На сите форумџии,среќни Велигденски празници

Честит Велигден! Велигден?!

Твоето правилно разбирање и убедување за Велигден ќе ти го промени животот! Тоа што Исус го направи (Неговата смрт и воскресение) пред 2000 години е клучно за твојата врска со Бог денес. Затоа нема ништо позначајно од тоа да ја разбереме и примениме Велигденската порака. Овде нема да се фокусираме на разните традиции врзани за овој настан туку ќе се фокусираме на неговото изворно, Библиско, значење. Зошто Христос умре? Што постигна со Неговото воскресение? – се прашања што се суштински за разбирањето на Велигден.

Еве неколку Библиски вистини кои се многу важни за потполното сфаќање на овој настан:

• Исус тврдеше дека е Бог. Тој има кажано за Себе: „Јас и Таткото сме Едно“, „Јас Сум патот, вистината и животот“, „Ако си ме видел Мене си го видел и Таткото“, „Јас Сум воскресението и животот“.
• Сите луѓе се грешни и никој со своја сила и добри дела не може да стигне до Бог т.е. да се оправда. Библијата вели: „Зашто сите згрешија и лишени се од Божјата слава“
• Казната за тој грев е смрт т.е. пекол (не само физичка туку вечна пропаст)

Логични заклучоци и прашања кои следат од ова се:

• Ако сите луѓе се грешни тогаш и јас сум грешен.
• Ако казната за мојот грев е смрт т.е. пекол тогаш дали кога ќе умрам ќе одам во пекол?
• Ако не можам да се оправдам пред Бог со моите добри дела тогаш кое е решението т.е. како ќе стигнам до рајот?

Добри прашања, а одговорот е... Велигден! Како? Значи, јас сум грешен и казната за мојот грев е смрт. Но јас не сакам да завршам во пекол. Дали некој друг може да плати место мене? Никој од луѓето бидејќи сите се грешни. Само некој што е безгрешен и бескраен може да плати, бидејќи станува збор за сите грешни луѓе од сите времиња. Кој е Тој? Само Бог! Но ако Бог сака да плати за мојот грев Тој треба да умре место мене. Како е можно Бог да умре?

На Велигден ја гледаме целата фасцинантност, големина, убавина, длабочина, неверојатност на Божјата љубов кон нас!!! Бог заради Неговата огромна љубов кон тебе дојде во човечко тело и дозволи да биде мачен и да умре со најсрамна смрт само за да плати за твоите и моите гревови! Ние не ја заслужуваме Неговата љубов но Тој сепак ни ја дава. Тоа е повеќе од милост... тоа е Благодат!

Лична примена

Христовото воскресение е победа над гревот и смртта. Божјата љубов и благодат се достапни за тебе сега. Ти не можеш да се појавиш пред Бог и да се повикаш на твоите добри дела и на твојата „совршеност“. Но затоа кога ќе застанеш пред Бог (секој ќе застане пред Божјиот суд еден ден) можеш да се повикаш на Христос и на Неговото откупително дело на Голготскиот крст. Дали ќе повикаш кон Исус за спасение знаејќи дека си грешен, дека не можеш сам да се оправдаш пред Бог и дека Христос умре за твојот грев. Дали ќе го направиш Исус Христос твој Господ и Спасител? Пред тебе стои одлука. Таа е само твоја. Никој не ја направил место тебе ниту пак може да ја направи место тебе. Тоа е ова: Дали ќе одлучиш сам да платиш за твојот грев или ќе одлучиш да се покаеш и да го прифатиш спасението што ти го нуди Исус? Ако се одлучиш за Исус тогаш кажи Му го тоа преку молитва. Не чекај. Тој те слуша бидејќи е жив. Тој воскресна! Навистина воскресна!

Извор: http://www.sekojstudent.com/a/gp220.html