На 200 километри долгиот астероид 24 Themis, кој орбитира меѓу Марс и Јупитер пронајдени се големи количини мраз и органски состојки, објави стручниот магазин Nature.

Откривањето на ледот може да им помогне на научниците да утврдат дали водата на Земјата настанала од астероид. 24 Themis е простран и прекриен со тенок слој замрзната вода.

Два научни тима го користеа телескопот на НАСА со инфрацрвени зраци, кој се наоѓа на врвот на вулканот Maune Kee на Хаваи за да го набљудуваат астероидот 24 Themis. Истражувачите пронашле јасни хемиски знаци на мраз, вели Хумберто Кемпинс, професор по астрономија на Универзитетот во Флорида и предводник на истражувањето.

Откритието ги збунило научниците бидејќи Сонцето обично придонесува со испарување на мразот од површината на астероидите, особено оние кои се наоѓаат во близина на најсјајната ѕвезда. Сепак експертите утврдиле дека површинскиот мраз на 24 Themis постојано се обновува благодарение на водената пареа која избива од пукнатините на астероидот.

Натамошните истражувања на овој феномен би можеле да доведат до нови теоретски поставки за раните фази од еволуцијата на Сончевиот систем.

Научниците дојдоа до уште еден детаљ за тоа од каде произлегол животот на Земјата.

За прв пат на еден астероид беше идентификувана вода и органски материи.

Со користење на телескопи со инфра - црвени зраци на Хаваите, научниците открија големо количество мраз на астероидот познат како „24 Темис“, кој се наоѓа меѓу Марс и Јупитер.

Ова и дава дополнителен аргумент на теоријата дека пред милијарди години метерорите и астероидите кои удирале во земјата посеале вода и органски материи на неа.

Го прашавме Дејвид Морисон, директорот на центарот „Карл Саган“ - што ни открива ова за коцките од кои е направен светот?

Морисон: Знавеме дека животот не можел да се создаде од атмосферата на земјата, барем не целиот живот. Секогаш знаевме дека има некој надворешен извор кој донел вода и органски материи во раната историја на планетата пред четири милијарди години. До сега мислевме дека кометите се главниот извор, но сега може да се верува дека и астероидите носат таков материјал.

Би-Би-Си: Дел од теоријата со кометите не се вклопува со фактичката ситуација - нивниот состав не одговара сосема на она што може да се најде во раната историја на земјата!

Морисон: Па ние, се разбира, не знаме точно каква била ситуацијата на земјата кога тука немало живот. Знаеме нешто за елементите од кои била создадена, но тоа ви е како да сте на изградбата на некоја зграда - ги имате сите материјали околу вас, но тоа само по себе не прави зграда. Нешто друго морало да го придвижи процесот.

Би-Би-Си: Ако астероидите и кометите го посеале животот, дали ова откритие покажува дека нешто слично можело да се случи и на други места во универзумот?

Морисон: Токму така, ако овие „тули“ се чести во нашиот сончев систем тогаш има причина да се верува дека тоа ќе биде така и во други системи. Иако, да бидеме искрени, не сме имале прилика да погледнеме во детали во другите системи за да направиме проценка. Се’ што откривме во астрономијата последнава деценија не' охрабрува да веруваме дека има многу други системи со милиони планети во нашата галаксија - затоа ние ОЧЕКУВАМЕ животот да блика низ неа.