Уште во 2005-та година Службата за рибен и животински свет на САД и повеќе европски земји донесоа одредба со која се забранува увозот на “Beluga” кавијар кој потекнува од басените на Каспиското и Црното Море.

Од тогаш претприемачите не престануваа во обидите да пронајдат алтернатива која ќе ги долови карактеристиките на најекслузивните кавијари.

По неколку години работа, “Caviar Merchant Company” скоро ја објави првата понуда на “River Beluga Caviar”, вкусна замена којашто ја доловува суштината на оригиналот и слободно може да се каже дека е најдобрата алтернатива и со највисок квалитет.

Направен е од Huso Daricus есетра, чиешто природно живеалиште е реката Амур на границата помеѓу Русија и Кина, а се произведува двапати годишно.

Цената е околу 700 долари за 100 грама, а крајниот производ е богат, кремаст и ужасно вкусен. Како додаток со него се препорачува вотка или француски шампањ.

http://www.facebook.com/sharer.php?u=http%3A%2F%2Fzdravo.com.mk%2Fzhiveenje%2Fgastronomija%2F2460-kavijar-yves-saint-laurent-love-2010.html&t=%D0%9A%D0%B0%D0%B2%D0%B8%D1%98%D0%B0%D1%80%3A%20Yves%20Saint%20Laurent%20Love%202010&src=sp - - - - -

Француската Куќа на кавијарот “Prunier“ го најави дизајнот на новата лименка “Love 2010“. Тоа е оригинален цртеж од 1970 година на една од модните легенди Yves Saint Laurent.

Кавијарот е одлежан 45 дена според стар персиски рецепт во оригинална саламура. Темата “LOVE“, според нив, е инспирирана од перфектниот сооднос и хармонија меѓу солта и икрата.



Ќе го има во продажба од октомври оваа година, со цена од околу 450 евра за една лименка од 125 грама.

Karat Caviar, неверојатeн вкус од Израел

Кристално бистрата изворска вода од планината Хермон и најдобрата селекција на чиста руска есетра се користат за подготовката на “Karat Caviar“, неодамна промовиран од Израел.

Му требаат 16 години да се развие и да стане исклучително вкусен. За овој кавијар се користи исклучително ретката дива руска есетра од Каспиското Море, одгледувана во природни и чисти услови. Поради тоа, кавијарот е со врвен квалитет.

“Karat Caviar“ го произведува “Karat Galilee“, еден од најстарите рибници во Израел (постои од 1939 година), а руска есетра се одгледува од 1992, кога првите оплодени јајца се увезени од Русија.

Рибникот се наоѓа блиску до главниот извор на реката Јордан. Природниот тек на водата што тече низ рибникот овозможува рибите да се размножуваат во чиста вода богата со кислород.

Овој кавијар се произведува од десетгодишни или од единаесетгодишни риби. Кавијарот се прави од секоја риба посебно, а потоа посебно се пакува. На тој начин се добива чист производ, без мешање на кавијари од различни риби.

Затоа, “Karat Caviar“ е свеж, одржлив и висококвалитетен кавијар со фин вкус и осет, многу често ставајќи ги во сенка другите кавијари.