Американскиот магазин Time ја прогласи овогодинешната Личност на годината, во традиционалниот избор, кој оваа година е малку „неортодоксен“ - за личност на годината е прогласен „демонстрантот“, односно поединците кои учествувале во демонстрациите ширум светот.

Уредниците на Time потсетуваат на демонстрациите на Блискиот исток кои се проширија и во Европа и САД и додаваат дека тие демонстранти ја преобликувале глобалната политика. Time наведува дека им оддава признание на демонстрантите затоа што и` дале ново значење на силата која ја има народот.

Минатата година во овој избор Личност на годината беше Марк Закерберг од Facebook, а минатите години со оваа титула се закитиле и Барак Обама, Владимир Путин, Боно, Џорџ Буш, Бил Клинтон и Џими Картер. Во 1972 година титулата ја поделиле тогашниот претседател на САД Ричард Никсон и државниот секретар Хенри Кисинџер.

Наградата која во минатото го носела и името „Човек на годината“, е востановена во 1927 година.