Мачката на Блу е многу слатка, морам да ја пофалам. Убаво распоредени шари и тркалезна фацичка.

По препораки од ветеринарот моите зајковци ги хранам со дехидрирана храна за џуџести зајаци,ситна, богата со целулоза и многу важна за нивниот дигестивен систем, заби и крзно. Плус мора да им се дава и свежо сено секој ден, свежа вода, свеж зеленчук и овошје ко брокули, карфиол, моркови, цвекло, многу ретко зелка(не е добро за нивната сорта), спанаќ,јаболки, многу ретко јагода и банана.

Секој ден и ги частам по некое специјално овошно бисквитче онакво за мотивација

Потреби од калциум и фосфор кај кучињата и мачките

Калциумот и фосфорот се есенцијални минерали во организмот на кучињата и на мачките. Дневните потреби зависат од староста и од состојбата на кучето. Од сите минерали, калциумот е потребен во најголем износ. Тој е неопходен за организмот за многу функции вклучувајќи ги формирањето на коските, коагулацијата на крвта, контракцијата на мускулите и преносот на нервните импулси. Присуството на калциумот во составот на храната варира. Коските, млечните производи и одредени растителни продукти содржат големо количество калциум, додека повеќето житни зрна и месо содржат мали количества. Фосфорот е втор по ред минерал за кој организмот има релативно високи потреби. Месото и органите се со висока концентрација на фосфор. Недостигот од фосфор е сигнификантно кај хербиворите, додека кај мачките и кучињата дефицитот е исклучително ретка појава. Интензивното хранење со продукти кои содржат фосфор може да ја забрза прогресијата при реналната инсуфициенција. Многу состојки од храната кои се ниски со калциум се високи со фосфор или, пак, високи концентрации на калциум ги следат и високи на фосфор. Спроведувањето на адекватен сооднос помеѓу калциумот и фосфорот е неопходно да биде 1,2 дела калциум спрема 1 дел фосфор. Недостигот од калциум е една од најчестите појави кај младите кучиња. Исхраната базирана на месо не овозможува адекватно количество калциум и правилен сооднос со фосфорот. Во овие случаи се развиваат коскени абнормалности или рахитис. Коските стануваат меки, тенки и кршливи. Една од предностите на готовата храна е адекватниот сооднос на калциум и фосфор, со што се спречуваат ваквите појави. Додавањето калциум во високи дози кај младите кучиња од големите раси честопати предизвикува проблеми со коскениот апарат, кој се рефлектира со патолошки промени на коскеното ткиво.