Дворецот „Гламис“ се наоѓа во Шкотска. На прв поглед изгледа како дворец од бајка. Денес е туристичка атракција, но времето зачувало страшна приказна, приказна од која се добиваат  морници.

За разлика од останатите дворци што се опседнати со духови, приказната за дворецот „Гламис“ е уште пострашна. Низ вековите помеѓу ѕидовите успеал да ја зачува големата тајна, што ни ден-денес не е откриена. Тајната нема никаква врска со крвавите дамки што стојат по подовите и денес, ниту, пак, со спалувањето на Лејди Гламис како вештерка. Тајната што „Гламис“ ја чува лежи во решението на неколку собни сложувалки полни со бизарни случувања.

 Бројот на прозорците од надворешната страна и внатрешната страна е првата мистерија, од надворешна страна има два повеќе, што укажува дека некаде се наоѓа тајна одаја. За таа соба постојат претпоставки со векови. Наводно, слугите чуле дека кралот Џејмс Петти некого затворил таму. Слушале гласови што допирале од ѕидовите. Се верува дека таму имало деформирано дете кое било резултат на брак помеѓу роднини.

Во 1486 година семејството Огилвис барало заштита од семејството Гламис. Огилвис ги одвеле во една одаја и таму ги држеле без храна и вода повеќе од еден месец. Кога ја отвориле просторијата само еден член од семејството бил жив. За да преживее го изел семејството...........Можеби тоа била  тајната одаја?

Во 17 век соблекле еден црн роб и го ловеле со ловечки кучиња. Кучињата го растргнале, додека дамите уживале во играта. Неговиот дух трча во дворот на дворецот. Набрзо и една слугинка случајно ја открила тајната одаја. Тоа што го видела ја натерало да вреска низ дворецот, сакајќи да побегне, двајца чувари ја фатиле, најпрво и го исекле јазикот, а потоа ја масакрирале. Нејзиниот дух скита по дворецот „Гламис“.

Во 1904 година лордот Стратмор му рекол на својот пријател: „Кога само би ја знаел природата на оваа страшна тајна, би клекнал на колена, заблагодарувајќи му на Бог што нема никаква врска со тоа“. Кога неговата ќерка го прашала за тајната, ѝ рекол дека ниедна жена не смее да знае за таа тајна.

Прашањето и понатаму опстојува, за каква тајна се работи? Каква е таа тајна што може да опстои со векови, а сепак да ги згрозува сите инволвирани?

Големи мистериозни совпаѓања

Животот е полн со совпаѓања. Повеќето се многу мали, но судбината понекогаш ни приредува навистина изненадувачки пресврти. Секој од нас се соочува со чудни совпаѓања во животот. За многу луѓе тие се неверојатни настани, достојни за одбележување. Скептиците, пак, лути мрморат дека сето тоа се должи само на законот за веројатности.

Проколнатиот автомобил на Џејмс Дин

Во септември 1955 година, американскиот актер Џејмс Дин загинува во автомобилска несреќа со своето спортско „порше“. Потоа истиот автомобил донесува несреќа и на многу други луѓе. Кога „поршето“ било подигнато од местото на несреќата и однесено во еден гаража на поправка, моторот му паднал на еден од механичарите и му ги скршил двете нозе. Моторот бил купен од еден лекар, кој го поставил во тркачки автомобил и наскоро потоа загинал во несреќа за време на едно рели. Еден друг тркач со автомобили загинува во истиот инцидент - во неговиот автомобил било монтирано погонско вратило од автомобилот на Дин. Подоцна „поршето“ на Џејмс Дин било поправено, а гаражата во која било поправано изгорела до темел. Автомобилот бил изложен на саемот во Сакраменто, каде што паднал од подиумот и направил огромна штета, а бил повреден и еден тинејџер. Во Орегон, приколката во која бил натоварен автомобилот се откачила и удрила во излогот на една продавница. Конечно, во 1959 година, автомобилот мистериозно се распаднал на 11 делови.

Куршумот што ја достигнал својата цел многу години подоцна

Хенри Зигланд мислел дека ја изиграл судбината. Во 1883 година, тој раскинал со својата девојка, која извршила самоубиство од очај. Братот на девојката бил толку лут, го пронашол Зигланд и го застрелал. Верувајќи дека Зигланд е мртов, братот го насочил оружјето кон себе и си го одземал животот. Но, Зигланд не бил мртов. Всушност, куршумот само му нанел неколку гребнатинки на образот и удрил во едно дрво. Зигланд најверојатно се сметал за неверојатно среќен човек. Сепак, по неколку години тој решава да го отсече големото дрво, што во своето стебло сѐ уште го „чувало“ куршумот. Тој решил да го разнесе дрвото со неколку прачки динамит. Експлозијата го поттикнала куршумот да се „блокира“ директно во главата на Зигланд, убивајќи го на место.

Браќа-близнаци со еден срцев удар

Џон и Артур Моуфорт биле близнаци кои живееле на околу 130 километри еден од друг во Велика Британија. Вечерта на 22 мај 1975 година и двајцата почувствувале жестоки болки во градите. Семејствата на двајцата мажи воопшто не знаеле што се случува со другиот близнак. Браќата биле однесени на итна интервенција во различни болници, горе-долу во исто време. И двајцата починале од инфаркт веднаш по пристигнувањето.

...Легенди....