Само една нежна молба од сексипилниот глас на Никол Шерцингер (Pussycat Dolls) на тимското радио на Тимо, била повеќе од доволна причина за експресно притискање на педалата за кочење и пропуштање на Ветел и Хамилтон. Непристојниот предлогот кој Никол му го понудила на Глок останува непознат. Ќе беше фер доколку беше така, но сепак вистината е поинаква.

Луис Хамилтон е новиот светски шампион. Пилотот на Мекларен ја осигура титулата во последните стотина метри на трката за Гоелмата награда на Бразил, благодарение на пријателскиот гест на Тимо Глок, кој му го препушти петтото место. Фелипе Маса ја однесе победата, во рацето го држеше епитетот светски шампион се до самиот финиш...

Хамилтон ја осигура титулата апсолутно во последните метри од трката. Имено, беше на петтото место, но Фетел го мина на неколку кругови пред крајот и го помести на шестото место што за Хамилтон не беше доволно за титула. Но, само неколку метри пред целта, четвртопласираниот Глок наеднаш успори, ги пропушти Хамилтон и Фетел, па Британецот ја освои титулата во режија на Германецот Глок.

Фелипе Маса направи се што можеше, славеше пред домашната публика, но тоа не му беше доволно за конечно славје.

Маса на крајот освои десет бода, Хамилтон четири и на крајот пилотот на Мекларен има вкупно 99 бодови наспроти 98 колку собра возачот на Ферари.

Трката започна драматично, дождот во Бразил го одложи стартот десетина минути. Но набрзо дождот престана, а стазата брзо се исуши бидејќи температурата беше висока.

Но дождот на самиот крај повторно ја закомплицира ситуацијата на шест круга пред крај на трката. Возачите повторно отидоа во боксот по гуми за дожд. Кога Маса мина низ целта, Хамилтон сеуште беше на шестото место и почна неопишливо славје во Ферари. Но, потоа се појави Глок и режираше една од најинтересните завршници во Формула 1.

Ферари најдобри во пласманот на конструктори

Тимот на Ферари ја освои титулата во конк*ренција на конструктори со 172 освоени бода. Мекалрен на крајот е втор со 151 бод, а Кубица и Хајдфилд за БМВ Заубер собраа 135. Четврти е Рено, а петти Тојота.

Хамилтон првиот темномурест возач и најмлад светски шампион

Инаку, 22 годишниот Хамилтон е првиот темномурест возач во историјата на Формула 1 и најмладиот светски првак во тој спорт. Минатата сезона ја заврши на второто место со 109 освоени бода, а титулата за влакно му избега во последната трка.

Оваа година славеше во Австралија, Монако, Велика Британија, Германија и Кина.

Луис Хамилтон е деветиот британски возач кој ја освои титулата светски шампион, а ова е 25 пат во историјата одлуката за светски шампион да падне во последната трка од сезоната.