Патувања... - Патување според вашиот карактер

Каде би сакале да отпарувате оваа година? Местото кое што ќе го изберете ја крие приказната за вас.

Авантуристите најчесто ја избираат Индија, оние кои сакаат добра забава се за Мексико, а Париз е вистински избор за уметнички души.

Париз

Доколку сте го избрале Париз за своја дестинација од соништа, маѓепсани сте од животот кој што се живее таму и уживате во добро кафе. По природа сте голем романтичар и уживате во уметноста. Според истражувањата најголемиот број луѓе што доаѓаат во Париз сакаат да го посетат Дизниленд, а дури потоа Ајфеловата кула и Лувр.

Хаваи

Хаваи е рај на земјата за луѓе кои имаат лежерен дрес код, размислуваат едноставно и не сакаат да се напнуваат со секојдневни грижи. Токму затоа сончањето на километарските плажи далеку од цивилизацијата е идеалното место за одмор.

Индија

Одењето во Индија за многумина е храбар потег. Не само поради тоа што е далеку туку и поради фактот што е една сосема поинаква култура. Авантуристите и луѓето желни за возбуда најчесто ја избираат токму Индија како место за патување бидејќи им нуди многу возбуда и егзотична забава.

Мексико

Мексико е местото каде што ќе го добиете заслужениот одмор. Иако некои патуваат таму за да се запознаат со древните култури и да научат нешто повеќе за нив, најголемиот број туристи го избираат ова место за да се релаксираат и забавуваат. Она што најмногу им се допаѓа се разбира се групните забави и вкусната храна.

Непознати земји

Ако вашата дестинација е некое место кое одвај се наоѓа на карта, а уште помалку е познато на пошироката јавност, имате желба да го откривате непознатото. Не ве возбудуваат класични туристички тури, па често барате места за кои малкумина знаат. Сакате да докажете дека навистина сте го пропатувале светот, а не дека без врска шетате од едно до друго место.

Дестинацијата зборува за карактерот