Британски патеписец во земјава ги бара трагите на Александар Македонски

"Со епрувета во која има малку вата, лондонскиот патеписец Метју Лиминг деновиве во Скопје, но и во другите градови во земјава собира примероци од плунка од случајно избрани Македонци, кои ќе бидат употребени да се докаже дека потомците на античките Македонци живеат тука во Македонија. Лиминг е патеписец, а не историчар или научник, но со голем ентузијазам му пристапува на истражувањето, обидувајќи се да собере што повеќе примероци од земјава, кои ќе бидат научно истражувани во лабораторијата на Универзитетскиот колеџ во Лондон.

Неделава тој спроведува генетичко истражување на голем број мажи од земјава, чии примероци од плунка, заедно со претходно собрани мостри од северна Грција, ќе бидат споредени, со цел да се откријат врските со генетичкиот материјал собран во Авганистан. За околу два месеца Лиминг се надева дека ќе имаат некаква претстава за резултатите од истражувањето на примероците од плунка и од крв земени во Македонија.

Во собирањето на мострите му помага проф.д-р Мирко Спироски, од Институтот за имунобиологија и хумана генетика, при Медицинскиот факултет во Скопје. Примероци ќе бидат земани само од определени делови на земјава. Лиминг вели дека најверојатно ќе бидат земани примероци и од Албанија, од педесетина луѓе, бидејќи, како што вели тој, 20 - 25 примероци е минимумот потребен за да се направи некоја генерализација.

"Ова е дел од еден поголем проект кој ќе се обиде да ја пронајде врската меѓу гените и јазиците. За таа цел на лабораторијата и се потребни што поголем број примероци од Балканот, објаснува Лиминг. Истражувањето ќе биде фокусирано само на мажи, бидејќи, како што објаснува Лиминг, Ѕ - хромозомот што го имаат само мажите е тој што дава најмногу податоци за потеклото на личноста, не се менува и се пренесува од колено на колено, од татко на син.

Лиминг вели дека е добро прифатен од луѓето во земјава, но постојат и такви кои се сомневаат во намерите на неговото истражување. Но, Лиминг објаснува дека примероците од крв ќе бидат искористени за повеќе истражувања, а ќе бидат земени примероци и од Роми, Срби, Турци и од Власи кои живеат во земјава. Тој смета дека, исто така, би било интересно да се споредат примероците на Власите со оние на Италијанците, за да се види дали постои генетичка сличност меѓу нив.

Собирањето на примероците се врши на тој начин што со вата се зема дел од плунката од усната шуплина, која потоа се чува во епрувета. Овие примероци ќе бидат споредувани со примероците земени во Авганистан. Споредба ќе се прави и со истражувањата на ДНК на македонското кралско семејство кои се вршат во Манчестер, од телото пронајдено во гробницата во Пела, а кое се претпоставува дека е на Филип Втори, таткото на Александар Македонски.

Резултатите од Авганистан сў уште се истражуваат, но вели дека ќе мора повторно да оди таму за да земе уште примероци. Метју Лиминг во Авганистан зел околу 1.000 примероци од два града Аи Кану и Черикан - Баграм, каде што ранетите и немошни војници на Александар Македонски останале да живеат, повлекувајќи се од битките. Тој собрал уште илјада примероци од деловите каде што живееле Авганистанци, во Кабул и во планините, по што ќе биде направена нивна споредба. Доколку се различни, постои можност да бидат слични со примероците земени во земјава. Затоа и сум тука, вели Лимиг, за да ја откријам поврзаноста со античките Македонци. Според него, оправдано е да се очекува дека резултатите ќе покажат дека потомците на античките Македонци живеат тука во Македонија.

"Верувам дека ќе ја пронајдеме врската меѓу примероците во Авганистан и во Македонија, со оглед на тоа дека, според Диадора, кога Александар стигнал во Авганистан, 20 илјади војници сакале да се повлечат и останале да живеат во некој од градовите што тој ги основал. Тоа е голем број војници и голема е можноста нивните потомци сў уште да живеат во Авганистан. Кога ќе излезе приказната, кога ќе биде снимен документарниот филм, ќе може светот да види дека Александар бил Македонец, а не Грк", вели овој британски патеписец.

За време на престојот во Авганистан, Леминг како и многумина пред него забележал деца со светла коса и очи, кои се разликувале од другите. Во однос на зебелешката дека тие можат да се поврзат и со Русите, Леминг вели: "Некои веројатно и се Руси, но луѓето ги забележале многу порано, пред да дојдат Русите таму, но и Марко Поло пишувал за тоа. Затоа тие не можат да се објаснат и да поврзат дека се Руси".

Паралелно со примероците од плунка што ги собира Лиминг, примероци од крв со истата група луѓе собира и Институтот за имунобиологија и хумана генетика при Медицинскиот факултет во Скопје. Целта е да се контролира истражувањето во Лондон, но и да се обезбедат примероци за понатамошни истражувања. Крвта која ќе биде собрана, вели Спироски, ќе биде доволна за истражувања во наредните 20 години.

Ima li nekoe dopolnitelno obavestuvanje okolu ova ispituvanje od togash, znae li nekoj?