Во пролет модните детали, а посебно накитот секогаш му дават посебна нота на Вашиот изглед. Па така дизајнерите за оваа пролет за сите вљубеници во накитот приредија вистинско уживање.

Изборот е голем, а фантазијата е единствениот критериум за избор. Сепак најчесто се препорачуваат впечатливи нараквици и тоа во XXXL големина.   

На сите модни недели речиси и да немаше дизјанер кој не ги препорача екстра големите, впечатливи нараквици.   

Од едноставни до екстравагантни, изработени од најразлични материјали во актуелни бои и дезени, но сите се со необична големина.

Се издвојуваат нараквиците со скапоцени или полускапоцени камења и тоа во спротивна боја од бојата на самата нараквица, кои се посебно погодни за велерните излегувања.   

Тука се и плишените модели во силни бои, кои може да се носат во низа, а одлично се вклопуват со џинс и едноставни и лежерни модени комбинации.   

И оваа сезона животинскиот принт е неизбежен кај нараквиците. Многу интеренсни се и моделите изработени од кожа со дополнителни ресички, но и оние металните од кои некои достигнуваат дури до лактите.   

Неизбежни се и дрвените нараквици украсени со принтови или едноставни шари.