Задушница не е гробна гозба

На празникот треба најважна да биде молитвата за спокој на душата на починатиот, а не гозба со која му се угодува на стомакот, вели свештеникот Стојан Пајковски, од црквата „Свети Димитрија“

Парите потрошени за храна што се остава на гробовите, подобро да се донираат во народни кујни или во детски домови

На покојните им се потребни помени со свеќи, цвеќе, пченица, лепче и малку вино, а не со храна, пијалаци и вистински гозби, им порачуваат свештениците од Македонската православна црква на верниците, спроти претстојниот верски празник Духовден. Тие реагираат и против ноќните бдеења на гробиштата, бидејќи тоа не е својствено за православната христијанска традиција.

Свештениците на МПЦ ги повикуваат граѓаните да престанат со таквото одржување, бидејќи тоа претставува непотребно расипништво. Задушница или Духовден се верски празници со кои двапати годишно им се одава почит на починатите. Но, почитта не треба да се изразува преку раздавање храна на гробовите на покојните.

- Тоа што луѓето го прават на Задушница не е во духот на празникот. Таму најважна треба да биде молитвата со која ќе го молиме Господ да и' даде спокој на душата на починатиот. Но, не ретко се случува да се прават гробни гозби со кои најмногу му се угодува на стомакот. На тој празник најважно е луѓето да дојдат со смирено срце, да запалат свеќа која ќе им го осветли патот на душите на покојниците - вели еден од најстарите скопски свештеници, Стојан Пајковски, од црквата „Свети Димитрија“.

Митрополитот европски Пимен, во колумна во „Дневник“ ги повика верниците, наместо непотребно да трошат пари за храна што ја оставаат на гробовите, тие средства да ги подарат на народни кујни или на детски домови.

- Настанува и натпревар кој повеќе ќе донесе на гробот за раздавање, со мисла дека храната и пијалакот оставени на гробот ќе ги изеде и испие починатиот. Молитви и давање милостина се полезен начин да се направи нешто во име на починатиот. Порано, се правеле заеднички ручеци за сиромашни и за бездомници, а храната на гробовите се оставала за оние што ќе поминат, ако се гладни, да се послужат како спомен за покојникот, но не и со верување дека тој ќе стане да јаде - наведува митрополитот Пимен.

Скопјанката Светлана Деспотовска наведува дека многу често била сведок како празникот Задушница се претвора во веселба.

- Гледав како на гробишта се носат и касетофони, па откако во текот на ноќта ќе се испијат повеќе чашки ракија, се пушта и гласна музика, па некој што е поднапиен почнува да пее. Тоа сигурно не е во ред - вели таа.Од градските гробишта „Бутел“ наведуваат дека одбележувањето на Задушница секоја година им создава големи комунални проблеми. Директорот Илија Филиповски смета дека е крајно време да се влијае врз граѓаните да ја сменат традицијата со носење храна и пијалаци.

- Ни се случувало по секој празник да ангажираме и по седумдесетина камиони за да го соберат сето она што е оставено на гробиштата во тие денови. Последниве години тоа количество е намалено, но проблем и натаму постои. Ние не можеме да им забраниме на луѓето да раздаваат храна на други луѓе или да ја оставаат на гробовите. Апелирам, бидејќи тоа се пагански обичаи, тие помени да се прават на поинаков начин, со цвеќе, свеќи и пченица - вели Филиповски.

Зголемен број автобуси до Бутел

За верскиот празник Духовден, редовниот градски автобуски превоз кон гробиштата Бутел ќе биде засилен со дополнителен број автобуси на Јавното сообраќајно претпријатие „Скопје“.

Автобусите в петок ќе сообраќаат според неделниот возен ред, а засилување ќе има во терминот меѓу 10 и 16 часот, со вклучување на дополнителен број автобуси на линијата број 59. Во истиот ден, линијата 51а/1 ќе тргне во 7.05 часот од селото Студеничани, а линијата со број 11/1 ќе тргне во 5.50 часот од селото Рашче. Линиите 55/6, 74/1, 74/2, 47а/1, 56/2, 56а/1 и 81/1 ќе работат според делничен возен ред. В сабота автобусите ќе сообраќаат според неделниот возен ред, а во периодот меѓу 7 и 16.30 часот ќе има дополнителен број автобуси, кои ќе бидат вклучувани во зависност од потребите на граѓаните. Граѓаните за возниот ред на автобусите на ЈСП може да се информираат на телефонскиот број 3 173 224.

Бранко Ѓорѓевски

Модераторе и Алдра, назад на темата! Муабетот продолжете си го во посоодветна тема или во општо и неврзано.

Се разбира мила, прочитај на 2-та страна од оваа тема, првиот коментар.

Православните христијани в недела го слават роденденот на црквата, народски познат како Духовден. Со него завршува годишниот циклус на верски празници и почнува новиот календар на празнување според православната традиција и религија. Според христијанските писанија на овој ден врз 12 свети апостоли во вид на огнени јазици се излеал Светиот Дух и тие почнале да зборуваат на различни јазици. Еден ден пред празникот е најголемата Задушница во годината, кога луѓето ги посетуваат гробовите на своите блиски за да се сетат на нив и да раздадат храна во нивно име. Народски верувања се дека во деновите пред Духовден почесто се сонуваат починатите, а луѓето мислат дека тогаш е Велигден за мртвите, па затоа и на овој ден носат црвени јајца на гробиштата. - Петнаесеттина дена пред Задушница, луѓето сонуваат како се на полна трпеза или на свадба. Ги сонуваат своите покојни роднини, како им бараат облека или нешто за јадење, па затоа на овој ден луѓето одат на гробишта и носат храна и облека, која ја раздаваат “ вели Драгица Стефковска, новинарка, добротвор и толкувач на сонови. Според неа, постои верување дека душите што не се опеани со посмртно опело шетаат надвор од гробовите. Тоа се најчесто луѓе што загинале во земјотреси, големи несреќи, чиишто тела не биле најдени и не биле соодветно погребани. Во Македонската православна црква објаснуваат дека луѓето ја поистоветуваат Задушницата со Духовден, но тие немаат исто значење, затоа што празникот е радосен, а не тажен. - Ова е голем празник, кој се слави три дена, како и Велигден и Божик. Луѓето го мешаат Духовден со Задушницата в сабота, затоа што името на празникот кај нашите луѓе асоцира на мртви и на гробишта. А на празникот, всушност, го славиме слегувањето на Светиот Дух врз апостолите и со тоа се става печат на новиот завет на Бога со луѓето “ објаснуваат свештениците од скопската црква „Свети Димитрија“. Празникот уште се нарекува и Педесетница, затоа што се поминати педесет дена од Велигден. Првиот ден, односно неделата црквата го посветува на Света Троица и тој во народот се нарекува Троицин ден, а на вториот се слави Светиот Дух, заради што и се нарекува Духовден. Во многу македонски цркви и манастири што го носат името на света Троица на овој празник се организираат слави со богати трпези и народни веселби.