Во врска со оваа афера која ја бранува МПЦ и јавноста, македонскиот архиепископ Стефан молчи и не се наоѓа надлежен да ги објасни зделките со Миладинови и како дојде до тоа по втор пат на лицитација да го купи „Изгрев“ за еден и пол милион евра.

Да се потсетиме дека ГГ Стефан најпрвин тврдеше дека хотелот не е изгубен, а кога скандалот излезе во јавноста, беше лут на тие што го обелоденија и притоа изјави: „Времето и иднината ќе каже кој, зошто токму во ова време некој сака да ги прикаже, особено архиепископот, дека е криминалец, дека проневерил, дека отуѓил имот“.

Македонските владици остануваат збунети и без одговор за големите пари кои ги поседува скопската епархија на архиепископот Стефан. Тој заминува за Италија, што значи дека наскоро ќе нема синодска седница ниту објаснување.

И едно прашање до МПЦ и ГГ Стефан од кај ви се ПАРИТЕ кои очигледно ги имате во изобилие штом се однесувате така комотно и на таков начин се расфрлате со 1,5 милиони евра и зарем така безмилосно се трошат црковните пари, а од Владата и народот се бараат донации и помош при реконструкции на верски објекти и одржување на истите!???

Ете како заедничката фирма на МПЦ и Браката Миладинови се гриѓела за имотот со кој располага:

Од некогашно елитно место за рекреација и одмор со приватна плажа  струшкиот хотел Изгрев е претворен во ужас, насекаде трња и искршени стакла.

Од 2004 година, хотелот Изгрев кај месноста Калишта, еден од најелитните и најпосетувани хотели на охридското крајбрежје, препуштен е самиот на себе. Од хотелот остана само неговото скеле.

-Архиепископот даде информација дека Изгрев е купен од Скопската епархија и дека тоа е направено по легален пат. Ние немаме намера да се сомневаме дека хотелот е купен од Скопската епархија, а во таа епархија има тело задолжено за финансиските работи. За парите Архиепископот кажа дека се обезбедени од обврзници. Како и што, ќе ги прашате тие што го купиле хотелот. Јас имам толку информации и тоа ви го кажувам. Веројатно тој што го купува хотелот има намера и да го стави во функција, вели портпаролот на Синодот, г. Тимотеј.

Само едно нешто е нејасно, каде завршиле повеќе од 12 милиони евра пари, кои врз основа на хипотеки беа подигнати од неколку банки и како се купени обврзниците од 1,5 милиони евра за повторното купување на Изгрев.

Богата Црква, уште побогата епархија!