Ким Клајстерс влезе во историјата на тенисот

Белгијката Ким Клајстерс влезе во историјата на УС Опен откако стана првата тенисерка која како неносител го освоила Флешин Медуос, а во исто време стана и првата мајка на која и успеало да освои Грен Слем после 1980 година. Последна мама на која и успеа ова беше Гуалагонг Коули на Вимблдон.

Ким Клајстерс дојде во Њујорк со вајлд-карта и успеа да победи. Во финалето ја совлада Данката Каролина Возњачки со 2:0 во сетови, 7:5 и 6:3.

Навистина двете тенисерки кои неочекувано се најдоа во финалето понудија одличен тенис, особено во првиот сет кога сервисот и на двете не функционираше, па во тој сет имаше дури 7 брејка.

Возњачки сервираше за сет, но во тие моменти Клајстерс одигра фантастично имаше неколку одлични ритрна и успеа да направи брејк, да го добие својот сервис и повторно да направи брејк за да го добие првиот сет.

Во вториот сет и беше нешто полесна задачата и заслужено победи. Белгијката направи брејк за да поведе со 4:2 и до крај и двете одиграа сигурно на свој сервис.

Ова беше втора Грен Слем титула за Клајстерс на УС Опен. Првата ја освои во 2005-та. Со овој триумф ќе се врати во топ 20 на ВТА листата. До овој трофеј мораше да помине преку двете сестри Вилијамс.

За Возњачки ова беше прво Грен Слем финале во кариерата.