БИ БИ СИ ЌЕ ПРАВИ РЕПОРТАЖА ЗА МАКЕДОНИЈА И КРУШЕВО

Телевизиска екипа на Би Би Си ќе престојува една недела во Македонија за да направи репортажа за земјата, за Крушево и за неговата етно манифестација што е во тек.

Крушево преплавено од туристи

http://a1.com.mk/vesti/novinar-email.asp?NovinarID=87&VestID=111924 - Дарко Штаргоски	http://a1.com.mk/vesti/default.aspx?VestID=111924#komentari - Коментари (5)

„Еј народе, чујте и почујте, ова е нов ден од етно градот во Крушево, бујрум повеле посетете не има многу што да се види, еј народе“.

Со овој проглас на барабанџијата кој секое утро шета низ старата крушевска чаршија започнува секој нов ден од манифестацијата етно град. Градот е преполн, чаршијата и кафеаните имаат луѓе како никогаш до сега. Комитите, турците и староградските носии предизвикаа невиден интерес кај туристите кои го преплавија градот.

„Сите крушевчани се влезени во филмот на 1903-та година, сите се облечени маскирани и среќни, бидејќи сега со оваа идеја имаат да мислат на нешто подобро и дека во Крушево може да се случи убава работа“, изјави Ранко Петровиќ, автор и идеолог на востанието..

Бројот на туристи е зголемен за 100 проценти, целиот град е вклучен во туристичкото востание и сите крушевчани живеат во филмот од 903-та.

„Посетата на Крушево за овие неколку денови е енормно зголемена, а исто така може да се каже дека целиот град е сега излезен во чаршијата и младите и старите крушевчани, атака да овој настан се покажа како полн погодок“, вели Калиопи Бојчиноска, директор на историски музеј Крушево.

Кај т.н. актери, облечени во Турци и комити има учесници од 7 до 60 години. Крушевчани се пресреќни бидејќи конечно нешто го заживеа градот и предизвика голем интерес.

„Има многу заинтересирани луѓе кои сакат да се сликаат со комитите, градот живна посетата е голема сега тука се враќаат и голем крушевчани кои се иселиле од тука за да ја видат манифестацијата“, вели Симе Србиноски, комита, учесник на манифестацијата.

„Пресреќни сме што ова се случува во нашиот град сите сме вклучени во проектот и на големо го поддржуваме“, истакна Санде Мојчески, Турчин, учесник на манифестацијата.

Најзадоволни сепак угостителите, за маса во кафулињата во старата чаршија се чека и по половина час.

„Многу туристи доаѓаат. Се разработи Крушево, многу е убаво и мислам овој проект ќе го спаси Крушево“, рече Бранко Лазарески, угостител.

Веќе започнаа да пристигнуваат и туристи од странство, екипата на А1 сретна група туристи од Украина.

„Ние сме за прв пат тука, ова е многу убав мал град, сите се многу љубезни, прекрасно е тука“, вели турист од Украина.

„Овде е многу невообичаено, луѓето се прекрасни, сите се насмеани, восхитени сме од тоа што вчера сите танцуваа на улица“, вели турист од Украина.

Наредниве денови за прв пат после 20 години во Македонија BBC ќе снима тука промотивен спот за овој настан.

Нови денови за востание во костими

Од недела, 24 јули, одново почнува летното туристичко востание (трет пат) во Крушево, со свечено отворање пред споменикот „Илинден“

„А„Ако го вратиме Крушево сто години во минатото, големи се шансите да го фатиме чекорот на иднината“, кажа пред четири години тогашната градоначалничката на Крушево, Лефка Гаџовска, промовирајќи го проектот „Крушево - етноград“. Дури и кога ќе се слушне вакво нешто по одредена временска дистанца и понатаму звучи како шеговит афоризам. Но, и покрај навидум шегобијниот пристап, „Крушево - етноград“ веќе трета година е манифестација што се случува и го извлекува градот на востанието од асоцијацијата на „Твин пикс“, која е запишана како несмасен графит на таблата од влезот во Крушево.

На шега - на смеа, но од утре, 24 јули, одново почнува летното туристичко востание, со свечено отворање пред споменикот Илинден. Идеологот на ова туристичко востание, неформален војвода и ентузијастички пијар (пропагандист) на манифестацијата, Ранко Петровиќ, ненаметливо, но упорно ја спроведува идејата дваесетина дена во Крушево, граѓаните, туристите, политичарите, културно-естрадните ѕвезди да ги костимира и да ги стави во времепловот на Илинденското востание. Со идејна и материјална поддршка од Општината Крушево и Историскиот музеј, градот дваесетина дена (со тенденција да трае и подолго), враќајќи се сто години наназад, настојува да ја дофати надежта за посреќна и поудобна иднина. Годинава се очекуваат 3.000-4.000 туристи во тие денови на туристичко востание, а за нивна анимација се организираат разни тематски вечери (турска, чорбаџиска, вечер на серенади...) и некои други активности , што ќе ја зацврстат позицијата и идејата за „Крушево - етноград“.

Кога во недела, во 19 ч., Ранко Петровиќ Бубамара ќе се обрати со новиот туристички манифест, веројатно, во стилот: „Браќа, сестри и мили комшии,

денеска од слободно Крушево, пред споменикот Илинден, продолжува идејата за КРУШЕВО ЕТНОГРАД, започнува новото, овој пат туристичко востание. БРАЌА, Брзаме да Ви го честитаме востанието!... Ве поздравувам, сите вас храбри јунаци што денеска сте тука и ја поддржавте идејата за КРУШЕВО ЕТНОГРАД. Воедно ги охрабрувам сите, и сеирџиите и кодошите и дезертерите да се приклучат кон нашето туристичко востание напорно да работат, бидејќи без нив нашата победа нема да биде толку голема и слатка. Како крушевски локум...“, значи дека поканата е отворена, за сите оние што сакаат да го почувствуваат историскиот времеплов со забавен карактер.

Побрзајте да си го честитате востанието