Постојат бројни клинички студии кои ја испитувале улогата на витаминот Д во превенцијата на ракот. Некои од овие студии покажале дека овој витамин го намалува ризикот за настанување на некои видови на рак, додека пак, други студии не ги потврдиле овие резултати.

Најновата студија вели дека витаминот Д ќе стане неопходен суплемент за намалување на ризикот од рак на дојка и на дебело црево.

Земањето на витамин Д го намалува ризикот за добивање на рак на дојка за една четвртина, а истовремено го намалува и ризикот за добивање на рак на дебело црево за една третина, тврдат научниците.

Резултатите од оваа студија ги натерала министерствата за здравство на Канада, САД, Шкотска, Велика Британија и на други земји, да ги советуваат своите жители да внесуваат поголема количина на витамин Д, посебно во зимските месеци.

Ова откритие се темели на студија која анализирала 2 750 истражувања за витаминот Д. Врз основа на тие анализи, студијата покажала дека земањето на витаминот Д во вид на суплементи е корисно за превенција на ракот.

Телото го произведува витаминот Д во месеците која сонцето е најјако и кога телото е изложено на сончевите зраци. Затоа, во зимските месеци, жителите на земјите кои живеат 30 степени северно од Екваторот, се изложени на поголем ризик за добивање на рак, пишува часописот „Independent“.

Министерствата за здравство на Канада, САД, Шкотска, Велика Британија и на други северни земји се спремаат да го воведат витаминот Д како неопходен суплемент, кој би се внесувал во организмoт и до десет пати повеќе отколку што е тоа вообичаено.

Научниците од Лондонскиот Институт за истражување на ракот тврдат дека откриле нов начин за убивање на малигните клетки.

Ова откритие го менува уверувањето дека единствениот начин на убивање на малигните клетки е преку процесот наречен апоптоза. Овој процес често е блокиран од страна на клетките на ракот, што доведува до неефикасност на голем број на лекови.

Новиот процес се нарекува некроптоза и тој ги убива туморите така што ги заобиколува одбранбените механизми на клетките и активира група на протеини кои „ги тераат“ клетките на овој вид на умирање.

Ова ново откритие објаснува зошто многу луѓе не реагираат на хемотерапија, и дава надеж за развој на целни третмани кои ќе ги убијат малигните клетки отпорни на апоптоза.

Новата експериментална вакцина е успешно тестирана на животни, но се уште не е тестира на луѓе. При тоа се покажало дека новата вакцина предизвика силна активност на неутрализирачките антитела. Овие антитела успеале да се изборат со повеќе варијанти на вирусот на хепатитот Ц во текот на испитувањето, покажувајќи дека новата вакцина би требала да биде ефикасна и кога вирусот мутира, тврдат истражувачите.

Експериментална вакцина користи честички слични на вирусот, но не се заразни, бидејќи не содржат генетски материјал од вирусот.

„За превентивната вакцина, неутрализирачките антитела се апсолутно неоходни, но таа, исто така, ќе биде голема предност и за терапевтските производи“, изјавил Dr. David Klatzmann, член на истражувачкиот тим.

Истражувачите изјавиле дека тестирањето на новата вакцина на луѓе би требало да започне во 2012 година.

Вакцината која во моментов ја развиваат американските научници покажала 80% ефикасност против неколку врсти на рак, покажале истражувањата спроведени на лабораториските глувци.

Научниците од University Of Georgia и Mayo Clinic успеале да го намалат ракот на дојката за 80% во експериментите спроведени на лабораториските глувци. Тие сметаат дека оваа вакцина би можела да биде ефикасна и кај ракот на простатата, ракот на дебелото црево, ракот на јајчникот и ракот на панкреасот. Научниците тврдат дека ова супервакцина покажала успех кај 70% смртоносни видови на рак.

За разлика од моментално актуелните лекови за туморите,кои ги напаѓаат клетките на ракот, оваа вакцина делува на имунолошкиот систем – го зајакнува така да организмот би можел самиот да се бори против ракот.

До сега во своето истражување, научниците вложиле преку милијарда долари, но сепак е прерано да се каже колку би чинела една доза од оваа вакцина. Следниот чекор е да се испита делувањето на оваа вакцина кај луѓето, а проектот би требало да започне по две години.

Доколку се покаже како успешна, вакцината би можела да биде достапна за лекување во 2020-та година.

Научниците од Cambridge University за првпат создале клетки на црн дроб од мал примерок на човекова кожа. Тие успеале со репрограмирање на клетките на кожата да создадат клетки од црниот дроб, што би можело да доведе до развој на нови терапии за болестите на црниот дроб.

Prof. Mark Thursz

Бидејќи клетките на црниот дроб (хепатоцити) не можат да се одгледуваат во лабораторија, проучувањето на пореметувањата на црниот дроб е многу тешко.

Со репликација на клетките на органите, научниците можат не само да испитаат што се случува во заболената клетка, туку и да ја тестираат ефикасноса на новите терапии за лекување на овие болести. Научниците се надеваат дека нивното откритие ќе доведе до прилагодени третмани за поединците и евентуално до терапија базирана на клетките (кај која клетките на пациентот со генетски заболување ќе бидат излекувани и повторно пресадени). Со овој пристап и со употреба на таканаречени индуцирани плурипотентни матични клетки се заобиколува потребата за контроверзното користење на матични клетки со потекло од ембриони стари неколку дена.

Во истражувањето, научниците земале примероци од кожата на седум пациенти кои боледувале од различни наследни болести на црниот дроб и примероци од три здрави лица (контролна група). Потоа ги репрограмирале клетките од примероците ка кожата и матичните клетки. Тие матични клетки потоа биле користени за генерирање на клетки на црниот дроб и за стварање на „здрави“ клетки на црниот дроб од контролната група.

Prof. Mark Thursz, специјалист за болестите на црниот дроб и професор по хепатологија Imperial College, ја коментирал важноста на истражувањето:

„Болестите на црниот дроб се петта по ред најчеста причина за смрт во развиените земји, после кардиоваскуларните болести, ракот, мозочниот удар и болестите на респираторниот систем. Болестите на црниот дроб се во постојан пораст. Стварањето на специфични линии на клетки на црниот дроб на пациентот претставува значаен напредок во борбата против болестите на црниот дроб. Оваа технологија краткорочно гледано пружа нови методи за истражување на болестите на црниот дроб, а од долгорочен аспект претставува потенцијален извор на здрави клетки на црн дроб за пациентите со тешки оштетувања на овој орган“.

Истражувањето било објавено во научниот часопис „Journal of Clinical Investigation“.

Почна акцијата за градење позитивно мислење за донирањето органи

Создавање позитивно јавно мислење за важноста на донирањето органи и развој на трансплантацијата во државата, е целта на кампањата под мотото „Кога животот ќе заврши подари живот“, чиј почеток со прес-конференција го најавија Лекарската комора на Македонија и невладината организација Мактрансплант во рамките на одбележувањето на 12 Октомври, Европскиот ден на дарувањето органи. Во наредниот период, како што беше посочено, лекари-специјалисти од Клиниката за нефрологија ќе организираат предавања за матичните лекари на кои ќе ги информираат за новиот Закон за трансплантација на органи и ткива, како и за тоа како тие може да помогнат во едукација на населението. Во рамките на кампањата што се организира во соработка со Здружението на нефролози при МЛД и Универзитетската клиника за нефрологија ќе се подготват и флаери и постери со кои ќе се промовираат донорството и неговото значење.
Претседателот на Лекарската комора, проф. д-р Кочо Чакалароски истакна дека донирањето органи е највисок чин на алтруизам и дека за созадавањето на позитивно јавно мислење и развој на трансплантацијата многу важна е и довербата во здравствениот систем. "Македонија има многу современ Закон за трансплантација на органи, а последната измена и дополнување овозможува да се користат органите од кадаверични донори доколку не постоело противење за истиот акт", посочи проф. Чакалароски. Ако некој, укажа тој, не сака да биде предмет на дарување орган во случај на негова смрт, треба кај нотар да се запише на анонимна листа на недарители на органи која ќе се испочитува до крај.

"Доколку не е најдена таа листа на потенцијалниот донор тогаш семсјството е тоа кое во крајната истанца ќе одлучи. Ние неможеме да земеме орган доколку наидеме на отпор од страна на семејството", додаде проф. Чакалароски. Според него, Македонија ќе ги користи најсовремените начини за докажување мозочна смрт.

Д-р Игор Николов од тимот за трансплантација од Клиниката за нефрологија истакна дека идејата на кампањата е да се подигне свеста за донирањето и кај лекарите и кај грѓаните, кај пациентите. Во рамки на активностите се подготвени 10.000 постери и 100.000 флаери кои ќе бидат дистрибуирани во ординациите на матичните лекари, како начин за информирање на јавноста.

Според Законот за трансплантација на органи и ткива, освен од жив дарител, како донор на органи може да се јави и лице кое се наоѓа во состојба на мозочна смрт (кадаверична трансплантација). Законот предвидува сите државјани на Република Македонија да се потенцијални донори, а последниот збор за тоа дали ќе се донираат органите го има семејството. Во Македонија засега годишно се прават педесетина трансплантации на бубрези, а како донор се јавува некој близок роднина на пациентот. Кај деца се трансплантира и црн дроб, исто така од роднина. Кадаверичната трансплантација, иако е голема можност, засега останува неискористена. Проценките покажуваат дека годишно во земјата има околу 120 лица кои настрадале во сообраќајна несреќа или заради некоја друга ситуација доживеале мозочна смрт.

...pred nekoja nedela za zal,pri naj-rutinska rabota pocina pacient vo nekoja od nasive bolnici bidejki, na od raka izbran pacient,pri terapija intervenozno mu bila dozirana tesnost na baza na poli-cist,sjaj,varikina snezana i slicni i seto toa negoviot oslaben organizam za zal povtorno ke kazam,ne mozese da go izdrzi i covekot si umre.Ispituvanjata prodolzuvaat i ponatamu...

Ova pogore e kaj nas..da nema nekoja nedoumica...