк со Еги кога беше мало мече

Оттогаш Марк ја тренира Еги за различни филмови и реклами. „Работев со мечки 40 години, па можам да го читам јазикот на телото на Еги и знам како да се однесувам безбедно“ – објаснил Марк.