Пронајдоците на охридскиот иноватор се уште не побудиле интерес кај фирмите за откуп на некоја од иновациите кои чинат по 50.000 евра. Ако овие уреди влезат во сериско производство, ќе чинат само стотина евра, а ќе бидат со голема заштеда на електричната енергија. Еден од изумите на Рац е и автоматскиот електронски конвертор кој работи со четири грејачи. Двете шипки работат една минута, а потоа електрониката ги командува другите две. По затоплувањето електрониката исклучува и повторно се повторува процесот со турбината. Заштедата на електрична енергија е 75%, односно ако сте плаќале струја 2.000 ден. со оваа иновација ќе платите 1.100 ден.

Иако се уште работи со сопствени средства издвоени од неговата скромна пензија, без помош од државата и фирмите, Рац најавува реализација на уште две нови иновации.
- Деветтата иновација сакам да биде турбо глава или турбо цилиндер во должина од 50 см. Овој турбо тунел ќе загрева со 80°топлина, а низ него ќе помине студена вода до радијатори, а до приватните куќи ќе стигне топла вода до 100°. Потрошувачката ќе биде еден киловат за 50 метри квадратни. Десеттата иновација би била електрична турбина која ќе произведува струја. Би трошела 300 вати на час, а би произведувала еден киловат, најавува иноваторот Рац, кој, по се изгледа, и овојпат материјалите за новите изуми ќе ги купи од својата скромна пензија од 6.000 ден. но и понатаму се надева дека ќе продаде барем една негова иновација.

„Наградениот проект е филтерска постројка за сулфур диоксид и димна прашина од големи централи и парни котли и наиде на големи пофалби”, изјави Поповски.

Гала свеченоста на која ќе бидат презентирани националните награди за 2009 година што традиционално ги доделува престижната австриска организација Енерџи Глоуб ќе се одржи попладнево на саемот во Прага. Поповски изрази очекување дека неговиот проект ќе биде широко применет, додавајќи дека за тоа ќе биде потребна и соодветна маркетинг поддршка.

„Првата реализација на проектот најверојатно ќе се случи во Македонија, бидејќи веќе имаме барање од Свети Николе“, додаде Поповски.

Престижното светско признание, кое Енерџи Глоуб, им го доделува на по еден иноватор во секоја држава во светот, на Поповски синоќа му ја врачи еврокомесарот за екологија Ставрос Димас.

„Конк*ренцијата беше многу силна. Меѓу 769 проекти од 111 држави, од Европа беа наградени 27, а меѓу нив и Македонија”, изјави Поповски, додавајќи дека признанието му е врачено под уставното име на државата.

„И ланската и оваа награда ја добив на ист начин. Ова е научна работа и тука немаше мешање на политиката. Немавме никакви проблеми од тој аспект”, изјави иноваторот Поповски.

На денешната гала церемонијата, на која ќе им биде оддадено признание на најдобрите светски еколошки проекти, ќе присуствуваат истакнати светски политичари и врвни експерти.

Поповски во 2008 беше награден за анаеробична станица за прочистување на комунални и индустриски води.