Треба да ја земете предвид и генералната боја на просториите и да изберете нијанса која од една страна ќе одговара на мебелот, а од друга ќе создава чувство на простор и комфор. Имајте на ум дека колку и да ви делуваат привлечно разнобојните ролетни, кога ќе се монтираат на прозорецот тие целосно ќе го сменат ликот на просторијата, можеби и спротивно на вашите очекувања.

 Од значење при изборот на ролетни е и материјалот од кој се изработени. Дрвени, метални или пластични, секој вид има свои предности. Најзастапени се ролетните изработени од PVC материјал или од ткаенина, соодветно надворешни или внатрешни..
 Ролетните  од PVC материјал се омилена алтернатива за станови на пониски нивоа, за продавници и јавни згради, бидејќи ја исполнуваат функцијата на капаци. Со едноставен механизам, тие се лесни за одржување, не дозволуваат навлегување на светлината и сонцето во просторијата (идеални за жешките летни денови), обезбедуваат добра звучна и топлинска изолација и штитат од метеоролошките влијанија..