Мода и убавина - Модни детали..ремен,капа и марама...

Зимата е на прагот, а вие размислувате како правилно да се заштитите од студените денови, а во исто време и да изгледате модерно.

Има ли подобар начин да ги зачините вашите модни комбинации oд модните додатоци како што се ракавиците, шаловите, шеширите и капчињата.

Овие додатоци се идеално решение за сите, оние похрабрите нека изберат комбинации во силни бои - сигурно ќе бидат забележани.

И доколку носите обично црно капутче многу лесно ќе дојде до израз ако го украсите со некој шал или марама. Изберете од богатата понуда - еднобојни, марами со различни апликации или плетени зимски шалови, што и да изберете нема да погрешите.

Ракавиците никогаш не биле попопуларни и поразлични.

Во студените денови тешко дека можете да им одолеете - кожни ракавици во боја, долги или обични, шарени или плетени, без прсти. Без разлика што носите на себе овие додатоци секогаш ќе бидат како шлаг на торта.

Шеширите или капчињата ќе ја заштитат вашата глава од студот, а можат и да ја сокријат вашата фризура кога не изгледа најдобро.

Нивниот избор е навистина голем, затоа на вас останува да одлучите дали сакате да изгледате гламурозно, носејќи шешир или пак шармантно со шарено плетено капче.

Шалови

Летните марами заменете ги со малку потопли шалови. Избирајте ги по свој вкус, затоа што се модерни во различни стилови, големини и од различни материјали.

Треба да лутате долго време на студот? Совршен избор се плетените шалови. И крупните и ситните плетки се подеднакво модерни. Сакате го акцентирате својот моден вкус? Тогаш изберете марама со животински принт, затоа што аксесоарите со животински принт се апсолутен хит оваа сезона. Шаловите со реси се одлични ако сакате да постигнете шик изглед.

Оние кои преферираат малку повеќе елеганција и префинетост може да ги изберат јаките и шаловите од крзно (најдобро вештачко крзно).

Колани

Коланите кои се актуелни за оваа сезона можат да се опишат со еден збор: тенки. Затоа, ставете ги широките колани поназад во вашиот плакар и оставете ги при рака тенките. Скоро сите дизајнери вклучија во своите колекции тенки колани.

Можете да ги носите врз палта, широки плетени фустанчиња, туники и долги кошулчиња или со панталони со висок струк.