Израел ги отвори квалификациите за ЕП со побeда

Ирска поведе во нашата група со победата над Ерменија

Утврден распоредот на натпреварите за ЕУРО 2012

Србија доби фудбалска лекција од Естонија

Група А:
Австрија-Азербејџан 3:0
Германија-Турција 3:0
Казахстан-Белгија 0:2

Група Б:
Андора-Македонија 0:2
Ерменија-Словачка 3:1
Ирска-Русија 2:3

Група Ц:
Северна Ирска-Италија 0:0
Србија-Естонија 1:3
Словенија-Фарски острови 5:1

Група Д:
Албанија-БиХ 1:1
Луксембург-Белорусија 0:0

Група Е:
Унгарија-Сан Марино 8:0
Молдавија-Холандија 0:1

Група Ф:
Грузија-Малта 1:0
Грција-Латвија 1:0

Група Г:
Црна Гора-Швајцарија 1:0
Велс-Бугарија 0:1

Група Х:
Кипар-Норвешка 1:2
Португалија-Данска 3:1

Група И:
Чешка-Шкотска 1:0
Шпанија-Литванија 3:1

Де Роси нема да игра против Србија

Дивеење на српските навивачи во Џенова

Нов срам за Србија - поради дивеење на хулиганите прекинат фудбалскиот меч Италија - Србија. Судирите низ улиците на Џенова траеле до доцна во ноќта, а српските навивачи врз полицијата фрлале факели, камења и шипки, а наводно во еден од автобусите биле пронајдени и две бомби.

Во судирите повредени се 16 луѓе, меѓу кои и двајца полицајци. Приведени се 138 навивачи. Меѓу нив според полицијата е и организаторот на дивеењето.

Тој бил пронајден како се крие во багажник на еден автобус, а на градите имал рачна бомба. Претседателот на фудбалскиот сојуз на Србија тврди дека ги предупредил Италијанците, бидејќи изминатите два дена постојано пристигале анонимни закани на сметка на репрезентацијата.

„Ова е инструирано од Белград и ова не е напад на репрезентацијата, туку на државата. Тоа е позадината на целиот инцидент“, изјави претседател на фудбалскиот сојуз на Србија Томислав Караџиќ.

Немирите избиле пред почетокот на квалификацискиот натпревар од група Ц за Еуро 2012, кога навивачите на Србија се обиделе да го нападнат голманот на српската репрезентација Владимир Стојковиќ, затоа што пред еден месец од „Црвена Ѕвезда“ премина во лутиот ривал „Партизан“.

Натпреварот доцнел половина час бидејќи српските навивачи по влезот на стадионот почнале да ја сечат металната ограда и да фрлаат пиротехнички средства на теренот.

Го палеле албанското знаме, а со столчињата ја кршеле оградата од плексиглас, по што фудбалерите биле повлечени во соблекувалните.

Полицијата во меѓувреме ги изолирала српските навивачи на трибините и натпреварот почнал, но за кратко. Само по шест минути игра и фрлени нови факели на терените, шкотскиот судија Крег Томпсон го прекинал.

Според правилата на ФИФА натпреварот најверојатно ќе биде регистриран со службен резултат 3:0 во корист на домаќините, поради инцидентите на гостинските навивачи.

Остри казни го очекуваат и фудбалскиот сојуз на Србија, а освен парична казна, во официјалните документи на УЕФА се споменуваат и играње на неутрален терен, одземање бодови, па и исфрлање од натпреварувањето..

УЕФА за 11 милиони евра го продала ЕП 2012

Првиот човек на фудбалскиот сојуз на Кипар, Спирос Марангос тврди дека Полска и Украина ја добиле организацијата на Европското првенство 2012 така што подмитиле петмина членови на Извршниот одбор на УЕФА со 11 милиони евра.

Приказната ја открил германскиот весник "Зидојче Цајтунг". Марангос трвди дека има докази за своите обвинувања и дека "две години се обидувал да дојде до Мишел Платини" за да го извести за информациите со кои располага. Неговиот адвокат додал дека сведоците се подготвени под заклетва да сведочат пред суд.
Германскиот неделник пишува дека имаат сведочења во пишан облик и дека ги знаат имињата на петмината за кои Марангос тврди дека земале поткуп. Наведуваат и дека го знааат името и на посредникот кој служел за купување гласови на членовите на Извршниот одбор и кој "бил вклучен во случај на корупција во источна Европа".
Целиот случај од УЕФА го коментираше Џани Инфантино, генералниот секретар: "Ако добиеме докази и материјал ќе покренеме истрага. Во моментов тоа го немаме, па не можам ништо повеќе да ви кажам", изјавил за АФП.
За органиизација на ЕП 2012 кандидати беа Украина и Полска, Хрватска и Унгарија и како самостојна Италија.
Најразочарани беа Хрватите, а наводно претседателот на нивниот фудбалски сојуз, по враќањето од гласањето во ВИП-салонот на загрепскиот аеродром наводно изјавил: "Таа вечер пред гласањето Суркис ги купи гласачите. Колку што знам, осуммина членови на ИО на УЕФА добиле по 1,5 милиони евра, па победата и припадна на Украина и Полска". Марковиќ подоцна изјавил дека тоа се глупости.

На европското првенсто во фудбал што во 2012 година ќе се одржи  во Украина и Полска ќе се игра со топката на германскиот производител на спортска опрема Адидас, "Танго 12".

На последното ЕП што во 2008 година се одигра во Австрија и Швајцарија се играше со топката "Адидас Еуропас".

ОБЈАВЕН СПИСОКОТ НА СУДИИ ЗА ЕП 2012

Европската фудбалска федереација (УЕФА)  на својот сајт го објави списокот со 12 судии кои ке ги водат натпреварите на Европското првенство 2012 година во Полска и Украина.

Тие ке судат на 31 натпревар, а за прв пат во историјата на Европските првенства главните судии ке имаат и “дополнителни помошници“ покрај линиските судии.

Списокот на главните судии го сочинуваат:Џунет Чакир (Турција), Јонас Ериксон (Шведска), Виктор Кашаи (Унгарија), Бјорн Куиперс (Холандија), Стефан Ланоа (Франција), Педро Проенса (Португалија), Никола Рицоли (Италија), Дамир Скомина (Словенија), Волфганг Штарк (Германија), Крег Томсон (Шкотска), Карлос Веласко Карбаљо (Шпанија) и Хауард Веб (Англија).

За “дополнителни помошници“ именувани се: Марцин Борски (Полска), Том Харалд Хаген (Норвешка), Павел Карловец (Чешка) и Виктор Швесов (Украина).

Европското првенство ке се игра од 8-ми јуни до 1-ви јули 2012 година.

ЕУРО 2012 СТАДИОНИ

Група А:
Полска
Грција
Русија
Чешка

Група Б:
Холандија
Данска
Германија
Португалија

Група Ц:
Шпанија
Италија
Ирска
Хрватска

Група Д:
Украина
Шведска
Франција
Англија

http://www.kurir.mk/sport/fudbal/70189-Sok-za-Spanija-Pujol-ne-igra-na-EP" rel="nofollow - Шок за Шпанија, Пујол не игра на ЕП

Пред крајот на предпоследниот лигашки меч на кој Барселона го совлада Еспањол со 4:0, Пујол се пожали на болки во коленото, а прегледите покажаа дека ќе мора на операција. 

ИБРА: ТИТУЛАТА НА ЕВРО ПОВАЖНА ОД СЕ!!!

Титулата на европското првенство е поважна од сите други трофеи, трврди шведскиот репрезентативец Златан Ибрахимовиќ.

Тој има освоено титули во националните првенства во Холандија, Италија и Шпанија со тимовите на Ајакс, Јувентус, Интер, Милан и Барселона.

"За мене победата на ЕВРО 2012 ќе значи повеќе од се што сум постигнал досега во својата кариера. Трофеј со националниот тим е нешто посебно за секој фудбалер и јас не сум поинаков. Би било одлично го однесеме трофејот дома", изјави Ибрахимовиќ.

Шведска го игра својот прв натпревар на Евро 2012 на 11 јуни против домаќинот Украина во Киев, во групата "Д" каде што се и екипите на Англија и Франција.

ПОЛСКА И ГРЦИЈА ГИ ПОДЕЛИЈА БОДОВИТЕ

Роберт Левандовски ја донесе Полска во предност во 17 минута, гол со кое беше отворено 14 Европско првенство. Напаѓачот на Борусија Дортмунд постигна гол со глава по нафрлената топка од Пишчек од десната страна и на тој начин го постигна првиот гол на ЕВРО 2012. Иако Грците останаа со играч помалку на крајот на првото полувреме, Димитрис Салпингидис го израмни резултатот на 1:1 во 51 минута.

Селекторот на Полска Фратишек Смуда го започна натпреварот со формацијата 4-2-3-1 во која на врвот на нападот беше играчот на Борусија Дортмунд, Роберт Левандовски, потпомогнат од Блашчиковски, Обрењак и Рубус веднаш зад него.

Грците натпреварот го започнаа со формација 4-3-3 во нападот со Самарас, Гекас и Нинис.

Уште во 5 минута домаќините создадоа две прекрасни шанси преку кои можеа да го отворат резултатот, но голманот на Грција  Чалкиас ги одбрани ударите на Муравски а по одбиената топка и на Рибус. Во 14 минута Пишчек центрираше остро по десната страна, но само неколку сантиметри му фалеа на Лењандовски да ја закачи топката со глава и да го отвори резултатот. Три минути подоцна двајцата создадоа иста шанса, но овој пат Левандовски беше прецизен, удирајки ја топката со глава, која откако се одби од земја заврши во мрежата на Грција.

Во 37 минута Перкис пропушти неверојатна шанса да го зголеми водството на Полска, откако од околу 11 метри биеше само покрај десната статива. Минута пред крај на полувремето, Грција остана со играч помалку по втроиот жолт картон на Пападополус. 

Во 51 минута "златната" резерва Салпингидис го израми резултатот по недоразбирањето на полската одбрана. Торосидис центрираше од десната страна, а откако Шчезни не успеа да ја отфрли топката која се одби Гекас Салпингидис се најде на вистинското место и го израмни резултатот. Во 69 минута Салпингидис излезе сам со Шчезни, по што голманот на Арсенал со еден непресметлив потег го собори на земја, за што доби директен црвен картон, а Грција пенал. Пеналот не успеа да го реализира капитенот Карагунис.

Во последната минута од натпреварот Холебас за малку не си постигна автогол. На крајот двате репрезентации  ги поделија бодовите и ќе го очекуваат исходот од натпреварот Русија-Чешка за да прават понатамошни калкулации. 

РУСИЈА БЕЗ ПРОБЛЕМИ СО ЧЕШКА

ГЕРМАНСКАТА МАШИНА СТАРТУВАШЕ СО ПОБЕДА

Трикратниот Европски шампион Германија ја започна со победа кампањата ЕВРО 2012 во Полска и Украина. Бундестимот ја надигра Португалија и со 1:0 победи во вториот натпревар од групата Б. Единствениот гол на натрпреварот го постигна Марио Гомез во 72 минута кој се покажа како доволен за триумф. Ова бешечетврт дуел на двете селекции на еврозавршниците и втора победа за Германија.

Во првото полувреме двата тима играа премногу претпазливо и вистински шанси за гол немаше. Сепак Германија беше екипата која повеќе сакаше да го отвори резултатот и упати повеќе удари кон голот на Португалија.

Уште во првата минута Џером Боатенг центрираше опасно во казнениот простор каде Гомез биеше директно во рацете на Руи Патрисио. Во 9 минута Лукас Подолски го испроба противничкиот голман но ништо посериозно.Португалија напаѓаше доста срамежливо,и првата посериозно опасност дојде во 17  минута, кога Кристијано Роналдо се проби по левата страна упати еден низок центаршут но Постига не успеа да ја зафати топката која после Бадштубер ја исфрли во корнер.

Германија ја имаше иницијавата цело полувреме и Подолски во два наврати биеше од далечина но неуспешно. Томас Милер ја имаше најсериозната шанса за Германија кога Милер не успеа да го насочи  центаршутот на Озил кон голот.На самиот крај на полувремето Португалија се активираше. Најпрво Мутињо биеше но Ноер беше сигурен,  а потоа по еден корнер за Португалија изфрлената топка заврши во нозете на Пепе, кој од пеналтикот шутна само во пречката а одбиената топка тапна на линијата, но не влезе во голот.

Германија силно го започна и второто полувреме и во 46 минута дојде до мешаница пред голот на Патрисио. Во 64 минута Германија има уште една шанса за гол но Гомез шутира над голот. Најзрелата шанса ја имаше Кристијано Роналдо кој по едно додавање излезе, излезе сам пред голот на Ноер, но Боатенг стигна навреме и не му дозволи да упати удар.

Германија играше подобро цело второ полувреме и резултатот дојде во 72 минута кога по една нафрлена топка од Кедира, Гомез убаво се намести во петерецот и со глава го матираше Патрисио.

До крајот на натпреварот Португалија ја превзеде контролата и ги надигра Германците, но залудно. Во 81 минута Кристијано Роналдо упати еден незгоден удар кој Ноер го исфрли во корнер. Во 83 минута центаршутот на Нани несакајќи ја погоди гредата. Во 88 минута по една мешаница пред голот на Германија  Варела не успеа да го совлада Ноер, откако неговиот удар заврши само во телото на германскиот голман.

На крајот може да се каже дека Германија заслужено дојде до победата и се израмни на врвот на табелата со тимот на Данска.

ПРВА БОМБА: ДАНСКИОТ ДИНАМИТ JA РАЗНЕСЕ ХОЛАНДИЈА

ИТАЛИЈА И ШПАНИЈА СТАРТУВАА СО ОДЛИЧЕН ФУДБАЛ И НЕРЕШЕН РЕЗУЛТАТ

Тимовите на Шпанија и Италија одиграа  1:1 во првиот натпревар од групата "Ц" на Евро 2012 во Гдањск. Прецизен за "азурите" беше резервата Антонио ди Натале во 60-тата минута,откако беше маестрално проигран од Андреа Пирло. Капитенот и најдобариот стрелец на Удинезе се појави на теренот пет минути претходно на местото на Марио Балотели.Само четири минути подоцна Фабрегас израмни по одлично проигрување од Давид Силва, кога со левата нога ја испрати топката во мрежата на Буфон.

Висенте дел Боске натпреварот го започна без класичен напаѓач, играјќи ги во предната линија Силва, Фабрегас и Иниеста. Прандели остана достоен на својата формација играјќи во нападот со Балотели и Касано, кои беа заменети подоцна со стелецот Ди Натале и Џовинко.

Првата шанса дојде во 8 минута по шутот на Давид Силва, но топката заврши на голот.120 секунди по одлична контра на Шпанците, Давид Силва од одлична позиција биеше директно во рацете на Буфон. Во 13 минута Пирло ги испроба рефлексите на Икер Касиљас со шут од слободен удар, но Касиљас смирено ја пречека топката во раце. Во 22 минута Касано шутирање во аут. Андрес Иниеста во 30 минута шутирање, но Буфон беше сигурен. Касано беше блиску до откривање на резултатот но Касиљас повторно сигурен. најубавиот момнет беше волеј ударот на МАркизио кој Касиљас смирено го сопре.Последните минути од првиот дел доста активни станаа и две екипи. Во 44 минута Иниеста пропушти одлична шанса да го отвори резултатот. Минута подоцна Тиаго Мота ја имаше најзрелата шанса кога неговиот удар со глава од неколку метра пред голот, Касиљас со една одлична парада го одби и не им дозволи на Италијанците да дојдат во водство.

Второто полуврме започна жестоко за Шпанците. Првата шанса пристигна во 50 минута кога Фабрегас упати удар од 17 метри, но Буфон беше сигурен. Иниеста пропушти одлична можност една минута пододца кога се проби по левата страна упади силен удар, но Буфон успеа да ја закачи топката и да спаси гол. За Италија, Балотели ја пропушти најизгледната шанса кога "деветката" на "аѕурите" му ја одзема топката на Рамос и излезе сам пред Касиљас, но додека се реши што да направи, Рамос успеа да го стигне и да му ја одземе топката пред да упати удар. Наредната голема шанса беше претворена во гол. Андреа Пирло со едно додавање претпознатливо за него успеа да го проигра Ди Натале, кој маестрално се извлече и со еден прекрасен удар го матираше Касиљас. Голот на Шпанцијате пристигна само 4 минути покасно кога во една акција претпознатлива за Барселона, Давид Силва го проигра Фабрегас, кој излезе само пред Буфон и со левата нога го постигна израмнувачкиот гол.

Во последните дваесет минути се играше доста активно. Најпрво замената Фернандо Торес, по една неуспешна офсајд замка на Италијанците излеза сам со Буфон, кој му го прочита правецот во кој трга и успеа да го сопре во намера да постигна гол. Наредната голема шанса ја имаше повторно Торес кој откако проигра одлично со Иниеста се обиде со лоб удар да го совлада Џиџи, но ударот заврши над голот. Најзрелата шанса за Италија ја имаше Маркизио кој откако одлично продре низ средината на теренот, со едно дупло додавање со  Мота, биеше, но недоволно силно и топката заврши во рацете на Касиљас.

ХРВАТСКА ЈА ОПРАВДА УЛОГАТА НА ФАВОРИТ

Хрватска ја солвлада Ирска со 3:1 и поведе на табелата во групата "Ц" на Евро 2012. Марио Мандџукиќ беше херојот за тимот на Славен Билиќ и стана вториот фудбалер по Русинот Алан Џагоев кој постигна два гола уште на почетокот на шампионатот. Третиот гол за хрватите го постигна Никица Јелавиќ, а за Ирците прецизен беше дефанзивецот Шон Сент Леџер.

Интересно е тоа што тимот на Ирците попушти таму каде што требаше да биде најсилен. Двата гола на Манџукиќ беа постигнати со глава и поради лошата поставеност на Ирската одбрана. Од друга стран и Ирците голот го постигнаа со глава, но и пропуштија доста шанси од тој вид.

Билиќ очекувано натпреварот го почна со Манџукиќ и Јелавиќ, и како креатор на играта Модриќ.

Кај Ирска немаше никави изненадувања, составот беше познат од пред недела дена, во нападот Кин и Дојл и како крила даф и Мекгиди.

Натпревароп започна моќно со напади на две страни, а голот на Манџукиќ во 3 минута уште повеќе го разгоре.

Дамиен Даф го упати првиот удар за Ирска, но немаше сила а ни прецизност и заврши позади голот. Ирска се обидуваше преку центаршутевите на Даф и Мекгиди да дојде до израмнување, кое стигна по еден прекин кога Леџер успеа да го натскока Чорлука и да постигне убав погодок од 5 метри.

Опоравувањето на Хрватска не траеше многу долго. Силениот шут на Ракитиќ профуче покрај голот на Гивен, по што следи удар од далечина на Перишиќ кој беше одбранет од Гивен. Лука Модрич ја имаше контролата на теренот во текот на целиот натпревар и ги диригираше нападите на Хрватите. Вториот гол дојде како последица на една мешаница пред голот на Гивен по шутот на Модрич. Топката се одби од неколку Ирски фудбалери и заврши во нозете на Јелавиќ го рутински го совлада Гивен за водство на Хрватите од 2:1 на полувремето.

Ирска го започна второто полувреме со желба да го израмни резултатот, но Манџукиќ им ги сруши надежите со вториот негов гол. По една наврлена топка, напаѓачот на Волфсбург скокна највиското, упати удар кон голот, топката заврши во стативата, но се одби од Гивен и заврши во мрежата за 3:1 за Хрватска. Тоа беше и конечниот резултат кој на Хрватска и ја донесе пол позицијата во групата Ц пред натпреварот со Италија во четврток.

ДВА ГОЛА ВО ПРИЛИЧНО ЗДОДЕВНО ДЕРБИ

Долгочекуваниот дуел на вечните ривали Англија и Франција во предпоследниот дуел од групата Д заврши 1:1. И покрај двата гола, натпреварот беше прилично здодевен.

Џолеон Лескот ја донесе Англија во предност против Франција, откако успеа да се извлече на одбраната на петлите и со глава по  центаршутот на Жерард од слободениот удар. Во 39 минута Самир Насри со еден прекрасен удар од границата на казнениот простор израмни на 1-1.

Франција и Англија се спретнаа еден против друг во долгоочекуваното дерби на грапата Д на ЕВРО 2012. Петлите се во неверојатна серија од 21 натпревар без пораз. Тимот на Блан излезе со атомски напад составен од Карим Бензема, Франк Рибери и Самир Насри.Средината на теренот ја држат Малуда, Диара и Кабаје. Одбраната ја сочинуваат Рами и Мексес, а на крилните бековки позиции Дебоши и Евра.

Репрезентацијата на Англија за денешниот дуел излезе 4-4-1-1 на врвот нападот е Дани Велбек,подржат од Ашли Јанг. ПО крилните позиции се Милнер и Чемберлант, а во внатрешноста на средината Џерард и Паркер.Одбраната ја сочинуваат Џон Тери и Лескот додека Глен Џонсон и Ешли Кол се на бековските позиции.

Двата тима почнаа претпазливо,и првиот удар пристигна дури во 11 минута, кога Насри упати остар удар од границата на казнениот простор, но топката помина далеку од голот на Харт. Првата чиста шанса за гол, дојде во 15 минута, кога Јанг го пронајде Милнер, кој излезе сам пред голманот, го помина но не успеа да го погоди голот на Лорис. Првиот гол пристигна по половина час игра кога од слободен удар, Лескот успеа да му избега на Диара и со глава да го матира Лорис. По само неколку минути поточно во 35 минута, токму Диара имаше две одлични шанси за гол. Првата дојде по центаршутот на Насри, но Харт беше поставен на вистинското место и ја одби топката, која Рибери повтрно ја уфрли во петерецот кога Диара повторно со глава, но овој пат го промаши голот. Во 39 минута Самир Насри го изедначи резултатот со еден прекрасен удар  од аголот на шеснаесетникот.

Во второто полувреме Франција беше поактивниот тим кој ја имаше повеќе топката во нозете и цело време вршеше притисок врз противникот. Најсериозната шанса во второто полувреме дојде по ударот на Кабаја од работ на шеснаесетникот, но Дени Велбек ја протегна ногата и успеа да го смени правецот на топката.

ШЕВА ЕРУПТИРАШЕ И ДОНЕСЕ ПОБЕДА НА УКРАИНА

ЧЕШКА НАБРЗИНА ДО 3 БОДА

Најпрво во 3 минута Петар Ирачек излезе сам пред голманот на Грција, по еден одлично додавање и лежарно со левата нога го матираше голманот. 

Три минути покасно и Вацлав Пилар успеа да се запише во листата на стрелците, по одличниот пробив по десната страна на бекот Гибрасиласие.

Грција ја врати незивесноста во второто полувреме со голот на Теофанис Гекас во 53 минута по огромната грешка на чекиот голман Чех.

БОД ЗА РУСИТЕ, ЏАГОЕВ ВЕЌЕ ВО СЕРИЈА...

ГЕРМАНИЈА ЈА ПОНИЖИ ХОЛАНДИЈА

ИТАЛИЈА ПОВТОРНО ПОКАЖА ФУДБАЛ НО ОСТАНА БЕЗ ПОБЕДА

Тимот на Италија одигра 1:1 со Хрватска во натпревар од групата "Ц" на Евро 2012, одигран во Познан. Андреа Пирло (39) и Марио Манджукич (72) стрелаа. Италијанците одиграа одлично прво полувреме, а во вториот дел дозволија една грешка да им го одземе успехот. Така Хрватска е на чело во групата со четири поени. "Азурите" имаат две нерешени, и покрај впечатливиот напаѓачки фудбал. 

Двата селектори ги изнесоа на теренот истите постави од првото коло. Де Роси повторно централен дефанзивец со Киелини и Бонучи а во нападот Балотели и Касано. За Хрватска во нападот Манџукиќ и Јелавиќ.

Првата одлична шанса ја имаше Марио Балотели уште во 3 минута. Италијанската деветка ја прими топката во казнениот простор се сврте биеше силно но непрецизно. Во 11 минута Касано одлично го проигра Балотели, чиј шут заврши во еден од дефензивците на Хрватска. Следната можност ја Италија ја пропушти Маркизио кој биеше многу блиску до стативата.

"Aѕурите" дејствуваа поактивно и брзо доаѓаа  до казнетиот простор на противникот главно со ниски додавања. Балотели беше постојано блиску до Плетикоса, но не успеваше да го совлада. Во 16-та Марио шутира моќно, но во телото на голманот.

Кристално положба се отвори пред Маркизио во 37-тата минута, повторно Касано асистираше но везниот играч во два обида не успеа да го совлада Плетикоса. Во 39 минута диригентот Пирло го отвори резултатот. По фаулот на Балотели, Пирло прецизно стрелаше од левиот раб на шеснаесетникот.

Како целина во првиот дел навивачите видоа многу напаѓачки фудбал од Италијанците и распрскана игра во одбраната на "бело-црвените".

Вториот дел започна со притисок на Хрватска. Во 47-та минута Лука Модриќ шутира опасно, но Буфон беше на своето место. Стотина секунди подоцна повторно Модриќ шутира силно, но над гредата.

Италијанците ја препуштија иницијатива на Хрватска и се повлекоа во одбраната. Тогаш дојде и казната. Во 72 минута по една нафрлена топка која по измери Киелини, Манџукиќ убаво ја смири на 5 метри од голот и го совлада Буфон, со што Хрватска израмни на 1:1

Тоа беше трето гол на Мандџукиќ на Евро 2012, со што Хрватот се израмни со водечките стрелеци Алан Џагоев и Марио Гомез.

Италијанците тргнаа силни во остатокот на натпреварот. Во 76 минута резервата Монтоливо шутираше силно, обидувајќи да го изненади Плетикоса, кој се намести на вистинкото место и го одби ударот во корнер.

Во 82 минута контранапад на Хрватска, во кој Манџукиќ повлече до шеснаесетникот на Италија, му ја додаде топката на Јелавиќ кој со одличната замисла сакаше да ја врати топката до него, но додавањето беше непрецизно.

ШПАНИЈА ЛЕСНО СО ИРСКА

РАНЦИЈА РУТИНИРАНО ДО ПОБЕДА

Франција и Украина го одиграа првиот дуел од второто коло од последната група на ЕВРО 2012. Натпреварот заврши во корист на Франција со 2:0. Головите ги постигнаа во 53 минута Џереми Менес и Кабаја во 56 минута. Ко-домаќините не успеа да ја продолжат серијата и да обезбедат пласман уште по вториот натпревар.

Украинците кои никогаш досега не го победил денешниот ривал го почнуваат натпреварот со формација 4-2-3-1, во врвот на нападот со Шевченко, а за над него Воронин. На крилните позиции помагаа Конопјанка и Јармоленко. Анатоли Тимошчук и Назаренко ќе дејстуваат во средина на теренот. Одбраната е составена од Селин, Михалик, Хачериди и Гусев. На голманската позиција е Пјатов.

Две замени во составот направи Лорен Блан. На левата бековска позиција  започна Гаел Клиши место Патрис Евра, а во средниот ред Џереми Менез на местото на Малуда.

Дуелот започна во исклучително лоши временски услови, кога над Донецк се појави вистинска бура со грмотевици и пороен дожд се излеваше на Донбас Арената. Судијата Бјорн Кујперс го прекина дуелот по 5 минути игра. Средбата продолжи нешто после 19:00 часот.

Во 17 минута Менес ја смести топката во голот на Пјатов, но голот беше поништен поради офсајд. Во 25 минута Јармоленко шутира силно од границата на казнениот простор но над голот. Малку подоцна повторно Менез шутира но над голот на Пјатов.

Во 28 минута повторно играчот на ПСЖ беше во одлична шанса. Грешка во одбраната на Украина му овозможи на Рибери да се пробие од левата страна по што центрираше по земја кон Бензема. Напаѓачот на Реам Мадрид ја пропушти топката, но таа стигна од Менес, чиј удар беше спасен од Пјатов. Ова беше најзрелата шанса за гол до овој момент.

Во 35 минута дојде и најдобраната шанса за домаќините и повтроно нејзин автор беше Шевченко, кој се проби одлично по левата страна шутираше остро, но Лорис беше на вистинското место. Дуелот продолжи со исклучително брз ритам и отворена игра. Во 39 минута Мексес биеше со глава од неколку метри по центаршутот на Насри од слободен удар, но Пјатов благовремено интервенираше.

Второто полувреме започна силно, со закани по двата гола. Најпрвин Менес шутираше прекрасно но непрецизно, а потоа шутот на Шевченко заврши само неколку сантиметри до голот на Пјатов.

Голот пристигна во 53 минута по една одлична комбинација на Рибери, Бензема и Менес, кој со левата нога го матираше Пјатов за 1:0 за Франција.

3 минути подоцна пристигна и вториот гол за Франција. Бензема одлично го проигра Кабаја кој шутираше прецизно меѓу двајца дефанзивци и во мрежата на Пјатов.

Во 65 минута Кабаја повторно имаше шанса да го зголеми водството, со еден силен шут од внатрешноста на шеснаесетникот но неговиот удар заврши во стативата. Во 86 минута Насри имаше можност од слободен удар да постигне гол, но Пјатов го одврати од намерата

АНГЛИЈА ГИ ИСПРАТИ ШВЕЃАНИТЕ ДОМА ВО НАТПРЕВАР СО ПЕТ ГОЛА (ГАЛЕРИЈА)

Фудбалерите на Англија ја совладаа Шведска со 3.2 (1:0), во последниот натпревар од второто коло, во Д групата на Европското првнество.

Во Киев, Англија ја забележа првата победа над Шведска на големите натпреварувања, воедно избраниците на Рој Хоџсон си ги задржаа шансите за пласман во четвртфиналето и ја елиминираа Шведска од Еуро 2012. 

Англија одигра добро прво полувреме кое го заврши со предност од еден гол. Капитенот Џерард го пронајде Керол кој со глава го совлада Исаксон.

Во продолжение на натпреварот Англија и Шведска ги одиграа најдобрите 45 минути во досегашниот тек на Европското првенство. 

Ветеранот во шведскиот тим Олаф Мелберг искористи две нафрлувања и ја донесе својата репрезентација во водство од 2:1. 

Првиот гол кој го псотигна Мелберг во 49-та минута, официјално е запишан како авто-гол на Глен Џонсон. Вториот гол дефанзивецот на „трите круни“ го псотигна по еден час игра. 

Веднаш по голот англискиот селектор, Рој Хоџсон ја направи истинската замена, Волкот во игра влезе на местото на Милнер и ја однесе Англија до победата. 

Најпрвин со удар од 22 метри тој го фати Исаксон на „погрешна нога“, а потоа повлече контранапад и му асистираше на Велбек, кој во 77-та минута го постигна најубавиот гол на ЕП, откако со пета ја погоди мрежата на Шведска. 

Решавалкото трето коло по кое ќе бидат познати двете репрезентации кои од Д групата ќе одат во четвртфиналето ќе се одиграат на 19. јуни, Фрнција во Киев ќе се сретне со отпишаната Шведска, додека во Доњецк кодомаќинот Украина ќе игра против Англија. 

На табелата по две кола Франција и Англија имаат по четири бода, Украина има три, а Шведска е без бодови. 

ГРЦИЈА БЕЗ НИКАКВА ИГРА СЕ ПЛАСИРАШЕ ВО 1/4 ФИНАЛЕТО.

Грција успеа да ја изненади Русија и со победа од 1:0 успеа да обезбеди место во 1/4 финалето. Русија покрај фуриозниот старт на крај останаа со празни раце.

"Зборнаја" беше лидер во групата А со четири поени и доволно ќе му беше реми за да се пласира во 1/4 финалето. Грција почна со само еден поен, но со победата над Русија и покрај никаквата игра што ја прикажаа обезбедија место во 1/4 финалето.

Дик Адвокат го почна натпреварот во нападот со Кержаков. Единствената промена во составот е Денис Глушаков на местото на Зирјанов.

Во Грчкиот состав има промени во споредба со минатите натпревари. На голот е Сифакис на местото на повредениот Халкиас. ОСвен тоа на теренот не се Холебас, Фиртунис и Фотакис. Наместо нив во игра се казнетиот Папастополус, Цефалас и Гекас. Голот пристигна во судиското продолжение на првото полувреме, кога при едно додавање од аут топката го прескокна Жирков и пристигна кај Карагунис кој беше сигурен во реализицијата.

Првата сериозна шанса дојде упте во 2 минута кога Кацуранис по изведувањето на првиот корнер, со директен удар го затресе Малафеев, кој мораше повторно да ја исфрла топката во корнер. Во 13 минута Кержаков ја имаше првата посериозно шанса за гол, неговито шут заврши само неколку сантиметри од голот.

Во второто полувреме првата посериозна шанса ја имаше Русија. Денисов силно шутираше од 25 метри, но топката заврши неколку сантиметри од голот на Сифакис. Грција во 70 минута се обиде да го дуплира водството, кога Салфелас од слободен удар погоди каде што се спојуваат дирекот и пречката.

Во 75 минута Денисов се обиде да ја врати посакуваната резултатска рамнотежа но Сифакис беше сигурен во интервенцијата. Русија најблиску до израмнување дојде во 82 минута кога по еден центаршут на Аршавин, Џагоев со глава ја почеша подалечната статива.

ЈИРАЧЕК ГИ УНИШТИ СОНИШТАТА НА ПОЛСКА

РОНАЛДО ЗБЕСНА, ПОРТУГАЛИЈА ВО 1/4 ФИНАЛЕТО

Португалија успеа да обезбеди место во 1/4 финалето совладувајќи ја репрезентацијата на Холандија со 2:1,  со двата гола на Роналдо. Голот за Холандија го постигна Ван Дер Варт.

Ван Марвик го започна натпреварот со неколку измени во стартните единаесетмина. Хунтелар го предводеше нападот, подржан од Робен, Снајдер и Ван Перси. На местото на Ван Бомел стартуваше Ван дер Варт. Паоло Бенто започна со истиот состав како и на предходните два меча.

Првата чиста шанса за гол ја имаше Португалија кога Бруно Алвес во првата минута не успеа да ги погоди рамките на празниот гол на Стекеленбург при една мешаница од корнер.

При ваквиот пропуст на Португалците тимот на Холандија успеа да дојде до водство кога во 12 минута Ван Дер Варт биеше прецизно во спротивниот агол на голот на Патрисио.

По голот на Ван дер Варт играта на Холанѓаните стивна. Само три минути по погодокот на Ван Дер Варт, Кристијано Роналдо ја погоди стативата на голот на Стекеленбург. Следната можност ја пропушти Постига кој по едно погрешно додавање од холандските дефанзивци излезе сам пред голманот на Холандија но биеше непрецизно. Шанса да го израмнат резултатот пропуштија и Раул Меирелеш и повторно Постига. Најубавата шанса ја имаше Роналдо кога биеше со глава кога Стекеленбург беше на вистинската позиција и го одбрани ударот.

Израмнувањето дојде во 28 минута кога Переира одлично го проигра Роналдо кој успешн и избега на бледата холандска одбрана и со одмерен удар го израмни резултатот.

Покрај израмнувачкиот гол, Португалија беше поактивната екипа од остатокот на полувремето и имаа неколку одлични можности да направат пресврт.

Влар ја имаше првата шанса да ја доведе Холандија во водство кога во 53 минута по еден корнер не успеа да ја насочи топката кон голот на Патрисио. Португалија постигна гол во 58 минута но беше поништед поради офсајд.

Нани имаше шанса да го реши патникот уште во 72 минута кога по едно одлично проигрување од Роналдо шутираше само во Стекеленбург.

Но две минути подоцна Нани му врати на Роналдо за предходната шанса, кога одлично го проигра преку тројца холадски дефанзивци, и овој пат Роналдо со еден одмерен шут ја донесе Порутгалија во водство.

Ван дер Варт имаше можност да и ја врати на Холандија надежта дека може да оди понатака, кога шутираше во 82 минута, но само во стативата.

Роналдо имаше можност да го зголеми водството на Португалија и да постигне хет-трик кога во 90 минута шутираше од 20 метри повторно во стативата.

ГЕРМАНИЈА JA ПРОДОЛЖИ СЕРИЈАТА НА ПОБЕДИ

ИТАЛИЈА ЗАСЛУЖЕНО ВО 1/4 ФИНАЛЕТО

Италија обезбеди пласман во 1/4 финалето, благодарение на победата над Ирска од 2:1 и поразот на Хрватска од 1:0 против Шпанија. Головите за Италија ги постигнаа Касано и Балотели, двајцата по корнерите од Пирло.

Италија беше тимот кј повеќе ја имаше топката во нозето во првото полувреме, но на почетокот "аѕурите" делуваат нестрпливи и тешко создаваа чисти шанси. ВО 2 минута Де Роси се обиде со волеј удар но топката заврши покрај голот. Во 18 минута Балзарети шутира од далечина но топката заврши над голот. Десет минути покасно Касано упади удар од внатрешноста на шеснаесетникот но топката се одби, Ди Натале ја прибра одбиената топка, шутна но ударот заврши во еден од одбранбените играчи на Ирска.

Во продолжение на натпреварот Италијанците вршеа се повеќе притисок. Во 30 минута шут на Ди Натале кој заврши во телото на Сент Леџер. Во 34 минута повторно Ди Натале се извлече на Ирската одбрана, успеа да го помине Шеј Гивен и шутираше од мртов агол но еден одбранбен играч ја исчсити топката од гол линијата. Една минута подоцна Касано шутира од далечина но Шеј Гивен доста несигурно ја одбива топката во корнер. Голот доаѓа по корнерот во 37 минута кога Касано успеа да издигне највисоко и со глава го матираше Шеј Гивен за 1:0 за Италија.

Во почетокот на второто полувреме "аѕурите" почнаа агресивно и во 48 минута шутираше непрецизно. Во продолжение Ирска се разбуди и во 50 минута Кевин Дојл шутираше од далеку, а потоа во 53 минута Дан бие со глава но неуспеа да го совлада Буфон. Во 55 минута Ди Натале шутира од блиску но Шеј Гивен интервенира. Маркизио ја има наредната шанса шутирајќи само покрај голот.

Во 60 минута Кит Ендрујс упатува удар од 25 метри но само во рацете на Буфон. Италија враќа преку Диаманти во 66 минута но не го загрози голот на Гивен

Во наредните минути Ирска ја пренесе играта во половината на Италија. Во 78 минута голманот на "Аѕурите" мораше да ги покажува своите голмански способности при шутот од слободниот удар на Кит Ендрујс.

Во 90 минута Марио Балотели при еден корнер постигна еден прекрасен гол со полуножички.

Италија ја заврши групата како второ пласирана и во 1/4 финалето ќе игра против најдобриот од групата Д, која ќе ја добие својата разврска утре.

ШПАНИЈА НЕ ДОЗВОЛИ ИЗНЕНАДУВАЊЕ

АНГЛИЈА КАКО ПРВОПЛАСИРАНА ВО 1/4 ФИНАЛЕТО

Англија си обезбеди место во 1/4 од Европското првенство во Полска и Украина, и тоа како прво пласирана во групата Д, благодарание на победата над Украина од 1:0 со голот на Вејн Руни, како и на поразот на Франција од Шведска од 2:0.

Домаќините го почнаа активно мечот и во 7 минута Гармиш шутира од далечина но топката заврши над голот. Неколку минути подоцнаСелин одлично се проби по левата страна и успеа да го пронајде Девич во казнениот простор но Скот Паркер успеа да го изблокира неговиот шут. Особено активни беа крилата на Украина Јармаленко и Конопјанка. 

Постепено избраниците на Рој Хоџсон ја иснесуваа играта од својата половина и почнаа да го притискаат пртивникот. Вејн Руни имаше две одличлни шанси да ја доведе Англија во водство, најпрво по центашутот на Џерард од слободен удар, а потоа по одличното нафрлање од Ашли Јанг.

Второто полувреме почна активно за англичани кои го открија резултатот уште во 49 минута. По еден одличен дриблинг и центаршут од Џерард, топката се одби од двајца Украински играчи, голманот Пјатов не успеа да ја прибере, и на вистинско место се најде Вејн Руни кој само ја смести во мрежата на Украинците.

Во 60 минута, Украина за помалку од 2 минути имаше две одлични шанси да го израмни резултатот. Најпрво Милевски од 5 метри по еден одличен центаршут биеше над голот, за потоа на Украинците да им биде пониште чист погодот. По еден контра напад на Украина, Милевски одлично се ослободи од Тери, шутираше, Харт успеа да ја закачи топката но не доволно да ја спречи. Топката потоа се одби од Тери и заврши зад линијата, Но Џон Тери успеа да ја извади со еден лизгачки старт пред судијата да види дека ја поминала последната линија.

До крајот двата тима создадоа уште неколку шанси за гол, но нови погодоци немаше.

Англија со ваков пласман успеа да го избегне Светскиот и европски шампион Шпанија во 1/4 финалето, но тоа не значи дека нема да има сериозна пречка за понатамошен прогрес во второпласираната од групата Ц, Италија.

ФРАНЦИЈА И ПОКРАЈ ПОРАЗОТ ВО 1/4 ФИНАЛЕТО

Тимот на Франција и покрај поразот од Шведска од 2:0, успеа да се пласира во 1/4 финалето на Европското Првенство во Полска и Украина. Головите за првата победа на турнирот на Шведска ги постигнаа Златан Ибрахимовиќ во 54 минута и Ларсон во 90 минута.

Франција како второпласирана во својата група во 1/4 финалето ќе се сретне со Светскиот и европски шампион Шпанија која заврши на првата позиција во групата Ц.

Во еден натпревар кој за Шведска немаше никакво натпреварувачко значење, Швеѓаните прикажаа фудбал достоен за во 1/4 финалето. Успеаа да ја совладаат Франција со 2:0 со двата голови постигнати во второто полувреме. Во 54 минута Златан Ибрахимовиќ по еден одличен центаршут со полуножички од пеналтикот ја доведе Шведска во водство.

Ларсон со гол во 90 минута само ја потврди победата на Шведска која и покрај тоа што испаднаа можат да бидат задоволни од прикажаното и да се надеваат на подобар пласман на наредното големо натпреварување.

ПОРТУГАЛИЈА ВО ПОЛУФИНАЛЕТО!

МАМА МИА! ИТАЛИЈА Е ВО ПОЛУФИНАЛЕТО

„ФУРИЈАТА“ ОД БЕЛАТА ТОЧКА ДО ФИНАЛЕТО

ДЕЛ БОСКЕ ПИШУВА ИСТОРИЈА

КАСИЉАС ПРЕД НОВ РЕКОРД

Голманот на Шпанија, Икер Касиљас во недела во финалето на Евро 2012 во Полска и Украина ќе има можнсот да постави нов рекорд за најмногу победи во дресот на националниот тим во историјата на фудбалот. Ако Шпанија ја победи Италија во финалето на Евро 2012, Касиљас ќе ја прослави својата 100-тта победа во националниот тим. Касиљас и во актуелниот момент има најмногу победи на национално ниво. Во мај оваа година, тој ја забележа својата 95-та победа во пријателскиот натпревар со Република Кореја, кој заврши со резултат 4:1 во корист на Шпанија. Со оваа победа, тој ги надмина дотогашните рекордери - Французинот Лилиан Торам и Ахмед Хасан (Египет).

Потоа Шпанија ја победи Кина, а во рамките на Евро 2012 забележа победи и над Ирска, Хрватска и Франција. Портпаролот на холандската компанија,"Инфострада" прогласи дека натпреварите завршени со победа на пенали не се сметаат во оваа смисла за победи. Со Касиљас во својот стостав, Шпанија има остварено три победи на пенали. 31-годишниот голман на Шпанија беше капитен на тимот при освојување на титулите од Евро 2008 и Светското првентство во 2010 година.

Листа топ 10:

1.Икер Касиљас (Шпанија) - 99 победи,

2.Ахмед Хасан (Египет) - 94 победи,

3.Лилиан Торам (Франција)

4.Мохамед Ал-Деаје (Саудиска Арабија) - 89 победи ,

5.Али Деији (Иран),

6.Кафу (Бразил) - 88 победи,

7.Клаудио Суарез (Мексико) - 87 победи,

8.Лотар Матеус (Германија) - 85 победи,

9.Хавиер Занети (Аргентина) - 83 победи,

10.Роберто Карлос (Бразил).

Италијанските навивачи ја „погребаа“ Шпанија

 

ГОЛЕМАТА ШПАНИЈА СТАНА ВЕЧНА - ШПАНИЈА НЕМИЛОСРДНО ЈА СОВЛАДА ИТАЛИЈА ЗА ОДБРАНА НА ЕВРОПСКАТА КРУНА