Производство - Пласман ....

Еве нешто за тутунопроизводителите годинава кои што изразија

задоволство, затоа што  досега остварен е рекорден откуп од 22.000 тони тутун, со просечна цена од околу 192 денари за килограм... и  рекордни субвенции од 1 евро за килограм тутун ...

 

 

Имаше сериозни откупни претпријатија... но не застануваат тука, иако

годинава просечната цена на трите типа „Јака“, „Прилеп“ и „Басмак“ изнесува 192 денари“, се бара догодина цените да се   зголемат за 10 до 15 проценти ...

 

Веќе се  договараат чекорите кои ќе се преземат за следниот период за да има исти резултати како и во 2009 година, со тоа што за 2010 година се  смета на зголемено производство од 30% или 27.000 тони тутун..........

 

  Точно Марко  се согласувам дека ни фали пласман... и за тоа треба

подобро информирање на производителите... што  се бара во

моментот на пазарот.... Еве денес слушнав дека тоа сега е  зелената

марула, под фолија..........

 

И нешто друго......... сиве овие години гледам како се фрлаат на улица

патлиџаните, кромидот, млекото...еве сега јаболкото.... НО  никогаш

не видов да се фрла патлиџан еве на пример пред Велигден кога ја

достигнува  цената и до  150. 00 ден, за кг.  или кромидот кога есенва

достигна и до 70 ден.... и во прилепско пред две години кога сирење

не можеше да се најде, заради тоа што им беше многу поисплатливо

да го продаваат млекото, отколку да прават сирење..... !

 

 

Од оваа година, откупувачите и земјоделците,  и законски ќе бидат обврзани да ги почитуваат склучените договори за откуп. Ова е една од новините во закон за земјоделството и рурален развој.

Со законот се уредени сите услови за откуп, од склучување на договорите, истакнување на цените 10 дена однапред,начин на исплата, до тоа кој се може да врши откуп на земјоделски производи.

Предвидено е исплатата да се врши во рок од еден месец, авансно, или 20% за време на откупот и остатокот за шест месеци. договорот треба да биде склучен 45 дена однапред. Оние кои нема да го почитуваат одредбите ќе бидат казнети.

„Се воведуваат  нови политики, кои што до сега не беа постојани, а се   насочени во делот на уредување на пазарите со земјоделски производи или поддршка на тие пазари со цел надминување на одредени нарушувања, обезбедување на стабилност на доходот на земјоделските производители, зачувување на конк*рентските односи...

п.с.  marco_antony ..ме изнасмеа ..со резултатот..компир ...

Ние имаме доста поволни услови за одгледување и на разни градинарски култури.....

Деновиве слушнав дека и производителите на  зимска зелка

се задоволни и од производството годинава а и од пласманот....

Имено..побарувачката на Европскиов пазар ...  била огромна...

така да можеби и ќе има и  недостаток....  15 ден.  по кг, откупна цена

....така да најверојатно до година ... производството ќе се зголеми....

.......................................................................

 

 

 

Оваа година министерството за земјоделие одвoјува  20 милиони денари за заштити на називите на земјоделски производи и мерките се конципирани за да ги мотивираат производителите на заштитените производи да направат една кампања со цел овие производи да ги промовираат.....

 

....Производи со заштитен знак на географско потекло, како што се тетовскиот грав, кочанскиот ориз, битолското млеко и други.


 Бенефитот од оваа кампања би бил... повисока цена и полесен пласман на производите со заштитен назив.........

 

 

Во организација на Федерацијата на фармери на Република Македонија (ФФРМ) денес ќе се оддржи регионалната конференција Економско организирање на фармерите перспектива за развој на земјоделството во регионот", на која треба да се дадат одговори на повеќе прашања. Ќе се проговори за најпрофитабилните форми за организирање на фармерите, какви стандарди бараат регионалниот и европскиот пазар на земјоделски производи и колкави се досегашните ефекти од договорите за слободна трговија.
- Целта на конференцијата е да се покрене прашањето за трговските релации со земјите од регионот кои тежнееме да ги зајакнеме. Сите овие држави се соочени со глобалните и националните предизвици во земјоделскиот сектор кои наметнуваат следење на стандардите и јакнење на конк*рентноста со цел нивен опстанок и извоз на надворешните пазари - вели Марија Ѓошева - Ковачевиќ од ФФРМ.

На конференцијата ќе учествуваат претставници на земјоделски здруженија од регионот, но и од соседните земји како Франција, Шведска, Бугарија и Романија, членки на Унијата. Тие ќе ги пренесат искуствата во однос на трговијата и фактичката состојба во аграрот, ќе информираат какви производи се бараат и ќе презентираат најдобри примери за земјоделски економско-профитабилни асоцијации.

 

 

 

 

Органското земјоделство во Велешко се повеќе се шири. Вкупно 92 индивидуални земјоделци, од вкупно 300, колку што ги има во земјава, добија сертификат за органско производство во конверзија (преод). Од нив, 42 се од општина Чашка, 30 од Велес и 20 од општина Градско. Најголемиот дел од органските производители се од областа на сточарството, производство на житните култури, а има и една винарија.

Земјоделците се задоволни. И од Агенцијата за поттикнување на развојот на земјоделието во Велес велат дека се задоволни од високиот процент на органски производители. Земјоделците велат дека добиле едукација, поголеми субвенции, а и она што го произвеле без проблеми го продале и заработиле добри пари.
-Сето она што го произведов, го продадов. Реонот на Чашка е како предодреден за производство на здрава храна. Верувам дека бројот на производителите на органско производство ќе се зголемува бидејќи земјоделците нема да имаат проблеми со пласманот на сето она што ќе го произведат - вели Борис Николов, земјоделец од општина Чашка.

Чистите и од ништо незагадени предели во реонот на Азот, Бабуна, Горно Јаболчиште, Солунска Глава, Лисец, Иванковци, Рудник и плодните ниви по течението на реките Бабуна и Тополка се идеални за развој на сточарството, производството на лебно жито, тутун, ориз, овошни и градинарски култури и друго. И од Агенцијата за поттикнување на развојот на земјоделието во Велес велат дека се задоволни од бројот на земјоделците кои добија сертификат за органско производство.
-Презадоволни сме од бројот на земјоделците кои произведуваат здрава храна. Уште позадоволни сме бидејќи интересот постојано се зголемува. Мислам дека нивниот број оваа година ќе биде значително поголем и дека од Велешко годинава на пазарот ќе бидат испорачани далеку поголеми количества на здрава храна - вели Тони Тасков, раководител на регионалната Агенција за развој на земјоделството во Велес.

Земјоделците кои добија сертификат за производство на органско производство велат дека целокупното минатогодишно производство на сирење, пченица, градинарски култури и друго без проблеми ги продале. Покрај повисоката продажна цена за своите производи тие добија и повисоки субвенции од обичните што за развој на производството на здрава храна ги дава државата. Произведителите на здрава храна велат дека покрај на домашниот, преку сертифицирани извозни компании нивните еколошки производи завршија и на странските пазари и очекуваат така да биде и оваа година.