Дискутирајте на темата.

Македонија во 2009 година ќе оствари значително намален раст во однос на претходната година и се проценува дека тој ќе изнесува околу 3%. Основна причина за ваквата прогноза е глобалната криза, која ќе се одрази врз три клучни елементи на македонската економија: извозот, приливот на средства и директните странски инвестиции.

Се очекува во 2009 година да се оствари најниската стапка на раст на глобално ниво, по Втората светска војна.Европа е веќе во рецесија и се очекува во тековната година да оствари негативна стапка на раст од -2%, рече Репник, потсетувајќи дека 60% од македонскиот извоз се пласира на европскиот пазар.

Три клучни мерки кои вообичаено се преземаат во вакви ситуации се инвестирање во инфраструктурата, подобрување на бизнис климата и заштитата на социјално најранливите слоеви, вели Репник, според кого македонската влада веќе ги преземала овие чекори.

Инвестирањето во инфраструктурата е особено важно за отворање на нови работни место, или во најмала рака задржување на нивото на вработеноста, рече Репник.Тој додаде дека владата веќе започнале неколку вакви проект, а на дел од нив СБ се јавува како партнер.

„Ја охрабруваме владата да продолжи со реформите за подобрување на инвестициската клима во земјата“, изјави Репник.Тој информираше дека според проценките на СБ, стапката на сиромаштија е 20% и за нејзино подобрување е потребно континуиран раст на економијата, од над 5%, но и да се осигура дека социјалната помош ќе пристигне на вистинското место.