Антиматерија
Испечатено од: IDIVIDI forum
Категорија: Стил на живот
Име на форумот: Мистерии и астрологија
Опис на форумот: Хороскоп, сонови, гледање во кафе, во карти, во раце, во НЛО...
URL: http://forum.idividi.com.mk/forum_posts.asp?TID=14696
Датум на принтање: 21.Ноември.2024 во 18:34
Верзија на софтверот: Web Wiz Forums 10.03 - http://www.webwizforums.com
Тема: Антиматерија
Постирано од: javorka
Наслов: Антиматерија
Датум на внесување: 25.Јули.2008 во 09:13
|
Што мислите за антиматеријата? Дали е вистина или илузиорна лага? Дали науката достигнала до тоа ниво за да може да достигне да произведе, а истовремено да ја држи под контрола антиматеријата и да ја употребува за корисни цели, а не како најново супер оружје?
Акцелератор на честици за производство на антиматерија. Акцелераторот на честици е долг 27 километри, и се наоѓа во (ЦЕРН) Швајцарија, а зафаќа дел и од Франција, и е најголемата машина на светот. Акцелераторот на честички е голема кружна цевка во која се забрзуваат субатомските честици до 280.000 километри во секунда, забрзувајќи две честици во спротивна насока, а потоа судирајќи ги. Целосно забрзаните честици ја обиколуваат повеќе од десет илјади пати во секунда, пред да се судрат, и се создава антиматерија која е многу нестабилна и има огромна моќ. |
Коментари:
Постирано од: Анастеа
Датум на внесување: 25.Јули.2008 во 09:35
|
Тема за CERN има во подфорумот наука... http://forum.idividi.com.mk/forum_posts.asp?TID=14395&PN=1 - http://forum.idividi.com.mk/forum_posts.asp?TID=14395&PN=1
------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: javorka
Датум на внесување: 25.Јули.2008 во 10:42
| Temata mi e antimaterija a ne CERN TOJ SAMO JA PROIZVEDUVA PRASAV ZA NEA, SAMO DADOV OBRAZLOZENIE ZA TOA KOJ I STO JA PROIZVEDUVA |
Постирано од: Анастеа
Датум на внесување: 25.Јули.2008 во 10:49
Ок... знам што е темата, баш затоа сметам дека е посоодветно за неа да се дискутира во Наука... иако сеуште е недоволно испитана, сепак не мислам дека спаѓа во мистерии и астрологија, баш затоа што научно се работи на темата... ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: james dean
Датум на внесување: 25.Јули.2008 во 10:53
|
Нема ништо мистериозно околу антиматеријата, па така оваа тема би требало да биде во Наука, а не во мистерии. Веќе е докажано и експериментално дека антиматеријата постои и дека таа има потполно исти својства како што има и обичната материја... (Овие експерименти се правени уште во 50-тите и 60-тите год.) Разликата е само во различниот електричен полнеж. Па така ако имате позитивен набој, не постои причина зошто не би постоел и негативен. Имено, антиматерија на електронот e−, кој е негативно наелектризирана честица е позитронот e+. Значи позитронот има иста маса и исти својства како електронот, само што е позитивно наелектризиран. Исто така постои и антипротон, кој наместо да е позитивно наелектризиран е негативно... Па така антиматерија на елементот водород е антиводород кој е составен од еден антипротон и еден позитрон.... И тоа важи за сите елементи и честици кои постојат во природата. Кога би дошло до контакт помеѓу материјата и антиматеријата, би се случило поништување при ослободување на огромно количество енергија.... (затоа ова може да биде корисно за практични цели). Значи научниците велат дека е можно постоење на цели светови од антиматерија... односно цели галаксии, сончеви системи и сл... Она што не е доволно јасно е зошто при стварањето на Универзумот се создала повеќе материја од антиматерија, бидејќи шансите за нивно создавање се подеднакви.... а кога би се створиле во еднаква количина тие би се поништиле и на крајот не би останало ништо, освен чиста енергија.... Па затоа се мисли дека од некоја причина, за наша среќа, тој сооднос не бил еднаков, во корист на материјата... Но во секој случај не се исклучува можноста некои изолирани делови од универзумот, каде не дошло до контакт, да се составени токму од антиматерија. Имено, се мисли дека онаа позната експлозија во Тунгуска, која се случила во 1909 год., всушност била пад на метеор составен од антиматерија. ------------- |
Постирано од: Анастеа
Датум на внесување: 25.Јули.2008 во 11:14
Кратко и јасно... се разбира, James, кој секогаш има објаснување за се... Што ќе ни се учебници и книги кога те имаме тебе на форумов... ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: javorka
Датум на внесување: 25.Јули.2008 во 13:47
|
MNOGU FINO OBJASNETO
Гледав емисија на Дискавери .. за одвојување на количина на антиматерија која би била од значење би биле потребни стотици а може*и беше и илјадници години со денешнава технологија која сме ја имале.... патем мислам и дека светот не е на тоа ниво развиен за да ја има во свои раце антиматеријата и нејзината моќ ... |
Постирано од: james dean
Датум на внесување: 25.Јули.2008 во 13:59
|
Па вака сега... Точно е тоа дека е екстремно тешко да се создаде и уште потешко да се чува антиматерија, кога, како што реков, антиматеријата и при најмал контакт со материјата ќе експлодира во невидена експлозија на анихилација... Но нашиве научници се премногу паметни и смислиле начин како да ја "заробат" антиматеријата на "сигурен" начин. Тие имаат направено една вакуумска туба во која може да се чува антиматерија во мали количини (и тие тоа и го имаат постигнато), на тој начин што ја држат антиматеријата да лебди и да не се допира до ѕидовите на тубата со помош на магнето поле (или нешто слично, не сум сега сигурен). Но во секој случај се преплашив кога слушнав за ова, бидејќи и најмало испуштање од контрола може да предизвика катастрофални последици... ------------- |
Постирано од: којсумјас
Датум на внесување: 25.Јули.2008 во 14:01
|
Само мало дополнување на тоа што James , како и секогаш, на едноставен и разбилрив начин го објаснува.
Првиот доказ за постоење на антиматерија , поточно за постоење на позитрон - пар античестица со електронот е направено далечната 1932 година, за што Пол Дирак, инаку во тоа време професор на катедрата по математика на Кембриџ, наредната 1933 година добива Нобелова награда. Инаку Дирак поставил теорија, која е во склад со општата теоријата на релативност но и со квантната теорија, која математички објаснува зошто електронот има спин 1/2. Поимот спин е карактеристика која и се припишува на секоја елементарна честичка и наједноставно кажано се однесува на тоа како честичката изгледа кога ја гледаме од разни правци. Честицата со спин 0, изгледа исто ако ја гледаме од било кој правец. Честицата со спин 1 изгледа различно ако ја гледаме од различни правци, односно исто ако ја завртиме за цел круг т.е. 360 степени. Честицата со спин 2 изгледа исто ако се заврти за пола круг, значи за 180 степени итн. Интересно, електронот има спин 1/2, што значи дека ќе изгледа исто дури откако ќе се заврти за цели два круга -720 степени. Да не должам, сите познати честици може да се сместаt во две групи: - една со спин 1/2 - во која спаѓаат честиците кои ја сочинуваат материјата во вселената - друга со спин 0,1 i 2 во која спАѓаат честиците кои стојат во основа на четирите односно трите основни сили во вселената. Значи да се вратам на почетокот, од математичките формули на Пол Дирак со кои тој објаснува зошто електронот има спин 1/2, произлегува дека електронот има свој пар античестица- позитрон или антиелектрон, што подоцна и практично е докажано. Денес се знае дека секоја честица има свој пар- античестица. Нешто окулу количината на постоечката антиматерија, која несомнено ја има во вселената. Денес се смета дека материјата ја има многу повеќе отколку антиматеријата. Очигледен доказ се мноштвото галаксии кои можеме да ги видиме. Имено ако некои од нив се создадени од антиматерија, односно тоа би биле области каде има "јата" галаксии од антиматерија, тогаш на границите каде овие области ќе се допираат со областите на материја би доаѓало до судири и ослободување на многу големи количини енергија т.е. зрачења. Но ние тоа не го забележуваме. Очигледно материјата преовладува. Зошто? Има едно објаснување. Се смета дека законите на физиката се покоруваат на три посебни симетрии кои се нарекуваат C, P и T. C-симетријата вели дека законите на физиката важат како за честиците , така и за античестиците. P - симетријата вели дека законите се исти во било која ситуација и нејзиниот одраз во огледало. T - симетријата вели дека ако се заврти насоката на движење на честиците и античестиците, тогаш системот би требало да се врати во претходнта состојба. Ова е и најинтересната симетрија која практично кажува дека ЗАКОНИТЕ НА ФИЗИКАЅТА ТРЕБА ДА СЕ ЕДНАКВИ БЕЗ РАЗЛИКА ДАЛИ СЕ ДВИЖИМЕ НАПРЕД ИЛИ НАЗАД НИЗ ВРЕМЕТО. Како и да е, уште 1956 година двајца амерички физичари (не се сеќавам на имињата) претставиле теорија која вели дека слабата сила (една од четирите-пардон сега трите основни сли на природата) НЕ СЕ ПОКОРУВА НА СИМЕТРИЈАТА P. Тоа практично значи дека слабата сила би донела до друг развој на вселената од оној кој вели дека развојот би бил ист со одразот во огледалото- ако сакате симетричен со одразот во огледалото. Подоцна не само што се докажало дека ова е точно, туку се докажало и дека слабата сила НЕ СЕ ПОКОРУВА И НА СИМЕТРИЈАТА С. Тоа практично значи дека вселената создадена од античестици НЕ би се однесувала исто како вселената создадена од честици. Но (ептен се распишав), постои една математичка теорема која вели дека секоја теорија која е во согласност со оштата теорија на релативност а истовремено и со квантната механика, МОРА да се покорува на здружената симетрија CPT,што значи дека ако -честиците се заменат со античестици -ако се работи за нејзина слика во огледало и -ако се заврти насоката на течење на времето ВСЕЛЕНАТА БИ МОРАЛА ДА СЕ ОДНЕСУВА ИСТО. Меѓутоа, теоремата си е теорема. Подоцна се докажало дека ако -честиците се заменат со античестици -ако се работи за нејзина слика во огледало -НО НЕ СЕ ЗАВРТИ насоката на течење на времето, тогаш ВСЕЛЕНАТА НЕ БИ СЕ ОДНЕСУВАЛА ИСТО. Или ако сакате- кога времето би се ВРАЌАЛО НАНАЗАД-тогаш ЗАКОНИТЕ НА ФИЗИКАТА ЌЕ МОРААТ ДА СЕ СМЕНАТ-за нив не ВАЖИ СИМЕТРИЈАТА Т. (Ова како провокација на оние кои заговараат дека е можно враќање назад во времето...) Тука некаде лежат причините за постоењето на поголема количина материја од антиматерија. Имено, да претпоставиме дека од почеток на создавање на вселенета имало подеднакво материја и антиматерија. При ширењето на вселената, бидејќи има сили кои не се покоруваат на Т симетријата, следува дека овие сили би можеле да предизвикаат ПОВЕЌЕ АНТИЕЛЕКТРОНИ да се распаднат во КВАРКОВИ отколку ЕЛЕКТРОНИ во АНТИКВАРКОВИ. Понатаму, со ширење на вселнета антикварковите и кварковите би се поништиле межу себе, но во секој случај би ОСТАНАЛЕ ВИШОК НА КВАРКОВИ. Од тие кваркови е содадена вселената која ние денес ја познаваме... Уфф... Ако на некого му изгледа сложено... Точно е ... Но тоа е доказ дека вселената е многу посложена одколку што може да замислиме... Или ние не можеме да ја разбереме таква каква што е.. Очигледно МНОГУ нешта мора да бидат такви какви што се ...за да биде така како што е... ИМА ЛИ ТУКА МЕСТО ЗА СЛУЧАЈНОСТ... И дали господ навистина не си игра со коцки... |
Постирано од: james dean
Датум на внесување: 25.Јули.2008 во 14:15
Б Р А В О
Навистина браво за ова опширно и стручно објаснување... Иако е многу езотерично, мислам дека со понатамошни коментари и дообјаснувања може да им стане поразбирливо на сите... Затоа фала ти којсумјас што си се потрудил волку и вака да напишеш... ------------- |
Постирано од: james dean
Датум на внесување: 25.Јули.2008 во 14:43
|
Тука би сакал нешто да додадам што би можело да биде корисно да се знае... Имено она што ние го сметаме за вакуум - меѓуѕвездениот вселенски простор, всушност не е празен простор... Не е празен простор бидејќи тоа не го дозволува Квантната механика... Во тој случај би биле одредени неговата положба и брзина, што не е во согласност со Хајзенберговиот принцип на неодреденост. Па затоа во тој простор постојано, одненадеж и како од никаде, се појавуваат парови честици и античестици, кои за многу кратко време се поништуваат меѓусебе. (За античестиците понекогаш се вели дека се честици кои патуваат наназад во времето). Тоа време е толку кратко, што се вели дека универзумот "нема време" ниту да ги забележи... Па како тогаш ние (толку паметни) можеме да ги забележиме... Е па си има начин и за тоа... Појавувањето на овие виртуелни честици, како што се нарекуваат, понекогаш се случува во близина на црните дупки... па многу често се случува едната честица да "падне" во дупката, а другата да остане без пар за поништување, па да продолжи да "лута"... Ова ние го гледаме во вид на зрачење на црната дупка, кое го откри познатиот Стивен Хокинг и кој токму поради него рече дека црните дупки сепак не се толку црни... ------------- |
Постирано од: Анастеа
Датум на внесување: 25.Јули.2008 во 14:45
Па... браво и од мене... за другиот наш форумски научник...којсумјас...
Сложено е на прв поглед, барем за такви како мене што физиката не им е фах и подзаборавиле на тоа што го учеле во школо... Сепак, вака соџвакано, на готово е многу полесно за варење...
Во врска со проектот LHC, прочитав дека за заробување на таа антиматерија во тунелот е потребно (и се користи) многу јако магнетно поле. Околу овој проект е потребна извонредно голема прецизност, бидејќи како што се пишува на него може да влијае и силата на гравитационата привлечност од месечината на земјината површина, електрични “пречки“ како резултат на поминувањето на возови на 1км растојание... Што би се случило доколку нешто избега од контрола...
 Има и едно друго интересно прашање во врска со антиматеријата: кога со проектот LHC ќе успеат да креираат антиматерија, материја од ништо (како што “прави“ Господ?), и ќе се успее прецизно да се објасни и демонстрира Big Bang, ќе значи ли тоа паѓање во вода на “теоријата“ за Единствениот Креатор???...
Или сепак Господ си игра со коцки...  ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: james dean
Датум на внесување: 25.Јули.2008 во 15:03
|
Па Анастеа уште не сме сигурни дали таа материја е од ништо... Научниците понекогаш знаат да кажат дека не постои такво нешто како бесплатен ручек, но дека токму нашиот Универзум е тоа - бесплатен ручек... затоа што е создаден од материја која е "дојдена" од никаде... Како што пишав и погоре, Квантната механика дозволува создавање на материја од ништо, бидејќи на тој начин ја спречува недозволената одреденост... (така да кажам)... Но она што мене ми го мати паметот е тоа што не верувам дека законите на Квантната механика и воопшто сите други закони важат и надвор од овој наш Универзум, односно од пред тој да биде создаден... Но тука има уште нешто... Факт е дека нашиот универзум е повеќедимензионален... па можеби сите тие работи произлегуваат од тие димензии кои не можеме да ги видиме... Имено според Теоријата на суперструни, основата на целата материја се тие струни или жици, кои вибрираат во 10-то димензионалниот универзум. Секоја хармонија, односно секоја нота на тие жици е всушност некоја честица... Така вели барем теоријата... Значи целиот наш универзум и се што постои во него е всушност една голема синфонија... ------------- |
Постирано од: Анастеа
Датум на внесување: 25.Јули.2008 во 15:07
|
Да... Можеби симфонијата е премногу совршена за човечкото уво... затоа и не можеме докрај да проникнеме во нејзината суштина... и да ги разбереме сите нејзини ноти... ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: javorka
Датум на внесување: 25.Јули.2008 во 15:14
| NEGDE PROCITAV DEKA 1998 VISOKO ENERGETSKI DETEKTOR NA CESTICI AMS-01 E ISPRATEN NA DISCOVERY VO BEZUSPESNA DESETDNEVNA MISIJA ZA OTKRIVANJE NA EVENTUALNA ANIHILACIJA A I DEKA SE SPREMA OD MEGUNARODNATA VSELENSKA STANICA DA SE INSTALIRA NEGOV NADOGRADEN I OSETLIV NASLEDNIK AMS-02 I NEKOLKU GODINI BIDE IZLOZEN NA KOSMICKITE ZRACI ORBITA OD NEKOLKU STOTICI KILOMETRI NAD ATMOSFERATAVO POTRAGA ZA BILO KAKOV OBLIK NA KOSMICKA ANTIMATERIJA ,I DEKA KE GO MERI STRUENJETO NA SO NABOJ ANTICESTICKI I ANTIJADRA . POVEKE ZA TOA ??? |
Постирано од: james dean
Датум на внесување: 25.Јули.2008 во 15:17
|
Е па Анастеа, се смета дека за да можеме да проникнеме во суштината на симфонијата и да ги видиме жиците кои вибрираат треба да создадеме акцелератор кој е далеку, далеку помоќен од оној во CERN. Мислам дека енергијата која е потребна да ја достигне тој акцелератор е далеку од нешто што би можеле и да сонуваме да го постигнеме.... не само во овие моменти, туку и за илјадници години, бидејќи се работи за некоја енергија од квадрилиони електро-волти... (тоа се милиони милијарди)... нешто незамисливо... Односно тоа е енергија која во Универзумов била ослободена само еднаш - кога се случил Биг бенгот... а ние тешко да бидеме некогаш во можност "да го ресоздадеме Создавањето"... ------------- |
Постирано од: којсумјас
Датум на внесување: 26.Јули.2008 во 00:41
|
James , го дополни тоа што не успеав да го кажам, појавата на честичка и античестичка од празен простор, кој очигледно и не е баш толку празен.
Исто така и појавата на честичка и античестичка во "околината" на црната дупка наречена хоризонт на случувања. Тука има уште една интересна ситуација, бидејќи при ова голема е веројатноста да стварната честичката (материја) има позитивна енергија а античестичката негативна енергија. Како честичките ја напуштаат црната дупка (поточно делот кој се вика хоризонт на случувања), така античестичките пропаѓаат во неа , па сега црната дупка има се повеќе честички со негативна енергија. Ваквиот прилив доведува до СМАЛУВАЊЕ на масата на црната дупка поради поништувањето на негативната и позитивната енергија. Тоа практично значи дека црната дупка ЈА ГУБИ НЕЈЗИНАТА МАСА со текот на времето. Теоретски овој процес би траел се додека нејзината маса стане исклучително мала. Тогаш веројатно би требало да дојде до нејзина експлозија и едноставно да ја снема во облак на огромна енергија. За anastea, окулу дискусијата за Big Bang- James сосема коректно се повикува на теоријата на струните, која моментално дава веројатно најдобро објаснување за тоа зошто е вслената ваква како что ја познаваме. Но и не само тоа. Оваа теоприја предвидува и други работи - да не повторувам тоа што James веќе го кажа. Тоа дека во CERN ќе успата да ја докажат оваа теорија, е многу тешко- причините се јасни-не е можно да содадеме толкава енергија (повторно James убаво објасни). А тоа што било после Big Bang, има многу книги кои го објаснуваат -од првите милисекунди па натаму. Но тоа што било пред Big Bang, и дали воопшто имало нешто, е тема за дискусија. Постојат теории кои велат дека пред да се иницира големата експлозија едноставно постоела вселена како и оваа која ние сега ја познаваме. Таа се ширела , по почнала да се собира, достигнала состојба на сингуларитет, па експлозија итн. При ова се вели дека времето НЕ СЕ ВРАЌАЛО НАЗАД. Тоа едноставно и пред Big Bang постоело, па со почетокот на нашата вселена само продолжило во ист правец. Целата претпоставка, како и мноигу други кои досега ги објаснував имаат длабоки корени во вториот закон на термодинамиката и поимот на ЕНТРОПИЈА. Но тоа е веќе стварно друга и долга приказна. Како и да е, цврсто верувам дека ТВОРЕЦОТ мора да постои... Па макар што и да секој од нас подразбира под тоа... |
Постирано од: maria_magdalena
Датум на внесување: 26.Јули.2008 во 00:50
|
Нели во “Ангели и демони“ нешто се зборуваше за тоа? Целата работа беше за едно канистерче со антиматерија, во Швајцарија. Како и да е, на крајот “Рамбо“ ја спаси работата. ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: orlov
Датум на внесување: 26.Јули.2008 во 01:31
Па, Марија? нели тоа канистерче е дел од науката? Или можеби грешам? Доколку не грешам, значи канистерчето не е мистериозно. ------------- ,,СЕКОГАШ ВО СЛУЖБА НА ТАТКОВИНАТА,, |
maria_magdalena напиша:Постирано од: Анастеа
Датум на внесување: 26.Јули.2008 во 02:56
Канистерчето ич не е мистериозно, еве го тука на едно 100-тина километри од мене и кај да е овие денови ќе проработи (требаше во мај да почне експериментот, ама го одложија)...
Којсумјас, мојата дилема беше насочена повеќе кон тоа што било пред Big Bang?...Како и зошто дошло до него?.. Која била иницијалната каписла?.. Што имало пред тоа?.. Каде е тука антиматеријата?... И како, или од кого, или од што е создадена?...
Се извинувам за моите лаички прашања, ама сепак некои од нив сеуште немаат одговори... Би сакала да слушнам ваше мислење...
И може ли некој подетално да ја објасни теоријата на струните?...  ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: da be
Датум на внесување: 26.Јули.2008 во 06:39
пред Big Band имало Big Silence ------------- So, so you think you can tell Heaven from Hell? Да бе Go Ahead, make my day! |
Постирано од: javorka
Датум на внесување: 26.Јули.2008 во 10:41
| pred BIG BAND postoela samo kompaktna topka so ogromen volumen i gustina i jas toa si go zamisluvam kako da zemes da peces ovosna torta na sredina so mnogu primer sitno ovosje i so samoto pecenje toa se sirii i se siri na ista odalecenost samo sto za razlika od tortata vselenata nema centar |
Постирано од: Анастеа
Датум на внесување: 26.Јули.2008 во 10:41
Ова за во музика да не ти беше?...  ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: maria_magdalena
Датум на внесување: 26.Јули.2008 во 11:13
Не воопшто. Но тенка сум на ова поле со знаење  , повеќе сакам да читам за темава отколку да пишувам, имам многу нејаснотии околу антиматеријата.------------- МИСЛИТЕ СЕ ОСЛОБОДЕНИ ОД ДАНОК. |
Постирано од: da be
Датум на внесување: 26.Јули.2008 во 12:00
еве пак сум надвор  ------------- So, so you think you can tell Heaven from Hell? Да бе Go Ahead, make my day! |
Постирано од: којсумјас
Датум на внесување: 26.Јули.2008 во 14:21
|
anastea, многу прашања за кои нема целосни одговори. Да,навистина има и постојат разни теории, за една и напишав во претходниот пост, но тие секако не се целосни. Ќе набројам неколку одговори кои модерната физика ги зема како можни. Клучна улога во приказнава игра ТЕОРИЈАТА НА СТРУНИТЕ. Како прво таа ги обединува квантната механика и општата терија на релативност. Нешто што е од клучно значење за разбирањена законите на универзумот. На овој начин се избегнува сингуларитетот, што исто така многу важно. Имено СИНГУЛАРИТЕТ е состојба за која физичарите и математичарите претставува непремостлива бариера. Нема достојмо објаснување ШТО е тоа, тука се мешаат бесконечно големо со бесконечно мало, нула со бесконечност, и е всушност состојба за која може да се рече дека немаме никакви информации. Сили, енергија, материја - тоа се поими кои тука немаат значење. Теоријата на струните ја прескокнува оваа бариера,( патем таа подразбита постоење на 10 димензии и е плод на екстремно софистицирани математички равенки, но за неа друг пат.) Значи, од оваа теорија произлегува моделот за ЦИКЛУСНО РЕГЕНЕРИРАЊЕ НА ВСЕЛЕНАТА во една бескрајна низа на креации на една вселена која ние ја познаваме. Постои и понатамошна претпоставка дека овој циклус не се однесува само на нашата вселена, туку на еден комплексен мултиуниверзум кој е составен од многу вселени. При ова не е нужно сите тие да имаат исти закони, напротив голема веројатност е во нив да владеат РАЗЛИЧНИ закони. Едноставно кажано, да не должам многу, Big Bang не е ништо друго туку само судир на два универзума во 10 димензионален простор, при што тие биле без материја, значи се состоеле од празен простор. Од енергијата на судирот се ссоздала материјата односно се креирал универзум кој ние го познаваме. Бидејќи е ДОКАЖАНО дека универзумот има експандирачки карактер, односно се шири, еден ден тој толку ќе се рашири што просторот ќе биде празен. Тогаш, ајде вака наједноставно речено, ќе дојде до судир со некој друг соседен "празен" универзум и циклусот ќе се повторува во недоглед. Така, решен е проблемот со Big Bang а истовремено и со поимот на времето. Тоа постои од секогаш,ќе постои секогаш и се протега бесконечно. Следна теорија на оваа тема е теоријата на моделот со вечна инфлација,кој е поврзан со поимот ЕНТРОПИЈА, и навистина треба многу за да се објасни,почнувајќи од самиот поим па се до тоа што теоријата го предвидува. Просто кажано, повторно се работи за мултиуниверзум кој се состои од универзуми со различно ниво на ентропија, што резултира со нивен различит развој. Тие со висока ентропија не се развиваат, тие со ниска ентропија се развиваат во правец како нашиот универзум при што ентропијата постојано се зголемува (вториот закон на термодинамиката).Кога ќе експандираат до одредено ниво, овие универзуми, вклушувајќи го и нашиот, стануваат празен простор, па циклусот повторно започнува. Се разбира овие теории не даваат одговор на прашањето што има "надвор" од овие мултиуниверзумиин и на крај на краишта кога пак тие се создале. Ваквото размислување тешко дека има крај, но кој знае, можеби еден ден ќе има одговор на многу прашања. Само да потенцирам. Сите вакви теории во голема мерка (целосно да не речам)се базираат на сложени математички формулации и равенки и изведување ззаклучоци од нивните решенија. Тоа ме враќа на едно друго размислување дека природата сепак не се покорува на математичките закони, туку обратно, математиката треба да биде само орудие во рацете на оној кој бара одговор на прашањата за постоењето. Постојат и некои други "сфакања " за универзумот, но тие се повеќе од филозофска природа иако, повторувам иако со помош математиката може ЧУДА да се направат и да се изведат безброј равенки и заклучоци. Но тоа не значи дека сите тие имаат реална основа. И на крај да кажам дека сите овие теории , воопшто не се во судир со поимањето за ТВОРЕЦОТ. Затоа што ние НЕ ЗНАЕМЕ како се се случило, и зошто на крај на краишта вселената е таква каква што е, по макар и од поглед на мултиуниверзум кој е вечен , барем за наши помања на простор времето. |
Постирано од: orlov
Датум на внесување: 27.Јули.2008 во 00:02
Заинтересирај се и ќе видиш дека е ќиста наука. Нема потреба од црвеење. Се е другарски. Нема да ставаме оцени еден на друг. Тука се надополнуваме и учиме еден од друг, што воопшто не е срамно. ------------- ,,СЕКОГАШ ВО СЛУЖБА НА ТАТКОВИНАТА,, |
Постирано од: Анастеа
Датум на внесување: 27.Јули.2008 во 02:28
Мене ич не ми е срам да прашам кога нешто не знам... и не гледам зошто би било срамно... Посрамно е да не знаеш а да се правиш оти си сезнајко... Затоа и сме тука (не сите де), да се надополнуваме и да научиме нешто еден од друг, кој за што го бива... А од некои форумџии богами има што да научи човек...
Којсумјас, ти благодарам на исцрпното објаснување... Од сите овие теории, кои мене барем ми изгледаат нецелосни т.е. не даваат одговори на сите прашања, јас си изведов заклучок дека ако успее некогаш човекот да ја открие и да ја докаже УНИВЕРЗАЛНАТА теорија, која ќе даде одговор на сите прашања, ќе се открие и тајната на ТВОРЕЦОТ...
А можеби тоа ќе ни остане вечна загатка...
Или така треба да биде... ------------- http://www.youtube.com/watch?v=QCQTr8ZYdhg&feature=related" rel="nofollow - Прав сме и ќе бидеме. Ни воздух, ни оган, ни вода, туку земја, само земја ќе бидеме и можеби неколку жолти цветови. |
Постирано од: da be
Датум на внесување: 27.Јули.2008 во 07:30
za da razberesh edna sistema mora da si nadvor. Bidejki nie ne sme nadvor sekogash shte ima mnogo teorii i mnogo "moze bi" i sekosh neshto ke fali ------------- So, so you think you can tell Heaven from Hell? Да бе Go Ahead, make my day! |
Постирано од: maria_magdalena
Датум на внесување: 07.Август.2008 во 20:44
|
Што бидна со експериментот, дали го изведоа? ------------- МИСЛИТЕ СЕ ОСЛОБОДЕНИ ОД ДАНОК. |