http://www.time.mk/read/45e868e058/030699c482/index.html - “Мајки“ селектиран за Берлинскиот филмски фестивал

“Мајки“ на Берлинале ќе има европска премиера и тоа во престижната програма Панорама, која заедно со програмата Кензен во Кан е убедливо најсилната селекција за авангарден уметнички филм во светот.
 
Фактот дека “Мајки“ е уште сега избран за Берлинале особено добива на значење ако се има предвид дека селекцијата се врши меѓу 3.000 филмови од целиот свет и дефинитивниот избор ќе биде објавен во периодот декември до јануари.
 
Откако пред 30 години на Берлинале е создадена програмата Панорама, во неа биле прикажани филмовите на најголемите светски филмски автори, од Жан Лик Годар до Оливер Стоун. Програмата Панорама нема натпреварувачки карактер, туку единственото признание е Наградата на публиката за која гласаат и која ја доделуваат гледачите.
 
Бидејќи веќе имаше светска премиера во Торонто, “Мајки“ не може да конк*рира и во натпреварувачката селекција за Златната мечка на Берлинале.
 
Учеството на “Мајки“ на Берлинале е од огромно значење не само за македонската кинематографија туку и за културата на Македонија воопшто, зашто овој голем фестивал лани, на јубилејното 60-то издание, имаше над 300.000 гледачи и над 20.000 акредитирани гости и новинари од 120 земји во светот.
 
Согласно регулативите на Берлинскиот филмски фестивал, “Мајки“ не може да се прикажува на другите европски фестивали до февруари следната година. Но “Мајки“ доби посебно одобрение за прикажување на Меѓународниот фестивал на филмска камера Браќа Манаки во Битола, како и за редовна дистрибуција и киноприкажување во Македонија. “Мајки“ ќе го отвори фестивалот Браќа Манаки на 16 октомври во Битола, а истовремено во Скопје ќе игра на редовниот репертоар во киното Милениум.
 
 “Мајки“ е четврт филм на Милчо Манчевски и е македонски кандидат за оскар. Филмот е македонско-француско-бугарска копродукција. Главните улоги ги толкуваат Ана Стојановска, Димитар Ѓорѓиевски, Владимир Јачев, Ратка Радмановиќ, Салаетин Билал, Диме Илиев, Марина Поп Панкова, Петар Мирчевски, Горан Трифуновски, Благоја Спиркоски, Борис Чоревски, а за прв пат на филм се појавуваат Емилија Стојковска и Милијана Богдановска.

Директор на фотографија е Владимир Самоиловски, продукциски дизајнер Дејвид Манс, костимограф Елизабета Монталдо, дизајнер на маска Марио Микисанти, монтажер Жаклина Стојчевска, дизајнер на тонот Питер Балдок, кастинг директор Маја Младеновска, а музиката е на Игор Василев Новоградска. Продуцент е Кристина Калас, а копродуценти се Тиери Ленувел, Мари-Пјер Масиа и Методиус Петриков.

http://www.time.mk/read/3689d2f84e/f022de65e4/index.html - Дерил Хана доаѓа на "Браќа Манаки"

Леонардо Дикаприо во најновиот филм на Клинт Иствуд

/showbiz/film/7200-najlos-od-losite.html - Во најлошите филмови - најмногу пари

Johnny Depp има главни улоги во најлошите филмови, а сепак е најдобро платен актер во Холивуд.

Пред него се најде само режисерот James Cameron кој благодарение на "Avatar" заработи 257 милиони долари. На трето место по мнатогодишната заработка е Steven Spielberg со 80 милиони долари.

Режисерот на филмот "Inception", Christopher Nolan се наоѓа на четвртото место со заработка од 71 милиони долари.

И покрај тоа што филмот "Tourist" е прогласен за најлош во 2010 година, актерот Johnny Depp има причина да слави, тој заработи најмногу од своите колеги минатата година, или 100 милиони долари.

За филмот "Alice in Wonderland" на режисерот Tim Burton заработи 40 милиони долари, за третото продолжение на филмот "Pirates of the Caribbean" доби 35 милиони долари, а за "Tourist" 20 милиони долари.

Кај девојките најплатена актерка е Kristen Stewart, на која улогата во филмот "Twilight" и донесе заработка од 27 милиони долари.

Наслов:
„Вистинска храброст“ (True grit)

Режија:
Џоел и Итан Коен

Сценарио:
Џоел и Итан Коен

Главни улоги:
Џеф Бриџис, Хејли Стејнфилд, Мет Дејмон и Џош Бролин

Жанр:
вестерн

Времетраење:
110 мин.

Година на издавање:
2010

Вестерн жанрот, веќе одамна не е на листата на омилени филмови на публиката, а реално само мал дел од нив можат да се стават во кошницата на одлични филмови. Би ги издвоиле „Butch Cassidy and the Sundance kid“ (кој успешно ја вметна и комедијата како под-жанр) и „The Unforgiven “ но, името на овој жанр го извалка „ Jonah Hex“ . Но, браќата Коен со римејкот на истоимениот филм од 1969 година, успешно ја вратија почитта која овој жанр ја изгуби низ годините.

Џеф Бриџис во „True grit“ е Маршал Рустер Когбурн, остарен платеник специјализиран за пронаоѓање криминалци, кој го бие глас дека е најбезмилосен од сите, а токму таа карактеристика ќе биде пресудна за 14-годишната Мати Рос (Хејли Стансфилд) да го ангажира со цел да го пронајде Том Чејни (Џош Бролин) убиецот на нејзиниот татко. „Ќе го фатам Чејни, жив или мртов“ вели младата Мати Рос. На патувањето до територијата на Индијанците каде што се крие Чејни, ќе им се придружи и тексашкиот ренџер Ла Бјуф (Мет Дејмон) кој исто така сака да го види Чејни обесен но за многу поголема парична награда.

Неколку нешта во римејкот веднаш паѓаат во очи кога го гледате. Прво одличната глума од 14-годишната Хејли Стенсфилд која во филмот покажува вистинска зрелост, интелигенција и цврстина иако ова и е првиот игран филм во кариерата. Џеф Бриџис има 40 години искуство зад себе, но таа е навистина одлична, без разлика што ова е дебитантски филм за актерката. Второ, одличната фотографија од Роџер Декинс која му дава доза на мистерија на овој филм и која го прави интересен за гледање од визуелен аспект, наспроти сцените на терор кои ни се претставени. И трето брилијантните режија и сценарио за кои се погрижија Итан и Џоел Коен.

Во нивната верзија на овој класик променети се неколку нешта, но промените вродиле со плод, бидејќи го доближија филмот до мејнстрим публиката а, сепак го има нивниот печат. За разлика од првиот филм, кога централната фигура во филмот беше маршалот Когбурн (а со тоа и Џон Вејн) тука товарот на филмот преку сценариото е пренесен на ликот на Мати Рос (Стејнфилд), па се добива чувство како тој да има споредна, а Рос да ја има главната улога, но актерката совршено се снаоѓа со одговорноста која и е дадена. Од режисерски аспект римејкот е помрачен, а зимата, снегот и мрачното време во кое е сниман филмот само го надополнуваат тој впечаток. Присутна е и техничката карактеристика која станаа заштитен знак за браќата, а која ја има во повеќето нивни филмови како: „ No country for old men“, или „The big Lebowsky“. Нарацијата во True Grit доаѓа од возрасната Мати Рос (Елизбет Марвел) со која и филмот завршува, па во финалните сцени таа ја објаснува нејзината судбина по патувањето, но и таа на Когбурн и Лабјуф. Пријатно изненадување во сценариото е и татковската заштитничка врска која ќе се роди кај Когбурн. Таа ќе му даде топлина на ликот , нетипична за човек со репутација на безмилосен убиец и контрадикторна на неговиот физички изглед. Џош Бролин во улогата на Чејни е совршен избор на негативец, и ова е втората соработка на актерот со браќата Коен, но се добива впечаток дека неговиот лик е недоволно развиен и недоволно застапен во минутажа. Сепак, за поздравување е неговиот кастинг. True Grit е одличен филм кој успешно ја поврати репутацијата на овој жанр, а фановите за тоа треба да се заблагодарат на двајца талентирани филмаџии. Браќата Коен.

Гледајте го True grit (2010) ако ви се допаднале: „True grit“ (1969), „The quick and the dead“ (1995), „The missing“ (2003) „3:10 to Yuma“(2007) „High Noon“ (1952).

Анистон ќе глуми во посериозни филмови

 Актерката Џенифер Анистон за во иднина најави неколку филмови кои не се комедии, меѓу кои и филм базиран на вистинската приказна за женскиот кантри-вестерн бенд, формиран во 1940-тите во затвор во Тексас. Анистон додаде дека бендот бил сличен на "Дикси чикс" во тоа време. Нема точен датум за промоцијата на филмот со наслов "Девојките од Гори".
По улогите во неколку романтични комедии како "Само така", Анистон се сврте кон посериозни филмови.
Уште еден иден проект е и "Спротивно од стрелките на часовникот" кој ќе се фокусира на проучувањата на Елен Лангер, позната професорка по психологија на "Харвард".
Анистон беше во Мексико Сити за да го промовира својот нов парфем кој го носи нејзиното име.

Сандра Булок ги поминува деновите во Њујорк на снимање на новиот филм "Extremely Loud and Incredibly Close".

Откако дојде до малку слободно време, убавата оскаровка веднаш го искористи за да го помине со својот син Луис.

И на 46 години, без шминка и во обично издание, Булок докажа дека изгледа совршено.

Улогата на Сандра во новиот филм е прва после добиениот Оскар за „Приказната за првакот“.

Трилерот ја следи приказната за 9-годишниот аматер изумител кој по Њујорк бара брава за која има клуч.

Клучот му го оставил неговиот татко пред да загине во нападите на 11 септември. Филмот е во режија на Stephen Daldry, а би требало да излезе следната година.

Наслов:
„Кралскиот говор“ (King’s speech)

Режија:
Том Хопер

Сценарио:
Дејвид Сејдлер

Главни улоги:
Колин Фирт, Хелена Бонам Картер, Џефри раш, Гај Пирс

Жанр:
историска драма

Времетраење:
118 мин.

Година на издавање:
2010

Приказната за кризата на Британската монархија отсекогаш била фасцинантна, па до сега се снимени безброј филмови за абдикацијата на кралот Едвард. Зошто? Затоа приказната е романтична. Кралот се откажува од тронот за да биде со жената која ја сака. Минатата година беше снимен филм за кралот кој ќе го наследи кралот. Човекот кој не требаше да биде крал. Кралот Џорџ Шести.

Со дејствие пред почетокот на Втората Светска војна, King’s speech ја раскажува приказната за Алберт помладиот син на кралот Џорџ Петти и неговата говорна маана, за која очајно бара лек да ја излечи. Секогаш во сенка на својот плејбој брат Едвард, (Гај Пирс), Алберт (подоцна Џорџ Шести) живее повлечен семеен живот, но со ненадејната абдикација, тој ја превзема круната. Несигурен поради мааната смета дека не е компетентен да ја води државата во тешките времиња, па неговата сопруга (Хелена Бонам Картер) ќе побара помош од австралискиот логопед и несуден актер Лајнус Лоуг (Џефри Раш).

King’s speech е одличен филм кој само го побива правилото дека е потребен огромен буџет за да се сними брилијантен филм. Буџетот на филмот е 15 милиони долари, сума која во друг случај ќе беше потрошена само на хонорарот на Џулија Робертс. Се што е потребно е надежен и талентиран режисер, одлично сценарио и брилијанти актери. Ништо повеќе. Што и да се напише за глумата на Колин Фирт ќе биде премалку. Не постојат доволно епитети да го опишат неговото портретирање на кралот Џорџ. И кога би се обиделе да го објасниме, не би можеле во целост тоа да го направиме. Потребно е само да се погледне. Подеднакво одлични се споредните улоги од Хелена Бонам Катер и Џефри Раш кои покрај Фирт ќе си го најдат патот до оскаровските номинации, но Фирт е тој што ја заслужува статуетката.

Постојат контрасти во самиот филм кој го прават необичен, но топол за гледање. Низ целиот филм доминира темната маглива атмосфера на Лондон, ликовите се облечени во црна или сива облека, но хуморот кој го има во филмот и покрај сериозноста на темата не дозволува да потонете во меланхолија. Хуморот доаѓа од сцените помеѓу Лоуг и Џорџ , поточно од моментите кога двајцата работат на вежбите за надминување на говорната маана. Кралот се превртува на подот како шише, пцуе како кочијаш но тоа ќе даде резултат. На доста интелигентен начин ни е прикажана врската на Лоуг со кралот. Со доза на резервираност и анимозитет на почетокот, меѓу двајцата ќе се развие пријателство кое ќе трае, но сепак во процесот е задржана дистанцата меѓу двајцата. Тој е се уште кралот, а тој докторот и никој не отстапува од строгите линии и покрај заемната почит.

Постојат три сцени во филмот кои вреди да се споменат, а од кои ќе ви надојдат солзи на очите. Толку едноставно изведени од технички аспект, но брилијантни во доловување на поентата. Првата во која на Џорџ му е изгласана доверба. Семејството се пакува, а двете ќерки наместо да го гушнат татко си, формално му се поклонуваат само изговарајќи „Ваше височество“. Тој а ние остануваме стаписани. Втората следи веднаш потоа, кога очигледно не знаејќи што прави на новата позиција, тој бледо гледа во документи и стоицизмот за момент го напушта па липајќи како дете на Елизабета тивко и вели: „Јас не сум крал. Јас сум офицер на морнарицата“. Со тоа сфаќате како му било кога брат му го оставил на цедило. И финалната кога и треба да го даде првиот говор со кој се обраќа на нацијата пред војната. „ Лоуг како и да заврши ова не знам како да ти се заблагодарам за се што стори“ . Лоуг само ќе се насмевне. А со него ќе се насмевнете и вие.

http://www.facebook.com/sharer.php?u=http%3A%2F%2Fwww.idividi.com.mk%2Fzabava%2FFilm%2F659226%2Findex.html&t=IDIVIDI%3A%20%D0%97%D0%B0%D1%80%D0%B5%D0%BC%20%D0%B8%D0%BC%D0%B0%20%D0%BF%D0%BE%D0%B4%D0%BE%D0%B1%D0%B0%D1%80%20%D0%BA%D1%80%D0%B0%D0%BB%20%D0%BE%D0%B4%20%D0%9A%D0%BE%D0%BB%D0%B8%D0%BD%20%D0%A4%D0%B8%D1%80%D1%82%3F">

Наслов:
„Зајачка дупка“ (Rabbit hole)

Режија :
Џон Камерон Мичел

Сценарио:
Дејвид Линдзи Абајре

Главни улоги:
Никол Кидман, Арон Екхарт, Дајан Вист, Сандра О, Тами Бланчард

Жанр:
драма

Времетраење:
91 мин.

Година на издавање:
2010

Никол Кидман отсекогаш била фасцинантна актерка. Аристократска убавина, став, манири кои се претопуваат во нејзината глума. Еден мој пријател доста прецизно и реално ја опиша Кидман: „Таа не припаѓа во секакви улоги. Едноставно не може и не треба да глуми обични ликови. Самата убавина а и талент не го дозволуваат тоа.“

Во последниот филм Rabbit hole Никол Кидман глуми токму тоа. Таа е Ребека, обична сопруга од предградието која заедно со сопругот Хауи (Арон Екхарт) се справува со болката по смртта на четиригодишен син Дени. Секој на својот начин се обидува да се врати во нормала, но единствено во што успеале по осум месеци од несреќата е да се претворат во емоционално темпирани бомби.

Никол Кидман е брилијанта и во Rabbit hole прикажува одлична глума која обожавателите долго ја очекуваа. Поточно од „The hours“. Заслужена е номинацијата за Оскар но сепак, мали се шансите таа да го освои оскарот оваа година. Но, тоа што најмногу фасцинира во оваа улога е што и покрај значителните количини на ботокс инјектирани во нејзиното лице, Кидман успева да прикаже одличен перформанс . Лицето на актерката изгледа здрвено, но таа успева да ја долови тагата, вината на мајката која жали по својот син. Одлични се и Дајан Вист како мајката на Ребека и Арон Екхарт како Хауи нејзиниот сопруг. Rabbit hole не е одличен, но е солиден филм кој е изненадувачки интересен и покрај сензибилноста на темата.

Велат, децата треба да ги закопаат родителите, а не обратно. Еден од непишаните закони на животот. Во „Rabbit hole“ ни е прикажано спротивното. Искуството кое ниту еден родител не треба да го доживее. Ребека по смртта на синот живее во стаклено ѕвоно и има мал контакт со надворешниот свет. Успешно ги сокрива емоциите под навидум веселата фасада, и полека ги брише сите спомени од Дени во куќата. Хауи пак се уште не може да се прости од синот. Се уште навечер ги гледа видео снимките од Дени, се уште седиштето на синот е во неговиот автомобил, детската соба е идентична како и пред несреќата.

Одличното сценарио постепено ни ја доловува транзициската фаза на брачниот пар која трае веќе речиси година. Секој се обвинува себе си, но никој не сака да го признае тоа. И двајцата сметаат дека паднале на испитот по родителство па сега се обидуваат да заборават и не бираат начини за тоа. Хауи почнува да пуши марихуана и оформува платонска врска со Габи (Сандра О), дел од групата за поддршка на родители кои ги изгубиле децата. Ребека станува Марта Стјуарт и оформува чудно пријателство со Џејсон, средношколецот кој го прегазил нејзиниот син на улица. Но дома двајцата се претворени во роботи кои го преживуваат секој нареден ден во тивка мизерија

Наслов:
„Син Валентајн“ (Blue Valentine)

Режија:
Дерек Клејфранс

Сценарио:
Дерек Клејфранс, Ками Деливанг и Џој Кертис

Главни улоги:
Рајан Гослинг, Мишел Вилијамс

Жанр:
романтична драма

Времетраење:
112 мин.

Година на издавање:
2010

Вуди Ален ја доведе темата за пропаднати бракови и дисфункционалните врски во своите филмови речиси до совршенство. Всушност таа фаза траеше до „Husbands and wives“ од 1992 година и аферата со неговата поќерка, а од тогаш како да „омекна“ во прикажувањето на песимизмот . Но по пауза од речиси 20 години, постои голема можност младиот режисер Дерек Клејфранс да го замени Ален, со неговиот последен филм „Blue valentine“.

„Blue Valentine“ е филм за пропаста на бракот меѓу Синди (Мишел Вилијамс) и Дин (Рајан Гослинг) млад пар од Пенсилванија. Филмот нелинеарно низ сцените ја прикажува состојбата во која е нивната врска од запознавањето па се до распадот.

Всушност почетокот на филмот доаѓа од крајот на бракот. Кога единственото нешто што е заедничко за парот е ќерката Френки (која иако не е биолошка ќерка на Дин, тој сепак ја прифатил и изгледал како своја). Двајцата живеат во прифатен медиокритет исполнет со тензија и фрустрација. Живот каков што не ни замислувале и брак каков што не ни посакувале. Во сцените од развивањето на филмот, ни е прикажан и животот кој го имале пред да се запознаат. Дин е смотан , неамбициозен млад човек кој се откажал од средното училиште и работи во компанија за селење, а Синди е промискуитетна студентка по медицина која живее со нејзините родители и се грижи за баба си во старечкиот дом. По шест години, таа се презира себе си за немањето упорност во намерата да стане доктор, немањето поддршка од сопругот алкохоличар и улогите на мајка и сопруга кои не знае да ги балансира.

Мало предупредување за сите кои очекуваат од Blue valentine, срцепарателна љубовна приказна во стилот на Notebook, иако Рајан Гослинг глуми и во двата филма. Ова е најреалниот филм за врската меѓу двајца луѓе што е направен до сега, со можеби најреалната глума од двајца актери. Филм без клише романса, без фикција, со ликови кои имаат вистински проблеми. Бракот каков што е, постои денес кај луѓе со вистински професии од „средната класа“ како молери и медицински сестри, а не успешни милијардери што е честа појава во романтичните филмови. Гослинг и Вилијамс се апсолутно прекрасни во портретирањето на Дин и Синди. Сепак несфатливо е зошто младиот Канаѓанец не беше номиниран за оскар покрај Вилијамс. Ова е можеби најголемиот грабеж во номинациите за оскар од 1997 година кога Леонардо ди Каприо не беше номиниран за Titanic, но... Талентот на двајцата актери е огромен и ќе го препознаете речиси секаде во филмот. За издвојување се сцените каде Синди со срам ги изнесува деталите од својата интима на медицинската сестра пред закажаниот абортус и веднаш потоа кога ќе се премисли во средина на процедурата. По излегувањето од ординацијата Дин само ќе изусти: „Да го сториме тоа. Ајде да бидеме семејство“.

Режисерот Клејфанс својата доза на реалност во филмот ја дава преку доминантните кадри во гро-план на лицата на актерите и нестабилната камера, што само одат во прилог во доловувањето на ликовите. „Blue valentine“ не е прв избор на филм за романтична вечер иако насловот тоа го наговестува. Тоа е тивок филм кој е анти-реклама на сите романтични филмови кои се снимени од Sleepless in Seattle па наваму, но далеку подобар од сите нив. Филм кој или ќе ве остави збунети или ќе ве воодушеви во зависност од вашите очекувања за филмовите или пак врските и љубовта . Но вреди да се погледне.

(С. Лазаревска)

Три македонски филма на маркетот во Кан

Од денес, па во наредните 10 дена, Македонскиот филмски фонд ќе се претстави на 64. Кански филмски фестивал и како и лани, македонскиот штанд ќе биде во рамки на павилјонот на Југоисточна Европа, заедно со: Словенија, Хрватска, Босна и Херцеговина, Бугарија, Кипар, Србија. Оваа година наместо Албанија, за прв пат, со штанд, ќе биде претставена Црна Гора.
Фондот, во соработка со продуцентите на маркетот, ќе ги прикаже "Панкот не е мртов" на Владимир Блажевски, "Ова не е американски филм" на Сашо Павловски и "Д Скопје", омнибус на 10-мина млади режисери.
Во рамки на програмата на претставување продуценти, а во организација на Еуропијан филм промушн, ќе биде претставен продуцентот Дарко Попов, продуцент на "Панкот". На штандот, како што јавуваат од Фондот, како и лани, секој ден попладне ќе се одржуваат отворени коктели, на кои ќе бидат канети познати филмски имиња, а македонската вечер ќе биде одржана в недела.

Филмот на Џоли со премиера на 23 декември

 Режисерското деби на Анџелина Џоли доби дистрибутер за САД. Нејзиниот филм за војната во Босна "Во земјата на крв и мед" ќе има премиера на 23 декември преку "ФилмДистрикт", огранок на "Џи-Кеј Филмс". Соопштувајќи ја зделката на Канскиот филмски фестивал, основачот на "Џи-Кеј Филмс"Греам Кинг изјави дека дебито на Џоли "е знак дека доаѓа еден инстиктивен раскажувач кој ќе ве освои".
Во филмот играат локални босански актери, од кои повеќето биле деца за време на војната во 90-тите, како и македонската актерка Јелена Јованова.
Џоли дојде на годинашното издание на фестивалот во Кан за промоцијата на "Кунг фу панда 2" и драмата на нејзиниот партнер Бред Пит, "Дрвото на животот", кој вчера имаше премиера .

Ал Пачино ќе го глуми мафијашот Делакроче

 Откако се прослави со улогата на фиктивниот мафијаш Мајкл Корлеоне во познатата филмска трилогија "Кум", актерот Ал Пачино сега ќе глуми вистински мафијаш.
Седумдесет и едногодишниот актер, кој беше анонимен пред да глуми во "Кум" во 1972 година, се придружи на актерската група на "Готи: Три генерации", во улога на Нил Делакроче вториот шеф на мафијата Гамбино и партнер на Готи, соопштија продуцентите на филмот.
Пачино беше номиниран за оскар за "Кум" и за "Кум 2", но освои оскар дури две години подоцна за филмот од 1992 година "Мирисот на жената".
Во "Готи" Пачино ќе глуми заедно со Џон Траволта, кој ќе го глуми починатиот Џон Готи, Џо Пеши како блискиот пријател на Готи Анџело Руџеро и Линдзи Лохан како Ким Готи, жената на синот на Готи. Сопругата на Траволта Кели Престон и нивната ќерка Ела Блу ќе ги глумат сопругата на Џон Готи Викторија и нивата ќерка Ејнџел.
Филмот ќе ја прикаже приказната за Џон Готи, озлогласениот американски мафијаш кој стана шеф на њујоршката мафија Гамбино, како и односите со неговото семејство и син му, Џон Готи Помладиот, кој подоцна стана главен на мафијата Гамбино и ги продаде правата за животната приказна на неговиот татко. Готи познат како Елегантниот дон почина од рак во 2002 година додека отслужуваше доживотна затворска казна за убиство, рекет, изнудување и затајување на данок.
Сè уште не се знае кој ќе го глуми Џон Готи Помладиот. Снимањето на филмот ќе почне кон крајот на 2011 година во режија на Бери Левинсон.

Кога зборуваме за деца кои уште од младите денови станале славни во Холивуд, сите веднаш би помислиле на тешко детство, зависности, секс скандали... Каков само беше случајот со Дру Баримор, или пак со сестрите Олсен... Иако многу родители настојуваат да ги држат нивните талентирани деца надвор од блескавиот Холивуд, некои и понатаму пробуваат да ги турнат нивните најмлади пред камерите. Дека нивниот труд не е секогаш залуден докажуваат и примерите со актерите кои успешно стоеја на страна од сите проблеми кои ги носи славата во нивните детски денови.

Кристијан Бејл

Актерот Кристијан Бејл се прослави на само тринаесет години, а започнувањето на неговата слава се должеше на улогата што ја одигра во филмот „Империја на Сонцето“, на Стивен Спилберг. И покрај тоа што и претходно имал мали улоги во некои филмови и реклами, Бејл не бил спремен за големата слава. Неговото нормално детство исчезна преку ноќ, па тогаш тој одлучи да ја напушти глумата засекогаш. Тоа секако не се случи, но доволен беше лошиот вкус на детската слава за да го зачува Бејл од пропаст во младите денови. Неговиот татко внимателно му помагаше во изборот на улогите, а со тоа го чуваше од сите примамливи замки во Холивуд. На крај, сето тоа резултираше во изградување на еден одличен зрел актер со успешна кариера. Зад себе има одлични филмски улоги, како оние во „American Psycho“ и „Batman“, а имајќи предвид дека има 36 години, него допрва го чекаат блескави славни денови.

Даница Меккелар

Младата Даница Меккелар одлично ја одигра својата улога во хит серијата „ The Wonder Years“, но откога истата заврши, а Даница дојде во своите зрели години, таа сфати дека продуцентите не се заинтересирани да и' дадат дополнителни ангажмани на некогашната детска ѕвезда. Иако некои би се депримирале, би се откажале од сè и би се препуштиле на пороците, Даница имаше друг план. Таа студираше математика на угледен универзитет и напиша книга која стана многу популарна. И понатаму глуми повремено, најчесто го позајмува гласот во анимирани филмови, а сега, со своите 36 години, зад себе има дури три книги. Паметна е, убава и успешна, стоејќи со нозете цврсто на земја.

к*рт Расел

Славниот к*рт Расел исто така уште како дете тргна во светот на познатите и славата. к*рт стана светски познат во седумдесеттите, кога потпиша договор со Дизни. Набрзо стана тинејџерски идол и се здоби со многубројни улоги во филмовите за млади. Кога порасна, продложи да се занимава со глумата и стана многу ценет актер.

Дакота Фенинг

Оваа девојка покажа извонреден талент со нејзината глума, и тоа во одлични филмови, уште од нејзината петта година. Денес, со нејзините седумнаесет, тој тренд успешно го продолжува. Во раната кариера почна да се појавува во реклами, а набрзо во серии, за да потоа се префрли на високобуџетни филмови. Одглуми силување на само единаесет години, а тогаш и зрело ги поднесе критиките. Пред неколку години донесе одлука дека нема да глуми додека не заврши средо училиште, но нејзината кариерата заради тоа не пати ни малку. Од оваа импресивна млада дама се очекува многу.

Ширли Темпл

Легендарната Ширли Темпл во раните триесетти години беше најголемата ѕвезда на својата доба, и тоа не само меѓу нејзините врсници. Сите се топеа пред преслатката мала Ширли. Носеше пари на секоја благајна, а кога порасна, нејзината популарност почна да опаѓа. Многумина би биле погодени од оваа ситуација, но Темпл тогаш се омажи, основа семејство и стана амбасадорка и дипломат. Ги претставуваше Америка и Обединетите Нации во Гана и Чехословачка. Издаде и книги и работеше за многу компании.

Сет Грин

Сет Грин е име кое сигурно ви е познато од некои тинејџерски филмови и серии. За време на неговиот успех и слава, Сет навистина уживаше и не допушти да стане познат како препотентен кретен. Отсекогаш сметаше дека е среќник бидејќи има прилика да ги смее луѓето.

Кристина Ричи

Успешната актерка Кристина Ричи е една од оние кои освојуваат со своето слатко лице. Има глумено во доста познати филмови и серии, а после големиот залет од детските денови, кариерата и стивна. Сепак, таа самата е свесна за својата вредност, заради што не се деградира, туку работи на своето враќање на филмското платно.

Џозеф Гордон Левит

Џозеф Гордон Левит е лице кое несомнено ви е познато од хумористичните серии. После улогата во „Третиот камен од Сонцето“, Џозеф исчезна од екраните. Одигра улога на машка проститутка во еден филм, но оттогаш немаше ништо импресивно. Сепак, тој не прифаќаше било какви улоги, туку чекаше на вистинска прилика. Тоа навистина му се исплатеше, особено со улогите во оскаровецот од 2010 година, „Inception“, како и за одличната романтична комедија „(500) Days of Summer“, која исто така се здоби со награди и номинации.

Кирстен Данст

Талентираната Кирстен Данст стана славна многу рано, занимавајќи се со манекенство и глума уште од мали нозе. Со оглед на фактот што нејзината првата голема улога беше заедно со Бред Пит и Том Круз, тешко дека можеше да и тргне на лошо. Сепак, после неколку звучни филмови и тинејџерски хитови, нејзината кариера малку замре. Како и да е, неодамна во Кан доби награда за најдобра женска актерка за филмот „Меланхолија“. Кирстен улогите ги бира полека и промислено, па нејзиниот талент сигурно ќе го гледаме во одлични филмови уште долго време.

Рон Хауард

Рон Хауард се прослави во шеесеттите години на минатиот век, кога имаше само шест години, со серијата „ Andy Griffith Show“. Кога ангажманите со таа серија му завршија, тој одби неколку улоги, а потоа во средината на седумдесеттите се врати во светот на глумата. Потоа, го напушти и актерството со цел да стане режисер. Времето си го направи своето, а Хауард режираше многубројни хитови и се здоби со Оскар.

Џерард Батлер пукан во лице

Шварценегер назад на филмското платно

Кој е новиот негативец во Џејмс Бонд?

Мики Манојловиќ добитник на Златна камера 300

Кидман присилена да го откаже својот конторверзен филм

Хју Џекмен понижен од љубовните сцени со Џенифер Гарнер

Која е новата Бонд девојка?

Холивуд и порача: Изгуби ги мускулите!

Клинт Иствуд најверојатно се враќа на глумата

Награда за Панкот не е мртов на Фестивалот на медитерански филм во Копер

Kомедијата „Глупав и поглупав“ ќе добие продолжение

Хит-комедијата од 1994 година „Глупав и поглупав“ ќе добие продолжение. Ова го откри 

Питер Фарели, корежисерот на авантурите на двајцата пријатели со сомнителен коефициент на интелигенција. Според него, новиот филм, кој ќе почне да се снима во септември, ќе биде уверливо продолжение на она што публиката можеше да го види претходно и ќе нема никаква врска со оној што излезе во 2003. 

Имено, пред неколку години беше продуцирано продолжението „Глупав и поглупав: Kога Хари го сретна Лојд“, но во него не играше оригиналната актерска екипа. 

Потврдено е дека ѕвездите од оригиналниот филм, Џим Kери и Џеф Даниелс, ќе играат во новиот проект. Фарели и остатокот од екипата долг период сакале да го снимат продолжението, но с` почнало да се развива кога и Kери и Даниелс пројавиле интерес.

- Џим беше зафатен со други проекти, но се јави и рече дека мора да го повториме тоа искуство. Го гледал филмот и си рекол дека би можеле да снимиме совршен втор дел.

Фарели, пак, ќе го режира филмот со својот брат Боб, а Шон Андерс и Џон Морис работат на сценариото.

Хју Грант не снима повеќе

Холивудската ѕвезда Хју Грант ја завршува својата актерска кариера и повеќе не прифаќа нови проекти бидејќи му здосадило да биде пред камера.
"Завршив со тоа. Повремено ќе се појави проект кој ќе ми ја разбуди фантазијата, но начелно завршив. Иако не работам многу, ми се допаѓаат одредени аспекти од работата на глумецот. Ми се допаѓат односите кои ги развивам со луѓето за време на снимањето, но самото стоење пред камерите не ми се допаѓа", вели 51-годишниот актер.

Популарниот Британец вели дека е најтажно да се видат луѓе во доцните 30-ти или 40-ти години како се борат да добијат улога на морков во обична ТВ-реклама.
"Некои луѓе тоа мораат да го прават, бидејќи едноставно се фасцинирани од глумата", изјавил Грант.

http://www.dnevnik.com.mk/default.asp?ItemID=2C399B1FAD43244F8BC49529FBDF5BDF" rel="nofollow - - Анцелина Џоли како мис Стоун

И што сега, пак идеја за филм или?

Во моментов работам на ново сценарио. Работниот наслов е „Аферата мис Стоун”, а поднаслов: „Првата заложничка криза во модерната американска историја”. Станува збор за филмски обид целата оваа историска приказна за војводата Јане Сандански и грабнувањето на госпоѓицата Елен Стоун да се согледа од американска перспектива, која има два аспекта - едниот аспект е тој на жртвата, грабната од луѓе чиишто идеали се труди да ги разбере; другиот е на тогашната политика на Белата куќа, која со оваа афера првпат посакала да се наметне како одлучувачки фактор во решавањето на балканските превирања. Kај нас тоа е непознато, но во тие осум месеци, колку што траела оваа афера, во Соединетите Американски Држави на таа тема и биле посветени повеќе новински статии и биле испишани повеќе страници отколку што ние, Турците и Бугарите топтан ќе напишеме за истата таа работа во наредните сто години.

За крај, морам со вас да го споделам планот што другарка ми Ружа го нуди за овој проект. Вели вака: „Ќе го замолиш Раде Шербеџија да те спои со Анџелина Џоли. Kога ќе те спои, на Анџелина ќе и кажеш дека ова е филм за Македонија. Таа ќе те праша што е тоа Македонија, а ти ќе и кажеш - тоа е онаа земја што мака мачи со Грците! Е сега, бидејќи Џенифер Анистон е Гркинка по потекло, Анџелина ќе се идентификува со македонските маки, па ќе го натера Бред Пит да го игра Сандански - а тој нема да смее да одбие, за да не испадне дека уште гаи симпатии кон Џенифер. И не само тоа, туку ќе ти го донесе и Џорџ Kлуни да го игра Гоце Делчев!”. И така, јас се смеам, а Ружа мртва-ладна ме гледа, па вели: „А бе, што се кезиш? Џабе ти е сета твоја режија кога не можеш да сконташ што се` една жена е во состојба да направи за Македонија - само за пакост да и направи на соперничката!”.

http://on.net.mk/zabava/film/film-shto-ne-cheka-vo-2014-ta" rel="nofollow -  Што нè чека во 2014-та?

Jane Got a Gun - женски вестерн во кој Натали Портман гледачите ќе може да ја видат како акциона хероина.

Two Days, One Night - Филм на браќата Дарден кои се занимаваат со рецесијата. Од содржината: жена со помош на мажот бара колеги кои ќе се одречат од бонусот за таа да ја задржи работата.

True Story - Адаптација на мемоарите на Мајкл Финкел, човекот кој се најде на ФБИ листата на најбарани убијци.

Inherent Vice - Хоакин Феникс игра детектив во Лос Анџелес во 70-те, кој го истражува исчезнувањето на бившата девојка.

Winter's Tale - Колин Фарел  http://www.theguardian.com/film/2013/dec/25/2014-film-preview-drama-movies" rel="nofollow - во  улога на модерен човек со амнезија.

Men, Women and Children - филм кој е адаптација ан романот на Чад Култген за ефектите на порнографијата и интернетот врз врските денес.

Rudderless - Во Овој филм се зборува за ужален татко кој формира бенд инспириран од демо снимките на покојниот син.

The Judge - Драма за адвокат (Роберт Дауни Јуниор) кој се враќа дома на погреб на својата мајка и открива нешто во врска со неговиот татко.

Grace of Monaco - Филм во кој Никол Кидман ќе ја видиме како Грејс Кели.