Третата генерација на култната VW Beetle ја имаше премиерата пред и официјално да биде покажана на саемите во Шангај и во Њујорк.

Таа доаѓа 73 години по претставувањето на оригиналниот „beetle“ во 1938 година, модел што беше продаден во неверојатни 21,5 милиони примероци, и 13 години по дебито на „новата буба“ во 1998 година, која пак беше продадена во нешто повеќе од еден милион, чие пак производство беше прекинато на крајот од 2010 година. Конструиран е на истата платформа на која е и моделот Jetta.

Beetle е долг 4,28 м., и од претходникот е подолг за 15,2 см, а широке 1,81 м (+8,4 см) и висок е 1,49 м (-1,2 см). Најважен елемент во внатрешноста се уште е брзинометарор околу кој се групирани другите елементи.

Во средишната конзола се интегрирани радиото, навигацијата, и прекинувачите за клима уредот и вентилацијата. Слично како и оригиналниот Beetle, и оваа ретро верзија има мала преграда пред совозачот за оставање ракавици.

Beetle ќе има палета од пет мотори, и тоа сите со турбополнач, директно вбризгување и старт-стоп технологија. Три мотори се бензински, а два се дизелски. Серијски, со сите мотори доаѓа рачен шестстепен менувач, а со доплата сите мотори може да имаат и DSG со двојна спојка. Beetle ќе го покренуваат бензински мотори - 1,2 (105 КС), 1,4 (160 КС) и 2,0 (200 КС), а посилните верзии може да се препознаат по задниот дел кој секогаш ќе бие обоен со црна боја. Во понудата на дизелски агрегати се 1,6 (105 КС) и 2,0 (140 КС).