Познавам неколку протестантски "цркви" за кои често се двоумам дали се она што претендираат дека се "цркви" или пак како што на дело се покажуваат (барем во мои очи) дека се амбасади.
Сега ќе објаснам што мислам под називот "амбасади" за овие "цркви" и ме интересира да слушнам ваш коментар што мислите вие за тоа.
Сум имала прилика неколкупати да посетам ваква црква-амбасада, а познавам и доста верници кои одат таму, а некои од нив веќе се во земјата која оваа "црква-амбасада" ја претставува. Од моето набљудување на овие цркви и верниците во нив ги донесов следниве заклучоци:
(нагласувам дека ова се мои субјективни заклучоци!)

 

Во овие цркви:

 

* Свештениците им се македонци, но марионети во рацете на светите мисионери.
Свештениците им се официјално поставени македонски пастори, но зад нив конците ги држат мисионерите и ниедна одлука или промена не може да се случи без нивниот "свет благослов".

 

* Спасението не им е Христос, туку визата, пасошот.

 

* Ветената земја не е Небото, туку Америка.

 

* Не мечтаат по божјото царство, туку по животот прикажан на холивудските филмови.

 

* Не сонуваат за спасение на својот народ меѓу кои Бог ги поставил, туку мечтаат по Лос Анџелес, Њу Јорк, Холивуд, Калифорниа, Воундерленд.

 

* Јазикот им е полн со американизми, што суптилно ја издава "ветената земја" која им е во срцето - Америка. Многумина од нив зборуваат амерички подобро и од американците. Тоа им е мајчинот јазик.

 

* Спасителот не им е Христос, туку светиот американец/ка на белиот коњ, кој ќе ги спаси од скромната Македонија и ќе ги однесе во светата земја каде владее раскошот и луксузот - Холивудската Америка каде што непрестано тече мед и млеко (Кој бил во Америка ќе рече: Мало морген на ова). Најчесто се тоа некои американци кои не можат таму да си фатат девојка, па доаѓаат тука на истокот знаејќи дека тука лесно можат да ја ќарат било која од верничките кои се палат по амери.

 

* Многумина од нив сакаат да бидат "мисионери" и да му служат на Бог, ама по можност не тука, туку во Америка. Велат: Мојот повик е во Америка, таму Бог ме повикува да му служам. Замислете Бог повикува протестанти од Македонија (каде што тие се под 0.1%) во протестантската Америка каде што тие се мнозинство. Тоа е слично како некој кој живее во пустината да рече: "Бог ме повикува да им однесам вода на жителите на Филипинските острови кои од сите страни се заобиколени со вода.

 

* Мисионерите ја купуваат лојалноста на верниците суптилно фрлајќи им по некое доларче за превод, час по македонски јазик или пак бејбиситинг (да им ги чуваат децата додека овие ги трошат покрупните долари на "службени" состаноци по рестораните) со што автоматски ја добиваат контролата и над нивните приватни животи правејќи ги зависни од нив.

 

Не тврдам дека сите протестантски цркви се "амбасади". Некои се повеќе, некои помалку, некои можеби воопшто не се. Јас познавам и такви и такви. А вие? Кое е вашето мислење за ваквите цркви? Дали и вие во нив препознавате еден вид амбасади?

 

Дали верниците (од сите деноминации) на форумов препознаваат нешто од ова погоре во своите цркви или верски организации?

Ви пожелувам пријатна дискусија.

Nya

И јас ви посакувам пријатна дискусија, само да напоменам дека нема потреба од повикување на одредени личности дали се препознаваат или не, за тоа служат ЛП-јата. Овде  нека земат учество сите кои се чувствуваат повикани да одговорат