Животински и растителен свет - Облека за миленици

Кавали-линии за кучиња

Во дизајнирањето модни линии за домашни миленици се обидоа многу креатори и ако лани најбарана гардероба беше онаа на „Гучи“, годинава во тренд е шарениот „Кавали“. Па, ако немате попаметна работа од празнење на паричникот, еве како да си го дотерате љубимецот.

Зимава во бутиците „Кавали“ низ светот освен луѓе може да видиме и како влегуваат кучиња на шопинг. За нив, се разбира, парче брендирана гардероба одбира оној што потоа ќе ја плати, но заедно можат да влезат во гардероберот и да пробаат од широката понуда на „Роберто Кавали петс лајн“. Освен дизајнирани парчиња гардероба за кучиња, колекцијата содржи и аксесорис (кожени ремени, ташнички, машнички итн). Цените се од 110 евра за маичка до 1.200 евра за кожен комплет.

http://www.mkd.mk/wp-content/uploads/2012/02/roberto_cavalli_dog_clothes_ztcrt.jpg" rel="nofollow"> кавали

Колекцијата за 2012 година е поделена на пролет лето, и есен зима, многу слично како и оние линии што се наменети за луѓето. Во промет е пуштена зимската линија што изобилува со шарени јакни, капути, шапки, кожени панталони…, а веќе се најавува онаа за пролет-лето, во која освен „Кавали“ маички ќе има и фустани и кошули од свила.

http://www.mkd.mk/wp-content/uploads/2012/02/cavalli-pet-line1.jpg" rel="nofollow"> кавали пет линија
Интересно е дека повеќе штосни парчиња има за помалите кучиња отколку за поголемите. Но креаторот објаснува дека станува збор за неколку унисекс-броеви, односно за големините „мало“, „средно“ и „големо“, а во иднина колекцијата ќе биде збогатена и со големина „екстраларџ“ наменети за кучиња над 25 килограми.

http://www.mkd.mk/wp-content/uploads/2012/02/cavali-2.jpg" rel="nofollow"> кавали за кучиња

Факт е дека креирањето ваква облека е тешко, бидејќи неопходно е да се земе предвид практичноста и можноста гардеробата лесно да се облекува и соблекува од љубимецот.

http://www.mkd.mk/wp-content/uploads/2012/02/cavalli-pet-line2.jpg" rel="nofollow"> кавали линија
„Роберто и јас многу ги сакаме животните, дома имаме неколку кучиња, па спонтано помисливме дека е добра идеја годинава да се сконцентрираме на разубавување на нивниот моден универзум“, вели Ева Кавали за „Роберто Кавали петс лајн“. А дека не станува збор за обично „лаење во ветер“, потврдуваат купувачите, кои едноставно се луди по оваа најнова линија, објаснувајќи дека освен модерна, новата гардероба за кучиња сега е и удобна и практична.

http://www.mkd.mk/wp-content/uploads/2012/02/Swarovski-Dog-Throne.jpg" rel="nofollow"> кавали со сваровски

По успехот пред три години со Сваровски троновите за богати кучиња, Роберто Кавали се обиде и во облека за богати кучиња

Но да не коментираме ако не ги разбираме многу…Погледнете ги фотографиите и донесете заклучок сами.

http://www.mkd.mk/wp-content/uploads/2012/02/crazy-dog-clothing-2.jpg" rel="nofollow"> кавали