el_kevser напиша: УШТЕ ЕДНА АФЕРА ГО ТРЕСЕ ВАТИКАН Братот на папата вмешан во секс скандал По серијата обвинувања за сексуално малтретирање деца од страна на католички свештеници во Холандија и во Германија, Ватикан од вчера го тресе и уште еден скандал: во злоупотребувањето е вмешан и братот на папата Бенедикт Шеснаесетти, монсињор Џорџ Рацингер. Рацингер веќе 30 години раководи со детскиот хор во училиштето „Регенсбургер Домпацен“ во германска покраина Баварија. До избувнувањето на скандалот дојде по откритието на серија случаи за злоупотребување деца од страна на католички свештеници во училиштето „Језуит“, исто така, во Германија. Но, вистинските размери скандалот ги доби по откритието дека најголемите сексуални малтретирања, всушност, се одвивале во самото срце на католичка Германија, покраината Баварија и училиштето „Регенсбургер Домпацен“, каде што работи и монсињор Рацингер. Обвиненијата што стигнаа од епископијата Регенсбург се најшокантни за католичките верници и за германската јавност токму поради фактот што братот на папата работи во тоа училиште од 1964 година, а и самиот папа поголемиот дел од својот свештенички живот го поминал во таа епископија. - Не знам ништо за никакви злоупотребувања. И ако се случувале, тие се случувале пред јас да почнам да работам во училиштето. Секако, учениците во нашето училиште се подложени на посебен вид дисциплина и работа, но тоа е неопходно за да се достигне високо музичко и уметничко ниво - изјави 86-годишниот брат на папата. Тој, сепак, прифатил да сведочи на суд ако дојде до кривично гонење во врска со овој случај. Но, Франц Витенбринк, германски композитор кој живеел во тоа училиште се до 1967 година, оваа институција ја опишува како место со кое владее софистициран садизам, место каде што казнувањето е поврзано со сладостраста. - Ми звучи како крајно неверојатно дека братот на папата, монсињор Рацингер, кој во училиштето работи со децении, не знаел ништо за злоупотребувањата - вели композиторот. Најновиот секс-скандал изби само неколку недели откако папата Бенедикт Шеснаесетти јавно ги критикуваше ирските бискупи затоа што не реагирале правовремено на случаите на злоупотребување деца и тоа го нарече „гнасно злосторство“. Тој, исто така, на сите свештеници им препорача да се соочат со сите обвиненија за злоупотребување и да им пристапат искрено и храбро. Сепак, кога скандалот стигна до неговиот брат, а со тоа и до него, папата повторно го сврти грбот и не даде ниту изјава, ниту, пак, каква било друга реакција за најновиот скандал. Messenger: Navedi go izvorot na vesta. http://www.vreme.com.mk/DesktopDefault.aspx?tabindex=4&tabid=1&EditionID=1964&ArticleID=135939