Учениците Македонци од утре се враќаат на настава

Состанчеа родителите на нападнатите деца, раководството на училиштето, претставници на Министерството за образование и полицијата.

„Откриен е идентитетот на ученикот и најверојатно според статутот на училиштето ќе добие педагошка мерка пред отстранување од училиште“, вели Бранкица Ристовска, помошник директор на гимназија „Кирил Пејчиновиќ“.

По состанокот, родителите рекоа дека полициските патроли и казните за учениците досега не се покажале како решение на проблемот. За нив ова не се инциденти. Тепачки се случувале континуирано.

„Овој проблем не е од сега. Значи овој проблем е веќе 9 години и никако не е решен, туку само се дискутирало од аспект на безбедноста а не и од реално следење на наставата, онака како што според законот следи“, вели Горан Синадиновски, родител.

„Па не се сите инциденти пријавени во полиција. Се случуваат скоро секој ден, а пријавени се само неколку потешки случаи во полиција, каде што морале да реагираат и родителите. Тепачки се случуваат секој ден“, рече Бобан Николоски, родител.

Сите се согласија дека потребна е напорна работа за превенција на ваквите случувања и зближување на децата од различна етничка припадност.

Полицијата ќе поднесе прекршочна пријава против напаѓачот на ученикот Македонец во петокот, минатата недела. Се расчистува и вчерашниот случај кога ученик од македонска настава бил нападнат пред влезот на гимназијата.

Учениците Македонци од втората смена во тетовската гимназија ја бојкотираа наставата три дена, барајќи поголема безбедност во училиштето.

Раскрвавени глави на осмооделенци во меѓуетничка тепачка

Двајца осмоодделенци од кумановското училиште „Вук Караџиќ“ вчера попладне со раскрвавени глави се пренесени во Ургентниот центар. На ова претходела тепачка помеѓу ученици Македонци и ученици од албанска националност од соседното училиште „Наим Фрашери“.

Очевидците зад камерата на Канал 5 тврдат дека четворица осмоодделенци Албанци без причина нападнале со тупаници 14 годишно момче пред влезот на „Вук Караџиќ“. Присутните во училишниот двор притрчале да го одбранат соученикот, но во тој момент напаѓачите возвратиле со камења. Додека траела бркотницата се слушнале и истрели од пиштол. Во училиштето „Вук Караџиќ“ го потврдија инцидентот но допрва ќе го решаваат проблемот.

- Знам, ученик е повреден тој не е инволвиран сигурно во тоа, ќе видиме кој е инволвиран ќе седнеме со директорот од соседното училиште, ние обично така ги решаваме проблемите, Трајан Петровиќ, директор на О.У. Вук Караџиќ.

Директорот на Наим Фрашри, Елми Реџепи, вели дека не слушнал за тепачката помеѓу учениците, иако поради инцидентот интервенирала и полицијата. Оттаму велат дека се уште се работи на откривање на идентитетот на напаѓачите.

- Тоа се шпекулации, тој податок не е точен, ние го проверуваме податокот дали воопшто имало било каква закана со огнено оружје кога се случил инцидентот, вели началник на СВР Куманово Љубомир Гурчевски.

Иако од Вук Караџиќ тврдат дека оваа тепачка е прва годинава, од советот на родители велат дека физичките напади помеѓу учениците од различна етничка припадност се честа појава.


http://kanal5.com.mk/default.aspx?mId=37&egId=13&eventId=60273 - Извор


Од 14 години почнуваат со насилство врз своите врсници, што ќе стане со нив кога ќе станат возрасни лица доколку не се почне со делување на самото нивно воспитување?
Страшно!

Mramoren напиша: neka se tepaat, taka rastat decat

За состојбата во средните училишта расправаше и Државниот совет за превенција на малолетничка деликвенција. Деновиве нивни претставници во соработка со полицијата ќе ги посетат училиштата.

Каква држава, таква младина