Видов ке Бионсе е отворила нова тема и чек и jac  да се искажем еднаш паметно во овоj форум......

Кари против канцер?

Пастата за заби го намалува апетитот

пастата за заби може да  помогне да се намалат вишокот колограми.

Кога ќе почуствувате глад, а сметате дека сеуште не вие време за јадење измијте ги забите и така ќе го ‘излажете’ стомакот.Ако тоа не ви помогне и сепак почнете да јадете храната нема да ви биде вкусна по миењето на забите па апетитот ќе ви се намали.Како најефикасни ги посочуваат пастите со вкус на еукалиптус и ментол.Уште еден совет  е тоа да јадете слушајќи класична музика, која во просек го успорува темпото на џвакање и го продолжува оброкот за 15 мининути.........

Со цимет против желба за благо

Сите  кои премногу конзумираат благо а сакаат тоа да го променат....

Кога во текот на денот многу ви се пријаде благо направете си тост и врз него истурете цимет.

малите количини на цимет можат да го регулираат нивото на инсулин кој е главниот виновник за чуството на глад.

четвртина лажица цимет може да го смали нивото на шеќер во крвта, како и холестеролот........

Околу 5 кг. здрави, добро созреани јаболка, се мијат и се сечат на четвртинки. Со помош на соковник се цеди јаболковиот сок, и заедно со дел од истисканите јаболка се ставаат во тегла. Може да додадете малку сув квасец или леб и оставете да отстои на топло место најмалку 4 недели, додека течноста не премине во алкохол. Тогаш ферментацијата е завршена.

Ширата се става во плиток и поширок сад. Садот треба да биде најмногу 3/4 наполнет. Може да додадете и стар јаболков оцет, за да ја забрзате ферментацијата. Потоа покријте го садот со ленена крпа, за воздухот да има допир со течноста. Најидеална температура е од 26 до 28 целзиусови степени, а потребни се 2 до 3 месеци за да се направи оцет. Тогаш може да го процедите и да го префрлите оцетот во стаклени шишиња. Не вознемирувајте се ако во течноста забележите матен густ талог, тоа е таканаречена оцетна габа. По можност не исфрлајте ја, таа се состои од оцетни бактерии и може да послужи како основа за да ги направите следните количества од оцетна течност...........

Како да проверите дали јајцето е варено или не........

Не можете да се сетите дали некое јајце е варено или не ? Сите знаеме дека ако завртите јајце веднаш ќе препознаете дали јајцето е варено или не, односно ако тоа се врти без проблем тогаш е варено, ако не се врти, тогаш не е варено.
Но, има и уште еден начин да проверите дали јајцето е варено или не. Вареното јајце ќе плови ако го ставите во вода, невареното ќе потоне.
Јајцата содржат есенцијални протеини, минерали и витамини, освен витаминот Ц. Жолчката е природен извор на витамин Д.
Бојата на јајцата не е поврзана со квалитетот, вкусот или нивното приготвување. Белите јајца се снесени од кокошки со бели пердуви...... Жолтите јајца се снесени од кокошки со црвени пердуви.....
Обично белите јајца се поефтини од жолтите......

Еве некои интересни податоци за кокошките :
- Еден од најголемите прозиводители на јајца е Кина со околу 160 милијарди годишно.
- Една кокошка може да снесе околу 250 јајца годишно.
- Обвивката на јајцето содржи до 17,000 пори на површината.
- Постојат 150 видови на кокошки.
- Кокошките се потомци на црвената кокошка од џунглите во Азија.
- Кокошките се едни од првите домашни животни, појавувајќи се како такви во Кина околу 1400 години п.н.е.
И сега кој ке ми каже ????

„Што е постаро, јајцето или кокошката“

Како да го сфатиме ова, дали да пиеме кафе или не?
Секој ден се објавуваат различни студии:по едни пиењето 1-2 филџана кафе дневно е здраво за ова, она, а по други-штетно.

Зар кафето ви мириса на фецес ?

3. Диметил дисулфид

Го дава мирисот на фецесот кај човекот.

Дај не зафркавајте.

Зошто ни течат солзи од кромид?

Вечната дилема ........човекот месојадец ???   да или не ???

Уште од ренесансата, стручњаците по анатомија го споредувале животинскиот систем за варење со човечкиот. Кој вид на цицачи е најблизок до човечкото суштество? Тревопасните или месојадците?

Ајј да ги видиме основните карактеристики на системот за варење кај човекот и животните........

Заби
Месојадци: истакнатите очњаци го сечат и кинат месото скоро без џвакање.

Тревопасни: многу развиените катници овозможуваат дробење на храната и нејзино претворање во каша.

Човек: очниците се мали, се разликуваат од очниците на месојадните животни. Катниците повеќе наликуваат на катниците на тревопасните, во состојба се да ги соџвакаат и иситнат растителните влакна и житарките.

Вилици
Месојадци: можат да се придвижуваат само горе - доле со што се овозможува кинење на храната.

Тревопасни: овозможуваат и странични движења, за да храната би се иситнила и натопила со плунка.

Човек: ги остварува сите движења, слично на вилиците на тревопасните животни.

Плунка
Месојадци: има мала pH вредност (киселост) , потребна за варење на протеините од месото.

Тревопасни: имаат голема pH вредност ( базност) која овозможува подобро варење на јаглените хидрати.

Човек: плунката му е алкална (базна) како кај тревопасните. Освен тоа, содржи амилази, птиалини, ензими кои го почнуваат варењето на скробот, и кои се наоѓаат само во производите од растително потекло. Плунката е потполно прилагодена за исхрана од растително потекло...

Систем за варење
Месојадци: нивниот систем за варење е пократок отколку оној на тревопасните. Тоа значи, дека месото мора да биде сварено и елиминирано, зошто неговото разложување и гниење во цревата би предизвикало штетни супстанции кои би ги отруле животните.

Тревопасни: имаат долг систем за дигестија, кој овозможува релативно спор премин на производите (до три дена). На растителните производи им е повеќе време за варење, но не гнијат во цревата и не преизвикуваат отровни супстанции.

Човек: пропорционални подолги црева отколку кај месојадците, но не и толку долги како цревата кај тревопасните. Поради тоа можат да јадат месо, но при тоа може да дојде до гниење, посебно во случај на затвор или бавно поминување низ цревата. Се ослободуваат од отровните супстанции (кадаверин, индол, скатол,..) кои поминуваат во крвотокот и предизвикуваат мигрена, алергија, посип и др.

Човекот има најголема способност за прилагодување, па може да се каже дека човекот е анатомски и физиолошки создаден да биде вегетеријанец, иако има можност на прилагодување кон мешовита храна....

2. Месото и рибата се мијат со студена вода непосредно пред приготвување. Не треба да се оставаат долго да стојат во вода бидејќи губат дел од белковините и минералните соли.

Ако сакате силен бујон, местото треба да се исечка на ситни делови и да се стави во сад со студена вода, а потоа постепено се вари три до четири часа.

Ако сакате сочно и вкусно месо, тогаш треба да го ставите во зовриена вода. При тоа се создава тенка кора која ги задржува соковите, белковините и минералните соли за да не можат да се одвојат од месото.

3. Зрнестата храна ( како на пример ориз, овес и слично ) се натопуваат во студена вода и во истата се вари се додека зрната не омекнат. На тој начин белковините преминуваат во водата. Обратно, ако сакате да ги зачувате белковините (кога се приготвуваат каши ) тогаш зрната ставете ги во врела вода. Кога зрното се подготвува за каша, се вари додека не омекне потполно.(гриз 5-10 минути; ориз и пченично зрно 40-60 минути; овес 1-1,5 час ).

Млекото се додава откако ќе се свари зрното и се враќа на оган да проврие само еднаш. Истовремено со млекото се додаваат шеќер или сол. Кога кашата ќе се тргне од шпоретот се става путер и добро се меша.

4. Зеленчукот пред приготвувањето треба добро да се измие. Се сече непосредно пред подготвувањето на оброкот. Се залева со зовриена вода и се вари во потполно затворен сад. Во водата во која се вари зеленчукот преминуваат многу хранливи материи, па затоа е најдобро таа вода да се користи при приготвувањето на оброкот. Зеленчукот се пасира додека е топол, а потоа уште еднаш се става на оган, но не да вари, туку само да се појави пареа.

Супите од зеленчук мора да се искористат најдоцна 1,5 час после приготвувањето.

5 При варењето на компирот треба да се знае дека не смее да се употребува железен лонец, а емајлираниот не смее да биде оштетен од внатрешната страна. Компирот се вари во потполно затворен сад со малку вода која треба да испари кон крајот на варењето.

 Треба да се вари неизлупен бидејќи лушпата ги зачувува минералните соли, витамините и белковините. И оваа вода може да се користи за приготвување оброци.

 Производот зелено кафе  пакуван во кесички е храна за  посебна нутритивна употреба и лабараториски е верифицирано дека во себе ја содржи синтетската супстанца сибутрамин. Препаратот наменет за губење на телесната тежина е небезбеден согласно Законот за безбедноста на храната и Правилникот за видовите на храна, соопшти Дирекцијата за храна при Министерството за здравство.

Поради присуството на оваа супстанца, која не била означена во производната спецификација од страна на производителот,  препаратот зелено кафе во кесички наменет за губење на телесната тежина е небезбеден согласно Законот за безбедноста на храната и на производите и материјалите што доаѓаат во контакт со храната и Правилникот за видовите на храна за посебна нутритивна употреба и за дозволените нивоа на дневно внесување на витамини и минерали, се вели во соопштението од Дирекцијата.

Од страна на Дирекција за храна, овој производ, е забранет за промет и во текот на денешниот ден сите дистрибуирани количини во аптеките во Република Македонија ќе бидат повлечени под надзор на државните инспектори за храна. Препаратот ќе биде вратен на производителот или ако не постои можност ќе се поништи во депонијата Дрисла со негово спалување  во инцелератор.

Кога луѓето би јаделе еден грам сол помалку, едно овошје или зеленчук повеќе и би консумирале помалку заситени масти, бројот на смртни случаи би се намалил за повеќе од 40 отсто.

Новата идеја за исхрана гласи „помалку е повеќе“. Направете мала промена во дневната исхрана и ќе почувствувате големо влијание врз здравјето, вели новата студија.

Британските научници тврдат дека годишно можат да се спасат 20.000 луѓе само во нивната земја ако луѓето јадат еден грам сом помалку, а консумираат едно овошје или зеленчук повеќе. Тие препорачуваат луѓето да ги исфрлат заситените масти од својата исхрана и да ги заменат со маслиновото масло.

Срцевите болести и мозочните удари се најчест причинител за смрт во Британија, а симптомите кои доведуваат до нив најчесто се бараат во исхраната и начинот на живот.

Претерано солената храна го зголемува крвниот притисок, а заситените масти особено трансмасните киселини кои најчесто се наоѓаат во маргаринот и во производите кои ги содржат овие индустриски преработки на билни масти можат да ги оштетат крвните жили и да го зголемат ризикот од појава на згрутчување на крвта која може да доведе до срцев или мозочен удар.

Научниците тврдат дека зголеменото консумирање на овошјето и зеленчукот може да доведе до 31 отсто намалување на ризикот од прерана смрт. Што се однесува до заситените масти, лекарите не препорачуваат консумирање повеќе од 30 грама за мажи, 20 грама за жени и 5 грама за деца. Возрасните луѓе во развиените земји дневно јадат и дупло поголема количина.

Состојките откриени во брокулата се ефикасни во стопирање развој на канцерогените клетки кај ракот на дојката. Во зеленчукот како што е брокулата, зелката и карфиолот откриена е состојката сулфоарафан (SUL) која може да ги блокира завршните процеси на канцерогениот процес со прекинување на компонентите на ќелиите наречени микротубулуси.

Оваа материја може да го блокира развојот на делењето на  клетките на ракот на дојката кои веќе се канцорогени. Еден час по конзумирањето SUL ги блокира клетките и ги прекинува микротубулите кои се долги, тенки цилиндри составени од протеинот тубулин кој има основна улога во дуплирање на хромозомите во текот на делбата на клетките.

Зеленчук со силно анти-канцерогено дејство

Лукот - сумпорните соединенија му даваат силен мирис и вкус кои штитат од рак неутрализирајќи ги канцерогените клетки  и го забавуваат растењето на ќелиите на туморот. Со едно истражување е утврдено дека жените кои јадат лук еднаш неделно имаат помал ризик од појава на рак на дојката.

Мешункастото растение -  сите видови се богати со инхибиторен протез, состојка која ги отежнува ќелиите од ракот да извршат инвазија на соседните ткива.

Доматот - содржи витамин Ц и флавонид ликопен кој му дава црвена боја, а има заштитна улога против рак на белодробните крила, цервикс, рак на простатата и устата.

Спанаќот - е добар извор на Ц витамин и бета каротен како што е фолната киселина. Во многу научни испитувања е потврдено дека луѓето кои два пати неделно јадат спанаќ ретко заболуваат од рак на белите дробови и рак на дојката.

Исто така и зелката, сојата, морковот, целерот, џумбурот, магданосот, кромидот,ланеното семе, карфиолот и црвената пиперка.

Начинот на подготовка на зеленчукот е многу важен. Спрема новите истражувања со варењето се губи поголем дел од анти-канцерогените материи, додека со варењето на пареа или подготвување во микровална не се губат состојките. Исто така не треба да се замрзнуваат во фрижидер за длабоко замрзнување, бидејќи се губат анти-канцерогените материи.

Сок со анти-канцерогено дејство (рецепт)

1 цвекло
2 ротквица
3 главици брокула
1 морков
1/2 домат
Ако сокот ви е премногу блуткав може да исцедите еден лимон или да ја зголемите количината на целер

Сакате да уживате во долг и здрав живот? Нема проблем! Дејвид Зинченко, автор на книгата „Eat This, Not That“ има неколку добри предлози за оние кои сакаат да го подобрат квалитетот на животот.

Здравата исхрана не е важна само поради витката линија и доброто чувство, туку и поради здравјето на организмот. Богата со антиоксиданси, минерали и витамини, здравата храна е клуч на среќниот живот.

Јогурт

Јогуртот е многу добра помош во зајакнување на имунолошкиот систем на организмот. Освен тоа, јогуртот го штити организмот и од настанување на карцином. Некои јогурти во себе содржат пробиотици кои се успешни во борбата со различни бактерии во телото. Јогуртот најдобро е да го јадете со овошје или мед. Добар е за појадок, но можете да го консумирате и во било која друга доба од денот.

Домат

Доматите се одлучен антиоксиданс. Одлични се во спречувањето на различни видиви на болести, вклучувајќи и карцином на белите дробови, простатата, кожата и желудникот. Доматот содржи ликопен кој му помага на човечкото тело и го зајакнува здравјето. Освен во доматот, антиоксиданси има и во лубениците, грејпфрутот, папајата и гуавата. Зинченко советува редовно да се консумираат домати во било кој облик, вклучувајќи и сос.

Орев

Оревот изобилува со масни киселини омега 3 и полифеноли кои ги спречуваат воспалителните процеси во телото. Често кога се зборува за здрава храна, оревот го забораваат, но тој е особено здрав продукт кој би било добро да го консумирате секојдневно. Освен оревот, за здрав живот се советува да се консумираат бадеми и лешници.

Спанаќ

Благодарение на своите здрави состојки, спанаќот го штити здравјето на срцето, мозокот и коските. Тој е магичен зеленчук кој го подобрува протокот на крвта и често се препорачува кај луѓе кои имаат импотенција. Спанаќот треба да се јаде секојдневно, било да е зготвен, било да е послужен како салата. Како замена за спанаќот може да послужи зелената салата , блитвата и кељот.

Зоб

Зобот е исклучително здрава храна, која го намалува ризикот од срцев удар. Од античко време бил познат како житарка која придонесува за подобро здравје, а денес е признат и од модерната медицина. Зобот денес доаѓа во многу облици, а најпопуларни се зобните лушпи, кои се исклучително здрав појадок.

Морков

Морковот изобилува со каротен кој е одличен за намалување на ризикот од различни видови карцином, а помага и кај астмата и ревматскиот артритис. Морковот е зеленчук кој треба да се консумира секој ден. Добар е и свеж, но може да се јаде и во салати, но и варен.

Боровинка

Боровинката е овошје што може да се пофали си највисок износ на антиоксиданси. Таа е силна во борбата против рак, дијабетес и деменција. Боровинката е богата со витамин А и Ц кои придонесуваат за кардиоваскуларно здравје. Бројни светски научници препорачуваат што почесто да се консумира боровинката.

Забраната била воведена дури во 2003 година, но властите дури сега одлучиле строго да го применат овој закон, после тужбите на муслиманите кои не знаеле дека рестораните послужуваат јадења во кои алкохолот е една од состојките.

Според натписите на весникот повеќе сопственици на рестораните не се сложуваат со одлуката, тврдејќи дека поради оваа одлука нивните јадења ќе ги изгубат специфичните вкусови.

Одлуката на властите во Дубаи не се однесува на алкохолот што и понатаму се послужува по рестораните и хотелите што имаат посебни дозволи, наведува „Д Нешнл„

Сосовите за скара може да бидат добри за вашето здравје, открија научниците. Студија која ја изработи тим на биолози откри дека популарните сосови содржат спектар на мириси, овошје и зеленчук кои содржат природни антиоксиданси.

Тоа се хемиски соединенија, кои се борат со болестите поврзани со староста, како што се рак, срцевите проблеми, мозочните удари, алцхајмеровата болест, артритисот и катарактот.

Антиоксидансите се познати во борбата против штетните молекули наречени слободни радикали кои му штетат на организмот.

Студијата, која што ја спроведоа научниците од Универзитетот во Западен Онтарио во Канада, открија дека скара сосовите се преполни со здрави состојки кои можат да го зајакнат имунолошкиот систем на луѓето.

- Билките и зачините се одличен извор на антиоксиданси, а тие особено ги има во сосовите кои се користат во храната, изјави Др. Рејмонд, лидер на истражувачкиот тим.

Научниците при истражувањето пронашле голема количина на антиоксиданси во седум сосови.

Сланина, колбаси, јајца, печурки, домати и пудинг. Ако ова сте одбрале да појадувате, тогаш вие сте го одбрале најздравиот можен начин за започнување на денот, тврдат научниците.

Обилниот и калоричен појадок е корисен за здравјето, откриваат научниците. Јајцата и останатите горенаведени производи се подобар појадок од житарките и овошјето. Ова е револуционерно откритие, бидејќи до сега сите студии покажаа дека висококалоричниот појадок беше оценет како штетен по здравјето.

Меѓутоа, ваквиот обилен појадок го подготвува организмот за остатокот од денот и така му помага во согорувањето на калориите. Разните житарки тоа не можат да го направат бидејќи не се доволно енергетски моќни.

Сепак, бидете внимателни. Такво обично јадење е само за појадок, напомнуваат научниците. По таква утринска гозба, треба да следи средно обилен ручек и многу лесна вечера.

Ова се интересни резултати добиени од голема анкета која ги опфати прехранбените навики. Со ова уште еднаш се покажа дека појадокот навистина е најважен оброк во денот и неговото избегнување може да предизвика здравствени проблеми, но и проблеми со дебелината.

Малините незаменливи во диеталната исхрана

Малините се мошне ценето овошје поради пријатниот, ароматичен и освежителен вкус и мирис, и тоа како десертно овошје и како мошне важна суровина за приготвување на сирупи, овошни сокови, освежителни напивки, слатко, желеа...
Нивната хранливост ја сочинуваат околу осум отсто овошни шеќери, еден отсто белковини и околу 0,6 отсто масти. Поради тоа што содржи лимонска, јаболкова и други овошни киселини, малините имаат диететски и лековити својства.
Според содржината на витамините, малината е посиромашна од другите овошја: во 100 грама има 13-20 милиграми витамин Ц, зависно од сортата, а потоа и нешто витамини Б1, Б2, ПП и други. Содржи и значителни количества на калиум, калциум, фосфор, железо.
Поради соодветната разлика на шеќерите и киселините (8:1,6), малината е со освежителен вкус, а со оглед на малата содржина на белковините, има значително место во диеталната исхрана кај болните од бубрези и кај ревматичарите. Најдобро е да се јадат свежи, веднаш по берењето.

Само еден рибји оброк неделно го намалува ризикот од болести. Стручњаците препорачуваат конзумирање риба два пати неделно; еден оброк би требало рибата да биде богата со масло: сардини или харинги поради омега-3 масните киселини. Исхраната со риба го продолжува животот за 3 години

Златно зрно за уживање

Се претпоставува дека Колумбо уште од своето прво патување во 1492 година донел семки од пченка, но требале речиси стотина години таа да се одомаќини во Европа.
Модерната технологија овозможи пченката, конечно, да влезе и во гурманските специјалитети, обликувајќи ја во инстант брашно, гриз, снегулки, зрна во конзерви или замрзната. Оваа последна варијанта можете и сами едноставно да ја подготвите: пченката во клавчиња кратко проварете ја во вриена вода, веднаш изладете ја со ладна вода, исушете ја добро, па замрзнете ја. Или, истружете ги зрната од варената пченка, па замрзнете ги.
Зрната од пченка можете да ги динстате на путер како прилог, да ги измешате во салати или со варен ориз. Или, поврзете ги пченкарните зрна и исцедена туна од конзерва со мајонез, јогурт и со сок од лимон. Ако во оваа комбинација додадете варен ориз или варени тестенини, исечкани пиперка, домати, тврдоварени јајца, маслинки и зачини, ќе добиете раскошни салати кои може да бидат и главно јадење.
Палентата кај нас сè уште се смета како храна за сиромашните, но Италијанците направиле вистински култ од пченкарното брашно. Во нивните гастрономски списанија, но и на масите во познатите ресторани, задолжително ќе најдете слатки и солени специјалитети од жолта, бела или интегрална палента.

* Лековитост

Исушената пченкарна свила се употребува како диуретик. Се користи против болести на мочните патишта, срцеви болести со појава на едеми, против гихт и ревматизам.
Ако пченкарната свила не е исушена во целост, тогаш се намалува излачувањето на мочта, а се забрзува и чистењето на организмот.

* Пченкарно брашно

Богатството на пченкарното брашно е во тоа што содржи витамин А, кој, инаку, воопшто го нема во пченичното брашно. Интересен е, на пример, и податокот дека во нашата земја се одгледуваат видови пченка кои се најквалитетни и дури имаат поголем процент белковини од другите, за 10 до 12 отсто.

Грав и зелка за јаки вени

Во текот на летните горештини многумина се жалат на тешки нозе. Како продукти, на пример лубеницата, интегралните производи и лукот, може да ви помогнат да излезете на крај со тој проблем, советува виенскиот здравствен стручњак, професорот Хадемар Банкхофер. Специјалните активни супстанцу ги јакнат ѕидовите на вените и венските залистоци. За да може врзното ткиво на венските ѕидови да ја задржи затегнатоста и да остане еластично потребни се витамините Б6 и Б12, кои ги има во интегралните производи, во киселата зелка и во печурките. За да бидат вените јаки, мошне се важни и аминокиселините пролин и глицин. Нив ги има во рибата, производите од соја, гравот и грашокот. Важна улога игра и колагенот, кој влијае вените да останат млади. За да може нашиот организам да произведе колаген, потребен му е микроелементот цинк. Поради тоа, професорот Банкхофер советува да се јаде пченка, коренест зеленчук и мешунки. Исто така, витаминот Ц ги зацврстува вените, а го има во киселото овошје, магдоносот и во пиперките.

Исхраната богата со калиум помага во заштитата од остеопороза, покажа американската студија која опфатила 60 жени во климактериум. Исхраната со висок процент на сол го извлекува калциумот од коските, а калиумот може да ја намали таа штета и да го запре забрзаниот процес на губење коскена маса. Затоа јадете овошје и зеленчук богати со калиум, пред се, банани, дињи, компири и домати.

Компирот - рудник на енергија

Компирот е богат со глициди, супстанци кои на организмот брзо му обезбедуваат енергија, па на спортистите им се препорачува три часа пред тренингот да јадат компири за да избегнат хипогликемија и да го зголемат нивото на шеќер во крвта за време на засилениот физички напор. Компирот содржи и 22 минерали, пред се калиум, важен за правилна контракција на мускулите и работатата на срцето, железо и магнезиум, чии недостатоци предизвикуваат чувство на замор, а не е занемарлива ни содржината на целулоза која ја забрзува работатата на цревата.

* 150 мл какао - 2-6 мг
* 200 мл чај - 6-30 мг
* 125 мл зелен чај - 20-50 мг
* 200 мл кола напивки - 30-70 мг
* 50 мл еспресо кафе - 50-60 мг
* 125 мл филтер кафе - 60-100 мг
* 250 мл енергетска напивка - 80 мг

Совети од кујната

* Похуваните потврди домати можете да ги послужите како предјадење со сос од мајонез.
* Најдобри се младите тиквички кои имаат од светло до темнозелена боја, а должината на плодот е околу 15 сантиметри. Во тој стадиум светлозелениот месест дел од тиквичките цврсто е сраснат со семките.
* Кога додавате пире од домати во јадење со месо, на пример, во гулаш, направете го тоа кога месото веќе е омекнато, зашто киселоста на доматите го забавува омекнувањето на месото.

Информации за оризот

Целерот секогаш е здрав

Сеедно како го подготвувате - како составен дел од зеленчукот за супа или исечен и пржен заедно со шницли или можеби рендан како салата - целерот секогаш е здрав. Покрај етерските масла што неговиот вкус го прават толку неодолив, содржи и многу железо (за анемичните) и витамин Е (за подмладување).

Каки, национално јапонско овошје, е мошне слатко и дава енергија. Под портокаловата лушпа се наоѓа огромно количество бета-каротин. Откако ќе созрее, какито е релативно меко и без дамки. Се јаде слично како и кивито, т.е. се сече на половина, се посипува со малку сок од лимон и се лупи кожичката.
Покрај тоа што е вкусен, плодот на ова јапонско јаболко и лекува. Се користи во случај на проблеми со цревата (запек, воспаленија и инфекции), желудникот (лошо варење), хемороидите, со масен црн дроб. Сокот исцеден од плодот го намалува високиот крвен притисок, дејствува смирувачки и го јакне имунитетот.

Во текот на есента и почетокот на зимата кивите се враќаат во полн сјај. Во страв од настинките и грипот сè почесто го консумираме ова зелено овошје кое, за жал, го занемаруваме во останатиот период од годината. Кивите би требало да бидат задолжителен дел од вашето мени бидејќи освен подигнување на имунитетот, имаат и други моќни својства.

Кивите потекнуваат од јужна Кина, каде се нарекуваат национално овошје, а во почетокот на 20 век од таму се прошириле на Нов Зеланд. Кивите се одлична комбинација на мал број калории и максимално позитивно делување на организмот. Нутриционистите ги нарекуваат супер овошје, а во продолжение дознајте зошто.

Делува превентивно на астма и други респираторни болести

Една студија спроведена во Италија на 18.000 деца на возраст од 6-7 години покажа дека кивите делуваат позитивно на дишните органи. Резултатите покажаа дека децата кои јадат пет до седум киви неделно имаат за 44% помалку проблеми со дишењето. Позитивно делуваат на носните инфекции, како и на хроничните дишни болести, а посебно се добри за децата кои патат од астма.

Се бори против кардиоваскуларните болести

Консумирањето на едно киви секое утро има еднаков ефект врз здравјето на срцето како и аспиринот, додека истовремено не предизвикува никакви нуспојави и е потполно природно. Како богат извор на витамин Ц, го редуцира ризикот од срцев и мозочен удар.

Ги штити очите

Кивите се одличен извор на лутеин, природна состојка која ја има и во очите. Токму оваа состојка е многу важна за здравјето на нашите очи. Едно истражување покажа дека консумирањето на три киви дневно ја намалува дегенерацијата на окото, а особено го намалува ризикот за појава на макуларна дегенерација, што воедно е и еден од главните причинители на губењето на видот кај постарата популација.

За нега на кожата

Кивито е богато со витаминот Е, антиоксидант кој помага во борбата против разни оштетувања на кожата и делува делотворно на изгледот и здрајвето на нашата кожа.

Во борба против ракот

Овој антиоксидант има моќни својства кои делуваат како превенцијата на повеќе видови на рак. Бројни студии покажаа дека диеталните влакна на ова овошје ги отстрануваат токсините кои се наталожуваат во дебелото црево, што е многу корисно за превенција на рак на дебелото црево.

Делува позитивно и како превенција на ракот на кожа и на црниот дроб.

Го зајакнува имунитетот

Секој од нас знае дека кивите го зајакнуваат имунолошкиот систем бидејќи претставуваат богат извор на витамин Ц.

Но, мора да напоменеме дека треба да бидете внимателни. Ова моќно овошје консумирано во претерано големи количини може да предизвика алергиски реакции. Научниците предупредуваат дека луѓето кои се алергични на латекс, ананас и папаја треба исто така да избегнуваат и киви. Сепак, со едно киви на ден не може да се погреши.

Во 100 грама бамји има најмалку 84 милиграми калциум. Се берат зелени, недозреани и така се подготвуваат. Гумбо семките се користат и во производството на маргарин. Внимание, гумбо семките брзо се расипуваат, дури и ако се чуваат во фрижидер.

Видови ориз

Оризот е основа на здравата кујна. Видете ги само тие Кинези кои го јадат место леб. Оризот лесно заситува и содржи вредни белковини. Го има во разни варијанти.
* Азиски тип - се вари околу 8 минути на тивок оган, а откако ќе се тргне од рингла, се остава да отстои уште 10 минути.
* Див тип - се вари околу 20 минути на тивок оган, во покриено тенџере.
* Интегрален тип - се вари околу 25 минути.
* Ризото тип - се вари околу 30 минути на тивок оган.

* 1 белка со 1 лажица ленено семе + 3 чаши вода
* 1 јајце во колачите со 1 банана
* 1 јајце со 2 лажици скроб од компири
* 1 јајце со 1 лажичка сода бикарбона + 1 лажица вода + 1 лажица оцет

Маслинките посилни од антибиотик

Кога ќе се спомене маслинка прво се мисли на нејзиното масло, меѓутоа, и листовите од оваа билка се користат во лекувањето. Екстрактот од листовите содржи супстанци кои дејствуваат антибактериски, го јакне имунитетот, го намалува зголемениот крвен притисок, како и концентрацијата на шеќерот во крвта. Бројни медицински студии укажуваат дека помага и во случаи на синуситис, херпес, грип, воспаление на мочните патишта, зголемениот холестерол, артритис, гастритис и хроничен замор.

Киви за студените денови

Посветете внимание на исхраната во овие студени, зимски денови. Неопходно е вашето мени да биде богато со витамини и со хранливи материи. Овошјето, особено кога станува збор за витамините, е идеален избор. Кивито спаѓа меѓу најздравото овошје. Содржи витамини од Б- групата, А и Ц, но и нијацин, белковини, калциум и железо. Тоа е одлично овошје за идните мајки, зашто витамините од Б-групата помагаат во правилниот развој на фетусот. Ова овошје е значаен извор на калиум, кој го регулира крвниот притисок, а е богато и со фолна киселина, која ја потпомага синтезата на протеините. Супстанцијата лутеин го штити видот. Најдобро е да се јаде свежо секој ден во поголеми количества. Кивито го намалува холестеролот, ги неутрализира слободните радикали, ги зголемува одбранбените способности на организмот и ја потпомага елиминацијата на токсините од организмот.

Како да проверите дали јајцето е варено или не?

Во кои држави се пие компот?

Витамини од природата

Кога сме во мешаница и под стрес, често не стигнуваме ни да јадеме. Како последица на тоа, се поголем број луѓе се фаќаат за таканаречените средства за замена на храната. И тоа според мотото: една пилула на ден и снабдена сум со сите оние материи што се неопходни за мојот организам. Истражувачите на храна предупредуваат на предозирање со витамини или со минерални материи, зашто тие може да доведат до оштетувања како што се грчеви во стомакот или до дијареја. Исклучок се бремените жени и постарите луѓе. Во сите останати случаи важи: во меѓувреме изедете овошје - за тоа секогаш најдете време. Вкусно е, а има и доволно витамини.