Бизнис и економија - Инвестирањето во злато !!!

Можете ли своите пари да ги вложите во инвестициско злато. Кај нас во Македонија не, но затоа тоа можете да го сторите преку странска фирма што се занимава со продажба на вакво злато или преку домашни фирми посредници.

Се работи за 24 каратно злато со четири деветки, злато што се тргува на берза. За да купите вакво злато, парите треба да ги уплатите на посредникот, тој ги префрла на странската фирма, а таа во ваше име го купува златото. Ако сакате златото може да се достави и лично до вас, ако не ќе ви се даде само документ дека плочката злато со тој сериски број е ваша и депонирана во некоја од банките во Германија или Швајцарија.

- И обичните граѓани можат да си купат еден, пет или десет грама, кој колку сака. Тргувањето од Македонија се врши преку посредници. Златото физички може да ви биде донесено и во Македонија, а ако тоа не го сакате ќе ви се изаде сертификат дека го поседувате. Со тој сертификат вие можете да земете кредит, да тргувата или да го продавате, а златато да ви стои некаде во странски банки од каде и потекнува, изјави Гоце Милошевски- сопственик на КБ Капитал Бизнис.

Сега златото на берза чини 33 илјади евра за килограм, најмногу во последниве неколку години. Во време на светската рецесија тоа ги урна рекордите на берзата. Затоа се смета дека инвестирањето во злато е поисплатлив начин за заработка наместо инвестирање во акции или обврзници. Има и примери кога одредени земји цели девизни резерви ги чуваат во злато, Македонија чува околу 13 од резервите.

Инвестирањето во злато поисплатливо од купување акции