Неколку години по Првата светска војна, во месноста Дива леска, Демирхисарско, биле пронајдени две кожени торби со злато, кое го закопале македонските војводи во текот на Илинденското востание.
Покрај златото имало и мапи со прецизни локации низ цела Македонија каде што биле закопани златниците со кои требало да се купи оружје за потребите на востанието.
Човекот што го ископал златото точно знаел каде да копа. Војводите го скриле златото на точката каде што паѓа првиот сончев зрак на 2 август. Токму на тоа место и било најдено. Пронаоѓачот на богатството во дваесеттите години ја купил половина Битола, раскажуваат битолчани. ...............
Трагачите по богатство велат:
- Македонија е полна со злато и со вредни предмети. Спиеме на злато. Што крие македонската земја? Златни, сребрени и бронзени монети од времето на Александар Македонски и татко му Филип Втори. Монети со ликот на Касандер, генерал на Александровата војска - Фалангата. Илјадници години старите тетра драхми, пела монети, златни статери, римски пари од Августовото време. Земјата крие и монети со голема буква М, која денес е ставена на книжната монета од 50 денари. Пронајдени се многу златни парички со ликот на Наполеон Бонапарта, неброени турски лири со арапско писмо...
Во педесеттите години на минатиот век во едно Мариовско село дошол Бугарин. На селаните им рекол дека бара некоја чешма над селото покрај која бил убиен неговиот брат во Втората светска војна. Гостопримливите селани го однеле на чешмата. Бугаринот почнал да плаче по брата си и ги замолил другите да го остават сам. Додека селаните го чекале во селото да го нагостат, гостинот откопал злато од под една камена плоча и избегал. Мариовци велат дека тој бил истиот војник што го закопал златото во текот на војната, но го заборавил местото.
За време на турското владеење, при налетите на аскерот, народот ги закопувал вредните работи зашто сметал дека во земја е најсигурно. Закопувале во лозјата, нивите, шталите и под самите куќи. Но, и на непристапни места. Пример за тоа е една карпа над превојот Плетвар, каде што било закопано бесценето богатство. Местото било обележано со цртеж издлабен во карпа на кој бил претставен римски кантар (паланѕа) со еден тас на бројката од 150 ока. Токму толку злато и било извадено, раскажуваат легендите. Слична карпа постои и во Паланечко, во близина на селото Псача. Во карпата е издлабен петел, кој гледа во мали пилиња. Во правецот на неговиот поглед било закопано богатството.
Странските војски што војувале на фронтовите во земјава, криеле злато и пари во земјени бункери и пештери. Интересно е тоа дека француската војска закопувала и сандаци со вино. Ако се пронајде тоа вино денес, би достигнало цена од 10.000 евра по шише на странскиот пазар - велат трагачите по злато и муабетот го продолжуваат со уште една случка.

Пред петнаесет години, на тромеѓето помеѓу Скочивир, Македонски Брод и Живојно дошла неколкучлена француска експедиција со објаснување дека ќе ги испитува скакулците во тој регион. Со прецизни мапи во рацете, поставиле шатор на шест чекори од единствената круша покрај патот. Копале цела вечер под шаторот и утрото си заминале со злато тешко неколку килограми.

Техниката за барање злато отиде многу далеку.Трагачите употребуваат софистицирани апарати, кои со голема веројатност лоцираат богатство. Битолчанецот Б.Д. поседува фирма за продажба на детектори за злато, а и тој самиот врши истражувања. За себе тврди дека ја има најсовремената и најскапата опрема на Балканот за потрага по закопани богатства. Уште од дете се интересирал за овие авантуристички потфати, растејќи со "златната треска" на дедо си Трајко. Вели дека од него ја наследил желбата за трагање по богатство.
- Имам далечински локатор, кој може со стопроцентна сигурност да лоцира 50 килограми злато на далечина од пет километри, без разлика дали се работи за рамничарски и планински предел. Еден таков апарат кај нас чини 50.000 евра. Иако е безгрешен, сепак, потребно е и искуство за да се ракува со него. Поради зрачењето на магнетните полиња на металите во земјата, неопходни се огромна концентрација и напор - вели битолскиот авантурист. .............

Трагачите веќе со години имаат неостварена желба - да го пронајдат златото што било украдено од отоманската банка во Битола. Според кажувањата, богатството е закопано некаде по течението на реката Црна.................
така да кој има среќа .......ако посади некое дрвце во дворот не е чудо да најде некое грне со злато.......

Неколку години по Првата светска војна, во месноста Дива леска, Демирхисарско, биле пронајдени две кожени торби со злато, кое го закопале македонските војводи во текот на Илинденското востание.