Медиуми - ТВ Пинк влегува во Македонија

„Изминатите денови Митровиќ имал состанок со лидерите на СББ, кои се заинтересирани да откупат дел од неговата компанија, со тоа што тој и понатаму би останал мнозински сопственик. Договорот им одговара на двете страни, па се претпоставува дека наскоро ќе биде потпишан“, вели изворот за српски „Ало“.

Според изворот „со оглед на тоа дека Жељко имал големи побарувања, кои не можел да ги наплати од клиентите, на ваков чекор се одлучил за да ја засили својата империја, која во последнава година е во криза“.

„Познат е фактот дека кабловскиот оператор е неверојатно силен и моќен на нашите простори, па ова е логичен потег на Митровиќ, кој одлучил токму СББ да му биде стратешки партнер во иднина. Тој е одлучен во намерата „Пинк“ да има лидерска позиција меѓу комерцијалните телевизии, а и СББ има силен интерес во оваа трансакција. Имено, оваа компанија има намера кон крајот на годината, кога законот тоа ќе го дозволи, да почне да се занимава и со фиксна телефонија, за што веќе се подготвува теренот и инфраструктурата, така што ќе и биде потребно силно медиумско влијание“, додава изворот.

Како што пишуваат медиумите во Србија, со новата програмска шема есенва, ТВ Пинк воведува повеќе од 20 нови проекти кои Пинк ги работеше во сопствена продукција и за кои се издвоени многу пари.

Со оглед на тоа дека „Пинк“ од СББ ќе добие големи пари, нема сомневање дека на Митровиќ ќе му се исплати вложувањето, а и компанијата на Сорос секако ќе има голема добивка.