Македонски војници во холивудски филм
Испечатено од: IDIVIDI forum
Категорија: Забава
Име на форумот: Филм
Опис на форумот: Хитови, преводи, DVD, DivX, оскари & актери...
URL: http://forum.idividi.com.mk/forum_posts.asp?TID=17132
Датум на принтање: 16.Ноември.2024 во 00:34
Верзија на софтверот: Web Wiz Forums 10.03 - http://www.webwizforums.com
Тема: Македонски војници во холивудски филм
Постирано од: ZOTE
Наслов: Македонски војници во холивудски филм
Датум на внесување: 22.Декември.2008 во 23:57
|
Три познати американски филмски компании ќе снимаат филм за првиот контигент на македонски војници во Ирак, кои спасија американски војници и за тоа добија американски воени одликувања.
Сценариото ќе биде според вистински настани, но имињата на македонските специјалци ќе бидат изменети заради нивна заштита. „Преговорите се при крај со три нивни филмски компании чии имиња не можат да ги соопштам, бидејќи преговорите се во тек. Мора да се доработи книгата со повеќе настани кои нив ги интересираат за американските војници“, изјавува еден специјалец. Филмските компании добиле идеја за филм по објавувањето на македонската книга за мисијата на македонските војници во Ирак, напишана од Методи Хаџи Јанев, припадник на АРМ, кој учествуваше во операцијата „Слобода за Ирак“ на почетокот на воените акции од јуни до декември 2003 година. „Ќе се третираат настаните за спасувањето на нивните војници во Ирак, доаѓањето на македонските војници на ирачко тло и нивните подготовките за мисијата. Мислам дека ќе бидат опишани 5 вистински акции на македонските војници“, додава изворот. Македонските војници ќе ги глумат американските актери кои ќе треба да го учат и македонскиот јазик за филмот да биде што пореален. Филмот има голема поддршка од голем број на американски конгресмени и сенатори кои на средината од годинава ја добија англиската верзија на книгата. „Книгата е однесена во Америка и е раздадена на конгресмените и нивните сенатори. Значи, околу 500 примероци веќе се таму раздадени“, вели изворот. Доколку филмот, кој треба да се појави идната година, доживее финансиски успех, филмските компании најверојатно ќе снимат и негово продолжение по теркот на воените филмови за војната во Виетнам. http://a1.com.mk/vesti/default.aspx?VestID=102024 видео http://www.youtube.com/watch?v=RL0JMIy2v0A |
Коментари:
Постирано од: ZOTE
Датум на внесување: 06.Јануари.2009 во 11:46
|
МАКЕДОНСКИТЕ КОМАНДОСИ - РАСКАЖУВААТ ЗА МИСИЈАТА ВО ИРАК
Пеколен пат до Вавилон За пет и пол години македонските војници извршиле повеќе од 1.600 борбени мисии во Ирак, но првото сеќавање им е пеколно жешкото сонце. Во Багдад стасавме во два по полноќ, со директен лет со американски авион. Се' беше затемнето зашто наоколу се пукаше, аеродромот беше напаѓан. Пилотот неколкупати се обидуваше да слета, но се откажуваше поради нападите. Кога слетавме и првпат стапнавме на ирачка почва, не' удри топол бран. Тоа беше првиот впечаток за Ирак. Топол бран и пукање. И по полноќ, температурата беше 30 степени - раскажува офицерот. ЗЕМЈА ВО ХАОС Откако ја истовариле опремата, македонските специјалци ја минале ноќта на аеродромот. Со утрото ги виделе и првите сцени од Ирак. - Кога зазори, во конвој тргнавме кон Таџи. Секаде каде што минавме владееше тотален хаос. Минувавме покрај запалени возила, американски тенкови, ирачки цивили... На сите страни се ширеше мирис на нечистотија и на изгорено, врелина и прав - вели „волкот“.Во базата во Таџи, Македонците го добиле најиздадениот објект на источната страна на огромниот комплекс, широк осум и долг 10 километри. Најблиската единица во базата била сместена на повеќе од три километри од македонските командоси. повеќе на следниот линк http://www.dnevnik.com.mk/?ItemID=F9CE3F25FA89A14C94589DCB4CCED722 |
Постирано од: Предраг
Датум на внесување: 26.Јуни.2009 во 12:31
| Фино,баш би сакал да го гледам,да не знаеш кога ќе биде достапен за смртниците? |
Постирано од: fiks
Датум на внесување: 28.Јуни.2009 во 06:32
|
А знае ли некој дали е веќе снимен филмот и на кои локации се снимал,актерска екипа и слично,некои податоци за него? ------------- Само шлаг пена ќе бидеме. Ни воздух,ни оган,ни вода,туку шлаг пена, само шлаг пена ќе бидеме и можеби неколку жолти ракии. |
Постирано од: brza
Датум на внесување: 02.Април.2011 во 11:53
|
....ochigledno propadnala idejata , inache , tuka vo site trubi ke se duvashe,koga bi bil gotov ..... ....samo,...1600 borbeni misii?!.....i pak,na site ,...site vlakna da im se na glavata?  ....''malku'' neverojatno zvuchi toa !  ------------- Patriotizmot e poslednoto skrivalishte na kriminalcite.-Albert Einstein  Mokjta od sekogash privlekuvala lugje so nizok moral.-Albert Einstein
|