Диетите водат до опаѓање на косата кај жените

Маската за коса со кромид е моќна исхрана на главата заради минералите и витамините кои се наоѓаат во овој плод.

Таа ја хидрира кожата, го спречува опаѓањето на косата, ја подобрува структурата на влакото и го забрзува растот.

Со помош на оваа маска ќе се ослободите и од првутот, па затоа е одлична алтернатива за скапите козметички препарати кои најчесто и не се делотворни.

Ова е единствениот рецепт кој ви е потребен за домашна нега на косата:

• 2 супени лажици свежо исцеден сок од кромид
• 1 супена лажица мед
• 1 супена лажица мајонез
• 1 супена лажица маслиново масло

Сите состојки добро промешајте ги и втријте ги на главата. Ставете капа за туширање или обична кеса. Главата замотајте и во пешкир.

Маската чувајте ја 1 час, по што ќе ја измиете со благ шампон и умерено топла вода.

За постигнување на долгорочни, позитивни резултати маската применувајте ја 2 пати неделно.

Есента е период кога луѓето се најмногу склони да развијат косопад, а често оваа непријатна состојба е поврзана и со прекумерениот стрес, менопауза, бременост, загуба на телесна тежина и слично.

Доколку од неодамна сте се соочиле со поголемо опаѓање на вашата коса, тогаш следниот домашен рецепт е вистинскиот за вас.

Домашен шампон против косопад

Најпрво, ќе биде потребно да купите шампон на природна база со неутрална рН вредност. За таа цел, може да употребите најобичен детски шампон. Природниот шамон се користи како основа во овој рецепт, а во истиот потребно е да додадете 3 клучни состојки.

1. Етерично масло од рузмарин

Маслото од рузмарин придонесува за зголемување на крвотокот при скалпот, при што на овој начин е гаранција за целокупното здравје на косата.

2. Етерично масло од лимон

Маслото од лимон ќе ја освежи косата и воедно важи за одличен антисептик.

3. Две капсули витамин Е

Капсулите може да ги пронајдете во аптека, а истите ефикасно ќе го спречат косопадот.

Начин на подготовка

Додадете 10 капки етерично масло од рузамрин и 10 капки од етеричното малсо од лимон во шампонот. Следно додадете ги и капсулите витамин Е и добро протресете го шишето со шампон, пред истиот да го употребите.

Начин на употреба

Од голема важност е вака приготвениот домашен шампон да го користите секој ден. Нанесете го на врвот на косата и со нежни масирачки движења и триење, распространете ја добро смесата на скалпот. Оставете ги состојките да дејствуваат 10 минути, а потоа исплакнете со топла вода.

По неколку недели редовна употреба, ќе ги добиете посакуваните резултати!

Уште на почеток, експертите појаснуваат дека паѓањето меѓу 60 до 100 влакна дневно, не е сигнал за загрижување. Но, за време на стресни ситуации, ова количество може значително да се зголеми.

Доколку количество ја надмине нормалата, тогаш е потребно навремено да реагирате.

За таа цел, денес ви откриваме еден многу едноставен, евтин и моќен трик како да ставите крај на овој проблем, во домашни услови.

Домашна пивска маска за растење на косата

Потребни состојки

• 200 мл пиво
• Половина банана
• 1 супена лажица мед
• 1 жолчка

Начин на подготовка и употреба

Поставете ги бананата и жолчката во блендер и добро измешајте ги. Следно, додадете мед, исипете го и пивото (пивото претходно затоплете го) и повторно измешајте ги сите состојки заедно, користејќи го блендерот.

Нанесете ја добиената смеса на скалпот, користејќи ги врвовите на вашите прсти. Третманот треба да се нанесе на чиста и влажна коса. Најпрво масирајте ја вашата коса нежно, а потоа завиткајте во крпа, но не заборавајте претходно да ставите пластична капа.

Оставете ја маската да дејствува 2-3 часа, а потоа обилно исплакнете со топла вода.

Користете ја маската 2 пати неделно.

Зошто оваа маска е ефикасна?

Пивото е моќен извор на витамини од групата Б, кои се неопходни за потхранувањето и нормалното функционирање на фоликулите на влакната. Тоа воедно содржи фосфор, железо и магнезиум- чудесна комбинација на елементи кои го поттикнуваат процесот на растење на косата, правејќи ја истата значително погуста.

Есента и зимата се периодите од годината во која луѓето се најмногу склони кон развивање косопад. Тоа се должи на фактот што во текот на летото, косата била изложена на поинтензивни фактори, што значително ја ослабнале.

Како резултат на тоа, таа започнува да паѓа, да станува потенка. За да го спречите овој непријатен процес, потребно е вашата коса да ја потхраните со правилните природни производи.

За таа цел, денес ви претставуваме 3 волшебни домашни рецепти, кои се подготвуваат многу едноставно, а се неверојатно ефикасни!

1. Маска со рузмарин

Рузмаруинот е билка со чудесни својства. Таа го стимулира растот на косата, ја подобрува текстурата на влакната и ја подобрува нивната густина.

Потребни состојки

• 2-3 супени лажици ситно исечен рузмарин
• 1 шолја вода

Начин на подготовка

Сварете ја водата, а потоа додадете го во неа и рузмаринот на неколку минути. Прецедете ја добиената течност и оставете ја истата да се излади. Масирајте ја претходно измиената коса со шампон, со домашниот раствор. Откако истиот добро ќе го нанесете на косата, оставете го да отстои 15 минути, а потоа само исплакнете, без повторно да ја миете вашата коса.

2. Маска со зелен чај

Зелениот чај е исклучително богат со антиоксиданти. Тие ги обновуваат влакната и го спречуваат нивното понатамошно оштетување.

Потребни состојки

• 1 жолчка
• 2 супени лажици зелен чај

Начин на подготовка

Измешајте ги состојките, откако претходно сте го свариле и изладиле чајот. Добиената смеса нанесете ја врз вашиот скалп со помош на четка или масирајќи со вашите прсти. Оставете ја маската да дејствува 20 минути, а потоа измијте со ладна вода и добро исплакнете. Протеините во оваа маска длабоко ја потхрануваат косата и ја подобруваат состојбата на скалпот.

3. Маска со пченичен микроб, лимон и павлака

Лимонот ја прочистува косата и ги отстранува масните наслаги при истата, со што се смета за природен ексфолијант. Пченичниот микроб длабоко ги потхранува влакната, а павлаката ги хидратира и косата и кожата.

Потребни состојки

• 2 лимони
• ¼ кисела павлака
• ¼ масло од пченичен микроб

Начин на подготовка

Измешајте ги состојките во еден сад, откако претходно сте го исцедиле природниот сок од лимоните. Добро измешајте ја маската, а потоа нанесете ја по целата должина на косата, од коренот до врвот. Оставете да дејствува околу 90 минути, а потоа измијте ја вашата коса. Маската ги одзатнува порите на скалпот, ги отстранува масните наслаги и го помага обновувањето на косата.

Секоја дама мечтае за густа и здрава коса. Хемиските и термички процеси резултираат со значителни штети, при кои косата станува кршлива и склона кон опаѓање.

Бројните купечки производи понекогаш немаат ефект, а пронаоѓањето на идеалниот шампон може да биде невозможна мисија, но и да нè чини скапо.

За таа цел, денес ви споделуваме совршена алтернатива- домашно приготвена медена маска, која ефикасно ја прочистува косата и чудесно ја зајакнува. При нејзина редовна употреба, косата добива сила, волумен и сјај, а воедно се подобрува и забрзува и нејзиното растење.

Домашна медена маска за коса

Потребни состојки

• 1 жолчка
• 1 кафена лажица течен мед
• Половина супена лажица сенф во прав
• 1 супена лажица чичково масло

Количеството на состојките може и да се зголеми, во зависност од должината на косата.

Начин на подготовка

Измешајте ја жолчката и додадете го медот и сенфот и добро измешајте ги состојките заедно, а потоа додадете го и чичковото масло и повторно измешајте ги состојките.

Доколку смесата е премногу густа, може да додадете малку вода.

Добиената маска се распределува по целата должина на сувата коса и се остава да отстои 15 минути, а потоа е потребно косата да ја измиете со топла вода. Температурата на водата е многу важна, бидејќи врелата вода може дополнително да ја оштети косата.

Иако многумина стравуваат од мирисот на жолчката, истиот набрзо исчезнува, по темелно миење на косата.

Потребно е определен период на време за да ги видите резултатите и редовно да го практикувате нанесувањето на маската, но по само неколку месеци, косата ќе го врати својот сјај и ќе се ослободите од проблемот со косопадот.

Зошто оваа маска е ефикасна?

• Сенф: Го стимулира протокот на крвта кон влакната, ги потхранува нивните фоликули, кои допринесуваат за растот на косата и ефикасно го елиминира првутот.

• Мед: Ја прави косата погуста, ја зајакнува и потхранува, го смирува скалпот и дава убав сјај.

• Жолчка: Ја закрепнува и обновува косата, ја зголемува нејзината еластичност, го спречува косопадот, го активира растот и благопријатно делува врз состојбата на скалпот.

• Чичково масло: Ја заканува косата, го запира косопадот и ја спречува појавата на првут.

Без разлика на која возраст се, 18 или 60, речиси секоја дама мечтае за беспрекорно луксузна и раскошна коса со совршен волумен. Но, токму сега во есента поретко изглегуваме на чист воздух, а пак се изложуваме на надворешни фактори, од голема важност е правилно да се грижиме за косата.

Денес ви откриваме како да ја подготвите најдобрата домашна маска проти косопад, за која ќе ви бидат потребни само 3 состојки. Истата содржи коњак, кој уште од дамнешно време е познат по тоа што ја зајакнува косата и значително го забрзува нејзиниот раст. Бадемовот масло ја одржува хидратацијата на корените, а јајцето го спречува прекумерениот првут.

Најефикасната домашна маска против косопад

Потребни состојки

• 1 супена лажица бадемово масло
• 1 супена лажица коњак
• 1 жолчка
• Малку лимон, по желба

Начин на подготовка и употреба

Во соодветен зад, добро измешајте ги сите состојки заедно до добивање на една соединета смеса. Со помош на четка или прсти, нанесете ја маската врз целата коса, распоредувајќи ја подеднакво, започнувајќи од корените. Потоа завиткајте ја косата во крпа, бидејќи топлината ќе бидете вашиот најголем сојузник, кој ќе го зајакне ефектот на состојките. По половина час, измијте ја косата со топла вода и подобро исплакнете ја со шампон.