Првут – како да се ослободите од досадните „снегулки“ во косата?

Првутот е еден од најголемите непријатели на убавиот изглед на косата. Малите бели лушпи кои наликуваат на снегулки се лесно видливи и создаваат непријатен и неестетски изглед, па предизвикуваат срам кај луѓето. Освен тоа, првутот е виновник и за појава на иритирачко чешање и раздразнување на кожата на скалпот.

Проценето е дека околу 60% од луѓето се соочиле со проблемот првут во одреден период од животот. Првутот може да се појави на било која возраст по завршувањето на пубертетот, но неретко се појавува и за време на пубертетот. Се смета дека мажите почесто страдаат од првут отколку жените.

Тврдоглавиот првут фрустрира и предизвикува срам

Причините за појава на првут се најразлични. Лупењето на кожата на скалпот може да биде предизвикано од агресивните производи за коса, од бактерии, габички, небалансирана исхрана, од хормоните, а не е исклучено првут да се појави и поради http://www.femina.mk/здравје/совети-за-здравјето/тајните-симптоми-на-стресот">стрес .

За среќа, првутот не е нерешлив проблем. Едноставно треба да бидете упорни и да го пронајдете најдоброто решение за вас.

13 совети кои ќе ви помогнат во борбата против првутот

Како да се ослободите од првутот на природен начин?

Кога се борите против нешто толку досадно и упорно како првутот, потребно е да ги искористите сите оружја кои ви стојат на располагање. Некои од нив се кријат во вашата кујна, па нема причина зошто да не ги употребите.

• Оцет. Наполнете една чаша со еднакви количества оцет и вода и потурете го скалпот. Можете и да искористите распрскувач за рамномерно да ја нанесете течноста на скалпот. Завиткајте ја косата во крпа и по половина час измијте ја. Препорачливо е да користите јаболков оцет. Правете го ова 2 пати неделно.
• Сок од лимон. Сокот од http://www.femina.mk/рецепти/намирници/лимонот-и-неговите-примени - лимон може да ви помогне да ги отстраните досадните бели лушпи и да ѝ дадете на косата прекрасен сјај. Едноставно исцедете еден лимон во половина бокал вода и со него потурете ја косата во текот на последното измивање додека се туширате. Користете сок од лимот 2-3 пати неделно.
• Сок од јаболко. Измешајте 2 лажици свежо исцеден сок од http://www.femina.mk/здравје/совети-за-здравјето/јаболкото-чувар-на-вашето-здравје - јаболко со 2 лажици топла вода. Со помош на памучен тампон нанесете го тоникот на целата глава и оставете го да делува 20 минути. Измијте со млака вода. Негувајте го скалпот со сок од јаболко барем еднаш неделно.
• Маслиново масло. Затоплете мала количина http://www.femina.mk/рецепти/намирници/20-алтернативни-примени-на-маслиново-масло - маслиново масло . Со него премачкајте го скалпот (добро е и да го нанесете низ целата коса) и масирајте. Завиткајте ја косата во фолија, оставете го маслото да делува 15-30 минути, а потоа измијте ја косата со шампон.
• Маслиново и бадемово масло. Измешајте еднакви количества маслиново масло и бадемово масло. Нанесете ја смесата на косата и оставете ја додека не почувствувате топлина на скалпот (15-20 минути). Потоа, измијте ја косата со шампон.
• Маслиново масло и рузмарин. Во тегла ставете една чаша маслиново масло и додајте една лажица рузмарин. Затворете ја теглата и оставете ја два дена на светло место, за да може до неа да допираат сончевите зраци. Исцедете го маслото за да го отстраните рузмаринот. Еднаш неделно со маслото премачкајте го скалпот и нанесете на косата. Завиткајте ја косата со крпа потопена во топла вода и оставете ја да стои половина час. На крајот, измијте ја косата со шампон и млака вода.
• Сода бикарбона. По миењето на косата, земете во дланката малку сода бикарбона и нежно втријте ја во корените на косата. Оставете да дејствува 2 минути и исплакнете ја косата со млака вода. Правете го ова 2 пати неделно.
• Масло од чајно дрво. Капнете 2-3 капки масло од чајно дрво во шампонот што нормално го користите за миење на косата. Откако ќе го нанесете на главата, масирајте нежно и оставете го да дејствува 5 минути. Потоа, измијте со млака вода.

7 знаци дека ви е потребна нова фризура

Фризурата ви била идеална последниот пат кога излеговте од фризерски салон. Но, како што минува времето, вашата коса ја губи убавата форма, не изгледа здрава и губи сјај.

Ако средувањето на косата ви одзема многу време, вам ви е потребна нова фризура.

Овие седум знаци ќе ви помогнат да познаете кога треба да си закажете термин кај вашиот фризер, за да добиете нов, свеж и можеби помодерен изглед.

Ако забележите бели влакна низ вашата коса, не обвинувајте го стресот. Најновото истражување во оваа област покажа дека најголем виновник за појавата на овој несакан знак на старост кај жените е генетскиот материјал.

Во истражувањето учествувале над 200 идентични и неидентични близначки на возраст од 59 до 81 години. Научниците кај нив го набљудувале степенот на побеленост на косата, опаѓањето на косата над челото и на темето на главата.

Во текот на истражувањето, кај идентичните близначки, истражувачите не забележале разлика во степенот на побеленост, додека кај неидентичните близначки имало видлива разлика.

Тие резултати ги довеле научниците до заклучокот дека гените се најважниот фактор кој влијае врз тоа дали ќе ги пронајдете првите бели влакна уште во вашите 20-ти години или ќе немате потреба од бојадисување до 50-тата година.

Стресот, диетата и пушењето влијаат многу помалку врз побелувањето на косата кај жените, отколку што досега се мислеше.

Друг важен заклучок од ова истражување е дека опаѓањето на косата над челото се влијае најмногу од гените, а опаѓањето на косата на темето на главата од околината и начинот на живот.

Домашна нега за рацете

Женските раце треба секогаш да бидат нежни и поддржани. За таа цел користиме најразлични продукти со кои го подобруваме нивниот изглед. Сепак, понекогаш домашната нега помага повеќе за да ја истакнете убавината на вашите раце или да отстраните некој недостаток.

Лимонот ја отстранува од рацете непријатната миризба од цигарите.

За убава миризба

За да ја отстраните острата непријатна миризба од риба или лук, сè што треба да направите е да ги измасирате рацете со паста за заби. Лимонот ја отстранува непријатната миризба од цигарите на рацете.

За нежни раце

Лимонот ги отстранува и флеките и ги зацврстува ноктите. Пресечете еден лимон на половина и масирајте ги рацете и лактите. Вашата кожа ќе биде мека и нежна.

Против црвенило

Сварете еден компир, испасирајте го и додајте во него една супена лажица маслиново или бадемово масло. Нанесете ја смесата на рацете и оставете ја да делува 15 минути. Потоа измијте ги рацете со млака вода.

Нахранете ги и рацете и ноктите едновремено

• 100ml масло од рицинус
• 100ml маслиново масло
• Сок од лимон

Затоплете ги маслата и потоа додајте го сокот од лимон. Потопете ги прстите во смесата. Останете во таа положба 15 минути. Потоа направете си масажа на целата дланка. Отстранете ја смесата со млака вода и сапун.

-------------
Јакиот човек има само една слаба страна-жената што ја сака!

Повисоки со помош на облеката

Не секоја жена може да се пофали со височината. Има илјадници жени низ светот кои што иако имаат убаво тело, не се самоуверени само поради фактот што се ниски. Ако сакате визуелно да ја зголемите висината, облеката може да ви помогне.

10 работи кои никогаш не излегуваат од мода

Страна 1 од 10

http://www.femina.mk/убавина-и-мода/мода/10-работи-кои-никогаш-не-излегуваат-од-мода#photo2 -

Малото црно фустанче

Секоја жена треба да има ваков фустан во својата гардероба. Било да треба да се појавите на официјален коктел, на работа или за вечерно излегување, малото црно фустанче насекаде ќе ве прикаже во добро светло.

Бели бисери

Бисерите нанижани на кратка жичка се класика. Ако некогаш сте ги мразеле бисерите на мајка ви, сега тие нека станат дел од вашиот накит, затоа што никогаш не излегуваат од мода.

Сукња тип„ молив“

Да имате една сукња која ќе стои прилепена на вашето тело и која има должина до колената е задолжително. Можете да ја комбинирате со убава блуза или кошула. Таа е идеална како за на работа, така и за поотмен коктел. Најдобро е да биде во црна, сива или кафеава боја.

Класичен мантил

Класичниот мантил е одличен избор за горна облека. Можете да ја изберете класичната бежова боја или ако не сакате светли бои – црната.

Фармерки по мерка

Денес, секоја жена треба да има барем еден пар убави фармерки во својата гардероба, затоа што без нив едноставно не можеме. Тие треба да изгледаат како да се шиени специјално за вас т.е. не премногу тесни и се разбира не широки. Можете да ги комбинирате и со штикли и со ниски обувки.

Бела кошула

Секогаш треба да имате на достап бела кошула. Тоа не значи дека треба да имате класична бела кошула. Можете да си изберете типска кошула која нема петлици до долу. Комбинирајте ја со сукња за поофицијален изглед и со фармерки или панталони за полежерен, секојдневен изглед.

Убаво сако

Сакото ќе ја истакне вашата тенка половина, а можете да го комбинирате со различни алишта за да добиете различен изглед. Одберете си сако кое лежи убаво на вашето тело или порачајте си да ви го скројат специјално за вас.

Блуза од кашмир

Оваа блуза едноставно не излегува од мода. Купете си блуза во посветла боја за да ѝ даде свежина на вашата облека.

Црни панталони

Секогаш кога не се чувствувате убаво или мислите дека немате ништо адекватно во вашата гардероба, побарајте ги црните панталони. Некои жени подобро се чувствуваат во широки панталони, а некои сакаат да ја истакнат фигурата со тесни, затоа изберете си панталони по ваш вкус. Во секој случај едно е сигурно – вие ќе се чувствувате удобно во црните панталони, а можете да ги комбинирате со што и да посакате.

Ниски чевли

Ако имате напорен и активен ден, чевлите со ниска потпетица се вистинскиот избор за вас. Тие ќе ви помогнат да издржите од утрото до вечерта, без да имате болки и плускавици по вашите нозе.

Добро избраните ниски чевли изгледаат исто толку елегантно, како и високи штикли. Затоа, дајте им одмор на вашите стапала.

Страна 1 од 10

Како до меки и заводливи усни?

Нема ништо попривлечно од женската насмевка. Но, сувите испукани усни можат да го направат смеењето болно. Освен што предизвикуваат болка, сувите усни предизвикуваат неудобност и воопшто не се привлечни. Затоа, дознајте кои се причините за појавата на суви и испукани усни и како да ги направите меки, мазни и заводливи.

Женската насмевка е меѓу првите нешта кои ги забележуваат мажите, па затоа секогаш треба да биде присутна на вашето лице.

Причини за појава на суви усни

Повеќето луѓе страдаат од испукани усни. Сувите усни можат да бидат резултат на повеќе фактори, а повеќето од нив можат да бидат избегнувани.

Како до меки и зaводливи усни?

Ексфолијација

Многу е важно нежната кожа на усните да се ексфолира неколку пати неделно, да се негува со мед, алое вера, краставица и да се заштитува со балсам за усни.

Ексфолијацијата е многу важна за одржувањето на убава кожа. Поради тоа што се многу понежни од останатата кожа, усните бараат дополнителна грижа. Ексфолијацијата на усните е добро да се применува 2-3 пати неделно.

1. Премачкајте ги вашите усни со вазелин. Оставете го да дејствува 2-3 минути.
2. Земете мека четка за заби и нежно тријте ги усните со кружни движења.
3. Четката за заби ги ексфолира усните, а вазелинот им ја дава потребната влажност. Откако ќе завршите, оставете дел од вазелинот на усните.

Четката за заби можете да ја замените со шеќер или крупно мелено кафе. Сè што треба да направите е да ги помешате со вазелинот и ќе добиете еден вид на пилинг.

Домашна нега на усните

Совети

1. Заборавете на лижењето. Плунката во себе содржи ензими кои се предназначени да го започнат процесот на разградување на храната. Тие ензими можат да ѝ наштетат на тенката кожа на усните.
2. Пијте многу вода. Пиењето доволно количество вода не дозволува телото да биде дехидрирано.
3. Заштитете ги усните од сонце или ветер. Користете балсам за усни со висок заштитен фактор ако планирате да го поминете денот под зраците на сонцето. Балсамот за усни ја заштитува кожата на усните и од ветер.
4. Внимавајте на својата диета. Внесувајте доволно витамини и минерали, особено железо и витамини А, Б и Ц.
5. Избегнувајте го кофеинот, алкохолот и пушењето. Алкохолот и кофеинот водат до дехидратација на телото.

Во продолжение ќе најдете неколку ефективни и разумни шопинг стратегии кои ќе ви го олеснат пазарувањето и ќе ви помогнат да ја одржите задоволната насмевката на вашето лице.

1. Најдобрите шопинг денови се од понеделник до четврток

Зошто? Раздвиженоста низ продавниците е најмала во текот на работната недела. Па, продавачите ќе можат да ви посветат поголемо внимание, нема да мора да чекате на ред за да влезете во соблекувална и ќе имате доволно време да се гледате на огледало без некој со намуртено лице да ве принудува да брзате.

Како резултат на тоа, шопингот ќе ви помине порелаксирано и ќе имате доволно време за да направите разумен избор.

2. Тргнете на шопинг со план и определен буџет

Конечно собравте малку пари за да се почестите со шопинг? Не брзајте да летнете низ врата и да ги потрошите на првите неколку парчиња облека кои ќе ви го украдат погледот. Направете си план и тргнете низ продавници со јасни намери.

Прво, отворете го вашиот плакар и извадете на видик сè што поседувате. Второ, фотографирајте ги со вашиот мобилен парчињата облека кои немате со што да ги комбинирате. Трето, размислете колку пари можете да потрошите на она што ви е неопходно.

Ако ви се потребни чизми, не влегувајте во бутици за облека додека не си купите чизми, затоа што несвесно може постепено да го намалувате буџетот за чизмите и на крајот да останете без нив. Фокусирајте се на она што ви е најнеопходно, а потоа, ако заштедите пари, пуштете го вашиот поглед да лута кон нешто друго за да се почестите.

Фотографиите во мобилниот телефон треба да ве потсетат дека веќе поседувате парчиња кои нема со што да ги комбинирате и дека не треба само да го зголемувате тој куп. Користете ги сликите за да купите облека со која ќе ги комбинирате парчињата кои стојат необлечени во вашиот плакар.

3. Внимателно избирајте го вашиот шопинг придружник

Навистина е забавно да тргнете во саботно обиколување на бутиците со вашите блиски пријателки, но имајте на ум дека така одлуките ќе ги донесувате групно и во голема мера ќе се влијаете од мислењето на мнозинството. Лесно е вашите пријателки да ве убедат дека припиеното фустанче ви стои феноменално и дека ќе зажалите ако не го купите, дури и ако вие тврдите дека не се чувствувате комфорно во него. „Леле, преубаво ти стои!“, „Како за тебе да е шиено“, „Те прави послаба“ и други вакви слични коментари ќе надвладеат над констатацијата на вашиот разум дека фустанчето е претесно, и пред да се свестите ќе се најдете на каса со натокмена сума пари в рака. Резултатот од таквиот шопинг: уште едно необлечено парче облека во вашиот плакар.

Купувањето во друштво исто така го зголемува притисокот за трошење на поголема сума на пари. Ако групата пријателки се согласи дека одредена цена е соодветна за обуките кои ви го привлекоа погледот, тогаш голема е веројатноста да се убедите дека купувањето на тие обувки вреди и дека е правилна одлука. А, кога ќе се вратите дома и кога ќе ги преброите парите во паричникот, следува прашањето: „Каде ми беше мозокот? 8.000 денари за овие чевли?!?!“.

Затоа, изберете само една пријателка или земете ја вашата сестра и со неа започнете го шопинг задоволството. До вас неопходно е да стои личност која нема да ве опсипува само со комплименти, туку и со критики.

4. Облечете соодветна долна облека за на шопинг

Зошто? Затоа што долната облека е многу важна за начинот на којшто ќе ви стои облеката која ја пробувате. Ако тргнувате во потрага по свечен http://www.femina.mk/убавина-и-мода/мода/сукњи-и-фустани-според-формата-на-вашето-тело" rel="nofollow - фустан , ставете си градник без прерамки. Ако одите на шопинг по http://www.femina.mk/убавина-и-мода/мода/идеалните-фармерки-за-вашето-тело" rel="nofollow - фармерки или панталони за секој ден, ставете си таков тип на гаќички какви што носите секојдневно. На пример, може да се случи за шопингот да ставите танга и фармерките да ви стојат идеално, а потоа кога ќе облечете обични килоти да не ви се допадне изгледот.

Исто така, мислете и на практичноста за време на шопингот. Доколку барате фармерки, не носете хулахопки, затоа што ќе треба секојпат да се мачите да ги соблекувате, а пробувањето на фармерки над хулахопки и не е баш добра идеја, затоа што така значително се менува изгледот.

5. Ако ви се допаѓа нешто, но изработката не е квалитетна, купете го во црна боја

Не можете да му одолеете на убавата силуета на некое фустанче или пронајдовте панталони кои ви стојат идеално, но за жал нивната изработка е лоша и неквалитетна. Доколку цената ви одговара, купете го парчето облека, но во црна боја. Црната боја ги прикрива недостатоците во изработката, а освен тоа, лесно влегува во комбинации, па бидете сигурни дека фустанчето или панталоните нема да останат заборавени.

6. Чекајте ги попустите! Купувајте „вонсезонски“

Повеќето брендови редовно нудат попусти. Нема поента денес да ја купите јакната по цена од 3.500 денари, кога знаете дека со наредниот попуст за две недели може да биде 1.900 денари. Освен ако јакната не е меѓу последните во продавницата, не брзајте.

Кога ќе залади времето и ќе започне да мириса на снег, сите тргнуваат во потрага по нови чизми и со право тогаш цените на чизмите го достигнуваат својот врв. Ако сакате да заштедите, купувајте чизми во февруари, кога продавниците ќе сакаат да се ослободат од зимската роба.

Во текот на зимските денови ѕиркајте во оној дел од продавниците каде што се срамежливо поставени парчињата останати од претходната сезона, а во текот на летото во задниот дел на продавницата побарајте потопла облека. На таа облека попустите се најголеми и често можете да си купите нешто многу квалитетно за ниска цена.

7. Не купувајте нешто само затоа што е на распродажба

Намалувањата и распродажбите имаат токму таква цел – да ве натераат да купите што повеќе, без разлика дали ви е потребно или не, а сепак да останете со впечаток дека сте направиле добра зделка. Сигурно ќе се сетите на барем две-три нешта кои сте ги купиле само затоа што биле намалени со 70%, а не затоа што сте сакале да ги имате, па сега не ни знаете каде сте ги зафрлиле.

Следниот пат не ја правете истата грешка. Одолејте им на попустите кога пред вашите очи нема ништо привлечно.

8. Одговорете си на прашањето „Дали вреди да дадам толку пари?“ со правилна математика

Некои парчиња облека вредат да си го испразните паричникот малку повеќе. Но, за да знаете кои се тие, потребно е да направите правилна пресметка.

Да речеме дека сакате да процените дали се исплаќа да дадете 3.600 денари за убави фармерки по ваша мерка. Поставете си го прашањето „Колку често ќе ги носам?“. Фармерките се едно од најпрактичните парчиња облека, па да речеме дека вашиот одговор ќе биде „10 пати месечно“. Тоа значи 120 пати во текот на целата година. Кога цената на фармерките ќе ја поделите со бројот на носења, ќе добиете дека едно носење на фармерките ве чини 30 денари.

Од друга страна, ако купите сукња од 2.000 денари и ја облечете само 4 пати во текот на годината, цената на едно носење изнесува 500 денари.

Со ваквата математика фармерките и не изгледаат толку скапо, нели?

9. Пред да платите, проверете го купеното парче облека за дефекти и недостатоци

Дури и во скапите бутици се случува некое парче облека да има паднато копче или распаран шев. Таквите дефекти понекогаш настануваат и од невнимателните купувачи. Многу бутици намерно ги оставаат изложени дефектните парчиња облека со надеж дека некој нема да ги забележи недостатоците.

Доколку облеката има патент, неколку пати проверете дали непречено се движи нагоре-надолу. Погледнете дали сите копчиња се на место, дали материјалот е оштетен и сл.

10. Побарајте фискална сметка и зачувајте ја

Неретко се случува на облеката да има дефект кој ќе го забележите дури откако ќе се вратите дома и намира ќе ги разгледате купените алишта. Во таков случај фискалната сметка е ваш спасител. Уредно спакувајте ја купената облека, земете ја фискалната и вратете се во продавницата за да направите замена.

11. Ако сте слаби со пари, купувајте еднобојна облека, без декорации

Еднобојната облека многу полесно можете да ја комбинирате со што повеќе парчиња кои веќе ги поседувате. Едноставната облека без декорации може да биде како камелеон и да се преобразува. Да речеме дека станува збор за обична памучна црна блуза со долги ракави. Можете да го менувате нејзиниот изглед со помош на брош или марама, да ја носите под сако или џемперче, или пак, да ја носите над кошула од која се ѕирка само јаката.

Секогаш кога сте ограничени со парични средства, купувајте мултифункционална безвременска облека, а правете го нејзиниот изглед помодерен со помош модни додатоци.

12. Купувајте парчиња облека кои можете да ги комбинирате со барем три нешта кои ги поседувате

Никогаш не си велете: „Ќе најдам/купам нешто со кое ќе го комбинирам ова“. Шопинг експертите препорачуваат да се следи правилото да купувате облека која можете да ја комбинирате со нешта што веќе ги поседувате и така да создадете три убави комбинации.

Ако пазарувате со надеж дека дома ќе „најдете“ нешто за комбинирање, голем е ризикот никогаш да не го облечете купеното парче облека.

http://www.facebook.com/sharer.php?u=http%3A%2F%2Fwww.idividi.com.mk%2Fstil%2Fwoman%2F765484%2Findex.html&t=IDIVIDI%3A%20DKNY%3A%20%D0%9F%D0%B0%D1%80%D1%84%D0%B5%D0%BC%D0%B8%20%D1%81%D0%BE%20%D0%BC%D0%B8%D1%80%D0%B8%D1%81%20%D0%BD%D0%B0%20%D0%B1%D0%BB%D0%B0%D0%B3%D0%BE" rel="nofollow">

http://www.bezpardon.mk/parfemot-mozhe-da-bide-opasen-po-zdravjeto/" rel="nofollow - Парфемот може да биде опасен по здравјето

Ако на етикетата од некој производ го прочитате зборот „мирис“, можете целосно да бидете сигурни дека со неговата употреба ќе бидете изложени на бројни хемикалии. Тука спаѓаат лосионите, производите за нега на лицето и телото, како и парфемите. За кои мириси точно станува збор и кој е нивниот состав, произведувачите не се должни да објаснат.

Затоа еве три причини поради кои треба да ги избегнувате синтетичките мириси.

1. Најмалку 900 од 3.000 мирисни хемикалии се отровни

Во денешната индустрија на парфеми, бројот на синтетички хемикалии се движи до 3000, а американскиот Национален институт за безбедност и здравје утврди дека најмалку 900 од нив се токсични. Тоа значи дека откако телото ќе ги абсорбира, тие можат да предизвикаат големи проблеми на клеточно ниво. Се покажало дека некои популарни марки на парфеми се отровни за респираторниот тракт и нервниот систем, а ова се случува и кога ќе ги вдишеме и честичките од парфемот додека го нанесуваме.

2. Парфемите се поврзани со депресивните пореметувања

Се повеќе луѓе се чувствителни на одредени хемикалии, а освен алергиските реакции кои ги предизвикуваат, може да дојде и до вистинско труење. Истражувањата на употребата на парфем се поврзани со тешко депресивните пореметувања и анксиозноста кај поединците кои покажуваат чувствителност на хемикалиите од парфемот.

Имајќи предвид дека имаат различни ефекти на нервните ќелии, логично е да влијаат и на функционирањето на мозокот. Познато е дека мирисите предизвикуваат емоции кои се тесно поврзани за нашиот осет за мирис.

3. Го пореметува работењето на штитните жлезди

Многу од најпопуларните мириси на пазарот, кои ги користат милиони жени ширум светот, содржат слабо проверени хемикалии, кои можат да предизвикаат оштетување на штитната жлезда, која регулира низа важни метаболички процеси во телото. Пореметувањето на работата на оваа жлезда предизвикува здебелување, проблем со одржувањето на тежината, сериозно губење на косата, пореметување на расположението и чувстов на летаргија, па дури и рак.

Бројните хемикалии во парфемите може да претставуваат дополнителен проблем за штитната жлезда бидејќи ги емитираат природните хормони кои таа настојува да ги регулира.

Исто така, често сме сведоци дека парфемот може и да предизвика и главоболки во текот на целиот ден, па внимавајте кога купувате производи кои содржат вештачки мириси.

http://www.bezpardon.mk/najludiot-mejkap-trend-za-ovaa-zima/" rel="nofollow - Најлудиот мејкап тренд за оваа зима

Заборавете на шнолите во коса и скапа шминка, бидејќи оваа зима се што ќе ви треба се чипкасти ленти за лице кои се дело на уметникот Фелиз Коен. Познатата шминкерка соработувала со ексцентричните музичари Дејвид Боуви, Ени Ленокс и Стви Стренџ, а сега смислила начин како без помош на професионален шминкер  вашето лице да заблеска во целосен сјај.

„Магијата на чипката за лице е одговор на молбите на многу луѓе. Сега секој ќе може да постигне уметнички мејкап како професионалец“, вели таа.

Нејзината работа датира од 80-те години кога за ревијата на Зандре Роџерс направила апликација за лице сочинета од латекс, ткаенини, перла и дијаманти.

http://www.bezpardon.mk/kako-pravilno-da-gi-pokriete-podochnitsite/" rel="nofollow - Како правилно да ги покриете подочниците?

Не е лесно целосно да се отстранат и сокријат изразените подочници, но со правилно балансирање со одбрани производи и добра мејкап рутина можете да ги направите речиси невидливи.

1. Коректор кој е кремаст

Густиот коректор со кои ги прикривате акните нема да изгледаат добро на подочниците. За подрачјето околу очите потребен е кремаст коректор кој убаво ќе се избалансира со кожата.

2. Крема за подрачјето околу очите

Коректорот не изгледа добро на сувата кожа. Пред да го нанесете, потапкајте малку крема на подочниците наменети за таа област. Ако не ја користите, може да ви послужи и обичната хидратантна крема

3. Внимателно бирајте ја нијансата

Жените често избираат светли бои на коректор за визуелно да го осветлат делот кај подочниците, но со тоа само уште повеќе обрнуваат внимание на таа област. Добриот коректор треба да биде за нијанса посветол од вашиот тен (не од бојата на вашите подочници). Исто така, немојте да бирате розеви нијанси.

4. Не ставајте премногу коректор

Премногу количини шминка ќе привлечат внимание на подочниците па затоа добро втапкајте ја со прстите илу четкичката. Употребувајте го во мали количини.

Боите од средината на спектарот, кои што не се ни премногу топли, ниту студени „им стојат“ на сите жени. Тие воедно создаваат секси чувство. Откријте кои бои се во прашање.

Црвена

Ако сте во дилема, облечете црвено. Оваа боја на секоја жена и ја „дава“ саканата предност. Дури и студијата на англискиот Универзитет Дурхам докажала дека на атлетските натпревари повеќе шанси за победа имале оние кои што носеле црвени дресови. Црвената е посебна боја и таа е адут за секоја жена.

Сино зелена

Сино зелената боја и дава здрав изглед на кожата. Поприлагодлива е од светлата, летна тиркизна боја. Одлично се комбинира со црна, кафена и останатите неутрални бои.

Валкано розова

Нежната, валкано розова нијанса е префинета боја за дамите. Таа е некаде помеѓу светло розовата и бојата на праска. Таа боја ја нагласува природната свежина на лицето и секој кој ја носи остава впечаток дека блеска.

Виолетова

Исклучително „прилагодлива“ боја, исто како и црната, темно кафената или морнарско сината.

Заради составот и видот на ткаенина од која е изработена, зимската гардероба има потреба од посебно одржување.

Постојат неколку начини со кои вашите омилени џемпери, јакни и шалови можете да ги износите неколку сезони плус, а воедно и да го сочувате нивниот првобитен изглед.

Перењето на јакните во текот на сезоната не смее да биде почест од 2 пати во 3-4 месеци, затоа што пердувите може да се оштетат. Ако ги перете во машина за перење, правете го тоа во студена вода и не користите обичен детергент, туку детергенти и додатоци за чувствителна облека.

Најдобро би било јакната да ја исушите во машина за сушење облека, доколку сте во можност, а ако ја немате таа привилегија, секогаш сушете ја на свеж воздух. Не ја затворајте во вашата дневна соба затоа што е потопло.

Џемперите би требало да ги перете на околу 6 носења, а на волнените треба да им посветите малку повеќе внимание. Пред перењето свртете ги на внатрешната страна и перете ги со облека со слична боја. Исперете ги два пати и сушете ги исклучиво на отворено.

Капите, ракавиците и шаловите перете ги најмногу 3 пати во сезона, во машина или рачно, зависно од материјалот.

Волнените палта перете ги 2 пати во сезона, а ако не ги носите пречесто, доволно е само еднаш да ги однесете на хемиско чистење, пред и по завршувањето на сезоната.

Во меѓувреме чувајте ги палтата на отворено и избегнувајте да го држите во гардероберот.

Не сте единствените кои имате еден куп накит кој не е употреблив, само затоа што стоел предолго во кутијата, па ја променил бојата од нечистотија.

Наместо да дадете цело богатство за професионално чистење, ви откриваме неколку тајни и трикови кои уште денес можете да ги испробате.

Пиво за злато

Златото можете да го исполирате со пиво, само внимавајте ако има драгоцени каменчиња. На мека крпа истурете малку светло пиво и протријте го златото. Потоа избришете со сува, обична крпа.

Бел оцет за сребро

Сребрениот накит исполирајте го со мешавина од половина шолја бел оцет и 2 лажици сода бикарбона. Оставете го накитот да постои во оваа течност неколку часа, а потоа исплакнете со ладна вода.

Напомена: Ова важи само за чисто сребро! Пред да го потопите накитот во оцет, осигурете се дека бразлетната, ланчето или обетките се чисто сребро.

Кечап за сјајно сребро

Ако среброто е чисто, но го изгубило сјајот, исполирајте го со кечап. Дури може да го оставите и неколку минути во чашка со кечап, а потоа добро измијте го и протријте со стара четка за заби. Киселината која се наоѓа во кечапот има сјајно дејство врз сребрениот накит.

Газирана вода за скапоцени каменчиња

Доколку сте една од среќничките кои поседуваат дијаманти, рубини, сафири или нешто слично, полијте ги со кисела вода и оставете да отстојат цела ноќ.

Вотка за кристали

Заради корозивните својства вотката е најкорисна за чистење на кристал и стакло. Оваа техника е ефикасна, посебно затоа што подеднакво исто делува на вистински и лажни каменчиња. Само пребришете ги со мокра крпа со вотка и работата е завршена.

Во пресрет на летото, ви нудиме еден домашен рецепт за маска за коса кој е навистина едноставен, но делотворен и кој ќе ја нахрани вашата коса од коренот па се до врвовите.

Без разлика на тоа дали имате природно сува коса или пак таа е оштетена од често боење, ако имате првут  или наскоро одите на море каде косата ќе биде изложена на штетните влијанија на солта, ветерот и сонцето, оваа маска од кокосово масло ќе ви го потхрани влакното и ќе го поттикне растот на косата.

Потребно:

една голема лажица кокосово масло , една мала лажичка масло од гроздови семки, пола лажичка сок од лимон и 10 капки етерично масло од  лимон и 10 капки етерично масло од рузмарин.

Подготовка:

Маслото од кокос ставете го во метален сад и загрејте го, а во него додајте го маслото од гроздови семки.

За посветла коса – додајте пола лажичка лимонов сок или 10 капки етерично масло од лимон.

За потемна коса – додајте 10 капки етерично масло од рузмарин.

Смесата се нанесува на влажна коса додека маслото е сè уште топло. Убаво се распоредува по целата должина и се масира во коренот. Врз косата, потоа ставете капа за туширање и зацврстете со пешкир . Пред да го ставите на главата, пожелно е да се загреете и пешкирот, бидејќи топлината ја поттикнува делотворноста на маската која треба да ја држите околу 10 минути.

Потоа измијте ја косата со благ шампон и млака вода и ќе добиете мека, сјајна и здрава коса.

Кивито е интересна и корисна овошка за оние кои сакаат да ги ублажат брчките на лицето и да ја зачуваат еластичноста на кожата. Ова егзотично овошје е богато со витамин Ц, поточно едно киви ви е повеќе од доволно за да ги покриете дневните потреби на овој витамин.

Високото количество на витамин Ц ја регенерира кожата, па затоа маската од киви е препорачлива за сите оние кои имаат над 25 години, добата кога количината на колаген и еластин во кожата опаѓа.

Постојат неколку варијации на маските од киви.

Ефикасна е маската од свежи кругови киви поставени на целото лице. Доволно е да дејствуваат околу 10тина минути за да забележите огромна промена. По оваа маска од свежо киви, задолжително исплакнете го лицето со млака вода и нанесете хранлива крема.

Можете да направите и мешавина од пасирано киви и половина банана. Одлична храна за кожата, која е доволно да делува 15-20 минути пред да ја исплакнете.

Кивито и медот се исто така добитна комбинација за оние кои сакаат да ја сочуваат меката и еластична кожа. Леплива и вкусна маска која за само 10тина минути ќе го постигне посакуваниот ефект.

Егзотичната маска од киви, маслиново масло и путер од кокос, освен тоа што мириса одлично, на кожата и дава доволно хранливи материи за претстојната седмица. Што значи, доволен е еден ваков третман неделно, од само 15 минути за да ја зачувате младоста.

Ако во овие студени денови, кога косата и кожата стануваат сè посуви, вие никако немате време за разубавување и нивно витаминско хранење, ви предлагаме неколку едноставни зимски трикови.

Проблемот со испукани врвови или сува кожа не е нерешлив. Ви ги нудиме петте наједноставни решенија, на петте најчести зимски женски проблеми.

Пилинг пред спиење

Доколку мислевте дека пилингот е наменет за утринско чистење на лицето, малку грешите. Дерматолозите тврдат дека пилингот е вечерен чекор. На тој начин преку целата вечер имате чиста кожа, без наталожени мртви клетки кои допринесуваат за грубиот изглед на кожата. Пилингот нека ви стане навика и практикувајте го секој трет ден.

Ноќна маска за коса

Разбудете се со мека и свежа коса, така што на неа ќе оставите маска која ќе делува цела ноќ. Овој длабински третман ги поправа оштетените влакна. Ваквиот тип на нега практикувајте го секоја седма, до десетта ноќ.

Утринското миење на косата заменете го со сув шампон

Прескокнете го утринското миење на косата за да се ослободите од разлетаните влакна во текот на целиот ден. Сувиот шампон е препарат кој се нанесува на темето и се остава да делува неколку минути. Потоа косата се расчешлува и се бришат белите траги. За само неколку минути ќе постигнете ефект на свежа коса, иако не сте биле во можност да и се посветите повеќе.

Брз педикир

Веќе извесно време се каните да си направите педикир, но никако не можете да си посветите доволно време? Импровизирајте со крупна сол во топла вода и нахранете ја кожата на стапалата со мрсна крема или масло.

Повеќенаменска шминка

Доколку сте во брзање и сакате само да изгледате свежо и природно, користете го ефектот на порцеланска кожа, истакнати јаболкници,природни усни и трепки со неколку слоеви маскара. Без оглед каде и да треба да одите, ова е одличен начин да изгледате уредно.

Само неколку чекори ве делат од секојдневен совршен изглед. Без оглед дали се работи за специјална прилика, или пак секојдневна убавина, трудете се да се задржите од овие мали навики кои за 2 седмици од корен ќе ви го променат изгледот.

Нега на лицето

- Мијте го лицето секое утро и секоја вечер. Одберете средство за чистење на лицето соодветно на вашиот тип на кожа и на вашите години.

- Користете пилинг за лице 2 до 3 пати неделно.

- Не ги отстранувајте акните на несоодветен начин. Така ризикувате да си оставите траги и лузни до крајот на животот. Наместо тоа инвестирајте во квалитетни производи за чистење на кожата.

- Пијте многу вода и јадете овошје и зеленчук. По 2 недели ќе ја забележите разликата, за која не сте биле свесни дека ја прави исхраната.

Нега на косата

- Мијте ја косата 2 до 3 пати во неделата. Секојдневното миење ја ослабува и оштетува повеќе од што мислевте заради тоа што се губат природните масла кои на косата и се неопходни.

- Користете сет од шампони и регенератори. Тие го немаат истото дејство ако ги користите во комбинација со други производи.

- Откако ќе го нанесете регенераторот за коса, расчешлајте ја нежно со крупен чешел.

- Капките или ампулите за коса помагаат за било кој тип на коса. Меѓутоа, ти се користат исклучиво еднаш во месецот.

Нега на кожата

- Туширајте се секој ден со богата витаминска купка за тело.

- Ако сакате да лежите во када полна со пена, во водата додајте една шолја млеко.

- Користете пилинг за отстранување на мртвите клетки, секој втор ден.

- Негувајте го целото тело со витамински креми и млека за тело штом излезете од бањата.

Нега на устата

- Четкајте ги забите секое утро и секоја вечер.

- Користете конец за чистење на забите еднаш дневно.

- Посетувајте го вашиот стоматолог најмалку 2 пати годишно.

- Направете си сладок пилинг од мед за сувите усни.

Лимонот е исклучително важен за негата. Тој е одличен извор на калциум, Витамин Ц, магнезиум и железо, минерали и антиоксиданси кои го подобруваат изгледот и состојбата на косата, кожата и ноктите.

Што сè треба да знаете за лимотот?

1) Помага при проблеми со митесери

Лимонот има антибактериско и антифугално својство и затоа преставува природна алтернатива во лечењето на акни. Со резнака лимон истријте го лицето, или можете да додадете неколку капки мед помешани со сок од половина лимон и тоа нанесете го на местата каде што имате митесери. По 10 минути измијте се со студена вода.

2) Лимонот ги осветлува дамките на лицето

Лимоновиот сок содржи лимонска кислеина и постепено го изедначува тенот. Бидете внимателни ако имате отворени рани или исеченици на лицето, бидејќи може да ве пече.

3) Ги избелува забите

Лимонот е природен избелувач на забите. Растворот на сода бикарбона и лимонов сок нанесете ја на забите, не подолго од една минута.

4) Мрсна кожа

Памук натопете со лимон, намачкајте го лицето навечер, а наутро исплакнете го. Кожата повеќе нема да покажува знаци на замастување.

5) Поубава коса

Измешајте сок од лимон и регенератор за коса, исчешлајте ги прамените, седете на сонце и по неколку часа исплакнете ја косата. Повторете ги овие чекори барем еднаш неделно и ќе забележите дека вашата коса ќе биде помека и посјајна.

6) Ги зајакнува ноктите

Со маслиновото масло и лимоновиот сок истријте ги ноктите. Не само што ќе го решите проблемот со слабите и кршливи нокти, туку така и ќе ги избелите пожолтените нокти.

Тој е дел од животот на поголемиот дел од жените и создава големи проблеми кога ќе дојдат летните денови. Целулитот е нешто од кое сите жени сакаат да се ослободат по секоја цена.

Тоа се всушност масти кои се наоѓаат помеѓу сврзното ткиво на кожата, а најчесто се резултат на хормонски дисбаланс, неправилна исхрана и недостаток на вежбање. Мажите, од друга страна, не треба да се грижат премногу бидејќи нивната кожа е подебела од кај жените и поради тоа тие ретко имаат целулит.

Дури 90% од жените имаат изразен целулит и за да се отстранат од него одат на разни третмани, испробуваат некои домашни трикови, совети и скапи креми. За да ги заштедите вашите пари, време и психа ќе ви откриеме неколку вистини и заблуди за целулитот.

Само дебелите луѓе имаат целулит

Овој проблем го имаат и слабите девојки. Поради поврзаноста со хормоналните пореметувања, експертите сметаат дека ова може да биде и генетски поврзан. Жените од исто семејство имаат сличен степен на целулит, без разлика на дебелината. Земете го ова во предвид за да можете да делувате превентивно на него.

Со вежбање можете да го отстраните целулитот

Целулитот се појавува под површината на кожата додека мастите кои ги согоруваме со вежбање се наоѓаат подлабоко. Сепак ова не е причина да престанете да вежбате. Така ќе ги тонирате мускулите и ќе го одвлечете вниманието од вашите критични делови.

Масажите го намалуваат целулитот

Концептот на масажи крие дел од вистината за целулитот. Обичните масажи нема да ви помогнат, но ендермолошката масажа која продира длабоко во кожата е од голема помош. Оваа механичка масажа ќе го опушти ткивото, ќе ја зголеми циркулацијата и ќе помогне при процесирањето на вишокот вода.

Кафе во борба во целулитот

Кафето не е најефикасната метода при отстранување на целулитот, но помага при отстранувањето на вишокот вода од телото.

Истражувањата покажале дека нанесувањето на кафе на кожата го буди метаболизмот за согорување на маснотиите, што потикна некои компании да направат кратки пантолони кои содржат кофеин.

Ви предлагаме да направите пилинг од кафе кој кај некои жени се покажал како ефективна метода во борбата против целулитот.

Креми и гелови

Ако кремите и геловите помагаа, тогаш нашите проблеми одамна ќе беа заборавени. Вистина е дека некои производи можат да ја подобрат состојбата, но сигурно е дека не можат да го отстранат целосно.

Целулитот може да се отстрани со липосукција

Оваа процедура може да направи повеќе штета. Докторите не можат да го отстранат целулитот туку можат само слојот маснотија која се наоѓа под него. На прв поглед изгледа подобро по зафатот, но со годините кожата ја губи еластичноста, а дупките кои останале по процедурата ќе станат уште повидливи.

Темниот тен помага во прекривањето

Во овој мит има нешто вистинито. Потемнетата кожа изгледа попривлечно од светлата, но не заборавајте дека УВ зраците ја стареат кожата поради што по некое време целулитот ќе стане повпечатлив.

Мажите немаат целулит

И мажите имаат целулит, но во поинаков облик. Освен хормоналните разлики, машките масни клетки имаат поинаква форма и не се зголемуваат лесно, па затоа целулитот е помалку видлив. Ако жените се мачат со бутовите и задникот, кај мажите целулитот се појавува на вратот и стомакот.

Подарете и на косата хидратација со помош на вкусни намирници. Сонцето оставило трага на вашата коса? Можете да и го подарите некогашниот сјај без да одите во фризерски салон и тоа само со неколку намирници.

1. Маслиново масло

Маслиновото масло преставува камен темелник на медитеранската исхрана, а преставува и популарен избор во негата на косата и кожата. Измешајте малку масло со две изматени јајца и нанесете ја смесата на косата. Главата покријте ја со стара крпа (онаа за туширање) и оставете ја постои половина час. Исплакнете со вода и измијте ја косата со шампон за коса како што правите вообичаено. Овој третман го зајакнува слојот на протеини на косата и затоа видливо ја ревитализира вашата коса.

2. Авокадо и банана

Дозволете си хранлива маска од авокадо и банана – овошје кое е одлично за кршлива коса. На косата ќе и ги нанесете неопходните витамини А, Б и Е, како и калиум, а во исто време ќе ја нахраните со влага и ќе и овозможите да биде отпорна на топлина. Во еден сад помешајте една четвртина авокадо и еднаква количина банана сè додека не добиете каша. Со маската нежно, но темелно масирајте ја косата па покријте ја со крпа. По 20 до 25 минути исплакнете ја со млака вода (претоплата вода дополнително ја суши косата).

3. Оцет

Можеби оцетот има интензивен мирис, но неговата употреба е добра за косата. Со мала количина оцет масирајте ја косата и оставете така да постои половина час. Кога ќе ја исплакнете косата, ќе забележите разлика во нејзиниот сјај.

Најчест проблем со кој се соочуваме во зимскиот период е сувата кожа. Студениот зимски воздух е со намалена влажност и ги пресушува природните масла во кожата, на тој начин кожата ја губи влажноста и дехидрира.

Острите зимски ветрови, исто така, предизвикуваат воспаление на кожата со црвенило и ситно лупење. Ова води кон груба, напната кожа и интензивен јадеж, со што дополнително ја иритираме, а таа реагира со задебелување, распукување и намалена способност да се регенерира.

Затоплувањето на домовите го суши воздухот во просториите, така што нашата кожа страда од двојно сушење. Со правилна нега и хигиена можеме да ја одржиме кожата здрава и витална и во зимскиот период.

Еве неколку совети:

1. Избегнувајте користење на агресивни средства за чистење на кожа, користете медицински сапун, маслена купка и хидратантно млеко. Исто така избегнувајте го долгото капење со многу топла вода.
2. Повеќе пати во денот нанесувајте високо хидрантни креми, средства на база на масло и богата ноќна витаминска крема која ќе ја регенерира кожата додека спиете.
3. Редовно правете кристален пилинг со што ќе го отстраните мртвиот слој клетки од површината на кожата овозможувајќи и полесно да дише, забрзувајќи ја циркулацијата со што таа подобро ќе се исхранува, а истовремено олеснувајќи го навлегувањето на сите средства кои ги нанесувате со што тие побрзо ќе го покажат својот ефект.
4. Еднаш месечно може да направите хемиски пилинг со кој длабински ќе ги прочистите вашите пори, и ќе внесете во кожата супстанции кои ќе стимулираат обнова на клетките.
5. За сите, а особено за оние со многу сува кожа прекрасен третман кој ќе ја врати свежината на вашето лице е мезотерапијата со која во средниот слој на кожата внесуваме различни супстанции како витамини, минерали, биостимулативни состојки или  хијалуронска киселина, од каде таа многу полесно и побрзо ќе ги ресорбира.
   
   

Проблемот со сува кожа во зимскиот период на годината може да се јави кај секој човек на било која возраст. Меѓутоа додека кај едни лица студот предизвикува само црвени и суви образи кај оние лица со веќе постоечка друга дерматоза како на пр. атопичен дерматит, егзема, псоријаза, може да дојде до влошување на истата.

Во таков случај најдобро ќе биде да ве прегледа дерматолог кој во зависност од дијагнозата ќе ви препише соодветна медицинска терапија за нега на кожа.

Доколку имате проблем со масната кожа, овој проблем најлесно ќе го решите по рецептот на славните руски убавици. Се работи за тоник од вотка кој секоја Русинка го има во својот дом.

Вотката е одлична течност за дезинфекција на лицето, па во комбинација со правилни и здрави состојки може да се претвори во ефикасно средство за чистење на лицето.

Сè што ви е потребно е едно пластично шишенце со распрскувач, дестилирана вода, вотка и гранче рузмарин.

Во шишенцето ставете дестилирана вода и оставете простор за уште 3-4 лажици вотка. На крајот ставете го гранчето рузмарин, промешајте и оставете ја течноста да отстои неколку часа.

Тоникот се чува на студено место, се нанесува наутро и навечер на чисто лице и никако не смеете да го нанесете околу пределот на очите заради тоа што содржи алкохол.

Зелената салата може да се користи за нега на телото. Ви ги претставуваме рецептите со кои зелената салата ќе ја претворите во идеална козметичка состојка.

Салатата е диетална намирница богата со растителни влакна и помага во намалувањето на холестеролот, а корисна е и при превенција на запек. Се состои од речиси 95% вода, богата е со минерали и витамини, а има и млечен сок кој ја ублажува болката.

Облоги за хидратација на кожата
Ставете неколку свежи листови зелена салата во жешка вода, исцедете ги и оставете ги да се изладат. Ставете на лицето два до три слоја листови и оставете ги да делуваат 20 минути.

Лосион против мозолчиња
Земете 30 грама листови салата, варете ги на тивок оган околу 30 минути. Потоа водата исцедете ја и лосионот за кожа, особено за врат и лице е готов. Подготвениот лосион од зелена салата може да се користи два до три дена. Чувајте го во фрижидер. Лосионот нанесувајте го со памук на утро и навечер.

http://www.crnobelo.com/zivot/moda-i-ubavina/17574-morskata-sol-vo-sluzba-na-vasata-ubavina" rel="nofollow -

Морската сол е одлична за вашата убавина. Подеднакво е добра во чистењето, затегнувањето и омекнувањето на кожата.

И покрај тоа што мислевте дека солта само непотребно ја суши кожата, напротив, таа е преполна со магнезиум, калиум и натриум, што ја прави совршен сојузник на вашата убавина.

Солен пилинг против груба кожа

Промешајте слатка павлака со лажица морска сол и направете одличен пилинг за кожа. Нанесете и почекајте 10тина минути да делува. Потоа исплакнете со млака вода. Практикувајте го овој пилинг два пати неделно доколку сакате да се решите од грубата кожа.

Избелете ги забите на природен начин

Скапото избелување на забите може да го замените со мешавина на морска сол и сода бикарбона. Помешајте една кесичка сода, малку сол и додајте неколку капки оцет, па со добиената паста измијте ги забите. Оваа постапка не смеете да ја повторите повеќе од 3 пати месечно.

Морска сол за сјајна кожа

Во еден мал сад ставете лажичка сол и лажичка маслиново масло, а потоа мешајте неколку минути. Мешавината нанесете ја на лицето и масирајте 5 минути пред да исплакнете.

Купка за заморени стапала

Купката за стапала со морска сол помага за циркулацијата, болките и габичните инфекции на нозете. Доволно е да промешате една шолја морска сол со топла вода и во неа да ги држите стапалата најмалку 15 минути. Потоа исплакнете ги со ладна вода и нанесете крема.

-------------
Јакиот човек има само една слаба страна-жената што ја сака!

http://www.crnobelo.com/zivot/moda-i-ubavina/21732-napravete-sami-5-maski-za-nega-na-liceto" rel="nofollow -

Многу жени сметаат дека кожата на лицето е доволно да биде исчистена и на неа да се нанесе хидратантен или дневен крем.

Но, во денешно време кога живееме под влијание на стрес, на кожата ѝ е потребна дополнителна нега и хидратација. Тоа може да го овозможи само природната маска за лице.

Доколку не сте во можност да си дозволите маска за лице или сакате природна, направена во домашни услови, еве како се прават маските кои ќе ѝ помогнат на вашата кожа да изледа поздраво и посјајно.

Маска со јагоди         

Изгмечете неколку јагоди и додајте 2 лажици слатка павлака. Нанесете ja на лицето и оставете ja да дејствува 20 минути. Помага при сува и уморна кожа.

Маска со компири

Испасирајте 150 гр варен компир, додадете бадемово масло и 50 гр кисело млеко. Оставете ја маската да дејствува 45 минути и ќе добиете мека и мазна кожа.

Јајце за убавина

Оваа маска ќе го врати сјајот на вашето лице. Измешајте една жолчка и една лажица маслиново масло. Оставете да дејствува 10 минути, а потоа исплакнете со млака вода.

Лимонот го чисти вашето лице

Доволно е да исцедите еден лимон и сокот да го помешате со малку маслиново масло. Нанесувајте нежно, правејќи кружни движења сè додека не се појави благо црвенило. Потоа оставете половина час да дејствува. Ќе добиете чиста и затегната кожа.

Маска со банана

Изгмечете една банана, нанесете ја на лицето и очните капаци. Оставете да дејствува 15 минути. Измијте со млака вода. Кожата ќе ви стане мека, свежа и затегната.

Пред да нанесете која било од овие маски, погрижете се вашата кожа да биде темелно чиста. Отстранете ја шминката, исчистете го лицето со лосион, измасирајте ја вашата кожа и нанесете една од маските.

Не ја задржувајте на себе маската повеќе од предвиденото време. Може да постигнете контра ефект.

За крај, ставете лосион или крем за лице и оставете ја вашата кожа да дише.

Се препорачува да не легнувате со шминка, тоа ја оштетува вашата кожа и ја прави подложна на бактерии и мозолчиња.

Без разлика колку сте уморни, пред спиење доволно ќе биде да ја отстраните шминката со влажно марамче. Наутро погрижете се да ја исправите малата штета од оваа постапка со нанесување маска за лице.

-------------
Јакиот човек има само една слаба страна-жената што ја сака!

Пет најчести грешки при користење пегла за коса

15 неопростливи грешки на една дама

Мејкап-трикови: Како да нанесете розова сенка?

http://www.crnobelo.com/zivot/moda-i-ubavina/19111-4-soveti-parfemot-da-trae-podolgo" rel="nofollow - 4 совети за парфемот да трае подолго

Парфемот ќе трае подолго ако се нанесува на т.н. пулсирачки точки: зглобовите, зад ушите, на дното од грлото, од внатрешната страна на лактите...

Еве уште неколку совети за подолго да мирисате на својот омилен парфем.

1. Држењето на парфемот подалеку од извор на светлина помага парфемот да ги задржи хемиските својства непроменети, бидејќи светлината може да го промени составот на парфемот што доведува и до промена на мирисот.

2. Нанесете го парфемот директно на кожата ако сакате неговиот мирис да трае подолго. Нанесете го парфемот на „жешките“ точки, односно на точките на телото на кои можете да го почувствувате пулсот.

3. Многумина откако ќе стават парфем на надлактицата ги тријат рацете. Ова не помага парфемот да остане постојан, напротив, така се „кршат“ молекулите на парфемот и се уништува вистинската срж на мирисот.

4. Намачкајте малку вазелин или маслиново масло на пулсирачките точки каде што планирате да нанесете парфем. Ова е одличен начин мирисот подолго време да го задржите на своето тело.