Дури и за оние кои веќе го живеат животот на "висока нога", овие луксузни куќи на дрво претставуваат скапо задоволство - со својата цена од 300,000 евра, куќите кои што делуваат како палати на дрвјата се најновиот додаток на глобалниот тренд за живеење во природата.

Моделите вклучуваат и куќа на дрво во стилот на Џејмс Бонд, опремена со биометриски сигурносни системи, бајковити опкружувања и безгранична природа и густи шуми.

Директорот на фирмата "Blue Forest" чија специјалност се овие луксузни домови - Сајмон Пејн (33 години), им има помогнато на децата и нивните родители да ги создадат своите шумски кралства кои потсетуваат на оние од бајките како Робин Худ и други познати приказни.

Браќата Сајмон и Енди кои се сопственици на оваа компанија пораснале во Кенија и нивните дизајни се директно инспирирани од локалните структури на дрва кои ги забележале во источната африканска земја.

Луксузните куќи се направени од цврсто дрво од Северна Америка како смрека и бор, а на крајот се завршени со кедар и даб.

Зачудувачки, овие куќи немаат за цел само да ги вратат луѓето кон нивните природни корени, туку служат и како остварување на детските сонови за кралските дворци и живеалишта од бајките.

"Забележавме дека во Британија нашите луксузни структури го зголемуваат интересот при продажбата на домовите бидејќи додаваат еден фасцинантен ефект и ја будат имагинацијата, додека луѓето кои ги купуваат од странство имаат тенденција да создадат свое природно прибежиште каде што одат да се рекреираат", изјавил Сајмон Пејн.

 Treehotel - Шведска

Длабоко во шведската шума, најталентираните скандинавски архитекти го дизајнирале хотелот “Куќичка на дрво”. Соба како гнездо на птици е токму тоа што ќе го видите таму. Хаотични и сложени испреплетени гранки кои имитираат гнездо на птица од надвор, но внатрешноста на гнездото е опремено со модерни хотелски апартман со мали прозорци.

Извор:http://www.houzz.com

HemLoft е лична изградба на Џоел Ален која се наоѓа во Канада. Таа виси над прекрасна долина, на само 5 минути од најблискиот пат.

Финансирана е исклучиво од средствата со кои Џоел располагал, а денес ја дели со својата долгогодишна девојка.

Има навистина мала внатрешност, но сепак изгледа неодоливо и удобно. Од надвор совршено се вклопува со природата и има прекрасен поглед.

Тој долго време барал дрво кое ќе одговара на неговата замисла и по 2 години конечно го нашол и успеал да ја оствари својата замисла која денес изгледа вака.

Дабот на кој е изградена оваа мала куќа изгледа како да е создаден за такво нешто. Неговата форма е совршена за оваа намена.

Семејството во чиј двор се наоѓа ова дрво веднаш ја размислиле идејата за мала современа куќа на дрво. Петочленото семејство изградило навистина чудесно место за создавање нови спомени.

Тие решиле воопшто да не го прилагодуваат дрвото според своите потреби, напротив, куќата која ја граделе ја осмислиле така што ниту еден дел од дабот не е оштетен.

 Внатрешноста делува навистина топло. Голем спектар на бои и шаренило, перници, стар мебел, теписи и необични додатоци се она што го избрале за опрема на овој мал дом.

Прекрасните куќарки на дрво во Коста Рика

„Финка БелаВиста“ претставува комплекс од најголемите и најубавите куќарки на дрво во светот. Се простира на површина од 600 хектари земјиште во планините на Јужниот Пацифик покрај крајбрежјето на Коста Рика. Ова живеалиште е замисла и сопственост на Матео и Ерика Хоган, венчана двојка од Колорадо кои се запознале токму овде. Денес, на оваа површина се изградени дури седум куќарки на дрво, како и кабини кои се достапни за изнајмување. Освен автентичното уредување, посетителите во околината ќе наидат на недопрена природа, високи дрвја, водопади, природни базени, и забавни активности за оние поекстремните.