Кандидатурата на Мируше Хоџа за претседателски кандидат е чин без преседан на македонската политичка сцена, за кој писателката Јасна Котеска, еден од најголемите истражувачи на родовата проблематика кај нас, изјави дека е многу добар показател.

- Ваквиот чин се должи на промена во свеста кај граѓаните и истовремено на фактот дека се приближува крајот на ерата на „астматичното“ општество, кое досега дишеше со еден бел дроб - изјави Хоџа по повод кандидатура.

Прва жена-кандидат за претседател, прва жена од албанската заедница, обременета со традицијата на долго исклучување на жените од општествените предизвици, Хоџа исчекорува од стереотипите и клишеата, сеедно што нејзината кандидатура, на политички план, се смета единствено за матење на сметките на преостанатите кандидати. За жените не е само тоа. Како што се приближуваат изборите, се засилуваат и повиците на комисиите за еднаква родова застапеност и на организациите што ја истакнуваат важноста на индивидуалното, наспроти семејното гласање, во кое жените беа најчесто злоупотребени.

Жената на 21 век во Македонија конечно се насочува кон ослободување од сите традиционални форми на родовите зависности.

Мируше Хоџа смета дека местото на жената во современото македонско општество е се уште на ниско ниво

Првата жена претседателски кандидат во Македонија

вреди да и посветиме неколку страници