- Најдобрите проекции говорат дека имаме помалку од 100 месеци да го промениме однесувањето пред да ризикуваме сигурно да дојде до катастрофални климатски промени и со нив - незамисливи ужаси! - предупреди британскиот престолонаследник, принцот Чарлс на средбата со околу 150 деловни луѓе во Рио де Жанеиро, за време на својата турнеја по Латинска Америка. Тој, како што пренесува српски "Блиц", додал дека сегашните проблеми "ќе бидат ништо во споредба со целосниот ефект на глобалното затоплување врз светската економија". Во тој контекст тој ги навел големите миграции на луѓе кои ќе бегаат од поплави или суши, несигурното производство на храна, недостигот од вода, растечката социјална нестабилност и потенцијалните судири. Принцот нагласил дека тоа ќе се одрази на добросостојбата на секој човек, жена и дете на планетава и повика на итни чекори за спречување на сечата на шумите и емисијата на гасови кои предизвикуваат ефекти на стаклена градина.

"Стравувам дека се наоѓаме во одлучувачки момент за светската историја", им рекол тој на бразилските бизнисмени и државни претставници во Рио де Жанеиро. "Глобалната рецесија е многу пострашна од преживеаното на поколенијата досега", оценил британскиот принц и додал дека зголемените барања на енергетски ресурси и храна создава потенцијална "политичка нестабилност на секој континент". Принцот Чарлс рекол дека глобалната економска криза е најлоша во повеќе генерации и дека одржливиот рзвој е најдобриот и можеби единствениот начин да се обезбеди идниот економски раст. Во Рио тој оствари средба и со бразилскиот претседател Луис Инацио Лула да Силва, како и со други високи бразилски функционери. Во агендата му стои и посета на градовите Манус и Сантарем во џунглите на Амазон, пред да отпатува за Еквадор во недела.

Princov preogja vo Prorokot Charls ili pak si go diga rejtingot?