“Владата наскоро ќе пресече дали ќе склучи нов аранжман со ММФ. Немаме донесено конечна одлука. Ги разгледуваме сите опции. Македонија може и без аранжман со ММФ да води економска политика на многу одговорен начин. Можеме самостојно да постигнеме стабилност и пораст на економијата. Тоа не значи дека нема да соработуваме со Фондот. Како и секоја земја-членка на ММФ имаме права и обврски. Другата опција е да имаме лабав аранжман до зачленувањето во ЕУ, но можеме и без него. Опциите се отворени и не сме под притисок сега да одлучиме - изјави вчера министерот за финансии Трајко Славески.“

Останува да се надеваме дека нема да се вклучи нов аранжман. Работата е што тие се многу упорни, како да кажам, настојчиви, на извесен начин ги условуваат тие аранжмани. Словенија сепак ја има поддршката од ЕУ, можеби затоа и можеше да се спротивстави.

Оттаму потенцираат дека Македонија сега е веќе во позиција да не и треба поддршка на платниот биланс и дека при одлуката што понатаму во односите со ММФ ќе се гледа исклучиво интересот на земјава.
- Што и да се одлучи, ние како држава сме обврзани да даваме отчетност за монетарната и за фискалната политика - потенцираат од Министерството.

Македонија е членка на ММФ од 1992 година. Според податоците на Фондот од неговата веб-страница, првиот аранжман беше склучен во мај 1995 година (кога веќе била стабилизирана економската состојба во земјава). Тоа беше стенд-бај аранжман, кој траеше до јуни 1996 година. Потоа во април 1997 година е склучен ПРГФ-аранжманот кој траеше до април 2000. Уште еден ПРГФ-аранжман е склучен во декември 2000, кој и покрај тоа што беше предвиден на подолг рок, беше прекинат во ноември 2001 година. Во исто време, според официјалната страница на ММФ, имало и уште еден, поинаков аранжман, ЕФФ, кој почнал од ноември 2000, а завршил во исто време, во ноември 2001 година поради војната во земјава. Од ноември 2001 до април 2003 година земјава беше без аранжман во период од близу една и пол година. Новиот стенд-бај аранжман се склучи дури во април 2003 и траеше до август 2004. Веднаш потоа, во август 2004 година, пак, е склучен стенд-бај аранжман и тој траеше до 30 август годинава.

Во меѓувреме пред неполни две години, оваа Влада се раздолжи кон ММФ и Светска банка, отплаќајќи ги предвреме кредитите.

Еве и русите го критикуваат фондот, дека си презел преголеми ингеренции во сегашната глобална криза и дека дејствува како менаџер во земјите на кои им одобрува кредити, покрај финансиските, наметнувајќи им и политички услови.